ވިޔަފާރި / ބީއެމްއެލް

ބީއެމްއެލްއަށް މިދިޔަ ކުއާޓަރުގައި 247 މިލިއަން ރުފިޔާގެ ބޮޑު ފައިދާއެއް ލިބިއްޖެ

ބީއެމްއެލްގެ ހެޑް އޮފީސް: އެ ބޭންކަށް މިދިޔަ ކުއާޓަރުގައި ބޮޑު ފައިދާއެއް ލިބިފައިވޭ.

އަބްދުﷲ ޖަމީލު، މިހާރު

30 އޮކްޓޯބަރ 2017 - 10:39

12 comments

ބޭންކް އޮފް މޯލްޑިވްސް (ބީއެމްއެލް) އަށް މިދިޔަ ކުއާޓަރުގައި 247 މިލިއަން ރުފިޔާގެ ބޮޑު ފައިދާއެއް ލިބިއްޖެ އެވެ.

ރާއްޖޭގެ އެންމެ ބޮޑު ބޭންކުން މިއަދު ނެރުނު މިއަހަރުގެ ތިންވަނަ ކުއާޓަރުގެ ތަފާސްހިސާބުތައް ދައްކާ ގޮތުން ޖުމްލަ އާމްދަނީގެ ގޮތުގައި 547.7 މިލިއަން ރުފިޔާ ލިބިފައިވެ އެވެ. އެގޮތުން އިންޓަރެސްޓާއި އެހެނިހެން އާމްދަނީގެ ގޮތުގައި އެ ބޭންކަށް 343.9 މިލިއަން ރުފިޔާ ލިބިފައިވެ އެވެ. އަދި ފީ އާއި ކޮމިޝަނުން އާމްދަނީގެ ގޮތުގައި 182.5 މިލިއަން ރުފިޔާ ލިބުނު ކަމަށް އެ ހިސާބުތަކުން ދައްކަ އެވެ.

ބީއެމްއެލް އިން އާއްމުކުރި ތަފާސްހިސާބުތައް ދައްކާ ގޮތުން މިދިޔަ ކުއާޓަރުގައި ހިންގުމުގެ ހަރަދުގެ ގޮތުގައި 111 މިލިއަން ރުފިޔާ ހޭދަކޮށްފައިވެ އެވެ. އަދި ޕްރޮވިޝަނަށް 28.3 މިލިއަން ރުފިޔާ އުނިކޮށްފައިވެ އެވެ. އޭގެ އިތުރުން ޓެކްސްގެ ގޮތުގައި 80.8 މިލިއަން ރުފިޔާ ދައްކާފައިވާ ކަމަށް ވެސް އެ ހިސާބުތަކުން ދައްކަ އެވެ.

އެ ބޭންކަށް މިދިޔަ ކުއާޓަރުގައި ލިބުނު ކުރިއެރުމާ ގުޅިގެން ނެރުނު ނޫސްބަޔާނެއްގައި ބުނެފައި ވަނީ މި އަހަރު 300 މިލިއަން ރުފިޔާ މުޖުތަމައުތަކަށް އިންވެސްޓްކުރުމަށް ނިންމާފައިވީ ނަމަވެސް ވިޔަފާރީގެ މައިގަނޑު ހުރިހާ ދާއިރާއަކުން ރަނގަޅު ކާމިޔާބުތަކެއް ހޯދިފައިވާ ކަމަށެވެ. އަދި ލޯނު ދޫކުރެވުނު މިންވަރު ހަރުދަނާ މިންގަނޑެއްގައި ހިފެހެއްޓި، ޓެކްސްއަށް ކެނޑުމަށްފަހު ފައިދާގެ ގޮތުގައި 247 މިލިއަން ރުފިޔާ ވަނީ ލިބިފައިވާ ކަމަށާއި މިއީ އޭގެ ކުރީ ކުއާޓަރަށްވުރެ 35 ޕަސެންޓް މަތީ އަދަދެއް ކަމަށް ވެސް ބީއެމްއެލް އިން ބުނެފައިވެ އެވެ.

ބީއެމްއެލްގެ ސީއީއޯ އެންޑްރޫ ހީލީ ވިދާޅުވީ މި އަހަރު ފެށުނުއިރު މަސައްކަތް ކުރަމުންދިޔަ، ކާމިޔާބު ދުވެލީގައި އަހަރުގެ ބޮޑު ބައިގެ ވިޔަފާރި ކުރިއެރުމަކީ ލިބޭ ވަރަށް ބޮޑު އުފަލެއް ކަމަށެވެ.

"މި ކުއާޓަރުގައި އަޅުގަނޑުމެންގެ ކަސްޓަމަރުންނަށް އެކަށީގެންވާ ރަނގަޅު ހިދުމަތްތަކެއް ވީހާވެސް ގާތުން ފޯރުކޮށްދިނުމުގެ އަޒުމުގައި ގިނަ މަސައްކަތްތަކެއް ވަނީ ކުރެވިފައި. މިދަނޑިވަޅުގައި ކަސްޓަމަރުން އަޅުގަނޑުމެންނަށް ދެއްވާ އިތުބާރަށާއި ރާއްޖޭގެ އެކި ކަންކޮޅުތަކުގައި ހީވާގި ކަމާއި އަދި މަސައްކަތަށް އަހަމިއްޔަތުކަން ދީގެން ވަރަށް ބުރަކޮށް މަސައްކަތްކުރައްވާ އަޅުގަނޑުމެންގެ މުވައްޒަފުންނަށް ވަރަށް ބޮޑަށް ޝުކުރުދަންނަވަން. މި އަހަރު ކާމިޔާބު ކަމާއެކު ނިންމާލުމަށް އަޅުގަނޑުމެން ގަދަ އަޅާ މަސައްކަތް ކުރަމުންދާނަން،" އެންޑްރޫ ވިދާޅުވި އެވެ.

މުޅި ރާއްޖެ ހިމެނޭ ބޭންކިން ވިއުގަޔަކާއެކު 20 އަތޮޅުގައި 34 ބްރާންޗް، 31 ސެލްފްސާވިސް ބޭންކިން ސެންޓަރު، 90 އޭޓީއެމް، 4،600 ޕީއޯއެސް މާޗަންޓުން، 205 ކޭޝް އޭޖެންޓުން ހިމެނެ އެވެ.

ބީއެމްއެލް ބޭންކިން

12 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގުއިކާޅު

30 October 2017

ޙައުސިން ލޯނު ނުދެވެނީ އަދި ޢިންޓަރެސްޓު ކުޑަ ނުވަނީ ސަރުކާރުން ލޯނުނަގާތީ. ތި ބޭންކު ތެރެޔައް ސަރުކާރުން އަތްނުބާނާ ގޮތައް ހަދާނީ ކޮން ދުވަހަކުންތަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗިކުސް

30 October 2017

ރައްޔިތުމީހާ އަތުން ނަގާ އިންޓުރެސްޓް ކުޑަކުރާކަށް ނުޥޭތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަދުނާނު

30 October 2017

ބީއެމްއެލްއިން ލިބޭ ފައިދާ، އެ ބޭންކުން ދޭ ހިދުމަތުގެ ފެންވަރު ރަންގަޅު ކުރުމަށް އިންވެސްޓްކުރުމަކީ ވަރަށް ރަގަޅު ނިންމުމެއް. އަތޮޅުތަކުގައި އިތުރު ބްރާންޗް އަދި އޭޓީއެމް ހުޅުވުމުން ރައްޔިތުންނަށް ފައިދާވާނެ. އެހެން ކުންފުނިތަކުންވެސް މިގޮތަށް، މާލޭއިން ބޭރުގައިވެސް ހިދުމަތްދޭން ވިސްނަން އެބަޖެހޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަމް

30 October 2017

ދިވެހި ބޭންކްއަށް ސާބަސް. ފައިދާ އިތުރުވާވަރަކަށް އަތޮޅުތަކުގައި ބަހައްޓާފަ ހުންނަ އޭޓީއެމްތައް އިތުރުކުރަން ޖެހޭނެ. ތިގޮތަށް އަމަލުކުރަމުން ދާނެކަމަށް އުއްމީދުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލައިސާ

30 October 2017

މިއަހަރުގެ ފުރަތަމަ ދެ ކުއާޓަރގައިވެސް ބީއެމްއެލްގެ ލޯނު ދޫކުރެވުނު ނިސްބަތް އިތުރުވަމުން ދިޔަ ވާހަކަ އަޑުއެހިން. ތިން ވަނަ ކުއާޓަރގައިވެސް ހަމަ އެހެން. ހަމައެކަނި ހިއްސާދާރުންނަށް އުފާވެރި ޚަބަރަކަށް މިވަނީ ކީއްވެ؟ އިންޓަރެސްޓާ ކުޅެލަބަލަ ނިކަން. އާންމުން ހެއްވާލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިންތު

30 October 2017

ތީގައުމީ ބޭންކް ވިޔަފާރީގެ ގޮތުން ހޯދި ވަރަށް ބޮޑުކުރިއެރުމެއް. ފައިދާވާ ބޮޑު ބޭންކަކަށް ވެގެންނޫނީ ބީއެމްއެލް އަކަށް އެންމެ އެކަށީގެންވާ ރޯލެއް ނުކުޅެވޭނެ. ކުރިޔަށް އޮތްތަނުގައި ދިވެހިބޭންކް ރާއްޖޭން ބޭރުގައިވެސް ޚިދުމަތްތައް ދޭތަން ދެކެންބޭނުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުންނޫރު

30 October 2017

ރާއްޖޭގައި ބޭންކަކަށް ވާގޮތަށް ޙިދުމަތް ދޭ ހަމައެކަނި ބޭންކަކީ ބީއެމްއެލް. އަސްލު ޑޮލަރު ވިއްކަން މިހާރު ތިޔަ ގެންގުޅޭ ޕްލެޓްފޯމު އައިފަހުންވެސް ހާދަ ފައިދާއެއް އެބަވެޔޭ މިހާރު. ބޭންކަކީ އަބަދުވެސް ރައްޔިތުންނަށް ފައިދާ ވާ މަޝްރޫއުތައް ހިންގާ ތަނަކަށް ވާންޖެހޭ. މަރުހަބާ ބީއެމްއެލް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެނާންޑޯ

30 October 2017

ފައިދާ ތިން ގުނަ ކޮށް އަންނަ އަހަރުގެ ތެރޭގައި އިންޓަނޭޝަނަލް ބްރާންޗެއް ހުޅުވައިދެއްވާ. ލަންކާ އިންޑިޔާ އަދި މެލޭޝިޔާގައި އުޅޭ ދިވެހިންގެ ބޭންކިންގ ބޭނުންތަކަށް ބޭންކް އޮފް މޯލްޑިވްސްގެ ޚިދުމަތް ފުޅާކޮށްފިނަމަ ލައްކަ ފައިދާ ވެގެން ދާނެ. ރާއްޖެ ތެރޭ ރަށަކުން ވާ ފައިދާ ހަމަ ލިބޭނެ. އަދި އަހަރެއްގެ ތެރޭގައި ކިތައް ދިވެހިން މިގައުމުތަކަށް ދާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޅުދުއްފުށި

30 October 2017

ކޮންމެ އެއާޕޯޓަކުން ޑޮލަރު ލިބޭނެ އިންތިޒާމު ހަމަޖައްސައިދިނުން އެދެން،.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަންނަތު

30 October 2017

އަހަރުގެ ފުރަތަމަ ކޮޅު ރަގަޅު އިންވެސްޓްމަންޓްތަކެއް ރާއްޖެތެރޭގައި ފައިސާ ގެންގުޅޭ ރަށްތަކަށް ކުރުމުގެ ފޮނި ނަތީޖާ ކުރިޔަށް އޮތް ވިހި އަހަރުވެސް ބީއެމްއެލްއަށް ކުރާނެ. ހިއްސާދާރުންނަށް އުފާވެރި ޚަބަރުތަކެއް ކުރިޔަށް އެބަހުރި