އުރީދޫން ދާދިފަހުން ބޭއްވި އެ ކުންފުނީގެ އަހަރީ އާއްމު ޖަލްސާގައި ސީއީއޯ ނަޖީބް ޚާން އާއި ކުންފުނީގެ އެހެން ޑިރެކްޓަރުންތަކެއް.
31 އޮކްޓޯބަރ 2017 - 09:30
4 comments
ރޯމިން އާއި ޑޭޓާ އިން ލިބުނު އާމްދަނީ އިތުރުވެ، އުރީދޫއަށް މިދިޔަ ކުއާޓަރުގައި ލިބުނު ފައިދާ އޭގެ ކުރީ އަހަރުގެ އެ މުއްދަތަށް ވުރެ ހަ ޕަސެންޓް އިތުރުވެއްޖެ އެވެ.
ރާއްޖޭގައި ފުޅާ ދާއިރާއެއްގައި މުއާސަލާތީ ހިދުމަތް ދޭ ގަތަރުގެ ކުންފުނިން ނެރުނު މިއަހަރުގެ ތިންވަނަ ކުއާޓަރުގެ ތަފާސްހިސާބުތައް ދައްކާ ގޮތުން އާމްދަނީގެ ގޮތުގައި 450 މިލިއަން ރުފިޔާ ލިބުނުއިރު ސާފު ފައިދާގެ ގޮތުގައި 136 މިލިއަން ރުފިޔާ ލިބިފައިވެ އެވެ. މިއަހަރުގެ ދެވަނަ ކުއާޓަރުގައި އެ ކުންފުންޏަށް އާމްދަނީގެ ގޮތުގައި ލިބިފައި ވަނީ 441 މިލިއަން ރުފިޔާ އެވެ. އަދި ސާފު ފައިދާގެ ގޮތުގައި ލިބިފައި ވަނީ 134 މިލިއަން ރުފިޔާ އެވެ.
އުރީދޫއަށް މިދިޔަ ކުއާޓަރުގައި ހިންގުމުގެ ހަރަދަށް 229.6 މިލިއަން ރުފިޔާ ހޭދަކޮށްފައިވެ އެވެ. އަދި ޓެކްސްއަށް ކެނޑުމުގެ ކުރިން 160.8 މިލިއަން ރުފިޔާ ފައިދާގެ ގޮތުގައި ލިބިފައިވެ އެވެ. ޓެކްސްގެ ގޮތުގައި އެ ކުންފުނިން 24.6 މިލިއަން ރުފިޔާ ދައްކާފައިވާ ކަމަށް ތަފާސްހިސާބުތަކުން ދައްކަ އެވެ.
އުރީދޫގެ ތަފާސްހިސާބުތައް ދައްކާ ގޮތުން މި އަހަރުގެ ތިންވަނަ ކުއާޓަރު ނިމުނުއިރު އާމްދަނީގެ ގޮތުގައި 1.3 ބިލިއަން ރުފިޔާ ލިބިފައިވެ އެވެ. މިއީ މިދިޔަ އަހަރުގެ އެ މުއްދަތަށްވުރެ 13 ޕަސެންޓްގެ ކުރިއެރުމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެންޓަލިސްޓް
31 October 2017
ތިޔަކަމުގެ އުފަލުގައި 1 މަހުގެ ފޯންބިލް ފްރީކޮއްލަދޭންވީނޫންތޯ ؟؟ ދެންމަދުވާ ބައި މާރކެޓިންގބަޖެޓަށްލާނީ ،، އޭރުން ގިނަމީހުން ޖޮއިންކުރާނެ އުރީދޫއަށް ،،،، މިގޮތްކަމުނުދޭ ދޯ ؟؟ ވަރަށްވެދުން
އުނބުށެން
31 October 2017
އެމް.ޓީ.ސީ.ސީ. އިން ހިއްސާ ވިއްކާނެކަމަށް މާކުރިން އިސްތިހާރު ކޮށްފައިވަނިކޮށް ހުރި ލާރިކޮޅަށް އުރީދޫއިން ހިއްސާ ގަނެވުނީތީ އުފާކުރަމެވެ. އެހެން ނޫންނަމަ ލިބުނީހީ އެމްޓީޑީސީ. އިން ހިއްސާ ގަނެގެން ލިބުނު ލަނޑުކަންނޭގެއެވެ.
ަސދަސދ
31 October 2017
ތަންކޮޅެއް ބައިވަރު ތަފްސީލް ބޭނުންވޭ. ހިއްސާޔަކަށް މިދިޔަ ކްއާޓާރގައި ޖެހުނީ ކިިހާވަރެއް ؟ ވެބްސައިޓުން ހިއްސާއާއި ބޭހޭ ލިޔެކިޔުންތައް ފެންނާނެ ގޮތް ހެދުން މުހިއްމު.
ސަޖޯ
31 October 2017
6% އެއްނޫން %200 ވެސް ފައިދާ އިތުރުވާނެ. ނުހޯދާ ހިދުމަތަށް ވެސް ޗާޖު ކުރަމުން ގޮސް ކޮންމެ މަހަކުވެސް އޮންނަނީ ބިލު ބޮޑުކޮށްލާފަ. މެސެޖެއް ލިބެނީ މިވެނި ނަމްބަރަކަށް މެސެޖެއްކޮށްގެން ކެންސަލް ކުރާށޭ ނޫނީ ކޮންމެ ދުވަހަކަށް 2 ރުފިޔާ ޗާޖްކުރާނަމޭ. އެކަހަލަ ހަޔެއްކަ މެސެޖް އެބައާދޭ ކޮންމެ މަހަކުވެސް. ޝަކުވާކުރީމަ ބުނަނީ ތިކަން ހައްލުކުރެވޭތޯ އެބަ ބަލަމޭ.