ހެލިކޮޕްޓަރު ވެއްޓި ސައުދީ ޕްރިންސަކު އަވަހާރަވެއްޖެ

ހެލިކޮޕްޓަރު ވެއްޓުނު ހާދިސާގައި އަވަހާރަވި ޕްރިންސް މަންސޫރު ބިން މުގްރިމް.

ހަސަން އާމިރު، މިހާރު

06 ނޮވެމްބަރ 2017 - 10:53

ރިޔާޒް (ނޮވެމްބަރު 6) - ހެލިކޮޕްޓަރު ވެއްޓުމުގެ ހާދިސާއެއްގައި ސައުދީ އަރަބިއާގެ ޕްރިންސަކު އަވަހާރަވެފައިވާ ކަމަށް އަލް އަޚްބާރިއްޔާ ޓީވީ ޗެނަލުން ބުނެފި އެވެ.

ހެލިކޮޕްޓަރު ވެއްޓިފައި ވަނީ ސައުދީގެ ދެކުނުން ޔަމަނުގެ ބޯޑަރު ކައިރިއަށެވެ. މި ހާދިސާގައި އަވަހާރަވި ޕްރިންސަކީ އާސިރް ޕްރޮވިންސްގެ ގަވަރްނަރު އަދި ކުރީގެ ވަލީ އަހުދު މުގްރިން ބިން އަބްދުލް އަޒީޒްގެ ދަރިކަލެކެވެ.

ހެލިކޮޕްޓަރު ވެއްޓެން ދިމާވި ސަބަބެއް ޓީވީން ބުނެފައެއް ނުވެ އެވެ. އަދި ހެލިކޮޕްޓަރުގައި ތިބި އެހެން އޮފިޝަލުންނާ ބެހޭ މައުލޫމާތު ހާމަކޮށްފައެއް ނުވެ އެވެ.

ހެލިކޮޕްޓަރު ވެއްޓުމުގެ ހާދިސާއެއްގައި ޕްރިންސަކު އަވަހާރަވެފައިވާ އިރު ސައުދީ އަރަބިއާގައި ހޮނިހިރު ދުވަހު ވަނީ ބައެއް ވަޒީރުން މަގާމުން ދުރުކޮށް ކޮރަޕްޝަނުގެ ތުހުމަތުގައި ގިނަ އަދަދެއްގެ ޕްރިންސުން ހައްޔަރުކޮށްފަ އެވެ. އަދި މި ހާދިސާ ހިނގާފައި ވަނީ ޔަމަނުގެ ހޫތީން ރިޔާޒަށް ފޮނުވި މިސައިލް ހަމަލާއެއް ނާކާމިޔާބުކޮށްލާފައި ވަނިކޮށެވެ. ހޫތީގެ ލީޑަރުން ހައްޔަރު ކުރަން އެހީވާ ބަޔަކަށް 30 މިލިއަން ޑޮލަރު ދޭނެ ކަމަށް ސައުދީން ވަނީ އިއުލާންކޮށްފަ އެވެ.

ސައޫދީ އަރަބިއްޔާ ޝާހީ އާއިލާ

6 ކޮމެންޓް, 40 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަޅިބައިސާ

06 November 2017

ދުނިޔޭގެ ކޮއްމެ ކަމަކަށްވެސް ފެށުމެއް އައިފަދައިން ނިމުމެއްވެސް އަންނާނެ. މިއީ ދުނިޔޭގެ ޤާނޫނު. ސައުދީގެ ގަދަމީހާވެސް އަދި ސައިޒްވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިމިގުރާތީ

06 November 2017

ކޮބާ އެއްކަލަ އާޓިކަލްތަކުގަ ޑިމޮކްރަސީއަށް މަލާމާތް ކުރާ ކުދިންކޮޅު؟ ވެރިކަމުގަ ބަގުޑި ބައްދަންވީމަ ޝާހީ އާއިލާގެ އެއް ގޮފިން އާއިލާގެ އަނެއްބައި މީހުން ޖަލަށްލާ އަނެއްބަޔަކު މަރާ މިއީ ވަރަށް ރީތި ގޮތެއް ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނައީ

06 November 2017

ކޯޅުމުގެ ވާހަކަ ދައްކަނީ ކޯޅޭނެ އިދިކޮޅަށް ބަސް ބުނާނެ އެކަކުވެސް ނުބަހަށްޓާ އެއޮއްގެން ހައްޔަރުކޮށް ނަގަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޮޑަފްް

06 November 2017

ވެއްޓުނީތަ. ވައްޓާލީތަ. ގެއްލުނީތަ. ގެއްލުވާލީތަ. މިހިރީ ހައްތަހާވެސް ސުވާލު. ސައުދީ ވެސް މިހާރު ހިންގަނީ ބްރޯއެކޭ. އެހެންވީމަ ވަކި ތަފާތެއް ނާންނާނެއެއްނު.