އެއް ދުވަހުން 25 ބިލިއަން ޑޮލަރުގެ މުދާ ވިއްކައިގެން އަލީބާބާ ރެކޯޑް ހަދައިފި

ސިންގަންސް ޑޭ އިވެންޓުގެ ތަފާސްހިސާބުތައް ހާމަ ކުރަނީ، މި އަހަރު 25 ބިލިޔަން ޑޮލަރުގެ މުދާ ވިއްކި.

އަލީ ޝިނާން، މިހާރު

13 ނޮވެމްބަރ 2017 - 08:10

ޗައިނާގެ މަޝްހޫރު އޮންލައިން ވިޔަފާރި ވެބްސައިޓް، އަލީ ބާބާ އިން އެއް ދުވަހުގެ ތެރޭގައި 25 ބިލިޔަަން ޑޮލަރުގެ މުދާ ވިއްކައިގެން ރެކޯޑް ހަދައިފި އެވެ.

އަލީބާބާ އިން ރެކޯޑް އަދަދަކަށް މުދާ ވިއްކީ، 2009 ވަނަ އަހަރުން ފެށިގެން ކޮންމެ އަހަރެއްގެ ނޮވެމްބަރު 11 ވަނަ ދުވަހު އެ ކުންފުނިން ފާހަގަ ކުރަމުން އަންނަ "ސިންގަލްސް ޑޭ" އިވެންޓުގަ އެވެ. މި އިވެންޓަކީ، ކޮންމެ މީހަކު ވެސް އަމިއްލަ ނަފްސަށް ހަދިޔާއެއް ގަތުމަށް ބާރު އަޅާ އިވެންޓެކެވެ.

މީޑިއާ ރިޕޯޓްތައް ބުނާގޮތުގައި މި އަހަރުގެ ސިންގަލްސް ޑޭ އިވެންޓަކީ، އޮންލައިން ވިޔަފާރީގެ ތާރީހުގައި އެއް ދުވަހުގެ ތެރޭގައި، އެއް ސައިޓަކުން އެންމެ ގިނަ މުދާ ވިއްކި ދުވަހެވެ. މިދިޔަ އަހަރު ސިންގަލްސް ޑޭގައި 17.8 ބިލިޔަން ޑޮލަރުގެ މުދާ ވިއްކައިގެން ވެސް ރެކޯޑް ހޯދި އެވެ.

އަލީބާބާ ގުރޫޕްގެ ވެރިޔާ ޖެކް މާ: ސިންގަލްސް ޑޭގެ ކާމިޔާބީ ފާހަގަ ކުރުމުގެ ތެރެއިން.

ތަފާސްހިސާބުތަކުން ދައްކާ ގޮތުގައި، މިދިޔަ ހޮނިހިރު ދުވަހު ބޭއްވި ސިންގަލްސް ޑޭ އިވެންޓް ފެށިތާ ތިން މިނެޓުގެ ތެރޭގައި 1.5 ބިލިޔަން ޑޮލަރުގެ މުދާ ވިއްކި އެވެ. އަދި ދެ ގަޑިއިރުގެ ތެރޭގައި 12 ބިލިޔަން ޑޮލަރުގެ މުދާ ވިއްކި އެވެ. އަދި 13 ގަޑިއިރުގެ ތެރޭ 18 ބިލިޔަން ޑޮލަރުގެ މުދާ ވިއްކި އެވެ.

މި އަހަރުގެ ސިންގަންލްސް ޑޭ އިވެންޓަށް އެހާ ޑިމާންޑް ބޮޑުވީ، އެ އިވެންޓް ޕްރޮމޯޓް ކުރި ގޮތުން ކަމަށް ބައެއް ތަޖުރިބާކާރުން ބުނެ އެވެ. އެގޮތުން މި އަހަރުގެ އިވެންޓް ޕްރޮމޯޓް ކޮށްފައިވަނީ އަލީބާބާގެ ވެރިޔާ ޖެކް މާ އެކްޓްކޮށްފައިވާ، "ގޮންގް ޝައު ޑާއޯ" ކިޔާ މާޝަލް އާޓްސް މޫވީއަކުންނެވެ.

ސިންގަލްސް ޑޭގެ ކާމިޔާބީ އެންމެ ބޮޑަށް ފާހަގަވާނީ، ދުނިޔޭގެ އެންމެ މަޝްހޫރު ވިޔަފާރީގެ ދެ ދުވަހުގެ ގޮތުގައި ފާހަގަ ކުރެވޭ "ބްލެކް ފްރައިޑޭ" އަދި "ސައިބާ މަންޑޭ"ގެ ސޭލްސްއާ އަޅާ ކިޔާލުމުންނެވެ. އެގޮތުން އަލީބާބާ އިން އެ ދެ ދުވަހު ކޮށްފައިވާ ވިޔަފާރި އެއްކޮށްލުމުން ވެސް އަރަނީ 6.45 ބިލިޔަން ޑޮލަރަށެވެ.

ޗައިނާ ޝޮޕިން

5 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ލެޑް

13 November 2017

މަވެސް އެދުވަހު އަލީ ބާބާ އިން 12 ސޯލާ ލެޑް ލައިޓް ގަތީ މެވެ.16 ލެޑްގެ ސެންސަރު ލީ ލައިޓެއް 100 ދިވެހި ރުފިޔާ އަށެވެ.މަ އޭތި ބޭނުން ކުރާނީ ފަޅު ރަށެެއްގައި މަގު ދިއްލާށެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަރެއް ފެށުމުގެ

13 November 2017

އެޕަލްއަށްރޮވިދާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާމިނަ

13 November 2017

އޯޑަރ ކޮށްފައި ހުރި ބައިތައް ކާޑުން އެއްދުވަހެއްގައި ކަނޑާލެވޭގޮތަށް ހެދިދާނެ. އޭރުން ޙަބަރު އަންނާނީ މިކަހަލަ ގޮތަކަށް. ނަމަވެސް ކުންފުނީގެ ފައިދާ އެހެން އަހަރުތަކޭވެސް އެއްފަދައިން އިތުރު ނުވަތަ ދަށްވާނެ.