ޓީޗާސް ކޮންފަރެންސް ކާމިޔާބު، މުހިއްމު މަޝްވަރާތަކެއް ކުރެވުނު: ޝަފީއު

ޓީޗާސް ކޮންފަރެންސް ބޭއްވުމުގައި އެހީތެރިވެދެއްވި ބޭފުޅަކަށް، އެޑިއުކޭޝަންގެ ސްޓޭޓް މިނިސްޓަރު ޝަފީއު (ވ) އެވޯޑު ހަވާލުކޮށްދެއްވަނީ.-- ފޮޓޯ: ހުސެއިން ވަހީދު/ މިހާރު

އާސިމާ ނިޒާރު، މިހާރު

13 ނޮވެމްބަރ 2017 - 19:30

3 comments

ޓީޗަރުންނަށް ހާއްސަކޮށްގެން ބޭއްވި ބައިނަލްއަގުވާމީ ކޮންފަރެންސް ކާމިޔާބު ކަމަށް އެޑިއުކޭޝަން މިނިސްޓްރީގެ ސްޓޭޓް މިނިސްޓަރު އަހުމަދު ޝަފީއު މިއަދު ވިދާޅުވެއްޖެ އެވެ.

ކިޔަވައިދިނުމުގެ ފެންވަރު މަތިކޮށް، ދިމާވާ މައްސަލަތައް ދެނެގަނެ އެ ކަންކަމާ މެދު ފުޅާ ދާއިރާއެއްގައި މަޝްވަރާކުރަން ނެޝަނަލް އިންސްޓިޓިއުޓް އޮފް އެޑިއުކޭޝަން (އެންއައިއީ) އިން އިއްޔެ ފެށި ކޮންފަރެންސް ނިންމުމުގެ ރަސްމިއްޔާތުގައި ޝަފީއު ވިދާޅުވީ ތައުލީމާ ގުޅޭ މުހިއްމު ކަންތަކާގުޅޭ ގޮތުން ޕޭޕަރުތައް ހުށަހަޅައި އެކަންކަމަށް މަޝްވަރާކޮށްފައިވާ ކަމަށެވެ.

އޭނާ ވިދާޅުވީ ދެ ދުވަހުގެ މި ކޮންފަރެންސުން ވެސް ޓީޗަރުންނަށް ވަރަށް ބޭނުންތެރި ކަންތައްތަކެއް ދަސްވެގެން ދާނެ ކަމަށެވެ.

ޝަފީއު ވިދާޅުވީ ދަރިވަރުންނަށް ކިޔަވައިދިނުމަކީ ހަމައެކަނި ޓީޗަރުންގެ ޒިންމާއެއް ނޫން ކަމަށާއި މުޅި މުޖުތަމައު ވެސް އެކަމުގައި ޝާމިލްވާ ކަމަށެވެ.

ޓީޗާސް ކޮންފަރެންސް ނިންމުމުގެ ރަސްމިއްޔާތުގައި ބައިވެރިވެވަޑައިގެންނެވި ބައެއް ބޭފުޅުން.-- ފޮޓޯ: ހުސެއިން ވަހީދު/ މިހާރު

މި ކޮންފަރެންސްގައި އިންޑިއާ، ޕާކިސްތާން، މެލޭޝިއާ އަދި އިނގިރޭސި ވިލާތުގެ ތައުލީމީ ދާއިރާގައި މަސައްކަތް ކުރައްވާ ބައެއް ބޭފުޅުން ވެސް ބައިވެރިވެ ވަޑައިގަތެވެ. އެ ބޭފުޅުންނާ އެކު ކޮންފަރެންސްގެ ބައިވެރިންގެ އަދަދު 220 އަށް އަރަ އެވެ.

މިއަދުގެ ރަސްމިއްޔާތުގައި ވަނީ ކޮންފަރެންސް ކުރިއަށްގެންދިއުމުގައި އެހީތެރިވެދެއްވި ބޭފުޅުންނަށް ސެޓްފިކެޓް ހަވާލުކޮށްފަ އެވެ.

ޓީޗާސް ކޮންފަރެންސަކީ ކޮންމެ ދެ އަހަރަކުން އެއް އަހަރު ބާއްވަމުން އަންނަ ކޮންފަރެންސެެކެވެ. މީގެ ފަސް ވަނަ ކޮންފަރެންސް 2019 ވަނަ އަހަރު ބާއްވާނެ ކަން އެޑިއުކޭޝަން މިިނިސްޓްރީން މިއަދު ވަނީ އިއުލާނުކޮށްފަ އެވެ.

ތައުލީމް ޓީޗަރުން އެޑިއުކޭޝަން މިނިސްޓްރީ އަހުމަދު ޝަފީއު

3 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހޮޅި

14 November 2017

ތަޢުލީމީ ދާއިރާއަށް ކުރިއެރުން އައިވާހަކަ ބުނާއިރަށް 2013 ގައި 48 ޕަސެންޓުން 70 ޕަސެންޓުގެ ކުރިއެކުން އައިކަމަށް ބުނާއިރު އެއީ ކަނޑައެޅިގެން ދޮގެއް! މިމީހުން ކަންކުރާގޮތަކީ ގްރޭޑް 10 ނިންމާ 18 ކުދިން ތިބޭ ކުލާހަކުން ޖީސީ އޯލަވެލް އެގްޒާމުގައި ބައިވެރިވުމުގެ ފުރުޞަތު މިދެނީ އެންމެމޮޅު 5 ކުދިން ނުވަތަ... ތިބި އެންމެ މޮޅުކުދިން. ދެން މިގޮތަށް ހެދީމާ އިމްތިހާނު ހަދާ ކުދިންގެ ތެރެއިން ފޭލިވާ ޕަސެންޓް ދައްވެފައި ފާސް ޕަސެންޓް މަތިކޮށް ދައްކާނެ. މީ މިމީހުން ކަންކުރާ ގޮތަކީ! ދެންކޮބާ؟ އަނެއް 13 ކުދިން. އެކުދިންނަށް ހަދާގޮތަކީ ބީޓެކޭ ސީޓެކޭ ކިޔާ ބެލެނިވެރިން ގުނބޯހައްދައިގެން ކުދިންގެކުރިމަގު..... މިގޮތުން ފާސްވާ ޕަސެންޓް މަތިކުރނީ. މީހަގީގަތް ކޮންމެ މީހަކު ކޮންމެ އެއްޗެއްކިޔަސް! ދެންއަތް ޖަހާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝާފީ

14 November 2017

ރާއްޖޭގައި އުޅެނީ ވަރަށް ސެލްފް ޕްރެއިސިންގ އަށް ލޯބިކުރާ ޓީޗަރުންތަކެއް. އެމީހުންނަށް އެހެން މީހުން ތައުރީފުކުރުމަށް ލޯބިކުރާ، އަދި ތައުރީފުނުކޮށްފިނަމަ އެކަމާއި ހިތްހަމަނުޖެހި އެއީ ޓީޗަރުންގެ އަގުވަޒަންނުކުރުން ކަމަށް ދެކޭ ބަޔެއް މިތާނގައި މިއުޅެނީ.