އެމްޓީސީސީގެ ބަހުގެ ހިދުމަތަށް ވެސް ދަތުރު ކާޑު ތައާރަފްކުރަނީ

އެމްޓީސީސީން ހުޅުމާލެ އާއި ހުޅުލެއާ ދެމެދު ދަތުރުކުރާ ބަހުގައި ހަރުކޮށްފައިވާ ދަތުރު ކާޑު މެޝިންގައި މީހަކު ކާޑު ޖައްސާލަނީ: އެ ކާޑު ބަސްތަކުގައި ބޭނުންކުރަން އަންނަ އަހަރު ކުރީކޮޅު ފަށާނެ. ފޮޓޯ: އެމްޓީސީސީ

އަބްދުﷲ ޖަމީލު، މިހާރު

10 ޑިސެމްބަރ 2017 - 14:13

6 comments

އެމްޓީސީސީން ދެމުން އަންނަ ހުޅުމާލެ ފެރީ ހިދުމަތުގައި ބޭނުންކުރާ "ދަތުރު ކާޑު" ބަހުގައި ވެސް ބޭނުންކުރޭ ގޮތަށް ހެދުމުގެ މަސައްކަތް ފަށައިފި އެވެ.

އެ ކުންފުނީގެ ޓްރާންސްޕޯޓް ސާވިސް ޑިޕާޓްމަންޓްގެ އެގްޒެކްޓިވް މުހައްމަދު ނާޒިމް މިއަދު ވިދާޅުވީ ބަހުގެ ޚިދުމަތުގެ ތެރޭގައި ދަތުރު ކާޑު ހިމެނުމަށް، އެއާޕޯޓް ބަހުގައި އޮޓޮމެޓިކް ފެއާ ކަލެކްޝަން ސިސްޓަމް ހަރުކޮށް މިދިޔަ މަހުގެ ތެރޭގައި ޓެސްޓުކޮށްފައިވާ ކަމަށެވެ. އަދި އަންނަ އަހަރު ކުރީކޮޅު ބަހުގައި އެ ޚިދުމަތް ބޭނުންކުރަން ފެށޭނެ ކަމަށް ވެސް އޭނާ ވިދާޅުވި އެވެ.

"އޭރުން ހުޅުމާލޭގެ ފެރީގެ އިތުރުން ބަސްތަކާއި ވިލިމާލޭ ފެރީގައި ވެސް އެ ކާޑު ބޭނުންކުރެވޭނެ. މި މަސައްކަތްކުރަނީ ހުރިހާ ސާވިސްއެއްގައި ދަތުރު ކާޑު ބޭނުން ކުރެވޭނެ ގޮތް ހެދުމަށް،" ނާޒިމް ވިދާޅުވި އެވެ.

"ވިލިނގިލީ ފެރީ ޓާމިނަލްގައި އޮޓޮމެޓިކް ފެއާ ކަލެކްޝަން ގޭޓްތައް ހަރުކުރުމާއެކު ދަތުރު ކާޑުގެ ހިދުމަތް ދޭން ފެށުމަށް ވެސް ކުންފުނިން އަންނަނީ ތައްޔާރުވަމުން. އެމްޓީސީސީން ހުޅުމާލޭގައި ދެމުން އަންނަ އެއާޕޯޓް ބަހުގައި އޮޓޮމެޓިކް ފެއާ ކަލެކްޝަން ސިސްޓަމް ހަރުކުރެވި ޓެސްޓުކުރުމުގެ މަސައްކަތްތަކެއް ވަނީ ކާމިޔާބު ކަމާއި އެކީ ކުރިޔަށް ގެންގޮސްފައި،" އެ ކުންފުނިން ބުންޏެވެ.

އެމްޓީސީސީގެ ދަތުރު ކާޑު މިވަގުތު ބޭނުންކުރެވެނީ ހަމައެކަނި ހުޅުމާލޭ ފެރީ ހިދުމަތުގަ އެވެ.

ބަހުގެ ޚިދުމަތް ހުޅުމާލެ އެމްޓީސީސީ

6 ކޮމެންޓް, 16 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އައްޔު

11 December 2017

މިމީޙުން މީ ކިހިނެތް ކަންކަންކުރާބައެއްތަ ؟ އެކިޔާ ދަތުރުކާޑުން ހަމައެކަނި ކެނޑެނީ އެންމެ އާދައިގެ ފެރީ އެކަނި އެއަރކޯންފެރީ އަދި އެކްސްޕްރެސް އަށްވެސް މިކާޑުންް ފައިސާ އެއްނުކެނޑޭ މަށައްހީވަނީ އެކަންހެން ފުރަތަމަ ކުޜާންވީ އެއްހޯލް ތެރެއިން ގިނަ ނުވަތަ އެއްމެ ސާރވިސްއަކަށް މިކެނޑެނީ ދެން ކީކޭދޯ ބުނާނީ .......... 40 އަހަރުވީ ފެރީ ހިދްމަތް ދޭތާ އެކަމް ދުވަހަކުވެސް ސެދިއުލްއަށް ދަތުރުކުރެވޭކަމަކށްނުވޭ ........ މިކަމަށްވެސް އިތުރު ބަޔަކު ނެރެންވީ އޭރުން ދިރާގު/އުރީދޫ ގެ ތަފާތުކަހަލަ ތަފާތެއް ފެންނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނ

10 December 2017

ހުޅުމާލޭގަ މީހުން އުޅޭ އަދަދަށް އެމް.ޓީ.ސީ.ސީ އެކަނި ހިދުމަތް ނުދެވޭނެ. މިހާރުވެސް ހެނދުނު ކުޑަކުޑަ ފެރީއެއް މިލިބެނީ އޮފީހަށްދާން.. ދޭހާއަތްވެއްގަ ތިބެގެން 25 މިނުޓް ވާއިރުވެސް ނުދެވޭ.. އެވަރުންގޮސް ފަޅަށްނުވަދެވިފަ އެތައް އިރަކު އޮވޭ.. ދެން ހިދުމަތޭކީމަ އަހަރެމެން ލޭ ކެކުންނޫން ކަމެއްނުވޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާސިދު

10 December 2017

ކުރީގަވެސް ބަހުގަ ތިޔަޚހިދުމަތްދިން.ދުވަސްކޮޅެއްނުވެ މައްސަަލަ ޖެހިއްޖެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެނޭދޯ

10 December 2017

ކޮބާ ތަމެން ރަންރީނދޫ ޓްވިޓަރޭ މެންނަށް ފެނޭތޭ. އެމްޓީސީސީން ބޭނުން ކުރާ ދަތުރު ކާރޑް ބޭނުން ކުރެވޭނެ ގޮތް އެހަދަނީ އެވެ. ދެން ފެންނާނެ ތަމެންނަށް އޭގެ ސަބަބުން ވާ ފައިދާ. މިފަދަ ބިއުޓިފުލް ކަންކަން ކުރަން ތަމެންގެ ވެރިކަމުގައި ނޭގުން އެއީ ތަމެންގެ ގަމާރު ކަމުންނޭ މަމެން ބުނަން ނެތީމު ދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނުފެނޭ

10 December 2017

ތިޔަ ދަތުރުކާޑް ފެއިލް ވެގެން ކިތަންމެ ރެޔަކު ރަށު ބަންދުގަ ހުންނަން ޖެހުނުކަން އިނގޭތެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންއަލީ

10 December 2017

ފެރީ ދަތުރު ކާޑު ރައީސް ޔާމީން ވެރިކަމުގެ ކުރިންވެސް ގެންގުޅޭ .. ބަހުގަ ވަކިލާރި ގެންގުޅެން އުދަގޫވެފައި ފަސޭހަ ގޮތް ހޯދައިދޭން ހިދުމަތް ދޭ ކޮންމެ ކުންފުންޔަކުން ވެސް މަސައްކަތް ކުރާނެ .. މިއީކީ ރައީސް ޔާމީނު ވެރިކަމުގަ ހުރެގެން ރާއީސް ޔާމީން ގެ ހިޔާލުފުޅައް އައިސްގެން ވާ ފަސޭހަ އެއް ނޫން .. އަޅުގަޑު ހިތާމަ ކުރަން ބަޔެއް ދިވެހިންގެ ވިސްނުމުގެ މައްސަލަ އުޅޭތީ ..