އިރާގަށް އިނގިރޭސި ސިފައިން ފޮނުވި އިރު ބޮޑު ވަޒީރު ބްލެއާގެ ނައިބަކަށް ހުންނެވި ޕްރެސްކޮޓް.
10 ޖުލައި 2016 - 10:18
5 comments
ލަންޑަން (ޖުލައި 10) - އިނގިރޭސި ވިލާތާއި އެމެރިކާ އިން 2003 ވަނަ އަހަރު އިރާގަށް އަރައިގަތުމަކީ ގާނޫނާ ޚިލާފަށް ހިންގި ޖަރީމާއެއް ކަމަށް އިނގިރޭސި ބޮޑު ވަޒީރު ޓޯނީ ބްލެއާގެ ނައިބަކަށް އެ ދުވަސްވަރު ހުންނެވި ޖޯން ޕްރެސްކޮޓް ވިދާޅުވެއްޖެ އެވެ.
ސަންޑޭ މިރާގައި ޕްރެސްކޮޓް ލިޔުއްވާފައިވާ ގޮތުގައި އިރާގު ހަނގުރާމައިގެ ގެއްލުމާއި ހަލާކާ އެކު ހަޔާތުގެ ބާކީ ބައި ދިރިއުޅެން ޖެހިފައިވާ ކަމަށެވެ.
ޕްރެސްކޮޓް ވަނީ އިރާގު ހަނގުރާމަ އަށް ދިޔަ އިނގިރޭސި ސިފައިންގެ ތެރޭން މަރުވި މީހުންގެ އާއިލާތަކުގެ ކިބައިން މައާފަށް އެދިވަޑައިގެންފަ އެވެ. އަދި ލޭބާ ޕާޓީގެ ލީޑަރު ޖެރެމީ ކޯބިން ވެސް އާއިލާތަކުގެ ކިބައިން މައާފަށް އެދިވަޑައިގަތުމުން ޕްރެސްކޮޓް ވަނީ އެކަމާ އުފާ ކުރައްވާ ކަމަށް ވިދާޅުވެފަ އެވެ.
އިރާގު ހަނގުރާމަ އަށް އިނގިރޭސިން ދިޔަ މައްސަލަ ތަހުގީގު ކުރުމަށް ފަހު ނެރުނު ޖޯން ޗިލްކޮޓުގެ ރިޕޯޓުގައި ހުރީ ރަނގަޅު ވާހަކަތައް ކަމަށް ވެސް ބޮޑު ވަޒީރުގެ ނައިބް ވިދާޅުވި އެވެ. އަދި އެއިން ލިބެން ޖެހޭ ފިލާވަޅު ދެނެގަންނަން ޖެހޭ ކަމަށް ވެސް ވިދާޅުވި އެވެ.
އިރާގު ހަނގުރާމައާ ގުޅޭ ރިޕޯޓް ކޮމިޝަނުގެ ޗެއާމަން ޗިލްކޮޓް ނެރެދެއްވަނީ. --ފޮޓޯ:އޭއެފްޕީ
ޕްރެސްކޮޓް ލިޔުއްވާފައިވާ ގޮތުގައި އިރާގަށް އިނގިރޭސި ސިފައިން ފޮނުވުމަށް ޓޯނީ ބްލެއާ އުޅުއްވީ މާބޮޑަށް އަވަސް އަރުވާލައްވައިގެންނެވެ. ކެބިނެޓަށް އެ މައްސަލަ ދިރާސާ ކުރަން ލިބުނު ލިޔުންތައް މަދުކަން ވެސް ޕްރެސްކޮޓް ވަނީ ފާހަގަކުރައްވައިފަ އެވެ. އަދި އިރާގު ހަނގުރާމަ އަކީ ގާނޫނީ ގޮތުން ކުރެވިދާނެ ކަމެއް ކަމަށް އެޓާނީ ޖެނެރަލް ލޯޑް ގޯލްޑްސްމިތު ހުށަހެޅުއްވި އެއްވެސް ލިޔުމެއްގައި ނެތް ކަމަށް ޕްރެސްކޮޓް ވިދާޅުވި އެވެ.
އިރާގު ހަނގުރާމަ ތަހުގީގު ކުރި ކޮމެޓީގެ ރިޕޯޓް މިދިޔަ ހަފުތާގައި ވަނީ ނެރެފަ އެވެ. ކޮމިޓީގެ ޗެއާމަން ޗިލްކޮޓް ވިދާޅުވެފައި ވަނީ އިރާގަށް އިނގިރޭސި ސިފައިން ބްލެއާ ފޮނުވީ ރައީސް ސައްދާމު ހުސައިންގެ ފަރާތުން އެކަށީގެންވާ ނުރައްކަލެއް ނެތި ކަމަށެވެ. އަަދި އިރާގަށް ސިފައިން ފޮނުވުމަކީ ބްލެއާ އަށް ކުރެއްވެން އޮތް އެންމެ ފަހު ކަންތައް ނޫން ކަމަށް ވެސް ޗިލްކޮޓް ވަނީ ފާހަގަކުރައްވައިފަ އެވެ.
ބްލެއާ ވަނީ އިރާގު ހަނގުރާމައިގައި އެއްވެސް ކަމެއް ގޯހުން ހިނގާފައިވާ ނަމަ މައާފަށް އެދިވަޑައިގެންފަ އެވެ. ނަމަވެސް ހަނގުރާމަ އަށް ސިފައިން ފޮނުއްވުން ވަނީ ދިފާއު ކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެންޓަލިސްޓް
10 July 2016
ތިޔައީ އިނގިރޭސިވިލާތުގެ ސަރުކާރުން ، ޝާހީކަމަށް ބުނާ ރާނީވެސް ގުޅިގެން ހިންގި ބޮޑުލާއިންސާނީ ޖަރީމާއެއް ، ތިޔަށް ކިޔިދޭނެ ޖެނެސޮއިޑްއޭވެސް ، އެތަށްހާސް އިރާގުގެ އިންސާނުންތަކެށް މަރާލީ ހަމައެއްވެސް ކަމަކާނުލައި އެތަނުގެ ހުރި ތެލުގެ ބޭނުމުގައި ، މުޅިގައުމު ތަލާސުންނާފަތިކޮށް ފުނޑުފުނޑުކޮއްލީ ، ދެންކިހިނެތްތޯ އިންސާނީ ހައްގޭކިޔައިގެން އިނގިރޭސިން ވާހަކަދައްކާނީ ، އަދުލުއިންސާފޭކިޔައިގެނ އިނގިރޭސީން ވާހަކަދައްކާނީ ، ހަގީގަތުގައި ނުދެއްކޭނެ އޭރުގެ ޕަރައިމްމިނިސްޓަރ ޓޯނީބުލެއަރ ، އިނގިރޭސި ރާނީ ، ސިފައިންގެ ކޮމާންޑަރ އަދި ހަނގުރާމަކުރުމަށް ނިންމައި ވާގިވެރިވި އެންމެން ނާޒީންނަށް ހެދިހެން ޝަރީއަތްކޮށް އެބަޖެހޭ ޖަލަށްލާން ، މާފްކުރާށޭ ބުނިއަކަސް ފަރުޖެހޭކަށްނެތް ، އަޅެއެއްކަލަ އެމްނެސްޓީން އަނގައިންވެސް ބުނެފިތަ ؟ ކޮބާތަ ޔޫއެންގެ އިންސާނީހައްގުތަކާބެހޭ ބައި ؟
ވިސްނާލީމާ
10 July 2016
ތިކަން އަހަރެމެނަށް ކުރިންވެސް އެނގޭ! ނޭނގެނީ ވިޔާނުދާވެގެން ތިއުޅޭ ބައިގަނޑަށް! ތިބޭފުޅާވެސް ތިވާހަކަ ދައްކަން އަދި ތަންކޮޅެއް އަވަސް! އަދި މަޑުކޮށްލާ! އަދި ފަނާކޮށްނުލާ ބައެއް އެއްޗެތި އެތާނގާ އެބަހުރި! -އިބްރާހީމް-
ވޮޗްޑޯ
10 July 2016
ޗިލްކޮޓް ރިޕޯޓު ތަންކޮޅެއް ތަފްސީލުކޮށް ގެނެސްދޭންވީނުން.
އާދަމް ޒާހިރު
10 July 2016
ޔަހޫދީ ފިކުރުތައް އޮންނަނީ ޙަޤީޤަތަކަށް ބިނާކޮށް ނިންމާގޮތަކަށް ނޫން. ދީނަށް ފުރައްސާރަކުރުމަށް ލިބޭ ކޮންމެ ފުރުސަތެއްގައި، އިސްލާމީ ދައުލަތްތަކުގެ ތެރޭގައި ހަމަނުޖެހުން އުފައްދަން ބޭނުންވާ ހާލަތްތަކުގައި އިތުރު ފިކުރެއް ހިލިގަންނަން ފުރުސަތު ނުދީ ވީއްލައިލުމީ އެމީހުންގެ އުސޫލު. ހުރިހާކަމެއް ހަފުސްވީމާ އިތުރު ޝިކާރަކަށް އެދި އެމަކަށް "މައާފު" ހަދައި އުކަނީ.
މުހައްމަދު
10 July 2016
ޤާނޫނާއި ހަމަތަކާއި ޚިލާފަށް ކުރި ހަނގުރާމައިން އިރާގުގެ ރައްޔިތުންނަށް ލިބުނު ގެއްލުމުގެ ބަދަލު އިނގިރޭސިވިލާތުގެ ބައިތުލްމާލުން ހޯދުމަށް އދ.އަށް ހުށަހެޅުމަށް އިރާގުގެ ރައްޔިތުންނަށް ގޮވާލަން. އަގަލުކުޑަ އިނގިރޭސީންގެ ހުރި ލަދުކުޑަކަމާއި ގޮތެއްފޮތެއް ނެތްކަމާއެ!