ރާއްޖޭގައި ބައިނަލްއަގުވާމީ ގުރުއާން މުބާރާތެއް ބާއްވަނީ

މި އަހަރުގެ ގައުމީ ގުރުއާން މުބާރާތުގައި ދަރިވަރަކު ކިޔަވަނީ: އަންނަ ރޯދަ މަހު ބައިނަލްއަގުވާމީ ގުރުއާން މުބާރާތެއް ރާއްޖޭގައި ބާއްވަން ވަނީ ނިންމާފައި.

އާމިނަތު ޝިފްލީން، މިހާރު

28 ޑިސެމްބަރ 2017 - 21:30

8 comments

ގުރުއާން ކިޔެވުމުގެ ބައިނަލްއަގުވާމީ މުބާރާތެއް އަންނަ ރޯދަ މަހު ރާއްޖޭގައި ބާއްވަން ނިންމައިފި އެވެ.

މިއީ، ބައިނަލްއަގުވާމީ ގުރުއާން މުބާރާތެއް ރާއްޖޭގައި ބާއްވާ ފުރަތަމަ ފަހަރެވެ.

އިސްލާމިކް މިނިސްޓްރީ އާއި ގުރުއާނާ ބެހޭ މަރުކަޒުން އިންތިޒާމް ކުރާ މި މުބާރާތުގައި ގިނަ ގައުމުތަކަކަށް ދައުވަތު ދިނުމަށް ވަނީ ހަމަޖައްސައިފަ އެވެ.

އެ މިނިސްޓްރީން ބުނީ ބަލައިގެން ކިޔަވާ މި މުބާރާތުގައި އިސްލާމީ ނޫން ގައުމުތަކަށް ވެސް ދައުވަތު ދޭނެ ކަމަށެވެ. އެގޮތުން ރާއްޖޭގެ އަވަށްޓެރި ގައުމުތަކުގެ އިތުރުން އިސްލާމީ ބައެއް ގައުމުތަކަށް ވެސް ފުރުސަތު ދޭނެ ކަމަށް އެތަނުން ބުންޏެވެ.

މި މުބާރާތުގައި ކޮންމެ ގައުމަކުން ވެސް ބައިވެރި ކުރާނީ އެކަކު ނަމަވެސް، ރާއްޖެއިން ދިހަ މީހުންނަށް ފުރުސަތު ދޭނެ ކަމަށް އިސްލާމިކް މިނިސްޓްރީން ބުންޏެވެ.

"ބައިނަލްއަގްވާމީ މުބާރާތުގެ ކުރިން އިތުރު އެހެން ގުރުއާން މުބާރާތެއް ބާއްވާނަން. އެއިން ހޮވޭ އެންމެ މޮޅު 10 މީހަކު ބައިނަލްއަގުވާމީ މުބާރާތަށް ދާނީ. އެކަމަކު މި މުބާރާތުގައި ބައިވެރިވެވޭނީ 25 އަހަރުން ދަށުގެ މީހުންނަށް،" މިނިސްޓްރީގެ އޮފިޝަލަކު ވިދާޅުވި އެވެ.

ބައިނަލްއަގުވާމީ މުބާރާތުގެ ފަނޑިޔާރުންގެ ގޮތުގައި ރާއްޖޭން ބޭރުގެ މީހުން ވެސް ބައިވެރިކުރާނެ އެވެ.

ރާއްޖޭގައި މިހާތަނަށް ބައިނަލްއަގުވާމީ ގުރުއާން މުބާރާތެއް ނުބޭއްވި ނަމަވެސް، ރާއްޖޭން ބޭރުގައި ބާއްވާ މި ފަދަ މުބާރާތްތަކުން ދިވެހި ކުޑަކުދިންނާއި މީހުން ވެސް އަންނަނީ ބޮޑެތި ކާމިޔާބީތައް ހޯދަމުންނެވެ.

ގުރުއާން މުބާރާތް އިސްލާމިކް މިނިސްޓްރީ ޤުރުއާން ކީރިތި ގުރުއާނާ ބެހޭ މަރުކަޒު

8 ކޮމެންޓް, 25 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮންދު

30 December 2017

ކޮންމެ މުބާރާތެއްބޭއްވިޔަސް ކުރިކަންތައް ނުކުރާކަމަކަށް ނުވާނެ. ގެއްލިފައިވާ އަހަރެމެންދިވެހިންގެ ފައިސާތައް ނުދައްކާހާ ހިދަކު މާފުކުރުމެއްނޯްނާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ނާޝިދު

30 December 2017

އަޅެ މީގެ 25 މުބާރާތް ރާއްޖޭގައި ކޮންމެ އަހަރަކު ބާއްވާނެނަމަ ދޯ. މި ރާއްޖެއައް މިހާރު އެންމެ މަދު ވާ ކަމަކީ މިއީޔޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަރުކާނު

29 December 2017

ކަރުބުޑުން ކިޔަންޖެހޭ އެއްޗެއް ކިޔަންޖެހޭނީ ކަރުބުޑުން. ނުކިޔޭކަމަސް ވަންޏާ ވާނީ ނުކިޔޭ ކަމަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަޖްވީދު

30 December 2017

ޤާފު އަދާކުރަނީ ކަރު ބުޑުންނެއްނޫން، ދުލުގެ ފަހަތް މަތީތަލީގެ މަޑުބައިގަ ޖައްސައިގެން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫންތަ

29 December 2017

ރާއްޖޭގެ އާބާދީ ބޮޑެތި ރައްތަކުގަ ގުރުއާނާ ބެހޭމަރުކަޒު ގާއިމުކޮއް ސްފެޝަލިސްޓުން ފޮނުވައިގެން އަކުރު ކިޔަންޖެހޭގޮތް މަދަރުސާތަކައް ބުނެދޭންޖެހޭ ހާއްސަކޮއް ހއ ހދ ށ މިއަތޮޅުތަކައް ވަރައް ބޮޑައް ތައުލީމީނިޒާމު އަނދަވަޅަކައް ވައްޓާލެވިފަވާ ސަރަހައްދެއްމީ