އޭސީ މިލާނުގެ ޒުވާން ކީޕަރު ޑޮންނަރުއްމާ އިޓާލިއަން ސުޕަ ކަޕުގެ ޓްރޮފީއާ އެކު.
20 ފެބުރުއަރީ 2018 - 12:09
2 comments
ލަންޑަން (ފެބްރުއަރީ 20) – ޔޫރަޕުގެ ފުޓްބޯޅައިގައި މި ވަގުތު ހުރި 20 އަހަރުން ދަށުގެ އެންމެ އުއްމީދީ ކުޅުންތެރިޔާ އަކީ އޭސީ މިލާނުގެ އިޓަލީ ގޯލްކީޕަރު ޖިއަންލުއިޖީ ޑޮންނަރުއްމާ ކަމަށް ސީއައިއީއެސް ފުޓްބޯލް އޮބްސަވޭޓަރީން ހެދި ދިރާސާގައި ބުނެފި އެވެ.
މި ލިސްޓު އެކުލަވާލުމަށް ސީއައިއީއެސް އިން 22 މުބާރާތެއްގެ ދެ ސީޒަން ދިރާސާކުރި އެވެ. ކުޅުންތެރިޔާ ކުޅުނު ކޮންމެ މިނެޓެއްގެ ބުރަދަން ބެލީ ކްލަބުގެ ނަތީޖާ އާއި ލީގުގެ ފެންވަރު އަޅާކިޔައިގެންނެވެ.
މި ލިސްޓުގެ ގަދަ 10 ކުޅުންތެރިން ކަނޑައަޅާފައިވަނީ ޔޫރަޕުގެ އެންމެ މަތީ ފަންތީގެ ކްލަބްތަކުގައި، ފެންވަރު ސާބިތުކޮށްދެވިދާނެ ފައިވް ސްޓާ ކުޅުންތެރިންގެ ގޮތުގަ އެވެ.
ލިސްޓުގެ ދެ ވަނައިގައި އޮތީ ފްރާންސުގެ ޓޫލުސް އަށް ކުޅޭ 19 އަހަރުގެ ގޯލްކީޕަރު އަލްބަން ލަފޮން އެވެ. ތިން ވަނަ ލިބުނީ ފްރާންސުގެ އުއްމީދީ ފޯވާޑް ކީލިއަން އެމްބާޕޭ އަށެވެ.
އެއް ވަނައިގައި އޮތް ޑޮންނަރުއްމާ އުމުރުން 16 އަހަރުގައި 2015 ވަނަ އަހަރު މިލާނުގެ ފުރަތަމަ އެގާރައިން ޖާގަ ހޯދަން ފެށި ފަހުން މަގާމް ގެއްލިފައެއް ނުވެ އެވެ. އޭނާ ގެންދަން ސްޕެއިނުގެ ރެއާލް މެޑްރިޑާއި ފްރާންސުގެ ޕީއެސްޖީން ވަރަށް ބޮޑަށް މަސައްކަތްކުރި ކަމަށް ރިޕޯޓްތައް ބުނެފައިވާއިރު އޭނާ މިދިޔަ ސީޒަނަށް ފަހު މިލާނުގެ ކޮންޓްރެކްޓް އާނުކުރަން ނިންމި އެވެ. އެކަމަކު ފަހުން ނިންމުން ބަދަލުކުރި އެވެ.
އިޓަލީގެ ގޯލްކީޕަރު ޖިއަންލުއިޖީ ބުފޮން އަށް ފަހު އިޓަލީގެ އެއް ނަމްބަރު ކީޕަރުގެ މަގާމް ފުރާނީ އޭނާ ކަމަށް ޔަގީންކުރެވެ އެވެ. އުމުރުން 18 އަހަރުގެ ޑޮންނަރުއްމާ އަކީ އިޓަލީ ގައުމީ ފުޓްބޯޅަ ޓީމުގެ ފުރަތަމަ އެގާރައިގައި ހިމެނިގެން މިހާތަނާށް ކުޅުނު އެންމެ ޒުވާން ކީޕަރެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދިވެހިންސް
20 February 2018
އަހަރުންނަށް އެންމެ މޮޅީ އަދިވެސް ހަމަ ބަތޫލް.
އާޒާދީ
20 February 2018
އާ ތިޔަ ވަރަށް ތަފާތު ގޮލައެއް.. އެކަމު ބުފޯނު މެންކަހަލަ ލެޖެންޑުންނާ އެއްހަމައެއްގަ ފައިސާބިތުކުރުމަށް ހުނަރުގެ އިތުރުން ޑިސިޕްލިންގ އާއި ހިތްވަރު ބޭނުންވާނެ..