މިއަދަކީ އިރުމަތީ ޣޫތާގައި އެންމެ އަނިޔާވެރި ދުވަސް

ިވައިގެ ހަމަލާތަކުގައި އިރުމަތީ ޣޫތާ ވަނީ ސުންނާފަތިވެފައި. --ފޮޓޯ:އޭއެފްޕީ

ހަސަން އާމިރު، މިހާރު

06 މާޗް 2018 - 20:02

ދިމިޝްގު (މާޗް 6) - ސީރިއާގެ އިރުމަތީ ޣޫތާ އަށް މެދުނުކެނޑި ހަމަލާދޭތާ 16 ދުވަސްވެފައިވާ އިރު މިއަދީ އެންމެ އަނިޔާވެރި ދުވަސް ކަމަށް މޮނިޓާރިން ގްރޫޕަކުން ބުނެފި އެވެ.

އިިރުމަތީ ޣޫތާ އަށް ދޭ ވައިގެ ހަމަލާތައް 30 ދުވަހަށް ހުއްޓާލުމަށް ސަލާމަތީ މަޖިލީހުން ގަރާރެއް ފާސްކޮށްފައިވީ ނަމަވެސް ސީރިއާ ސިފައިން މިއަދު ދިން ވައިގެ ހަމަލާތަކުގައި ވަނީ އާއްމުންގެ 70 މީހުން މަރުވެފައި ކަމަށް ސީރިއަން އޮބްޒަވޭޓަރީ ފޯ ހިއުމަން ރައިޓްސް އިން ވަނީ ބުނެފަ އެވެ. ހަމަލާތައް ވަރުގަދަވުމުގެ ސަބަބުން އެހީގެ ތަކެތި ވެސް ޓްރަކްތަކުން ބޭލުމަށް ވަނީ ދަތިވެފަ އެވެ.

ސީރިއާގެ ވެރިރަށް ދިމިޝްގުގެ އިރުން އޮންނަ ޣޫތާ ސިޓީ އަށް ދޭ ވައިގެ ހަމަލާތައް ވަރުގަދަކޮށްފައި މިވަނީ އިންޓަނޭޝަނަލް ކޮމިޓީ އޮފް ދަ ރެޑް ކްރޮސް އިން ފޮނުވި 46 ޓްރަކުގެ އެހީ އެ ސިޓީ އަށް ގެންގޮސްފައި ވަނިކޮށެވެ. މި އެހީގެ ތެރޭން ބޮޑު ބައެއް ސީރިއާ ސިފައިން ވަނީ ހިފަހައްޓައިފަ އެވެ.

ސީރިއާގައި ހަރަކާތްތެރިވާ އެހީދޭ ޖަމާއަތެއް ކަމަށްވާ ވައިޓް ހެލްމެޓްސް އިން ބުނީ ރޭ ދިން ކްލޮރިން ގޭހުގެ ހަމަލާއެއްގައި 30 މީހަކަށް ނޭވާލާން ދަތިވެފައިވާ ކަމަށެވެ.

ސީރިއާގެ ރައީސް ބައްޝާރުލް އަސަދު ވިދާޅުވެފައި ވަނީ ހަމަލާތަކަށް ހުއްޓުމެއް ނުގެންނާނެ ކަމަށެވެ.

ސީރިއާ

3 ކޮމެންޓް, 118 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސަޅިބައިސާ

06 March 2018

ޣޫތު ސިޓީއަށް ހަމަލާދޭނެކަމާއި ޢާންމުން ނިކުމެގެން ސަރުކާރުގެ ކޮންޓުރޯލްދަށުގަހުރި ރައްތަކަށް ބަދަލުވުމަށް ބައްޝާރުގެ ސަރުކާރުން އަންގާތާ މިހާރު ގާތްގަނޑަކަށް ހަމަސް ދުވަސް ވެއްޖެ. ހަނގުރާމަވެރިން އަމާންދިނުމަށްވެސް އެންގި. އާންމުންގެ ތެރެއިން މިހާރު ޣޫތު ސިޓީގައި އެތިބީ ބައްޝާރުދެކެ ރުޅިއަރާ ދެކޮޅުވެރި މީހުން. އަނެއްކޮޅުން ތިއަކިޔާ ސީރިއަން އޮބުޒަވޭސަނާއި ވައިޓު ހެލްމެޓަކީ އެހީދޭ ޖަމާޢަތްތަކުގެ ނަމުގާ އިޒުރޭލާއި ސައުދީން އެތަނަށް ފޮނުވާފަތިބި ޔަހޫދީ ޖާސޫސުން. ބައްޝާރަކީ އިޒްރޭލާއި އާލުސޫދުންނަށް އަމާންދޭނެ ބޭފުޅެއްނޫން.