މާފުށީ ޖަލު- އެޖަލަށް ނުގަވައިދުން ފޯނުތަކެއް ވައްދަން އުޅުނު އަންހެނަކު ވަނީ ހައްޔަރުކޮށްފަ-- މިހާރު ފޮޓޯ
08 މާޗް 2018 - 12:29
4 comments
މާފުށީ ޖަލުގައި ހުކުމް ތަންފީޒު ކުރަމުންދާ ފިރިމީހާއާ ބައްދަލުކުރަން ދިޔަ އަންހެނަކު، އޭނާގެ ހެދުމުގެ ތެރޭގައި ފޮރުވައިގެން މަނާ އެއްޗެހިތަކެއް ޖަލަށް ވައްދަން އުޅެނިކޮށް ރޭ ހައްޔަރުކޮށްފި އެވެ.
އެގާރަ މަހުގެ ކުޑަ ދަރިފުޅު ގޮވައިގެން، ޖަލުގައި ހުރި މީހާގެ ގާތަށް އެކަހެރި ބައްދަލުވުމަށް ދިޔަ އެ އަންހެން މީހާގެ ހެދުމުގެ ތެރޭގައި ފޮރުވާފައި ހުއްޓައި ފެނިފައިވަނީ ނޮކިޔާ ބްރޭންޑްގެ ދެ ފޯނާއި ފަސް ސިމްކާޑާއި ފަސް އެސްޑީ މެމޮރީ ކާޑާއި ދެ ޗާޖަރާއި ވަޔަލެސް ހެޑްސެޓެއްގެ އިތުރުން ދެ ސުޕަ ގްލޫ ފުޅި ކަމަށް ކަރެކްޝަންސް ސާވިސް އިން ބުނެ އެވެ.
އެ އަންހެން މީހާ ބަލައި ފާސްކުރުމުގެ ތެރޭގައި ފެނުނު ތަކެތި.
އެ އަންހެން މީހާ ރޭ ވަނީ ފުލުހުންގެ ބެލުމުގެ ދަަށަށް ގެންގޮސްފަ އެވެ. އޭނާގެ ވަނަވަރެއް ވެސް އަދި އިތުރު މައުލޫމާތެއް ވެސް ކަރެކްޝަންސް އިން ވެސް ނުދެ އެވެ.
ކަރެކްޝަންސް އިން ބުނީ ހުއްދަ ނުކުރާ ތަކެތި ޖަލަށް އެތެރެ ކުރުމަކީ ހުކުމް ތަންފީޒު ކުރަމުންދާ ގައިދީން އިސްލާހުވުމަށް އެޅޭ ވަރަށް ބޮޑު ހުރަހެއް ކަމަށެވެ. އެ ފަދަ ކަންކަން ނުކުރުމަށް ކަރެކްޝަންސް އިން ވަނީ އިލްތިމާސް ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބުޅާދޮންބެ
09 March 2018
ޢެއީއެހާބޮޑުމައްސަލައެއްނޫނެއްނު މާޖަލައްގައިދީންްނައްތަކެތިވައްދައިދެނީ މާފުށީޖަލު ބަލަހައްޓާމީހުން މައްސަލަޔަކައްތިވީ އެމީހުންނައް ލާރިނުލިބޭގޮތައް އެހެންމީހަކު އެއްޗެއްވައްދަން އުޅުނީމަ އެމީހުންނައްލާރިކޮޅެއްދީފަ ކޮންމެއެއްޗެއް ވެއްދިޔަސް އޯކޭ
ނަޒީކް
08 March 2018
އަދި އެވެސް އަންހެނުންގެ ދުވަހު... ތިކަޑައޭ
ފުންއަސަރު
08 March 2018
އެކަހެރިކޮށް ބައްދަލުކޮށްލެވޭއިރު ތިޔަހައްދަވާ ގޮތްގޮތުން ދެން ތިކަމަށްވެސް ބަދަލު ގެނެސްފާނެ. ލިބިފާވާ މިންވަރަށް ޝުކުރު ނުކުރަންޏާ ބޮޑެތި އުނދަގޫތަކާ ކުރިމަތިވާނެ. މިހާރު ތިވީގޮތުން މީހާވެސް ފަލީހަތްވީނު. ތީތި ކަޑައޭ ބްރޯ.
މަހާރަދުން
08 March 2018
ރާއްޖޭގަ އަންހެނަކަށް ނުވާނެ ކަމެއް ނޯންނާނެ