ޝާހީ ކައިވެނި ޒީނަތްތެރިކުރާނީ ހުދާއި ފިޔާތޮށި ކުލައިގެ މަލުން

ޕްރިންސް ހެރީ އާއި މެގަން މާކަލް: ދެ ބޭފުޅުންގެ ކައިވެނީގެ ހަފުލާ އޮންނާނީ އަންނަ މަހުގެ 19 ގައި.

އަހުމަދު އަދްޝަން، މިހާރު

02 އެޕްރީލް 2018 - 06:53

އަންނަ މަހު 19 ގައި ބާއްވާ، ޕްރިންސް ހެރީ އާއި ބަތަލާ މޭގަން މާކަލްގެ ކައިވެނީގެ ތައްޔާރީތައް މިހާރު ވަނީ މެކުހަށް ޖަހައިފަ އެވެ. މި ކައިވެންޏާ ބެހޭ އެންމެ ފަހުގެ ވާހަކައަކީ ވިންސާ ކާސްލްގެ ސެއިންޓް ޖޯޖް ޗަޕެލްގައި ބާއްވާ ހަފުލާ ޒީނަތްތެރި ކުރުމުގެ ވާހަކަ އެވެ. އެތަން މަލުން ފަރިކުރަން މިހާރު ވަނީ ލަންޑަންގެ މަޝްހޫރު ފްލޯރަލް ޑިޒައިނަރު ފިލިޕާ ކްރެޑޮކްއާ ހަވާލުކޮށްފަ އެވެ.

އެކަން ކެންސިންޓަން އިން ކުރި ޓްވީޓެއްގައި ވެސް ވަނީ ކަށަވަރުކޮށް ދީފަ އެވެ. ޕްރިންސް ހެރީ އާއި މޭގަންގެ ކައިވެނީގެ ހަފުލާގައި ބޭނުންކުރާ މަލުގެ ރަސްމީ ކުލަތަކަކީ ފިޔާތޮށްޓާއި ހުދު ކުލަ އެވެ. އެގޮތުން މޭގަން އެންމެ ގަޔާވާ މާތަކުގެ ތެރޭގައި ހިމެނޭ ފިޔާތޮށި ފިނިފެންމަލާއި ފޮކްސްގްލޯވްސް އާއި ޕިއޮނީޒް ފަދަ މާތައް ބޭނުން ކުރާނެ އެވެ.

Repost from the beautiful @carasuthers, from last night's flower workshop with @thewhitecompany, where everyone learned how to create hand-ties using simple, elegant whites and greens. Thank you so much Norie and Caite for hosting xx

A post shared by Philippa Craddock (@philippacraddock) on Feb 21, 2018 at 2:26am PST

ޝާހީ ކައިވެނީގެ ފްލޮރިސްޓް ފިލިޕާ.

ހަފުލާ ހިތްގައިމުކޮށް ވަސްމީރުކުރަން ބޭނުން ކުރާނީ ދަ ކްރައުން އެސްޓޭޓާއި ވިންސާ ގްރޭޓް ޕާކްގެ ތާޒާ މާތެކެވެ.

ޝާހީ ކައިވެނީގެ ހަފުލާގެ ރަސްމީ ފްލޮރިސްޓަކަށް ހަމަޖެއްސުމުން އުފަލުން ހުރި ފިލިޕާ ބުނީ ޝާހީ އާއިލާގެ ބޮޑު ހަފުލާއެއްގައި ހިއްސާވާން ލިބުމަކީ ވަރަށް ބޮޑު ފަހުރެއް ކަމަށެވެ.

The Ministry of Defence has confirmed that Armed Forces units with a special connection to Prince Harry will provide ceremonial support at his wedding to Ms. Meghan Markle on 19 May: https://t.co/tSsJP8wgU2
— Kensington Palace (@KensingtonRoyal) March 28, 2018

ކެންސިންޓަން ޕެލަސްގެ ޓްވީޓެއް.

"މި މަސައްކަތުގައި އަހަންނަށް ކުރެވުނު އެންމެ ރަނގަޅަކަށް މަސައްކަތް ކުރާނަން. އެންމެ މުހިއްމު ކަމަކީ ސީދާ ޕްރިންސް ހެރީ އާއި މޭގަން ބޭނުންފުޅުވާ ގޮތަށް ކައިވެނީގެ ހަފުލާ ބާއްވާ ސެއިންޓް ޖޯޖް ޗަޕެލް ޒީނަތްތެރި ކުރުން،" މީގެ ކުރިން ވެސް ޝާހީ އާއިލާގެ ޕްރައިވެޓް ހަފުލާތަކުގެ ޕްލޮރިސްޓެއް ޒިންމާ އަދާކޮށްފައިވާ ފިލިޕާ ބުންޏެވެ. "އަހަރެންގެ މި މަސައްކަތަކީ ކައިވެނީގެ ތީމު ވެސް ވަރަށް ބޮޑަށް ރަމްކޮށްދޭނެ ކަމަކަށްވާތީ، މަސައްކަތް ވަަރަށް ފުރިހަމަ އަށް ކުރަން ޖެހޭނެކަން އެނގޭ. އެކަމަށް އަހަރެން ތައްޔާރަށް ހުންނާނީ."

ރިޕޯޓްތައް ބުނާ ގޮތުން ޕްރިންސް ހެރީ އާއި މޭގަންގެ ކައިވެނީގެ ހަފުލާ އަށް ފަހު، މާތައް ޗެރިޓީތަކަށް ހަދިޔާކުރަން ވެސް ވަނީ ނިންމައިފަ އެވެ.

ޝާހީ ކައިވެނީގެ ތައްޔާރީތަކުގެ ތެރެއިން މި ކައިވެނީގެ ސިކިއުރިޓީ އާއި ހަފުލާގައި އިނގިރޭސި އަސްކަރިއްޔާ ދައުރު ވެސް އޮންނާކެކަން ކެންސިޓަން ޕެލަސް އިން ވަނީ އިއުލާންކޮށްފަ އެވެ. އެދި އެކަމަށް އިނގިރޭސި ޑިފެންސް މިނިސްޓްރީގެ ފަރާތުން ފޯރުކޮށްދޭ އެހީތެރި ކަމަށް ޝުކުރު ވެސް އަދާކޮށްފައިވެ އެވެ.