ޕެންޝަން އޮފީހާއި ސީބީއެމާ ދެމެދު އެއްބަސްވުމުގައި މިއަދު ސޮއިކުރެއްވުމަށް ފަހު، އެ ދެ ތަނުގެ އިސްވެރިން މިއަދު އެއްބަސްވުން ބަދަލުކުރައްވަނީ.---ފޮޓޯ: ހުސެއިން ވަހީދު/މިހާރު
16 އެޕްރީލް 2018 - 12:02
18 comments
މޯލްޑިވްސް ރިޓަޔަމަންޓް ޕެންޝަން ސްކީމްގެ މެމްބަރުންގެ ތެރެއިން ގެދޮރު ގަންނަން ބޭނުންވާ މީހުންނަށް ޑައުން ޕޭމަންޓް ދެއްކޭނެ މަގު ފަހިކޮށްދިނުމަށް ޕެންޝަން އޮފީހުން ކޮމާޝަލް ބޭންކް އޮފް މޯލްޑިވްސް (ސީބީއެމް) އާ އެކު މިއަދު ސޮއިކޮށްފި އެވެ.
ޕެންޝަން އޮފީހުގައި ބޭއްވި ރަސްމިއްޔާތެއްގައި އެ އޮފީހުގެ ފަރާތުން ސޮއިކުރެއްވީ ޗީފް އެގްޒެކްޓިވް އޮފިސަރު މުހައްމަދު މަނިކެވެ. ހުޅުމާލޭގައި ޓްރީ ޓޮޕް ހޮސްޕިޓަލް ހިންގާ ޓްރީ ޓޮޕް އިންވެސްޓްމެންޓުގެ ހިއްސާ އޮންނަ ސީބީއެމްގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަދި ސީއީއޯ ދިލަން ރާޖަޕަކްސެ އެވެ.
ނޫސްވެރިންނާ ވާހަކަ ދައްކަވަމުން މަނިކު ވިދާޅުވީ، ގެދޮރު ގަތުމަށް ރިޓަޔަމެންޓް ޕެންޝަން ސްކީމުން މިހާތަނަށް 74 މީހަކު ލޯނު ނަގާފައިވާ ކަމަށެވެ.
މިއަދު ބޭއްވި ރަސްމިއްޔާތުގައި ޕެންޝަން އޮފީހުގެ ޗީފް އެގްޒެކްޓިވް އޮފިސަރު މަނިކު.-- ފޮޓޯ: މިހާރު/ހުސައިން ވަހީދު
"ވަރަށް ގިނަ ރައްޔިތުންތަކަކަށް ލިބިގެންދާ ވަރަށް ބޮޑު ފަސޭހައެއް [ޕެންޝަން ފަންޑުން ޑައުންޕޭމަންޓް ދެއްކުމަކީ] މިއީ. އެކަމަށް އަޅުގަނޑުމެން ފަޚުރުވެރިވަން. އަދި މިކަން ފުޅާކުރުމުގެ ގޮތުން ނުވަތަ އަޅުގަނޑުމެންނާ ގުޅިފައިވާ ހަތަރު ޕާޓްނަރުންނަށް ވެސް އަޅުގަނޑުމެން ޝުކުރު ދަަންނަވަން،" މަނިކު ވިދާޅުވި އެވެ.
އޭނާ ވިދާޅުވި ގޮތުގައި ޕެންޝަން ފަންޑުން އިތުރު ކަންކަމަށް ފުރުސަތު ދެވޭނީ ޕެންޝަން ގާނޫނަށް އިސްލާހު ގެނެސްގެންނެވެ. އަދި އެފަދަ ބަދަލުތައް ގެނައުމަށް މިހާރު ދިރާސާއެއް ހަދަމުން އަންނަ ކަމަށް ވެސް މަނިކު ވިދާޅުވި އެވެ.
ރާއްޖޭގައި އޮތް އެންމެ ބޮޑު ފަންޑުން އިތުރު އިންވެސްޓްމަންޓްތައް ކޮށް، ފަންޑު ފުޅާކުރުމަށް ވޯލްޑް ބޭންކް ފަދަ ބޭރުގެ އިދާރާތަކާ ގުޅިގެން ފަންނީ ދިރާސާއެއް ހަދަމުން އަންނަ ކަމަށް ވެސް މަނިކު ވިދާޅުވި އެވެ.
މިއަދު ބޭއްވި ރަސްމިއްޔާތުގައި ސީބީއެމްގެ މެނޭޖިން ޑިރެކްޓަރު އަދި ސީއީއޯ ދިލަން.-- ފޮޓޯ: މިހާރު/ހުސައިން ވަހީދު
ދިލަން ވިދާޅުވީ ޕެންޝަން ސްކީމް މެދުވެރިކޮށް ގެދޮރު ގަތުމަށް ގިނަ ބައެއްގެ ޝަރުތު ފުރިހަމަ ވުމަކީ އެންމެ ބޮޑު އުއްމީދު ކަމަށެވެ. އަދި ސީބީއެމްގެ އަމާޒަކީ ވީހާ ވެސް ލުއި ފަސޭހަކޮށް ގެދޮރު ގަންނަން ފައިނޭންސް ކޮށްދެވޭނެ ގޮތް ހަމަޖައްސައިދިނުން ކަމަށް ވެސް އޭނާ ވިދާޅުވި އެވެ.
"އަޅުގަނޑުމެންގެ އަމާޒަކީ ހައުސިން ލޯނަށް އިތުރު ލުއިތައް ދީގެން، ވީހާވެސް ފުޅާކޮށް ކުރިއަށް ގެންދިއުން. އެޕާޓްމަންޓް ގަތުމާއި ކޮންސްޓްރަކްޝަން މަސައްކަތް ކުރިއަށް ދާއިރުން ފެށިގެން ގޮސް މަސައްކަތް އެއްކޮށް ނިންމުމަށް ބޭނުންވާ ލޯނުތައް ލިބޭނެ،" ދިލަން ވިދާޅުވި އެވެ.
ގެދޮރު ގަންނަން ޑައުން ޕޭމަންޓުގެ ގޮތުގައި ޕެންޝަން ސްކީމްގައި ހުންނަ އެމީހެއްގެ ފައިސާގެ 80 ޕަސެންޓް، ގެދޮރު ގަންނަން ބޭނުންކުރެވެ އެވެ.
ޕެންޝަން ފަންޑުން މެދުވެރިކޮށް ޑައުންޕޭމަންޓް ދެއްކުމަށް މިހާތަނަށް ސީބީއެމްގެ އިތުރުން ބީއެމްއެލް އާއި އިސްލާމިކް ބޭންކް އަދި އެޗްޑީއެފްސީންއާ އެކު ވަނީ ސޮއި ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަސްފޮތް..
17 April 2018
ކިހާވަރެއްގެ އިންޓަރެސްޓެއްތޯ؟ ކޮމާޝިއަލް ބޭނއކޭ ކިޔާފަ ރައްޔިތުން ފެލާނެ މޮޅު ގޮތެއް ހީދީ ދެއްތޯ
ނަސްރު
16 April 2018
އަހަރެންގެ މުސާރައިން އެންމެ ލޯ ލާރިއެއްވެސް ކަނޑަން ނުރުހެން. މަހުޝަރު ދުވަހު ތިފައިސާކަނޑަން ގާނޫންހަދާ އެ ތަންފީޒްކުރާ މީހުންގެ މައްޗަށްވެސް ދައުވާކުރާނަން. އިންޝާ ﷲ.
ރާއްޖެ
16 April 2018
އުމުރުން 65 އަހަރު ނުވަނީސް މަރުވާ މީހުންގެ ޕެންޝަން ފަންޑް ފައިސާއަށް ވަނީ ކިހިނެއްތޯ؟
ރަންކީ
16 April 2018
އެމީހުންގެ ވާރިސުންނަށް އެލާރި ލިބޭނެ.
ތަރަފަނަ
16 April 2018
މާލޭމީހުންނަށް ގެދޮރުގަންނަށް ޕެންޝަން ސުކީމުން ފައިދޫކުރާ ކަމަށްވަންޏާ ރާއްޖެތެރޭމީހުންނަށް ގެދޮރު ހަދަންވެސް ފައިސާ ދޭންޖެހޭނެ ކޮބާ ރާއްޖެރެތެރޭ މީހުންގެ ހައްޤު
ކޮށްޓި
16 April 2018
މާލޭ މީހުންނަށް އެކަންޏެއްނޫން ފައިސާ ދޫކުރަނީ. ރާއްޖެތެރޭ މީހުންނަށްވެސް ފައިސާ ދޫކުރޭ. ފިތުނަ ފަސާދަ އުފައްދަން ނޫޅޭ.
ރައްޔިތުމީހާ...
16 April 2018
ތިފަންޑަކީ ރައްޔިތުންނަށް އެއްވެސް ލާބައެއް މަންފާއެއް ކުރަނިވިފަންޑެއްނޫން! މިހާރުން މީހާރަށް މަޖްބޫރުކުރުވައިގެން ތިކަނޑާ ފައިސާ ކެނޑުން ހުއްޓާލަން އަޅުގަނޑު ގޮވާލަން ނޫންނަމަ ތިބޯދާ ޤަވާއިދުތަށް ބަދަލުކޮށް އަޅުގަނޑުމެންނަށް ދިމާވާ އެކިއެކި ބޮޑެތިކަންތައްތަކުގައާއި ހައްޖައް ދިއުންކަހަލަ ކަންތައްތަކުގައި ފައިސާ ނެގޭނެގޮތް ހަދަންޖެހޭކަން ފާހަނގަކުރަން ތިޔަބުނާ ޑައުންޕޭމަންޓަށޭ ކިޔާފައި ކުޑަކުޑަ ފައިސާކޮޅެއް ދީގެން ހައްދާލެވޭނެކަމަށް އުއްމީދު ނުކުރުން ބުއްދިވެރި އިނގޭތޯ ... ތިޔަހީކުރާވަރުގެ މޮޔައިންނެއް މިހާރު މިރާއްޖެއަކުނެތް ..
ލޮލްޒްޒް
16 April 2018
ތިކޮމެންޓު ކިޔާލުމުން އެގޭ މޮޔަ ނޫންކަން. ޕެންޝަން މިބަހުގެ މާނަ ހޯދަބަލަ ފުރަތަމަ. ހައްޖަށް ދާން އެއްކުރާލާރި އެއްނޫން އެއީ.
ާައައިސްތު
16 April 2018
ބަލަ ޕެންށަނަކީ މުސްކުޅިވެ މަސައްކަތް ނުކުރެވޭ ދުވަހަކަށް ރައްކާ ކުރަ އެއްޗެއް. ބޭނުންހާ އިރަކު ނެގޭނަމަ ކީއްކުރާ ފަންޑެއްތޯ؟
ހަސަންފުޅު
16 April 2018
ޕެންޝަން ފަންޑުން ޑައުންޕޭމަންޓުގެ ގޮތުގައި ދޫކުރާ ފައިސާއަކީ ބޭންކުން ލޯނުގެތެރެއަށް ލުމަށްފަހު ބަދަލުކޮށްލަނީ 100 ޕަސަންޓު ބޮޑު ލޯނަކަށް.. އާހިރުގައި އަތުން 20 ޕަސަންޓު ނެތްމީހުންނަށް ބޮޑު ސިންގާ ލޯނެއް އެދެނީ.... ވިސްނުން އިސްކުރައްވާ ޕެންޝަންބޭނުންކުރުމުގެ ކުރިން...
ްކްއީން
16 April 2018
ރައްޔިތުންނޭ އަދިވެސް ހޭއަރާކަށް ނުވޭތަ؟ މިހާރު ހުރިހާ މަސައްކަތްތެރީންގެ ޕެންޝަން ފައިސާކޮޅުގެ ދުވަސް ދިޔައީ؟ ޕެންޝަން ފަންޑްގައި ނެތްފައިސާއެއް؟ ހަމައެކަނި ކަރުދާހުގަ އަދަދެއް ޖަހައިގެން ފުމެނަގަނީ! މިހާރުދެން އެންމެންވެސްވީ ގެދޮރު ގަންނަން، އަނެއްކާ އަނެއް ބޮޑު ލޯނު ބޮލުގަ އަޅުވާނީ، މިފަހަރު ޑައުންޕޭމަންޓްގެ އަދަދުވެސް ހިމެނިގެން ބޭންކަށް ފައިސާ ދައްކާ ހަލާސްކުރާނީ! މީކީނޫންދޯ ލުއިފަސޭހަ ގޮތުގަ ރައްޔިތުމީހާއަށް ބޯހިޔާވެހިކަންދޭ ގޮތަކީ؟ މިކަން #ހުއްޓުވާ!
އިންޑިއާ
16 April 2018
ލާރިކޮޅުގެ ދުވަސް ދިޔައިއްޔޯ. ހާދަ އެނގެޔޭދޯ؟ ރަނގަޅަށް ވާނުވާ އެގިގެން ކޮމެންޓް ކޮށްބަލަ. ބޯހަލާކު.
ހައްޖަ
16 April 2018
ހެޔޮނުވާނެ. އެއްޗެކޭ ކިޔައިގެން އަހަރެމެން ބޮލުގާ ދަރަންޏެއް އަޅުވަން ނޫޅެބަލަ. މިހާރުވެސް ކުލިދައްކަދައްކާ މިބީ ހަނާވެފަ. އެނޫންގޮތެއްވެސް މިހާރަކުނެތް.
ޕިއްލާ
16 April 2018
އަޖައިބެއް. ކަލޭމެން ބޮލުގަ އެއްޗެއް ގަދަކަމަކުން ނާޅުވަޔޭ. ޕެންޝަން ފަންޑުގަ ހުރިލާރި ބޭނުން ނުކުރެވޭތީ މައްސަލަޖައްސާ ވަރުން ހައުސިންގ ލޯނަށް ބޭނުންކުރެވޭގޮތް ހަދައިދީފައި އެއޮތީ. އެއްގޮތެއްވެސް ރަނގަޅުވާ ބައެއްތަ ދިވެހިންނަކީ؟؟؟
ވޮލަންޓިއަރު
16 April 2018
ތި ފައިސާ އަކީ ތީގެ ހައްގުވެރިނަށް އެއްވެސް ފައިދާ އަދި ކުރި އެއްޗެއް ނޫން. ބޮޑުންނާ ސަރުކާރުގެ ލާބަ އާއި މަސްލަހަތައް އަހަރެމެން ރައްޔިތުންގެ އަތުން ނުހައްގުން ފޭރެމުން ދާ އެއްޗެއް.
އިންދަމޯނިންގ
16 April 2018
ކަލޭމެން އަތުން "ފޭރުނު" އަދަދަށް ވުރެ ގާތްގަނޑަކަށް ދެގުނަ ބޮޑު އަދަދެއް ކަލޭމެންނަށް އަނބުރާ ލިބޭ ޕެންޝަން ފަންޑުގެ ސަބަބުން. މައުލޫމާތު ރަނގަޅަށް ހޯދައިގެން ކޮމެންޓުކޮށްބަލަ.