ދަރުބާރުގޭގައި ރޭ ބޭއްވި އައިޔޫއެމްގެ ތިން ވަނަ ދަސްވެނިވުމުގެ ހަފުލާގައި، އެ ޔުނިވާސިޓީގެ ޗާންސެލާ ޑރ. ޝަހީމް ވާހަކަދައްކަވަނީ---ފޮޓޯ: ހުސެއިން ވަހީދު/މިހާރު
17 އެޕްރީލް 2018 - 12:33
5 comments
އަމިއްލަ މާލީ ނިޒާމެއް ނެތި ޔުނިވަސިޓީ ތަރައްގީއެއް ނުކުރެވޭނެ ކަމަށް އިސްލާމިކް ޔުނިވަސިޓީ އޮފް މޯލްޑިވްސް (އައިޔޫއެމް)ގެ ޗާންސެލަރު ޑރ. މުހައްމަދު ޝަހީމް އަލީ ސައީދު ރޭ ވިދާޅުވެއްޖެ އެވެ.
އެ ޔުނިވަސިޓީގެ ތިން ވަނަ ދަސްވެނިވުމުގެ ހަފުލާގައި ވާހަކަ ދައްކަވަމުން ޝަހީމް ވިދާޅުވީ، ދަރިވަރުންގެ ފެންވަރު ކުރިއަރުވައި އައިޔޫއެމް ތަރައްގީ ކުރަން މަސައްކަތްތަކެއް ކުރަމުން އަންނަ ކަމަށެވެ. އޭގެ ތެރެއިން ޔުނިވަސިޓީ ޑިވެލޮޕްމަންޓް ފަންޑުގެ ނަމުގައި ފަންޑެއް ހުޅުވައި އެއިން މަޝްރޫއުތައް ކުރިއަށް ގެންދާ ކަމަށް ވިދާޅުވި އެވެ.
ދަރުބާރުގޭގައި ރޭ ބޭއްވި އައިޔޫއެމްގެ ތިން ވަނަ ދަސްވެނިވުމުގެ ހަފުލާގައި ބައިވެރިވި ބައެއް ދަރިވަރުން---ފޮޓޯ: ހުސެއިން ވަހީދު/މިހާރު
އައިޔޫއެމް އިން މިހާރު ވަނީ ހުޅުމާލޭގައި ވަގުފް އިމާރާތެއް އެޅުމުގެ މަސައްކަތް ފަށައިފަ އެވެ. އަދި އައިޔޫއެމް ހޯލްޑިންސް ނަމުގައި ކުންފުންޏެއް އުފައްދައި، ޔުނިވަސިޓީ ޑިވެލޮޕްމަންޓް ފަންޑު ބޮޑުކުރެވޭނެ ގޮތްތަކެއް ބަލަމުން އަންނަ ކަމަށް ވެސް ޝަހީމް ވިދާޅުވި އެވެ.
އޭނާ ވިދާޅުވި ގޮތުގައި އިސްލާމިކް ޔުނިވަސިޓީ އުފެއްދުމާ އެކު، އެ ތަނަށް ދިމާވެފައިވާ އެންމެ ބޮޑު ގޮންޖެހުމަކީ ޖާގައިގެ ދަތިކަމެވެ. އައިޔޫއެމްގެ ދަރިވަރުން މިހާރު ކިޔަވަމުން އަންނަނީ ޔުނިވަސިޓީ އަކަށް އެންމެ ރަނގަޅު މާހައުލެއްގައި ނޫން ކަމަށާއި އެ މައްސަލަ އަށް ހައްލު ހޯދައިދޭން ސަރުކާރުގައި އެދިފައިވާ ކަމަށް ވެސް ވިދާޅުވި އެވެ.
ދަރުބާއައިޔޫއެމްގެ ތިން ވަނަ ދަސްވެނިވުމުގެ ހަފުލާގައި ބައިވެރިވެވަޑައިގެންނެވި ބައެއް ބޭފުޅުން---ފޮޓޯ: ހުސެއިން ވަހީދު/މިހާރު
"އައިޔޫއެމްގެ އަމާޒަކީ ފުދުންތެރި މުއައްސަސާ އަކަށް ވުން. ޔުނިވަސިޓީ އަށް މިވަގުތު އޮތް އެންމެ ބޮޑު ގޮންޖެހުމަކީ، މިހާރު ޔުނިވަސިޓީ ހިންގަމުން ދަނީ، ޔުނިވަސިޓީ ފަދަ މުއައްސަސާ އަކަށް މުނާސަބު އިިމާރާތެއްގައި ކަމުގައި ނުުވުން. މި ކަމަށް ހައްލެއް ހޯދައިދިނުމަށް ސަރުކާރުގައި ވާނީ އެދިފައި،" ޝަހީމް ވިދާޅުވި އެވެ.
ބޭރުގެ ޔުނިވަސިޓީތަކާ އެކު އެއްބަސްވުންތައް ގާއިމްކޮށް، ރާއްޖެ އަށް އެކި ތަމްރީންތަކާއި ސްކޮލަޝިޕްތައް ހޯދައިދެމުން އަންނަ ކަމަށް ވެސް ޝަހީމް ވިދާޅުވި އެވެ. އަދި އަންނަ ހަފުތާގެ އާދިއްތަ ދުވަހު މަދީނާގެ އިސްލާމިކް ޔުނިވަސިޓީއާ އެކު ސޮއިކުރަން ހަމަޖައްސާފައިވާ ކަމަށާއި އެކަމުގެ ފައިދާ ވަރަށް ބޮޑަށް ކުރާނެ ކަން ވެސް ވިދާޅުވި އެވެ.
ދަރުބާރުގޭގައި ބޭއްވި އައިޔޫއެމްގެ ތިން ވަނަ ދަސްވެނިވުމުގެ ހަފުލާގައި ބައިވެރިވި ބައެއް ދަރިވަރުން: ރޭ ވަނީ 304 ދަރިވަރުން ދަސްވެނިވެފައި.---ފޮޓޯ: ހުސެއިން ވަހީދު/މިހާރު
ޝަހީމް ވިދާޅުވީ އައިޔޫއެމް އިން މަސައްކަތް ކުރަމުން އަންނަނީ އިރުމައްޗާއި ހުޅަނގުގެ އިސްލާމީ ޔުނިވަސިޓީތަކުން ނަމޫނާ ހޯދައި ރާއްޖެ އަށް ފެތޭ ގޮތަށް ޒަމާނީ އިސްލާމީ ތައުލީމެއް ފޯރުކޮށްދިނުމަށެވެ.
ސެޓްފިކެޓް ލެވެލް އިން ފެށިގެން މާސްޓާސްއާ ހަަމައަށް 646 ދަރިވަރުން ރޭ ވަނީ އައިޔޫއެމް އިން ދަސްވެނިވެފަ ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑިޕޮލަމާ މިލްސް
17 April 2018
ރާއްޖޭގަ މި އުފެދޭ ޑިޕޮލޮމާ މިލްސް ތަކުން ހަގީގީ ތައުލީމުގެ ފެންވަރު ދައްވެ ސަނަދު އިތުރުވެގެން މިދަނީ. މިއީ ކުރިމަގުގައް ވިސްނާއިރު ގޯހެއް!
ޙަހަހަހަހަހަހ
17 April 2018
ރޯނު އެދުރު
ސިރުހާ
17 April 2018
ތީ ސަރުކާރުގެ ތަނެއް. އަމިއްލައަށް ފައިސާ ހޯދަން ޖެހޭ ސަބަބެއް ނެތް. ހަރަދުކުރާނީ ދައުލަތުގެ ބަޖެޓުން. އަމިއްލައަށް ބޭރު މީހުން އަތުންނާއި ތަންތަނުން ފައިސާ ނަގައިގެން ކޮރަޕްޝަން ހިންގަން އޮތް ތަނެއް ނޫން.
ދަކުތަރު
17 April 2018
އެފައިސާ، މިފައިސާ! ހުސް ފައިސާ! ފައިސާޔާ ހެދި މޮޔަވެއްޖެ ބައެއް ދިވެހިން!
އިބްތިހާލް
17 April 2018
މަބޮޑޭ ޑރ! އެވެސް އުޅުމެއް ނެތް މީހެއް! ދީން ސިޔާސީ ހަތިޔާރަކަށް ހަދާލާފި! އަންނި އާއި ޔާމީން ފަދަ ލާދީނީ މީހުންނަށް ފުރުސަތު ލިބެނީ މިކަހަލަ އަމިއްލަ އެދުން ބޮޑު މީހުންގެ ސަބަބުން!