ކޯޗު ސޮބާހު: މި ސީޒަނުގައި ފެންނާނީ ކްލަބް ވެލެންސިއާ އިން.-- ފޮޓޯ: ނިޝާން އަލީ/ މިހާރު
20 އެޕްރީލް 2018 - 19:04
5 comments
ގްރީންސްޓްރީޓްސް އަށް ފުރަތަމަ ޑިވިޝަނުގައި އެ ކުޅެވެނީ އޭނާ ކުރި މަސައްކަތެއްގެ ސަބަބުން ކަމަށާއި އެ ޓީމުގެ ސަޕޯޓަރުން އޭނާއާ ދިމާލަށް ހަޅޭއްލެވުމުން ދައްކުވައިދެނީ އެކަން ބަލައިނުގަންނަން ކަމަށް ގްރީންސްޓްރީޓްސްގެ ކުރީގެ ކޯޗު އަދި ވެލެންސިއާގެ މިހާރުގެ ކޯޗު ސޮބާހް މުހައްމަދު އިބްރާހިމް ބުނެފި އެވެ.
މިއަދު ވެލެންސިއާ އަތުން 5-0 އިން ގްރީންސްޓްރީޓްސް މޮޅުވި މެޗުގައި އެ ޓީމުގެ ބައެއް ސަޕޯޓަރުން ވަނީ ސޮބާ އަށް ބަހުގެ ހަމަލާތަކެއް ފޮނުވާލައިފަ އެވެ. ސޮބާ އަކީ 2016 ވަނަ އަހަރު ގްރީންސްޓްރީޓްސް އަށް ފުރަތަމަ ޑިވިޝަނުން ޖާގަ ހޯދައިދީ މިދިޔަ އަހަރުގެ ދިވެހި ޕްރިމިއާ ލީގަށް އަރުވައިދިން ކޯޗެކެވެ. ސޮބާއާ އެކު މިދިޔަ ސީޒަނުގެ ފުރަތަމަ ބައިގައި ގްރީންސްޓްރީޓްސް އިން ރަނގަޅު ނަތީޖާތަކެއް ނެރުނު ނަމަވެސް ސީޒަނުގެ ފަހުކޮޅު އޭނާ ވަކިވީ ކްލަބާ މައްސަލަތަކެއް ޖެހިގެންނެވެ.
"އަޅުގަނޑު ފާހަގަކޮށްލަން ބޭނުން މެޗު ކުޅެމުން ދިޔައިރު ވަރަށް ގިނައިން އަޅުގަނޑާ ދިމާލަށް ނިސްބަތްކޮށްފައި ގްރީންސްޓްރީޓްސްގެ ބައެއް ސަޕޯޓަރުން އެ ގޮވަމުން އަންނަ އެއްޗެހި. އެއްވެސް މައްސަލައެއް ނެތް އަޅުގަނޑަށް. މިއަދު އަޅުގަނޑު ބުނާނީ ހަމަ ވަރަށް ހެވިލާފައި މި ބުނަނީ އަޅުގަނޑު ކޮށްލި މަސައްކަތުންނޭ ގްރީންސްޓްރީޓްސް މިއަދު ފަސްޓް ޑިވިޝަނުގައި އެ ބޯޅަ ކުޅެނީ،" ސޮބާ ބުންޏެވެ.
އޭނާ ބުނީ ކުރާ މަސައްކަތުގެ އަގު ސަޕޯޓަރުންނާއި އިދިކޮޅު ޓީމުގެ މެނޭޖްމަންޓުން ވެސް ވަޒަންކުރަން ޖެހޭ ކަމަށެވެ. އެކަމަކު މިއަދު އެ ހަޅޭއްލެވި ލެވުމުގައި ގްރީންސްޓްރީޓްސްގެ މެނޭޖްމަންޓުގެ އަތެއް އޮތް ކަމަށް ނުދެކޭ ކަމަށް ސޮބާ ބުންޏެވެ.
"އެއްގޮތަކަށް ވެސް އަޅުގަނޑު މި ބުނަނީ ގްރީންސްޓްރީޓްސްގެ މެނޭޖްމަންޓެކޭ ނޫން. އެކަމަކު ވެސް ސަޕޯޓަރުން އެހަޅޭއްލެވި ހަޅޭއްލެވުން އެއްގޮތަކަށް އަގުވަޒަންނުކުރިތަން މި ފެނިގެން ދިޔައީ،" ސޮބާ ބުންޏެވެ. "ވަރަށް ހިތާމަކުރަން. އެކަމަކު ވަރަށް އުފަލާ އެކު ހަމަ މި އަޅުގަނޑު ހަމަ ވަރަށް ރަނގަޅަށް ކުރި މަސައްކަތެއްގެ ސަބަބުން މިއަދު އެ މީހުންނަށް މިއަދު އެތާ އެތިބެވެނީ. އެއީ ފާހަގަކޮށްލަން ބޭނުންވާ ކަމަކީ."
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރީޝީ ކަޕޫރު
20 April 2018
ސޮބާ ބާލާބަ ރާއްޖޭގަ އުފެދުނު އެންމެ މޮޅު ފުޓްބޯޅަ ކުޅުންތެރިޔާއަށްވެސް މީހުން އެއްޗެހި ގޮވަނީ. އޭތީ މީތި. ސޮބާއަށްވުރެ ހުރިހާ ގޮތަކުން މާ މަގުބޫލު މީހެއް އެއީ. އެހެންވީމާ ދެރަނުވޭ. ޒިންމާ ދާރު ކަމާއެކު ތިކުރާ ކަމެއް ކުރޭ. ހިތްމަތާ އެކު ކެރިގެން މަސަކަތް ކޮށްފިއްޔާ ތިކަންތަ ބަލައިގަންނާނެ މީހުންވާނެ.
އިޚްލާޞް
20 April 2018
ސޮބާހޫ ތީ ހަމައެކަނި ސޮބާހު އާ ދިމާލަށް އެ ސަޕޯޓަރުން ގޮވާ ފަތިވަރެއް ނޫން ގްރީން ސްޓްރީޓް ކުޅޭ ކޮންމެ މެޗެއް ގަވެސް އަނެއް ޓީމުގެ ކުޅުންތެރިންނާއި ކޯޗް އަދި ސަޕޯޓަރުންނާ ދިމާއަށް އެމީހުން އަވަގުރާނަ އަށް ދާންދެން ގޮވައެވެ. އަދި އެއީ ސޮބާހު އެ ޓީމުގެ ކޯޗަކަށް ހުރި އިރުވެސް އެމީހުން ކަންކުރަމުން ގެންގޮސްފައިވާ ގޮތެވެ. އޭރު ސޮބާހު ވެސް އެކަން ހުއްޓުވުމަށް ކަމެއް ކުރި ތަނެއް ނުފެނެއެވެ. އަދި ކަމާބެހޭ ފަރާތްތަކުން ވެސް އުޅައެއް ނުލައެވެ. ދަރިން ގޮވައިގެން ދަނޑަށް ވަނީމަ އިވެނީ އަވަގުރާނަ ގޮވާ އަޑެވެ. މިކަމަށް ހައްލެއް ބޭނުން ވެއެވެ.
ބެލުންތެރިޔާ
21 April 2018
ތިބޭފުޅާ ދަނޑަށް ވަންނަނީ ހަމަ އެކަނި ގްރީން ކުޅޭ މެޗް ތަކުގަ ތޯ؟ އެހެންޓީމް ތަކުން ނުކިޔާ އެއްޗެއް ތިބުނާ ގްރީން އަކުން ކީ އަޑެއް ނާހަން
ހަޖަމް
20 April 2018
ސޮބާއަށް ހާދަ ނުވިސްނެޔޭ ދޯ ފްރޮފިސަނަލު ފުޓްބޯޅައިގަ ކިތައްމެ ބޮނޑް ކާމިޔާބެއް ހޯދައިދިނަސް އިދިކޮޅަށް ނިކުމެއްޖެއްޔާ ހަޅޭލެވުން އެއީ އޮންނަ ކަމެއް. މަންމަނުން ތަކެއް ހެން ތިބޭށޭ ތަ ތި ބުނަނި ޓީމް. ދުނިޔޭގަ ވެސް ކަން އޮންނި މިހެން ބާސާއަަށް ގޮސް އެބައި އަދި ނުކިޔަވަންދޯ.
ބާބާ
20 April 2018
ތިވާހަކަ ގަބޫލެއް ނުކުރެވޭނެ. ސޮބާ އަމިއްލައަށް ބޮނޑި ލިބިގަތީ. ބާސެލޯނާއިން މިކޮޅަށް ވަޑައިގަތުމަށްފަހު ދިވެހި ރެފުރީން ނީންމާ ނިންމުން މަނިކުފާނަށް ކަމުނުދިޔަ. ދެންފެނުނީ މެޗެއްގެ ވަކިހިސާބަކުން ޓީމު ގޮވައިގެން ފޭބި މަންޒަރު. އެހިސާބުން ޓީމު ފަނިވީ. ސޮބާގެ އަރަމުން ދިޔަ ތަރި އޮއްސެން ފެށީ އެހިސާބުން. ތިމާއަށް ތިމާ ފެނުނީ. .