ދިރާގުން މިދިޔަ އަހަރު ބޭއްވި އެ ކުންފުނީގެ އަހަރީ އާއްމު ޖަލްސާގައި ބޯޑު މެމްބަރުންނާއި ހިއްސާދާރުން ބައިވެރިވަނީ. މިދިޔަ އަހަރު ވެސް ބޮޑު ފައިދާއެއް ލިބުނު.
30 އެޕްރީލް 2018 - 10:48
5 comments
މިދިޔަ އަހަރުގެ ވިޔަފާރިން 898 މިލިއަން ރުފިޔާގެ ބޮޑު ފައިދާއެއް ދިރާގަށް ލިބިއްޖެ އެވެ.
ރާއްޖޭގެ އެންމެ ބޮޑު މުއާސަލާތީ ކުންފުނިން މިއަދު ނެރުނު، މިދިޔަ އަހަރުގެ މާލީ ހިސާބުތައް ދައްކާ ގޮތުން، 2017 ވަނަ އަހަރު އާމްދަނީގެ ގޮތުގައި 2.6 ބިލިއަން ރުފިޔާ އެ ކުންފުންޏަށް ލިބިފައިވެ އެވެ. އަދި ޓެކްސް އަށް ކެނޑުމުގެ ކުރިން، އެއް ބިލިއަން ރުފިޔާގެ ފައިދާއެއް ލިބިފައިވެ އެވެ. ދިރާގުން ޓެކްސްގެ ގޮތުގައި 160 މިލިއަން ރުފިޔާ ދައުލަތަށް ދައްކާފައިވެ އެވެ.
މިދިޔަ އަހަރު ސާފު ފައިދާގެ ގޮތުގައި 898 މިލިއަން ރުފިޔާ ދިރާގަށް ލިބުނުއިރު 2016 ވަނަ އަހަރު ސާފު ފައިދާ އަކީ 840 މިލިއަން ރުފިޔާ އެވެ.
އެ ކުންފުނިން މިދިޔަ އަހަރުގެ ސާފު ފައިދާ އިން ހިއްސާ އަކަށް 11.81ރ. ބަހަން ނިންމާފައިވެ އެވެ. އެ ކުންފުނީގެ އަހަރީ އާއްމު ޖަލްސާ ބޭއްވުމަށް ހަމަޖެހިފައި ވަނީ މި މަހުގެ 14 ވަނަ ދުވަހުގެ ރޭ ކުރުނބާ މޯލްޑިވްސްގަ އެވެ.
ދިރާގުގެ އަހަރީ ރިޕޯޓުގައި ސީއީއޯ އިސްމާއިލް ރަޝީދު ވިދާޅުވީ މިދިޔަ އަހަރުގެ ކާމިޔާބީތައް ރިކޯޑު މިންވަރަކަށް ހާސިލްވި ކަމަށެވެ. އެގޮތުން އާމްދަނީ އާއި ފައިދާ އިތުރުވެ އަދި ކަސްޓަމަރުންގެ އަދަދު ވެސް ގިނަވެ، ހުރިހާ ދިމާއަކުން ވިޔަފާރި ކުރިއަރާފައިވާ ކަމަށް އޭނާ ވިދާޅުވި އެވެ.
އިސްމާއިލް ވިދާޅުވީ، މޮބައިލް ކަސްޓަމަރުންގެ އަދަދު މިދިޔަ އަހަރު ނުވަ ޕަސެންޓް އިތުރުވެ، ފިކްސްޑް ބްރޯޑްބޭންޑް ކަސްޓަމަރުންގެ އަދަދު 18 ޕަސެންޓް އިތުރުވެފައިވާ ކަމަށެވެ. އަދި ގޭގެ އަށް ފައިބާ ބްރޯޑް ބޭންޑް ހިދުމަތް ދިނުމަށް ހިންގާ މަޝްރޫއުގެ ދަށުން އިތުރު 20 ރަށަކަށް މިދިޔަ އަހަރު އެ ހިދުމަތް ތައާރަފް ކޮށްފައިވާ ކަމަށް ވެސް އޭނާ ވިދާޅުވި އެވެ.
އިސްމާއިލް ވަނީ މިދިޔަ އަހަރު ދިރާގު ޓީވީ އާއި ދިރާގު ޕޭގެ ހިދުމަތް ތައާރަފްކޮށް ދިރާގުގެ ބްރޭންޑް އައިޑެންޓިޓީ ބަދަލުކުރިކަން ވެސް ފާހަގަކުރައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝޮކްތެރަޕީ
01 May 2018
މީގެ ފައިދާދާނީ ބޭރުގައުމަކަ ނަޝީދު ވަނީ މެޖޯރެޓީ ހިސްސާވިއްކާލާފަ.
ރތެރ
01 May 2018
އޫރިދޫއިން އެހެރަ ގެންދަނީ ހުރިހާ އެއްޗެއް. ދިރާގުން ކޮށްމެވެސް އެއްޗެއް ސަރުކާރަށް ލިބޭތާ
އިޚްލާސް
30 April 2018
ރައްޔިތުން ފެލައިގެން ފައިދާ ލިބުނީމާ، ލަވަކިޔާ ނައްޓަވާށެވެ. ތިޔަ އޮތީ ވަރަށް މޮޅުކަމެއް ވެފައެވެ. ކިތައްމެ އަގުބޮޑަސް ފެލާލިޔަސް ފޯނާ އިންޓަރނެޓް ޚިދުމަތާ ނުލާ އުޅުމަކީ އުނދަގޫކަމެވެ.
ަސދަސދ
01 May 2018
އުދނަގޫކޮށް އުޅެން ދަސްކޮށް ފޯނަށް ކުރާ ޚަރަދު ކުޑަކުރީމާ ނިމުނީ.
ަސދަސދ
01 May 2018
ރާއްޖެ މީހުން ފޯން ބޭނުންކުރަނީ ދުނިޔޭގެ އެހެން ގައުމުތަކުގެ މީހުން ވިޔާފާރިއަށްވެސް ބޭނުން ނުކުރާހާ ގިނައިން. ފޯނަށް ބޭކަޜު ޚަރަދުކުރުން ހުއްޓާލީމާ ޚަރަދު ކުޑަވާނެ. މީހުންނާއި އިނދެގެން ތިބޭމީހުން 2 ފޯން ގެންގުޅޚުމާއި ، ފަސް ހަގަޑި އިރުވަންދެން ފޮޅުވަން ތިބީމާ ކަމަކު ނުދާނެ.