ވިކްޓަރީން ޕްރިމިއާ ލީގުގެ ފުރުސަތު ބޮޑުކޮށްފި

27 މެއި 2018 - 10:27

ކްލަބް ވެލެންސިއާ އަތުން 3-1 އިން މޮޅުވެ އެސްޓީއޯ މާލޭ ލީގުގެ ދެ ވަނަ މަގާމަށް އަރައި ދިވެހި ޕްރިމިއާ ލީގުގެ ޖާގަ އެއް ހޯދުމާ ގާތަށް ވިކްޓަރީން ޖެހިލައިފި އެވެ.

ވިކްޓަރީ 19 ޕޮއިންޓާ އެކު ދެ ވަނައިގައި އޮތްއިރު ގަދަ ހަޔެއް ކަށަވަރުކުރަން ބޭނުންވަނީ އެންމެ ޕޮއިންޓެކެވެ. އެއް ވަނައިގައި 25 ޕޮއިންޓާ އެކު އޮތީ ނިއު ރޭޑިއަންޓެވެ. ރޭގެ މެޗާ އެކު ވެލެންސިއާ 11 މެޗު ނިންމާލީ މޮޅެއް ނުލިބި އެވެ. އެންމެ ޕޮއިންޓަކާ އެކު ތާވަލުގެ ފުލުގައި އޮތްއިރު ގަދަ ހަޔަކަށް ވަނުމަށް އޮތީ އުނދަގޫ މަގެކެވެ.

ރޭގެ މެޗުގައި ވިކްޓަރީ އަށް 32 ވަނަ މިނެޓުގައި ލީޑު ނަގައިދިނީ އަހުމަދު ނާޝިދު (ނައްޓޭ) އެވެ. އަނެއް ދެ ގޯލް ޖެހީ ސިމޮން ޓިބޯ އެވެ. އޭނާ ފުރަތަމަ ގޯލް 58 ވަނަ މިނެޓުގައި ޖެހިއިރު ދެ ވަނަ ގޯލް ޖެހީ 71 ވަނަ މިނެޓުގަ އެވެ. ވެލެންސިއާގެ ހަމައެކަނި ގޯލް ޖެހީ 80 ވަނަ މިނެޓުގައި ޕެނަލްޓީއަކުން ރީގާ ސާޖެއީ އެވެ.

ވިކްޓަރީގެ ކޯޗު ލާސްލޯ ކިސް ބުނީ ވިކްޓަރީގެ ކުޅުންތެރިންނާއި މެނޭޖްމަންޓަށް މަރުހަބާ ކިޔާ ކަމަށާއި އެންމެން ވެގެން ކުރަނީ ރަނގަޅު މަސައްކަތެއް ކަމަށެވެ. އަދި މޮޅާ މެދު ވަރަށް ބޮޑަށް ހިތްހަމަޖެހޭ ކަމަށް ވެސް ބުންޏެވެ.

ވެލެންސިއާގެ އެސިސްޓަންޓް ކޯޗު އާދަމް އަބްދުއްލަތީފް (ލައްޗޭ) ބުނީ ބަލިވި ނަމަވެސް ވަރަށް ގިނަ ރަނގަޅު ކަންކަން ފާހަގަވި ކަމަށާއި މިރޭ ހެދުނު ގޯސްތައް ރަނގަޅުކޮށް ދެން މެޗެއް ރަނގަޅުވާނެ ކަމަށް އުއްމީދުކުރާ ކަމަށެވެ.

ވިކްޓަރީ ސްޕޯޓްސް ކްލަބް ކްލަބް ވެލެންސިއާ

6 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތެދުވިޔާ ތެދު

28 May 2018

ދިވެހި ފުޓްބޯޅާއިގަ ކުރީގެ ގަދަބާރެއް ވެލެންސިޔާ އަކީ މިހާރު އޭއީ ހަމަ އަތޮޅުތެރޭގަ އަތޮޅު މުބާރާތުން ފުރަތަމަ ބުރުން ކަޓާވަރުގެ އާދައިގެ ޓީމެއް މިހާރު ގަދަބާރުތަކަކީ މާޒިޔާ އީގަލްސް ޓީސީ ނިއު ދެން ގަބޫލުކުރަން ދަތިވެދާނެ މި ހަގީގަތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަގިއްޔާ

27 May 2018

ދިވެހި ފުޓްބޯޅައިގެ ވަރުގަދަ ބާރެއް މިހާލުގައި އުޅޭކަމީ ގައުމީ ކުޅިވަރަށް ލިބޭ ވަރަށް ބޮޑު ނިކަމެތިކަމެއް. އެއްދުވަސް ވަރެއްގައި އެއީ ގައުމުގެ ޒުވާން ޖިންސުއްލަތީފުން އެންމެ ބަލަން ބޭނުވާ ޓީމު. އެންމެ އުންމީދި ކުޅުންތެރިން އެންމެ ގިނައިން ފެނުނު ޓީމު. ދިވެހި މޮޅު ފޯވަޑުންތަކެއް ކެނޑިނޭޅި ފެންނަމުން ދިޔަޓީމު. ކުޑަހީނާ، ބައްޓޭ، ލައްޗޭ، ސާޔާ، ތޮއްޑޫ، އެކަކަށް ދޫކުރާނެ މީހެއްނެތް..އުމުރުން 16 އަހަރުގަ ދިވެހިގައުމު ގުގުމާލި ދަނގަޑޭވެސް ވިދާލީ ޓިމު. މިހާރު.....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިލްމް

27 May 2018

ތި ހެދުނު ގޯސްތައް ރަގަޅު ކުރާނަމޭ ބުނީ ކުރިން ކުޅުނި މެޗްތަކުގަވެސް ދުވަހަކު ރަގަޅު ވީ ތަނެއް ނައި..ލައްޗޭމެން މަތީ ލެވަލްގަ ކުޅެފަ ތިބި މީހުން ވެސް އެއްވެސް ޒިންމާދާރު ކަމެއް ނެތް. ކޮންމެ މެޗެއް ނިމްނީމަ ދެންމެޗެއްގަ ރަގަޅު ކުރާނަށް ކުޅުންތެރި ކުޅުން ރަގަޅު. އެކަމް ޓީމް މި އޮތީ މެޗަކުން މޮޅެއް ނުވެ ރެލިގޭސަން ޒޯނުގޭ..