"ޑެޑްޕޫލް 2" ގެ މިއުޒިކް އަހަރެންގެ މިއުޒިކާ ވައްތަރު: ކަންޔޭ ވެސްޓް

ކަންޔޭ އަދި ރަޔަން: ކަންދޭ ބުނަނީ "ޑެޑްޕޫލް" ގެ ޓްރެކްތައް އޭނާގެ މިއުޒިކާ ވައްތަރު ކަމަށް.

އަހުމަދު އަދްޝަން، މިހާރު

15 ޖޫން 2018 - 08:12

ދާދި ފަހުން ރިލީޒް ކުރި ސުޕަހީރޯ ފިލްމް "ޑެޑްޕޫލް 2" ގެ މިއުޒިކް، ކަންޔޭ ވެސްޓްގެ އުފެއްދުންތަކަކާ ވައްތަރު ކަމަށް އޭނާ ބުނެފި އެވެ.

ކަންޔޭ ކުރި ޓްވީޓްތަކެއްގައި ބުނީ "ޑެޑްޕޫލް" ގެ ދެ ފިލްމް ވެސް ވަރަށް ކަމުދިޔަ ކަމަށެވެެ. އަދި އޭގެ ޓްރެކްތައް އޭނާގެ މިއުޒިކްތަކާ ވަރަށް ވައްތަރު ކަމަށް ބުންޏެވެ.

ކިމް ކާޑޭޝިއޭޝަންގެ ފިރިމީހާ ބުނި ގޮތުގައި "ޑެޑްޕޫލް" ގެ މިއުޒިކް އޭނާ ލައްވައި ހައްދަން ބޭނުން ނަމަ އެކަމަށް ހުންނާނީ ތައްޔާރަށެވެ. އަދި އެ ފުރުސަތު ދެން ފަހަރަކުން ލިބޭނެ ކަމަށް އުންމީދުކުރާ ކަމަށް ބުންޏެވެ.

I love both Deadpool movies🔥🔥🔥🔥🔥🔥🔥🔥🔥… I heard tracks in it that sound similar to mine… bro I would have cleared my music for Deadpool …
— KANYE WEST (@kanyewest) June 12, 2018

ކަންޔޭގެ ޓްވީޓް.

ރަޔަން ރެނޮލްޑްސް ޓައިޓްލް ރޯލް ކުޅޭ "ޑެޑްޕޫލް" ގައި ދެވަނަ ބައިގައި ހިމެނޭ ޓްރެކްތަކުގެ ތެރެއިން މަޝްހޫރު ލަވަކިޔުންތެރިޔާ ސެލީން ޑިއޯންގެ އޮރިޖިނަލް ޓްރެކް "އޭޝެސް" ވެސް ހިމެނެ އެވެ.

ކަންޔޭގެ ޓްވީޓްތަކާ ގުޅިގެން ރަޔަން ކުރި ޓްވީޓެއްގައި ބުނީ އޭނާގެ ވާހަކަތަކަށް އެއްބަސްވާ ކަމަށާއި ސެލީން ޑިއޮންއާ ވާހަކަ ދައްކައިލާނެ ކަމަށެވެ.

Agree. I’m having a word with Celine Dion. https://t.co/NnMSBBNA9k
— Ryan Reynolds (@VancityReynolds) June 12, 2018

ރަޔަންގެ ޓްވީޓް.

މިދިޔަ މަހުގެ 15 ގައި ރިލީޒް ކުރި "ޑެޑްޕޫލް 2" އަށް ބޮކްސް އޮފީހުގައި 615.3 މިލިއަން ޑޮލަރުގެ އާމްދަނީއެއް ލިބުނެވެ. މި ފިލްމް ހަދަން ހަރަދު ކުރީ 110 މިލިއަން ޑޮލަރެވެ.

"ޑެޑްޕޫލް" ގެ ފުރަތަމަ ބައި ގެނެސް ދިނީ 2016 ގަ އެވެ. ޖުމްލަ 58 މިލިއަން ޑޮލަރުގެ ބަޓެކުން ހެދި އެ ފިލްމަށް ބޮކްސް އޮފީހުގައި 783.1 މިލިއަން ޑޮލަރު ލިބުނެވެ.