އޭޑީކޭގައި ދިހަ ބުރީގެ އެކޮމޮޑޭޝަން ބިލްޑިންގެއް އަޅަން ބަޔަކާ ހަވާލުކޮށްފި

އޭޑީކޭގައި އެކޮމޮޑޭޝަން ބިލްޑިންގެއް ހަދަން އޭބީސީއާއެކު މިއަދު އެއްބަސްވުމުގައި ސޮއިކުރުމަށްފަހު ސަލާމްކުރައްވަނީ. ފޮޓޯ: އޭޑީކޭ ހޮސްޕިޓަލް

އަބްދުﷲ ޖަމީލު، މިހާރު

27 ޖުލައި 2016 - 20:55

9 comments

އޭޑީކޭ ހޮސްޕިޓަލްގެ ގޯތިތެރޭގައި ދިހަ ބުރީގެ އެކޮމޮޑޭޝަން ބިލްޑިންއެއް ހަދަން ބަޔަކާ މިއަދު ހަވާލުކޮށްފި އެވެ.

އޭޑީކޭ ތަރައްގީކުރުމުގެ ދެވަނަ ފިޔަވަހީގެ ދަށުން މުވައްޒަފުންނަށް 35 ފްލެޓާއި އެ ހޮސްޕިޓަލުން ހިދުމަތް ހޯދަން ރަށްރަށުން އަންނަ މީހުން ތިބުމަށް ހާއްސަ 24 ފްލެޓް ހިމެނޭ އިމާރާތް ހެދުމަށް ހަވާލުކޮށްފައި ވަނީ އޭބީސީ ކޮންސްޓްރަކްޝަން ކޮމްޕެނީއާ އެވެ. އޭޑީކޭގެ ފޭސް އެކެއްގެ ބިލްޑިންގާ ޖެހިގެން އިރަަށް އޮންނަ ތަނުގައި ހަދާ އިމާރާތުގެ އަގެއް އެ ކުންފުނިން ހާމައެއް ނުކުރެ އެވެ.

އެ ހޮސްޕިޓަލުގައި މިއަދު ބޭއްވި ރަސްމިއްޔާތެއްގައި އޭޑީކޭގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު އަފްއާލެވެ. އޭބީސީގެ ފަރާތުން ސޮއިކުރެއްވީ މެނޭޖިން ޑިރެކްޓަރު އަހުމަދު ވަހީދު (ބިންމާ އަހުމަދު) އެވެ.

އޭޑީކޭގައި އެކޮމޮޑޭޝަން ބިލްޑިންގެއް ހަދަން އޭބީސީއާއެކު މިއަދު އެއްބަސްވުމުގައި ސޮއިކުރަނީ. ފޮޓޯ: އޭޑީކޭ ހޮސްޕިޓަލް

އެ ރަސްމިއްޔާތުގައި ވާހަކަދައްކަވަމުން އޭޑީކޭގެ މެނޭޖިން ޑިރެކްޓަރު އަހުމަދު އަފްއާލް ވިދާޅުވީ އެ ހޮސްޕިޓަލުން ހިދުމަތް ހޯދަން ރަށްރަށުން އަންނަ މީހުންނަށް އަލަށް ހަދާ ގާތްގަނޑަކަށް 4،000 އަކަފޫޓުގެ ބިލްޑިންގުން ހެޔޮ އަގެއްގައި ޖާގަ ލިބެން ހުންނާނެ ކަމަށެވެ. އަދި އެތަނުން ކޮޓަރި ކުއްޔަށްދޭ އަގު މާކެޓް ރޭޓަށްވުރެ ހެޔޮވާނެ ކަމަށް ވެސް އޭނާ ވިދާޅުވި އެވެ.

އަފްއާލް ވިދާޅުވީ އެ އިމާރާތުގެ 35 ފްލެޓް ހާއްސަކުރަނީ އެ ހޮސްޕިޓަލުގައި މަސައްކަތްކުރަން އަންނަ ޕްރޮފެޝަނަލް ބޭފުޅުންނަށް ކަމަށެވެ. އަދި އޭގެ ސަބަބުން އެ ހޮސްޕިޓަލުގެ ވަޒީފާއަށް ޝައުގުވެރިވާ މިންވަރު އިތުރުވާނެ ކަމަށް ވެސް އޭނާ ވިދާޅުވި އެވެ.

އޭޑީކޭ އިން ބުނީ މިއަދު ސޮއިކުރި އެއްބަސްވުމުގެ ދަށުން، އެ ހޮސްޕިޓަލުގެ ފޭސް3 އަށް ހެދި ދިހަ ބުރީގެ އިމާރާތުގެ ނުނިމި ހުރި މަސައްކަތް ވެސް ނިންމަން ޖެހޭ ކަމަށެވެ. އެ އިމާރާތަކީ އެޑީކޭ ކަންމަތީގައި ސޯސަންމަގަށްވާ ގޮތަށް ޖައުސާ ކޮންސްޓްރަކްޝަނާ ހަވާލުކޮށްގެން ހަދަން ފެށި އިމާރާތެވެ. ކޮންކްރީޓް މަސައްކަތް ނިމިފައިވާ ދިހަ ބުރީގެ ބިލްޑިންގެ މަސައްކަތް ދެ މަސްދުވަހުގެ ތެރޭގައި ނިންމަން ޖެހޭއިރު ފޭސް ތިނެއްގެ ބިލްޑިން 18 މަސްދުވަހުގެ ތެރޭގައި ނިންމަން ޖެހޭ ކަމަށް އެ ކުންފުނިން ބުންޏެވެ.

ސިއްހަތު އޭޑީކޭ ހޮސްޕިޓަލް އޭޑީކޭ އަހުމަދު އަފްއާލް

9 ކޮމެންޓް, 17 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޞިއްކަމޮހޮރީ

28 July 2016

ތިޔަ އޭޑީކޭ ހޮސްޕިޓަލް ގެސްޓް ހައުސް އަކަށް ބަދަލުކުރަނީތޯ؟ މިހާރު ބަލިވެގެން އެތާ ބާއްވަންޔާ އެއްހާސް ރުފިޔާ 24 ގަޑި އިރަށް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެތެރޭ މީހާ

28 July 2016

އަނެއްހެންދެން ގޯހެއް ނޫންތާ. ރަށްރަށުން އަންނަ ނިކަމެތިމީހާ އޭޑީކޭއިން އެންމެ އަގުބޮޑުކޮށް ބޭސްކުރަނީ. މިހާރު އޭޑީކޭއިން އެވިސްނަނީ ބިއުޓިފުލް ތިންކިންގއަކުން ހުރުމުގެ ލާރިކޮޅުވެސް އެހެންފަރާތްތަކަށް ނުގޮސް ސަރުކާރުން އެހާމެ އަގުހެޔޮކޮށް ނަގާފައިވާ ބިމަކުން ބަލިމީހާއަތުން ރިޔަލްއެސްޓޭޓް ޖެއްސޭތޯވިއްޔާ. އޭޑީކޭ ނާޝިދު ރަގަޅު. އަޑުއަށްސަވަންތޯ "ބްލަޑް މަނީ" ކިޔާ ބަހެއް؟؟؟ ށ.ގާކޮށިނބީ ރިސޯޓަށްވުރެ ބޮޑުފައިދާއެއްވާނެ ބަލިމީހުންއަތުން ހޯއްދަވަން. ވަޓްއަ ބްލަޑީ ބިއުޓިފުލް މައިންޑް. ދެން ބުނާނެ އެބިލްޑިންގްތެރެއަށް ވެއްދޭނީ އޭޑީކޭ ރެސްޓޯރަންޓްގައ ކައްކާއެއްޗެހި އެކަންޏޭ އޭރުން އަގުހެޔޮވާނެތާ... ޕަކާސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާސިދު

28 July 2016

މިހާރު ކޮޓަރިޔެއް 900 ، 1050 ރ އަށް ދޭބަޔަކު ކުރިޔަށް އޮތްތަނުގަ އަގު ހެޔޮވާވާނޭ ބުނީމަ ކާކުބާ ގަބޫލުކުރާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހުމަދު

28 July 2016

ތިޔަ ބިލްޑިންގ ނާޅާ އިހަށް ކަސްޓަމަރ ސާވިސް ރަގަޅުކޮށްބަލަ ތިތަނުގެ. ސަރުކާރު ހޮސްޕިޓަލަށް ވުރެ ފެންވަރުދަށޭ ތިތަނުގެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުތާގެ ހަސަނު

28 July 2016

އޭޑީކޭ އެބަ ޖެހޭ ބިޑައްލާފަ ބިމުގެ ކުލި މާލޭގެ މާރކެޓް ރޭޓަށް ފައްތަން މިއަދުވެސް ބޮޑު ފައިދާ އެއްނަގަމުން ރިސޯރޓް ހަދަމުން އެދަނީ އިނގިރޭސިން ހަދާފަ ހުރި ސެންޓްރަލް ހޮސްޕިޓަލުގެ އިމާރާތުގަ މިވީހާ ދުވަހު ގެނައި މާބޮޑު ބަދަލެއް ނެތް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މީމަށޭ

27 July 2016

ކުޑަ އަގެއްގައި ބިން ނގައިގެން ހިންގާ ބޮޑު ވިޔަފާރިއެއް. ރިޒޯޓަކަށް ވުރެ ފައިދާ ބޮޑު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސްމޫތް

27 July 2016

އިދިކޮޅު ރަންރީނދޫ ވެރިކަމުގައި އޭޑީކޭ ދިޔައީ ދަށަށް. ޕީޕީއެމް އެމްޑީއޭ އަދި ޖޭޕީ ކޯލިޝަންގެ ބިއުޓިފުލް ވެރިކަމުގައި އޭޑީކޭ އެދަނީ ކުރިއަށް ކުރިއަށް ހަމަ ކުރިއަށެވެ. އޭޑީކޭ އަށް ވެސް މާބޮޑަށް ރަނގަޅު ރައީސް ޔާމީންގެ ވެރިކަމުގައި. ދެން އޭޑީކޭ ނާޝިދު ވެސް ތިޔާ ރަތް ދަކަ އަވީގައި ރަންރީނދޫ ކުދިންނާއި އެކު ހިޔަންޏަށް މުޑި ނަގަން ނޫޅެ ޕިންކް އޮފީހަށް އަންނަންވީ ޕިންކް ފޯރމް ފުރާނެ ގޮތް ދަސްކުރަން. އެއިރުން ހުރިހާ ކަމެއް ދާނީ އޮމާން ކޮށް މަޑުކަނޑުގައި ސްޕީޑް ބޯޓް ދުއްވާފައި ދާ ފަދަ އޮމާން ކޮށް. ސްމޫތް ޓްރެވެލިންގް..