އާޖެންޓީނާގެ މާކޮސް އަކޫނާ އަށް ކްރޮއޭޝިއާގެ ޕެރިސިޗް (ވ) އެހީވަނީ. --ފޮޓޯ: އޭއެފްޕީ
22 ޖޫން 2018 - 10:04
7 comments
ނިޒްނީ ނޮވޮގޮރޮޑް (ޖޫން 22) – ލިއޮނަލް މެސީ މޮޅު ކަމަށާއި އެކަމަކު އާޖެންޓީނާ އަށް ކަމެއް ހާސިލްކުރެވޭނީ ޓީމެއްގެ ގޮތުގައި ކުޅެން ދަސްކޮށްގެން ކަމަށް ވޯލްޑް ކަޕުގައި ރޭ އެ ޓީމު އަތުން 3-0 އިން މޮޅުވި ކްރޮއޭޝިއާގެ ވިންގާ އިވާން ޕެރިސިޗް ބުނެފި އެވެ.
ކްރޮއޭޝިއާ އިން 1998 ވަނަ އަހަރަށް ފަހު ފުރަތަމަ ފަހަރަށް މުބާރާތުގެ ދެ ވަނަ ބުރުން ރޭ ޖާގަ ހޯދިއިރު ޖުމްލަކޮށް މުޅި ޓީމުން މޮޅު ކުޅުމެއް ދެއްކި އެވެ. އަނެއްކޮޅުން މި މެޗުން ބަލިވުމުން އާޖެންޓީނާ އަށް ވަނީ ގްރޫޕް ސްޓޭޖުން ކެޓުމުގެ ބިރާ ކުރިމަތިވެފަ އެވެ.
"މެސީ އަކީ އެންމެ މޮޅު ކުޅުންތެރިއާ، ކްރިސްޓިއާނޯ ރޮނާލްޑޯ ފަދައިން. އެކަމަކު ކަމެއް ހާސިލްކުރެވޭނީ ޓީމެއްގެ ގޮތުގައި ކުޅެގެން. އާޖެންޓީނާ އިން އެބަޖެހޭ ބަދަލުތަކެއް ގެންނަން ކުރިއަށްދަންޏާ،" ޕެރިސިޗް ބުންޏެވެ.
އޭނާ ބުނީ ކްރޮއޭޝިއާ އޮތީ 1998 ވަނަ އަހަރުގެ ކާމިޔާބީ ތަކުރާރުކުރުމަށް ރަނގަޅު ޓްރެކުގައި ކަމަށާއި މިގޮތުގައި ކުރިއަށްދާން ޖެހޭ ކަމަށެވެ.
"އަހަރެމެން ވަރަށް ރަނގަޅަށް ކުޅުނިން. ޗޭންޖިން ރޫމުގެ ތެރޭގައި އަހަރެމެން ބުނިން ހިތްވަރާ އެކު ޑިފެންސްކުރަން ޖެހޭނެޔޭ އަދި އެގޮތަށް އަމަލުކުރިން. އަހަރެމެންނަށް ފުރަތަމަ ހާފުގައި ވެސް ފުރުސަތުތަކެއް ލިބުނު. އެއަށް ފަހު ދެ ވަނަ ހާފުގައި ގޯލްތައް އަންނަން ފެށީ. އަހަރެމެން އަތުގައި އޮތީ ހައްގު ހަ ޕޮއިންޓް، ދެން މިހާރު ބޭނުންވަނީ އައިސްލެންޑް ވެސް ބަލިކުރަން،" ޕެރިސިޗް ބުންޏެވެ.
އައިސްލެންޑް އަތުން އެންމެ ޕޮއިންޓެއް ހޯދައިގެން ވެސް ކްރޮއޭޝިއާ އަށް ގްރޫޕުގެ އެއް ވަނަ ލިބޭނެ އެވެ. ގްރޫޕް އެފް ގެ އެއް ވަނަ ފްރާންސް ހޯދާނެ ކަމަށް ބެލެވޭއިރު އެ ޓީމާ ނުޖެހި ސަލާމަތްވާނީ ކްރޮއޭޝިއާ އިން އެއް ވަނަ ހޯދައިގެންނެވެ.
އެ ޓީމުގެ ކެޕްޓަން ލޫކާ މޮޑްރިޗް ބުނީ އާޖެންޓީނާ އަތުން 3-0 އިން ލިބުނީ ހައްގު މޮޅެއް ކަމަށާއި އެކަމަކު ހަމަ ބިމުގައި ތިބެން ޖެހޭ ކަމަށެވެ.
"ޔަގީން މި މޮޅުގެ ސަބަބުން ދެން އަންނަ މެޗަށް އަހަރެމެންގެ އިތުބާރު ބޮޑުވާނެ. އަދި އަހަރެމެން ދައްކުވައިދީފިން އަހަރެމެންނަށް މެޗުގެ ތެރޭގައި ފުރުސަތު ހޯދޭނެކަން، އެކަމަކު ހިނގާ އަހަރެމެން ހަމަބިމުގައި ތިބެމާ،" މޮޑްރިޗް ބުންޏެވެ.
އޭނާ ބުނީ ފުރަތަމަ ހާފުގައި އާޖެންޓީނާގެ އަތުގައި ބޯޅަ އޮތްއިރު މެސީ އަށް ބޯޅަ ލިބުނަނުދީ ހިފެހެއްޓިން ކަމަށާއި އެކަމަކު އެ ހާފުގައި ވެސް ކްރޮއޭޝިއާ އަށް ގޯލް ޖަހަން ފުރުސަތު ލިބުނު ކަމަށެވެ. އަދި ދެ ވަނަ ހާފުގައި މެޗު ހުޅުވިގެން ދިޔަ ކަމަށާއި މިއީ ކްރޮއޭޝިއާ ހައްގު މޮޅެއް ކަމަށް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނުރަބޯ
24 June 2018
އާޖެންޓީނާ ޓީމު ހަލާކުކުރަނީ މެސީ. މެސީގެ ނުފޫޒުން އިކާޑީ ޓީމަށް ނުނެގީވެސް. ތި ހިގުއިން މެން ތިއީ ކޮންބައެއް
މޮޑްރިޗް
23 June 2018
ރޮނާލްޑޯ ސަލާޙް ކީން އަދި ކަވާނީ ނޭމާ މިމީހުން ކުޅޭ އިރު އިދިކޮޅުން "ބޮޑުފާރު" ނުހަދާ ހަމަ އެކަނި މެސީ ކުޅޭ މެޗްތަކުގަ "ބޮޑުފާރު" ހަދައިގެން ކުޅެނީ ޖެހިލުން ނުވާތީތަ، މެސީ ވަރެއް ނެތް
އެކްސްކިއުޒް
22 June 2018
އާޖެންޓީނާ ފުޓްބޯޅަ ކުޅޭނެ ކަމެއް ނެތް. މަހައްދޭ.
ވޯލްޑް. ކަޕް އެނަލިސްޓް.
22 June 2018
މެސީ އަކީ އިދިކޮޅު ޓީމް މީހުން އަތުގައި ބޯޅަ އޮންނަ ހޯދަން މަސައްކަތް ނުކުރާ ކުޅުންތެރިއެއް. އަމިއްލަޔަށް މަސައްކަތް ކޮށްގެން ބޯޅަ ހޯދައިގެން މޮޅު ކުޅުން ކުޅުނީމައި މޮޅު ކަމަށް ވާނީ ، މީހަކު ބޯޅަ ދިނީމައި ސްޕީޑު ބާރު ވީމައި އަދި ނެއްޓުމުގެ ހުނަރު ހުރުމުގެ ސަބަބުން ތިން ހަތަރު ކުޅުންތެރިން ކައިރިން ނައްޓައި ދެވިދާނެ. ޢެކަމަކު އިދކޮޅުން މޮޅަށް ކުޅޭ ދަނޑިވަޅުގައި މެސީ މަސައްކަތް ނުކުރޭ ބޯޅަ ހޯދަން. މުޅިމެޗުގައިވެސް މެސީ ފައގައި ޖެހުނު ކޮންމެ ބޯޅައަކީ އާޖެންޓީނާގެ ކުޅުންތެރިއެއްގެ ބުރަ މަސައްކަތުން ހޯދާފައި ދީފައި ހުރި ބޯޅަ.. އެކަން މެސީ ނުދަނެ.
ކެނެޑީ
22 June 2018
ތިގޮތަށޭ މެސީ ބާސެލޯނަގެވެސް ކުޅެނީ. އެހެން އެވަނީވެސް އިންޖަރީ އެވޮއިޑް ކުރަންހެން ހީވަނީ. ފެނުންތަ ސަލާހު އިސްވެ ރާމޯސް އަތުން ބޯޅަ ހޯދަން އުޅުނީމަ ވީގޮތް
މެސީ
23 June 2018
އަސްލު މެސީ މޮޅު އެކަމަކު މަށައްހީވަނީ މެސީ ނައިޖީރިއާ މެޗަށް ބެންޗުންހެން ޖާގަ ދޭންވީ. މެސީއަށް ބޯޅަ ލިބޭއިރަށް 5 ނޫނީ6 މެސީ ވަށާލަ އެވަރުންވެސް ދެމިގަންނަ އިރަށް ކަނޑާ ވައްޓާލަ. މިވަރުން ކޮން ފުޓްބޯޅައެއް ކުޅޭކަށް. މެސީ ދެކެ ޓީޟްތަކުން ޖެހިލުންވަނީ މެސީ ހަމަ މޮޅުވީމަ
މަސީހު
22 June 2018
ސާބަހޭ ކުރުއޭށިޔާ މެސީ ސުމެއް؟؟؟؟؟؟