މާލޭގެ ވިޔަފާރި ބަނދަރުގައި ސީއެމްއޭ ސީޖީއެމްގެ ކޮންޓެއިނަރެއް ހިފައިގެން ދަނީ: އެ ކޮންޓެއިނަރުން ނަގާ ފީ މާދަމާ އިން ފެށިގެން ބޮޑުކުރަން ވަނީ ނިންމާފައި.
26 ޖޫން 2018 - 15:35
21 comments
މާލޭގެ ވިޔަފާރި ބަނދަރަށް މުދާ ބޭލުން ލަސްވާތީ، އޮޕަރޭޝަން ކޮސްޓް ރިކަވަރީ (އޯސީއާރު)ގެ ނަމުގައި ސީއެމްއޭ ސީޖީއެމް ކޮންމެ ކޮންޓެއިނަރަކަށް 75 ޑޮލަރު (1،156ރ.)ގެ ފީއެއް ޓީޓީއެސް މޯލްޑިވްސް އިން މާދަމާ އިން ފެށިގެން ނަގާ ގޮތަށް ހަމަަޖައްސައިފި އެވެ.
ސީއެމްއޭ ސީޖީއެމް ކޮންޓެއިނަރަކީ ޓީޓީއެސް މޯލްޑިވްސްއިން ރާއްޖެއަށް މުދާ އުފުލަން ބޭނުންކުރާ ފްރާންސްގެ ކުންފުންޏެއްގެ ކޮންޓެއިނަރެވެ. އެއީ ދުނިޔޭގެ ތިންވަނަ އަށް އެންމެ ބޮޑު ކޮންޓެއިނަރު ޝިޕިން ކުންފުންޏެވެ.
ރާއްޖެ އަށް އެންމެ ގިނަ ކާގޯ ބޯޓު އޮޕަރޭޓްކުރާ ޓީޓީއެސް މޯލްޑިވްސް އިން އޮޕަރޭޝަން ކޮސްޓް ރިކަވަރީގެ ގޮތުގައި 75 ޑޮލަރު ނަގަން ޓީޓީއެސް އިން ނިންމި މާލޭގެ ވިޔަފާރި ބަނދަރު ތޮއްޖެހި އެތަނަށް މުދާ ބާލަން އެތައް ދުވަހެއް ހޭދަވާކަމުގެ ޝަކުވާ ވިޔަފާރިވެރިން ދަނީ ކުރަމުންނެވެ. އެގޮތުން ކުރިން 24 ގަޑިއިރުން ހުސްކުރެވޭ ބޯޓުތައް މިހާރު ހުސްކުރަން ހަފުތާއަކަށްވުރެ ގިނަ ދުވަސް ނަގާ ކަމަށް ވެސް ބައެއް ވިޔަފާރިވެރިން ބުންޏެވެ.
ޓީޓީއެސް އިން މިދިޔަ ހޮނިހިރު ދުވަހު ނެރުނު ނޯޓިސްއެއްގައި ބުނެފައި ވަނީ ރާއްޖެއަށް މުދަލާއެކު ގެންނަ ކޮންމެ ކޮންޓެއިނަރަކުން މާދަމާ އިން ފެށިގެން އޮޕަރޭޝަން ކޮސްޓް ރިކަވަރީގެ ގޮތުގައި 75 ޑޮލަރުގެ ފީއެއް ނަގަން ނިންމާފައިވާ ކަމަށެވެ. އޭގެ އިތުރުން ކޮންޓެއިނަރުގެ ވަކި ބައެއްގައި މުދާ ގެންނަ ފަރާތްތަކުގެ އަތުން ކޮޑިމީޓަރަކަށް ހަތަރު ޑޮލަރު (61.68ރ) ނަގަން ނިންމާފައިވާ ކަމަށް ވެސް އެ ނޯޓިސްގައި ބުނެފައިވެ އެވެ.
ޓީޓީއެސްގެ ނޯޓިސްގައި ބުނެފައި ވަނީ އޮޕަރޭޝަން ކޮސްޓް ފަދަ ހަރަދުތައް އެ ކުންފުނިން މެދުނުކެނޑި ރިވިއުކުރަމުން އަންނަ ކަމަށާއި އަދި އެފަދަ ހަރަދުތައް ދަށަށްދާކަން ފާހަގަކުރެވިފައިވާ ކަމަށެވެ. އަދި ހަރަދުތައް ކުޑަވާ ނަމަ އެއާ އެއްގޮތަށް ވަގުތުން ފިޔަވަޅު އަޅާނެ ކަމަށް ވެސް އެ ނޯޓިސްގައި ބުނެފައިވެ އެވެ.
މާލޭގެ ވިޔަފާރި ބަނދަރަށް މުދާ ބޭލުން ލަސްވާތީ، 2016 ވަނަ އަހަރު ޝިޕިން ލައިންތަކުން ޕޯޓު ކޮންޖެސްޝަން ޗާޖެއް ނަގަން ނިންމި އެވެ. އެގޮތުން ކޮންޓެއިނަރެއް އެއްކޮށް ނަގާ ފަރާތްތަކުގެ އަތުން ކޮންމެ ކޮންޓެއިނަރަކަށް 65 ޑޮލަރު (1002.3 ރުފިޔާ) އަދި ކޮންޓެއިނަރުގެ ވަކި ބައެއްގައި މުދާ ގެންނަ ފަރާތްތަކުގެ އަތުން ކޮޑިމީޓަރަކަށް ތިން ޑޮލަރު (46.26 ރުފިޔާ) އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަޖޫރީން
27 June 2018
އެމްޕީއެލްގެ ވިސްނުންހުރީ މުދާ ޑެމަރޭޖްކޮށްގެންނާއި އެކްސްޕްރެސް ސާރވިސް އިން ކޮންޓެއިނާ ތިރިކޮށްގެން ކުންފުންޏަށް ފައިސާ ވެއްދުން. ދެން ވާނެގޮތް ވިސްނާލާ....
ޣަސަންކޮ
27 June 2018
ތަނުގައި ވައްކަން ގިނަވެއްޖެ ނަމަ ރަހުމަތާ ބަރަކާތް ކެޑޭނެ. ޢެމް.ޕީ.އެލް އަކީ މީގެ މިސާލެއް..
ކިޔައި ދީބަލަ
27 June 2018
މި އާޓިކަލްގައި ޖ\ެހިޖެހިގެން އިން 2 ޖުމްލައެއް މި ބުނަނީ "ވިޔަފާރަވެރިން އެބަ ޝަކުވާ ކުރެޔޭ ކޮންޓެއިނަރުތައް ކްލިއަރ ކުރުން ލަސް ވާތީ. ވިޔަފާރަވެރިންގެ އަތުން 70 ޑޮލަރު ނަގާ ގޮތަށް ހަމަޖެހިއްޖޭ" ކޮބާ މީގެ މާނަ އަކީ؟ ދެ ޖުމްލައިގެ ގުޅުމެއްވެސް ނެތެއްނު. ވިޔަފާަވެރިން މުދާ ލަސްވާ ވާހަކައިގެ ޝަކުވާ ކުރީމާ އެމީހުންގެ އަތުން 70 ޑޮލަރު ނަގަނީތަ؟ ނޫނީ އެ ކޮންޓެއިނަރު ގެންނަ ގައުމު އަތުންތަ އެ ފީ ނަގަނީ.
ބޮޑުކަކުނި
26 June 2018
އެކަމަކު ބުނި. މުދާބޭލުމުގައި އެއްވެސް ދަތިކަމެއް ނެތޭ . މިހާރު އެބުނަނީ ލަސްވާތީ ޗާޖެއްނަގަނީއޭ
ޕޯޓް މާސްޓާ
27 June 2018
މުދާ ބޭލުމުގައި ދަތިކަމެއް ނެތޭ ބުނަނީ އެމް.ޕީ.އެލްގެ ވެރިން. އެކަމަކު އެތަނަށް މުދާ ނެރެންދާ މީހުންނަށް އެނގޭނެ އެތާގައި ހުރި ދަތިކަން. އަނެއްކޮޅުން މިހާރު ދުވާލު މުދާ ބޭރުނުކުރެވޭތީ އެކަމުގެ ސަބަބުންވެސް ލަސްތަކެއް ކުރިމަތިވާނެ، ދުވާލު މުދާ ކްލިއަރ ނުކުރެވޭނަމަ ކޮންޓެއިނާތައް ހުންނާނީ ބަނދަރުގައި ތޮއްޖެހިފައި. މީގެ ސަބަބުން ބޯޓުން ހުރިހާ ކޮންޓެއިނާއެއް ބާލައި ބަހައްޓާނެ ޖާގައެއް ބަނދަރުގައި ނުހުންނާނެ. އެމް.ޕީ.އެލްގެ ވެހިކަލްތައް ރަނގަޅަށް އޮޕަރޭޓް ނުކުރުން މިވެސް ހަމަ މަސައްކަތައް އެޅޭ ހުރަހެއް. މިކަންކަމުގެ ސަބަބުން މުދާ ހިފައިގެން އަންނަ ބޯޓުފަހަރު މިޖެހެނީ މުދާ ހުސްކުނުރެވިގެން ރާއްޖޭގައި ތާށިވެފައި އޮންނަން. އެހެން އޮތުމުން އެހެން ޤައުމުތަކަށް ގެންދަން ހުންނަ މުދާވެސް ގެންދިއުން ލަސްވަނީ.
ސުކުރީބެ
26 June 2018
ޢެމް.ޕީ.އެލްގެ މެނޭޖުމަންޓް ބަދަލުނުވެ ތިޔަތަނެއް ރަނގަޅެއް ނުވާނެ މަޗާ.
ޙަސަނެފުތާ
26 June 2018
ޙުޅުމާލެ ފެރީ އޮޕަރޭޓް ކުރަން ނޭގުނު ބަޔަކަށް ކިހިނެއް ޕޯޓް ހިންގޭނީ. މަމެމްވާ ސަލާމް
ާަެއަހަންމަދު
26 June 2018
ތިޔާޙަމަ ވޯޓަށް، ދެން ނުލިޔަސް ހޮވޭނޭ ނުން...
ބެއްޔާ އައްޑޫ
26 June 2018
ދެއުޅި އެއްނުވާ ޒާތުގެ ގަވާއިދު ހަދާފަ ބަހައްޓާ. ދުވާލު މުދާ އުފުލުން މަނާ ކުރީ ބިން ބޭރު ގައުމުތަކުގައި އެކަން އެގޮތަށް ކުރާތީ ކަމަށް ވެދާނެ. ޏަމަވެސް ގަބޫލު ކުރަންޖެހޭނެ މަމެންގެ ރާއްޖެއަކީ #ޖަޒީރާ ރާއްޖެ އެއް ކަމާއި މިތާނގައި ކަންކަން ތަރުތީބު ކުރަންވާނީ #ޖަޒީރާ ވައްޓަފާޅިއަށް ކަން. ޥެދުން
އަލިފް
26 June 2018
ހައްލެއް ބޭނުންވެއެވެ. މާލޭގެ ވިޔަފާރި ބަދަރު ބޮޑުކުރަން ބޭނުންނަމަ ޖެހޭނީ ކަނޑު ހިއްކާށެވެ. އެކަމެއް ނުވާނެއެވެ. ދެން ހުޅުމާލެ ތިލަފުށި ފަދަ ތަންތަން އެބަހުއްޓެވެ. ދެވަނަ ވިސްނުމަކަށް ދާން ޖެހެއެވެ.
ދެވަނަ ވިސްނުން
27 June 2018
ދެވަނަ ވިސްނުން އޮތީ މާކުރިންވެސް ވިސްނާފަ. މާލެ ވިޔަފާރި ބަނދަރު ތިލަފުއްޓަށް ބަދަލުކުރަން ވާހަކަ ދައްކާތާ އެތައް އަހަރެއް ވެއްޖެ. އެކަމަކު އަދިވެސް އެކަމަށް އަމަލީ ސިފައެއް ގެންނަން އެއްވެސް ފަރާތަކުން މަސައްކަތް ކުރާތަނެއް ނުފެނޭ، ޙަބަރުގެ ފަލަ ސުރުޚީއަށް އެހެން ގޮވާލިކަން ފިޔަވާ އިތުރުކަމެއް ނުކުރޭ.
ވަރަށްދެރަ
26 June 2018
ސައީދު އިރުކޮޅަކުން ބުނާނެ ސީއެމްއޭ ސީޖީއެމްގެ ބޯޓުފަހަރުން ގެންނަ ކޮނަޓެއިނަރުން އިތުރު ޗާޖު ކުރާ ކަމަށް ވެއްޖިއްްޔާ، އެކުންފުނީގެ ބޯޓުފަހަރު ރާއްޖެ އައުން މަނާކުރާނަމޭ.