ވިޔަފާރި / އެސްޓީއޯ

އެސްޓީއޯއަށް މިދިޔަ ކުއާޓަރުގައި 47 މިލިއަން ރުފިޔާގެ ސާފު ފައިދާއެއް

އެސްޓީއޯ އިން ތެޔޮ އިމްޕޯޓްކުރަން ބޭނުންކުރާ ތެޔޮ ޓޭންކަރު: އެސްޓީއޯގެ އެންމެ ބޮޑު ވިޔަފާރިއަކީ ތެލުގެ ވިޔަފާރި.

އަބްދުﷲ ޖަމީލު، މިހާރު

30 ޖުލައި 2018 - 15:48

7 comments

އެސްޓީއޯއަށް މިދިޔަ ކުއާޓަރުގައި 47 މިލިއަން ރުފިޔާގެ ސާފު ފައިދާއެއް ލިބިއްޖެ އެވެ.

ސަރުކާރުގެ އެންމެ ބޮޑު ވިޔަފާރި ކުންފުނިން މިއަދު އާއްމުކުރި މާލީ ހިސާބުތައް ދައްކާ ގޮތުން މި އަހަރުގެ ދެވަނަ ކުއާޓަރުގައި 2.2 ބިލިއަން ރުފިޔާގެ އާމްދަނީއެއް ވަނީ ލިބިފަ އެވެ.

މިދިޔަ ކުއާޓަރުގައި ވިޔަފާރިކުރުމަށް އެ ކުންފުނިން 1.9 ބިލިއަން ރުފިޔާ ހަރަދުކޮށްފައިވެ އެވެ. އަދި އެ ވިޔަފާރިން ޖުމްލަ ފައިދާގެ ގޮތުގައި 295.1 މިލިއަން ރުފިޔާ ލިބިފައިވެ އެވެ.

އެސްޓީއޯގެ މާލީ ހިސާބުތައް ދައްކާ ގޮތުން މިދިޔަ ކުއާޓަރުގައި ހިނގި ހަރަދުތައް ކެނޑުމުން ހިންގުމުގެ ފައިދާގެ ގޮތުގައި 93.4 މިލިއަން ރުފިޔާ ލިބިފައިވެ އެވެ. އަދި ޓެކްސްއަށް ކެނޑުމުގެ ކުރިން ފައިދާގެ ގޮތުގައި 55.2 މިލިއަން ރުފިޔާ އެސްޓީއޯއަށް ލިބިފައިވެ އެވެ.

އެ ކުންފުނިން މިދިޔަ ކުއާޓަރުގައި ކުރި ވިޔަފާރީގެ ފައިދާ އިން ޓެކްސްއަށް 7.9 މިލިއަން ރުފިޔާ ކެނޑުމުން، 47.2 މިލިއަން ރުފިޔާ ސާފު ފައިދާގެ ގޮތުގައި ލިބިފައިވެ އެވެ.

އެސްޓީއޯ ހިއްސާދާރުން

7 ކޮމެންޓް, 15 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރަށު މީހާ

31 July 2018

އެސްޓީއޯ އަކީ ހަގީގަތުގައި ވެސް ރައްޔިތުންނަށް ވަރަށް ބޭނުންތެރި ކުންފުޏެއް ، މިއަދު 2.2 ބިލިއަން ރުފިޔާގެ ވިޔަފާރި ކޮށް އަދި އޭގެން 47 ވަރަކަށް މިލިޔަށް ރުފިޔާ ފައިދާ ވުމަކީ އެއްވެސް މައްސަލަ އެއް ނޫން ، އެމްޑީޕީ ވެރިކަމުގަ ކޮންޓްރޯލް ނުކުރެވުނު ، ރޯދަމަހުގެ އަގުތައް އެސްޓީއޯ އިން ކުޑަކޮއްދީފި ، ރަށް ރަށުގެ ކަރަންޓްފީ މާލެ އެކޭ އެއް އަގެއްގައި ދެވެނީ އެސްޓީއޯ އިން ފެނަކަ ވިއްކާ ތެޔޮ އަގު ހެޔޮވުމުގެ ސަބަބުން ،. އެހެން ކަމުން އެސްޓީގެ މުސްތަގުބަލް ފެންނަނީ އެންމެ ގިނަ ދިވެހިންނަށް ވަޒީފާ ދޭ އަދި ކާމިޔާބު ކުންފުންޏެއް ގޮތުގައި .