ބާޒާރުމަތީ ފިހާރައަކުން ވިއްކަން ނެރެފައި ހުރި ބިސް ކޭސްތަކެއް. ފިޔާ، އަލުވި އަދި ބިހުގެ އަގު ވަނީ އިންތިހާއަށް އުފުލިފައި.
12 އޯގަސްޓް 2018 - 13:45
29 comments
ބިސް، ފިޔާ އަދި އަލުވި ބޭނުންވާ ވަރަށް ރާއްޖެ ނުގެނެވޭތީ، އެ ތަކެތީގެ އަގު ބާޒާރުގައި ވަރަށް ބޮޑަށް މައްޗަށް ހިނގައްޖެ އެވެ.
މި ވަގުތު ފިޔާ ބަސްތާއެއް 900ރ. އަށް، ބިސް ކޭހެއް 500ރ. އަދި އަލުވި ބަސްތާއެއް އުޅެނީ 450ރ. ގަ އެވެ. މާލެތެރޭގެ ފިހާރަތަކުން ފިޔާ ކިލޯއެއް ވިއްކާ އަގު ވަނީ 45ރ. އަށް އުފުލިފަ އެވެ. ކުކުޅު ބިހެއް 2.50ރ އަށް ވިއްކާއިރު އަލުވި ކިލޯއެއް ވެސް ލިބެނީ 30ރ. އަށެވެ.
ބާޒާރުގައި މިދިޔަ މަހުގެ ފަހުކޮޅު ފިޔާ ބަސްތާއެއް ވިއްކީ 240ރ. އަށެވެ. އަދި ބިސް ކޭހެއް ވިއްކީ 360ރ. އަށެވެ. އަދި އަލުވި ބަސްތާއެއް 220ރ. އަށް ލިބެ އެވެ. އަދި އޭރު ފިޔާ ކިލޯއެއް 12ރ. އަށް ވިއްކާއިރު، ބިހެއް 1.50ރ. އަށް އަދި އަލުވި 10ރ. އަށް ވިއްކަ އެވެ.
ބާޒާރުމަތީގައި ވިޔަފާރިކުރާ ފިހާރައަކުން ވާހަކަދެއްކި މީހަކު ބުނީ މި ތިން ބާވަތް ވެސް ރާއްޖެ އަށް ބޭނުންވާ ވަރަށް އެތެރެނުކުރެވޭ ކަމަށެވެ.
ދާދިފަހުން އިންޑިއާގައި ލޮރީ ޑްރައިވަރުން ކުރި ހަޅުތާލާ ގުޅިގެން ފިޔާ އާއި ބިސް އަދި އަލުވި ލިބުން އިންތިހާ އަށް ދަތިވި އެވެ.
ރާއްޖެއަށް ގިނަ އަދަދަކަށް ފިޔާ އަލުވި އަދި ބިސް އެތެރެކުރާ ކުންފުންޏަކުން ބުނީ އިންޑިއާ އިން އެ ތަކެތި ހިފައިގެން ހަފުތާއަކު ތިން ބޯޓު އަންނަ ކަމަށެވެ.
"ހަޅުތާލާ ގުޅިގެން ދާދި ފަހުން ނުގެނެވި ލަސްވުމުން އެ ޑިމާންޑާ އެއްވަރަށް ސަޕްލައި އަދިވެސް ނުކުރެވޭ. މިއަދު ވެސް އަދި މާދަމާ ވެސް ބޯޓެއް އަންނާނެ،" އެ ކުންފުނިން ބުންޏެވެ.
އެތަކެތި އެތެރެކުރާ ކުންފުނިން ބުނީ ބިހަށް ވުރެ ވެސް ފިޔާގެ ޑިމާންޑް ބޮޑުވެފައިވާ ކަމަށެވެ. އަދި އެތަކެތި އަގު ހެޔޮވާނެ ކަމަށް ލަފާކުރެވެނީ ބޮޑު އީދަށް ފަހު ކަމަށް ވެސް އެ ކުންފުނިން ބުންޏެވެ.
"އީދާ ދިމާކޮށް މި ހަފުތާގައި ޑިމާންޑް އިތުރަށް މައްޗަށް ދާނެ. މިއީ އާއްމުކޮށް ވެސް ޑިމާންޑް މައްޗަށް ދާ ދުވަސްވަރެއް،" އެ ކުންފުނިން ބުންޏެވެ.
ިރާއްޖޭގައި ފުޅާ ދާއިރާއެއްގައި ރީޓެއިލް ވިޔަފާރިކުރާ ކުންފުންޏެއްގެ ވެރިއަކު ބުނީ ފިޔާ ކިލޯއެއްގެ އަގު 45ރ. އަށް އުފުލުމުން ފިޔަވާ ވިއްކުން ހުއްޓާލާފައިވާ ކަމަށެވެ. އަދި ބިހާއި އަލުވި ވެސް ވިއްކުން ވަގުތީ ގޮތުން ހުއްޓާލާފައިވާ ކަމަށް ވެސް އޭނާ ވިދާޅުވި އެވެ.
"މިހާރު އެ ތަކެތީގެ އަގު އެ ހުރީ އާއްމުންނަށް އަތްފޯރާ ހިސާބެއްގައެއް ނޫން. އެހެންވެ މި ދުވަސްކޮޅު އެތަކެތި ނުވިއްކަން،" އެ ވިޔަފާރިވެރިޔާ ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަސަނުބުނި
14 August 2018
ޢެކޮނަމިސްޓު ކީންވެތަ މިއެއްޗެހި ރާއްޖޭގަ ނޫފެއްދޭންވީން. ބުރިއްޖައްވުރެ ދަޑުވެރިކަމަ އިންވެސްޓު ކުރިނަމަ މުސްތަކު ބަލުގާ ގައުމު މާމުއްސަންދިވީސް .
ނަން
13 August 2018
ހެލިކޮޕްޓަރާ ސިފައިން ގެނަދާށޭ ބުނީމަ ގަދަފައި ވިއްދާފަ އެތިބެނީ އަންނި އެމީހުންނަށް މިރާއްޖެ ވިއްކާފަ އޮތީމަތަ؟ ނޫނީ ބޭނުން ކޮންމެ އިރަކު ވެރިކަން ވައްޓަން ތައްޔާރަށްތަ؟
ޑިމޯޝަން
12 August 2018
މިފެންނަނީ ވެރިކަމަށް ޔާ،މީނު ނުކުލެދިފަވާ މިންވަރު
ޔޯޔޯ
12 August 2018
ފިޔާ، އަލުވި، ބިސް ރަނަށްވެ، ޕެޓްރޯލް ކިއުގަ 1 ގަޑި އިރު. ލައިފް އެކްސްޕެކްޓެންސީ އަށް ވުރެ ރިޠަޔަރމަންޓް އުމުރު ދިކުރަން ހިފާފަ، ފައްކާ އިނގޭ.
ރަދީފް
13 August 2018
ބްރަދާ ޔޯޔޯ.ނައިޖީރިއާ އަދި ވެނެޒުއޭލާފަދަ ތެލުގެ މުއްސަންދިކަން ލިބިފައިވާ ގައުމުތަކުގަ ވެސް ކިއުގަ 6 ގަޑިއިރު ތިބެންޖެހޭ ދުވަސްތައް އާދޭ.
އައްޑޫ ބަކުރު
12 August 2018
އިޓްސް އޯކޭ ތީހަމަ ތަރައްޤީ ޝުކުރިޔާ ރައީސް ޔާމީނު
ކިއްލިބާޝާ
12 August 2018
ވޯޓުލާން މިހާ ކައިރިވެފާހުއްޓާ ހާދަ ކަޑަގޮތެކޭ މިވީ. ދެވަނަ ވިސްނުމަކަށް މިޖެހުނީ ދާން.
ރަދީފް
12 August 2018
ކާނަލަ ނަޝީދު ބުނި ރާއްޖޭގަ ފިޔާ އަދި އަލުވި ހައްދާނެކަމަށް.ފަސްގަނޑުޖަހާ މުޑުވައްކުރަން ރެޑީތަ ކާނަލް؟؟؟
ާއައުފު
12 August 2018
ހަމަ އެކަނި ބޮޑު ދަރަންޏަކާ އެއްކޮއް ފުލެޓް ދިނަކަސް ނުފުދޭ.ރައްޔިތުން ބޭނުންވަނީ އަނގަޔާ އަތާ ދިމާވާން.
ޣަދުރޭ
12 August 2018
ޢަހަރުން ބޭނުންވަނީ އެހެން ޤައުމުތަކާއި ގުޅުން ބަދަހި ކުރަން އިނގޭ ރައީސެށް. ޗައިނާއިން ފިޔާ އެތެރެ ކުރޭތަ؟؟؟
ޯޮަސަރުމީލާ
12 August 2018
މަ އަދި މިއުޅުނީ ޔާމީނުއަށް ވޯޓު ދޭން. ނުދޭނަން ވޯޓެށް. މަގޭ މުސާރައަކީ 6000ރ. ޕިއްޒާ ބޯނޯ ކައުންޓަރުގައި 8 ގަޑިއިރު ހޫނުކޮއްގެން މަށަށް ލިބެނީ އެވަރު. ޢެއްޗެހި މުސާރައަށް ވުރެން ބޮޑު. ކެތެއްނުވާނެ ދެން. ޙޮވުނީމައި އަދި މާ ހާލުގައި ޖައްސާނެ.
މަންދޫހާ
12 August 2018
މަވެސް އޭޑީކޭ ރެސެޕްސަނުގައި މަސައްކަތް ކޮއްގެން ލިބެނީ 4500 ކަލެއަށް ވުރެން ހާލު ދެރަ. ޥޯޓު ދޭން ފެންނަނީ ބަދަލަކަށް ނޫނީ އެއްކަމެށްވެސް ރަނގަޅެށް ނުވާނެ.