އެފްއޭއެމްގެ ރައީސް ބައްސާމް (ވ.2) އާއި ޓީމުގެ ކެޕްޓަން އަކުރަމް (ވ.1) އަދި އެފްއޭއެމްގެ ނައިބު ރައީސް ނާޒިމާ (ކ.1)، ކުރީގެ ކެޕްޓަން އައްސަދު (ކ.2) އަދި އެފްއޭއެމްގެ ޖެނެރަލް ސެކްރެޓަރީ ޖަވާޒް.-- ފޮޓޯ: އިމޭޖަސް.އެމްވީ
17 ސެޕްޓެމްބަރ 2018 - 12:39
36 comments
ސާފް ސުޒުކީ ކަޕް ކާމިޔާބުކުރި ގައުމީ ފުޓްބޯޅަ ޓީމުގެ ކުޅުންތެރިން ނިސްބަތްވާ ރަށްތަކަށް ތަށި ގެންދާނެ އިންތިޒާމް އެފްއޭއެމުން ހަމަޖައްސާނެ ކަމަށް އެ އެސޯސިއޭޝަނުގެ ރައީސް ބައްސާމް އަދީލް ޖަލީލް ވިދާޅުވެއްޖެ އެވެ.
ހޮނިހިރު ދުވަހުގެރޭ ކުޅުނު ފައިނަލް މެޗުން އިންޑިއާ އަތުން 2-1 އިން މޮޅުވެ ތަށި ހޯދި ޓީމު މާދަމާ ހަވީރު މާލެ އަންނާނެ އެވެ. ސަރުކާރުން ވަނީ މާދަމާ އަކީ ބަންދު ދުވަހެއްގެ ގޮތުގައި ހަމަޖައްސައިފަ އެވެ. ބައްސާމް ވިދާޅުވީ އުފާފާޅުކުރުމުގެ ހަރަކާތްތައް ވަރަށް ތަފާތު ވާނެ ކަމަށާއި އެކަން ކުރިއަށްގެންދާނީ ހުރިހާ ރައްޔިތުން ޝާމިލްވާގޮތަށް ކަމަށެވެ.
ރާއްޖޭން 2008 ވަނަ އަހަރު މި މުބާރާތް ކާމިޔާބުކުރުމުން މުބާރާތުގެ ތަށި ރާއްޖޭގެ މީހުން ދިރިއުޅޭ ހުރިހާ ރަށަކަށް ގެންދިޔަ އެވެ. އެއީ ސަރުކާރުން އެ އަހަރުގެ ރިޔާސީ އިންތިހާބުގެ ކެމްޕެއިނަށް ކުރިއަށް ގެންދިޔަ ކަމެއް ކަމަށް ބުނެ އެއް ބަޔަކު އެކަމަށް ފާޑުކިޔެވެ.
"އަޅުގަނޑުމެންގެ ގައުމީ ޓީމަކީ ވަރަށް ގައުމީވަންތަ ޓީމެއް. އޭގެ މާނަ އަކީ އެކި ރަށްރަށުން މި ގައުމީ ޓީމުގެ ކުޅުންތެރިން އެބަ ހިމެނެޔޭ. މި ހުރިހާ ރަށަކަށް އަޅުގަނޑު ވަރަށް ބޭނުން އެ ކުޅުންތެރިންނާ އެކީގައި ތަށި ގެންދިއުމަށް. އިރާދަކުރެއްވިއްޔާ އެފްއޭއެމް ފަރާތުން މި އިންތިޒާމް ހަމަޖެހިގެންދާނެ. އަޅުގަނޑުމެން ކޮންމެ ކުޅުންތެރިއެއްގެ އުފަން ރަށަށް ތަށި ގެންދިއުމުގެ އިންތިޒާމް ހަމަޖައްސައިދޭނަން. މިއީ ފުޓްބޯޅަ އާއިލާގެ ފަރާތުން ދެވޭ ހަދިޔާއެއް. ކުޅުންތެރިންނަށް ލިބޭ އުފަލެއް އަދި ހިތްވަރެއް،" އޭނާ ވިދާޅުވި އެވެ.
ބައްސާމް ވިދާޅުވީ ވަރަށް ދަތި ހާލުގައި އޮވެ، ޓީމު އެކަތިގަނޑަކަށް ވެގެން ކުރި މަސައްކަތުގެ ފޮނި ނަތީޖާ ކަމަށެވެ.
މި ފަހަރުގެ ސާފްގެ ތަށި ހޯދި 20 ކުޅުންތެރިންގެ ތެރޭގައި ރާއްޖޭގެ ގިނަ އަތޮޅުތަކަށް ނިސްބަތްވާ ކުޅުންތެރިން ހިމެނެ އެވެ. އޭގެ ތެރެއިން އެއް ރަށަކަށް ނިސްބަތްވާ ކުޅުންތެރިން ވެސް ހިމެނެ އެވެ.
"މިހާރަ"ށް އެނގިފައިވާ ގޮތުގައި ޓީމު މާދަމާ ރާއްޖެ އަންނާނީ ރާއްޖޭގައި ފުރަތަމަ ފަހަރަށް ޖައްސާ އޭ380 ގެ މަތިންދާބޯޓުގަ އެވެ. ވެލާނާ އިންޓަނޭޝަނަލް އެއާޕޯޓު (ވީއައިއޭ) ގައި އަލަށް ހެދި ރަންވޭގައި ހުޅުވުމުގެ ގޮތުން މާދަމާ ޖެއްސުމަށް ހަމަޖެހިފައިވަނީ ދުނިޔޭގެ އެންމެ ބޮޑު މަތިންދާބޯޓް މަރުކާ އޭ380 ގެ އިއްތިހާދު އެއާވޭޒްގެ މަތިންދާބޯޓެކެވެ. އެ ބޯޓުގެ ދުއްވާނީ، ފުޓްބޯޅައިގެ އާއިލާއަކަށް ނިސްބަތްވާ ދިވެހި ޕައިލެޓެއް ކަމަށްވާ އަލީ އަހްސަން އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަލާމް.
18 September 2018
ހީވާގޮތުން މާމިގިލީ ކުޅުންތެރިއަކު ނެތީ ޓީމުގައި. ޖެހިގެން އޮތް ރަށުގެ ކުޅުން ތެރިއަކު ހުރީމައި ޖޭވީ.
ހަަމަހަމަ
18 September 2018
އޭރުންދޯ އެންމެންނަށް ހަމަހަމަ ފުރުސަތު ލިބޭނީ.
ޙޮހޮޅަ
18 September 2018
ކުޑަފަރި އައް ގެންދަނީ ކޮންއިރަކު.
ޖޖޖޖޖޖޖޖ
18 September 2018
މިއަދަށްފަހު ޤައުމީފުޓްބޯޅަ ޓީމަށް ސަޕޯރޓް ކުރުން ނިމުނީ. ޤައުމީ ޓީމްގެ ކުޅުންތެރިން ހިމެނޭ ރަށްތަކުމީހުން ސަޕޯރޓް ކުރާނެއެއްނުން.
ބަސްޓުކުރި
18 September 2018
ކޯޗުގެ ގައުމަށްވެސް ތިތަށި ގެންދަންވާނެ
ރީތި މޫސަ
18 September 2018
ތީވަރަށްސަޅި ނިންމުމެއް އެކުދިންގެ ޢާއިލާތަކަށް ދެވޭ ވަރަށްބޮޑު ޝަރަފެއް މިހާތަނަށް ރާއްޖޭގަނެއް ކުޅޭކުދިންގެ އާއިލާތަށް ޝަރަފްވެރިކޮށްފައެއް ސާބަސް ބައްސާމް ސާބަސް ޤައުމީޓީމް
މާމިގިލި
17 September 2018
އެހެނެއްނުވާނީ ތީ އެކުޅުންތެރިންގެ އެކަނިތައްޓެއްވީޔާ، ބައްސާމް އިސްތިއުފާ
ނުބައި ވިސްނުން
18 September 2018
ކިހާ ދެރަކަމެއްމީ! ކޮނަމެކަމެއްގެވެސް ނުބައިކޮޅު ފެނޭތޯ! ސާބަހޭ ދިވެހި ފުޓްބޯޅަ ޓީމް!
ޖަމަލޭ
17 September 2018
ބައްސާމު ދޭ ކުޅުންތެރިން ނިސްބަތްވާ ރަށަށް ތިތަށި ކޮންމެ ރަށަކަށް ގެންދަން ޖެހޭނެ.
އާދަނު
17 September 2018
ތަށީގެ ފޮޓޯފެނިއްޖެ ދެން އޯކޭނު.
ޒާދީ
17 September 2018
އެކިމީހުން ކޮށްފަހުރި ކޮމެންޓްތައް ކިޔާލާފަ އަމިއްލައަށްވެސް ހިނިއާދޭ. ހާދަ ހަަސަދަވެރިއޭދޯ. ޕިސްޕިސް.
ބިންބިން
17 September 2018
މިގާތައްވެސް ވަރަށް ހިނިއާދޭ މިކަހަލަ ބޯސަކަރާތްކަންތައް ކުރާތީ. އަނެއްކާ ތިތަށި އާދައިގެ މަސްއޮޑިއެއްގާ ނޫނީ އާގުބޯޓެއްގާ ގެންގޮސްގެން ދިވެހިން ހިތްހަމައެއް ނުޖެހޭނެ. ޖެހޭނީ ކޯސްޓުގާޑުގާ ނޫނީ އެމްޓީސީސީ ލޯންޗެއްގާ ގެންދަން. ދެން ވަކި ކުޑަކަމެއްތަ އެކޮއި ޒާދީ.