ސުޕްރީމް ކޯޓު: ދަށު ކޯޓާއި ހައި ކޯޓުން ވެސް ނިންމީ ހޮސްޕިޓަލްގެ އިހުމާލެއް ނެތް ކަމަށް --ފޮޓޯ/މިހާރު
14 އޯގަސްޓް 2016 - 10:48
11 comments
ކުޑަކުއްޖެއްގެ ގަޔަށް ޖެހި އިންޖެކްޝަނެއްގެ ސަބަބުން އަޑު އިވުމުން މަހްރޫވި ކަމަށް ބުނާ މައްސަލާގައި ބަދަލު ހޯދަން އޭނާގެ އާއިލާއިން ދައުލަތާ ދެކޮޅަށް ކުރާ ދައުވާގެ މައްސަލަ ސުޕްރީމް ކޯޓުގައި އިސްތިއުނާފްކޮށްފި އެވެ.
މީގެ ނުވަ އަހަރު ކުރިން 2007 ގައި، ގދ. ފަރެސްމާތޮޑާ އަށް ނިސްބަތްވާ ތިން އަހަރުގެ އަންހެން ކުޑަކުއްޖަކު ބަލިވެގެން ގދ. ތިނަދޫ ރީޖަނަލް ހޮސްޕިޓަލަށް ގެންދިއުމުން އެ ކުއްޖާގެ ގަޔަށް އެ ހޮސްޕިޓަލުން އިންޖެކްޝަނެއް ޖެހި ފަހުން އެ ކުއްޖާ ވަނީ އިވުމުން މަހްރޫމްވެފަ އެވެ.
އެ މައްސަލާގައި އެ ކުއްޖާގެ ބައްޕަ ހެލްތު މިނިސްޓްރީއާ ދެކޮޅަށް ދައުވާކުރަނީ ގެއްލުމުގެ ބަދަލަށް 7.1 މިލިއަން ރުފިޔާ ހޯދުމަށެވެ. އެކަމަކު މަދަނީ ކޯޓާއި ހައި ކޯޓުން ވެސް ނިންމާފައިވަނީ އެކަމުގައި އިހުމާލެއް އޮތްކަން ސާބިތުނުވާތީ ބަދަލު ނަގައިދެވެން ނެތް ކަމަށެވެ.
އެ މައްސަލަ އެ ކުއްޖާގެ ބައްޕަގެ ފަރާތުން ސުޕްރީމް ކޯޓުގައި އިސްތިއުނާފް ކުރުމުން އެ ކޯޓުން މިހާރު ވަނީ މައްސަލަ ބަލައިގަނެ، އަންނަ ބުރާސްފަތި ދުވަހު ޝަރީއަތް ފަށަން ނިންމައިފަ އެވެ. މައްސަލަ ބަލަން ހަމަޖެއްސީ އުއްތަމަ ފަނޑިޔާރާ އެކު ސުޕްރީމް ކޯޓުގެ ފުލް ބެންޗުންނެވެ.
އެ ކުއްޖާގެ ބައްޕަގެ ފަރާތުން ހައި ކޯޓާއި ދަށު ކޯޓުގައި ވެސް ބުނެފައިވަނީ އެ ހާދިސާ ހިނގުމުން އެކަމުގައި އިހުމާލެއް ނެތްކަން ދައްކަންވެގެން ލިޔުންތަކަށް ހޮސްޕިޓަލުން ބަދަލު ގެނެސްފައިވާ ކަމަށެވެ. އެކަމަކު ދަށު ކޯޓާއި ހައި ކޯޓުން ވެސް ނިންމީ ލިޔުންތަކަށް ބަދަލު ގެނެސް އޮޅުވާލިކަން ސާބިތުނުވާ ކަމަށެވެ.
އެ މައްސަލައިގެ ލިޔުންތަކަށް އުނިއިތުރު ގެނެސްފައި އޮތް ކަމަށް ބުނާތީ ފުލުހުން ވަނީ އޭގެ ތެރެއިން ބައެއް ލިޔުންތަކުގެެ ފޮރެންސިކް ތަހުލީލު ވެސް ހަދައިފަ އެވެ. ފުލުހުން ބުނެފައިވަނީ ލިޔުންތަކަށް ބަދަލު ގެނައި ކަމަށް ފާހަގަނުކުރެވޭ ކަމަށެވެ. ނަމަވެސް އޭގެ އިތުރު ދެ ލިޔުމެއް ތަހުލީލު ކުރުމުގެ ގާބިލްކަން ނެތް ކަމަށް ފުލުހުން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޭބެ
17 August 2018
މީނަ މިކުރަނީ މުއްސަދިވުމަށްކުރާ ކުރާމަސައްކަތެއް ރަގަޅު ގޮތަކީ މީނައަށް 8 މިލިޔަން ރުފިޔާ ދިނުން
ާއާތިފު
17 August 2018
ބަދަލުގެ ގޮތުގައި 7.1 މިލިއަން ރުފިޔާ ގެއްލުމުގެ ބަދަލައް ހޯދުމުގެ މަސައްކަތައް މާބޮޑު ހަރަދެއްދާނެ
ޙެލްތު ޕްރޮފެޝަނަލް
15 August 2016
ބައެއް ކަހަލަ ބޭސް ތަކަކީ އޭގައި ސައިޑް އިފެކްޓްސް ހުންނަ ބޭސްތައް .. އެގޮތުން އެ ކުއްޖާ ގަޔަށް ޖެހި އިންޖެކްޝަން އަކީވެސް އެފަދަ ބޭހެއް.. މެޑިކަލް ދާއިރާއިން ކިޔަވައިގެން ހުރި ކޮންމެ މީހަކަށްވެސް އެނގޭނެ އެ އިންޖެކްޝަން ގެ ސައިޑު އިފެކްޓް ތެރޭގަ އިންނާނެ ޑެފް ވުން ވެސް ... އެކި މީހުންނަށް ދިމާވާނީ އެކި ސައިޑު އިފެކްޓްސް އެވެސް އެކި މިންވަރަށް.. އަދި އެއީ ޑޮކްޓަރުގެ އިހުމާލުން ވީ ކަމެކޭ ބުނުމުގެ އެއްވެސް ޖާގަ އެއް ނެތް ...
ޢަލީ
14 August 2016
ދުނިޔޭގެ ތިބުނާކުރިއަރާފައިވާ ޔޫރަޕްގެ މަޝްހޫރު ހޮސްޕިޓަލް ތަކުގައިވެސް މިފަދަ މައްސަލަތަށް ދިމާވޭ. ޢިންސާނުންކުރާ ކަންތައްތަކުގައި އުނިކަން ހުރުމަކީ ދިމާވާނެ ކަމެއް. ޢުނި އިތުރު ވުމެއްނެތި އެންމެ މޮޅަށް ކަންތައްތައްރާވާ ބެލެހެއްޓޭނީ ﷲ ސުބުހާނަހޫ ވަތައާލާ އަށް
ހުއްބުލްވަޠަން
14 August 2016
ތި ކަހަލަ ކަންތައް އިސްލާހެއް ނުވާނެ. ގިނައިން ދިވެހިން މެޑިސިންގެ މި ކިޔަވަނީ ބަގްޅަދޭޝް، އިންޑިޔާ އަދި ނޭޕާލް ކަހަލަ ޤައުމުތަކުން. މިފަދަ ޤައުމުތަކުގައި ތަމްރީން ހަދާ އިރު ވަަރަށް ބަލި މީހުން ބަލަން ލިބޭ. އެކަން ޓެކްނޮލޮޖީ ގޮތުން އަރާ ކުރިއެރުމުގެ ތަޖްރިބާ ނުލިބޭ. އެ ތަޖުރިބާ ހޯދަންވެސް ތަމްރީންވާ ޑޮކްޓަރުން ނޫޅޭ. ގިނަފަހަރަށް ފޮތް ބަލާވެސް ނޫޅޭ. އަމިއްލަ ކެރިއަރ ޑިވެލޮޕް ކުރުމުގެ ބަދަލުގައި އުޅެނީ ފައިސާ ހޯދަން. އެހެންކަމުން ތިކަހަލަ ނެގްލިޖެންސް ހެދެނީ. އަދި ތިހެދޭ ނެގްލިޖެންސް ބެލޭނެ ގޮތެއްވެސް ނޯވޭ!
މީއަހަރެން!
14 August 2016
މެޑިސިންގައި ތިބުނާ ގައުމުތައް ތިއީ ކަޑަ ގައުމުތަކެއްތަ؟
ނުވާނެދޯ
14 August 2016
ރާއްޖެ ތަރައްގީ ނުވާނެ މުޅި ރާއްޖޭގެ ދެކުނުން އުތުރަށް މީހުން ފެތުރި ތިބެގެން. އީކްއޭޓަރ އިން ދެކުނުގައި އުޅޭ ރަށްރަށުގެ އެންމެންނަށް ހުޅުމާލޭން ފްލެޓްްސް ތައް ދީގެން އެ އެންމެން މާލެ ސަރަހައްދަށް ބަދަލު ކޮށްލަންވީ އެވެ. އެއިރުން ދެން މިފަދަ ކަންކަން ތަކުރާރު ނުވެދާނީ. މުޅި ރާއްޖެ އަށް ސިއްޚީ ޚިދްމަތް ދުވަހަކުވެސް އެއްވެސް ސަރުކާރަކަށް ނުދެވޭނެއެވެ. އެއީ ވާނެ ކަމެއް ނޫނެވެ.
ލާލަ
15 November 2018
އޭރުންވެސް އަންނާނެ ހޮސްޕިޓަލަށް ތޮޅެން. ވައި ވެގެން ކުރާނެ ކަމެއް ނެތީމަވެސް އެބަ އާދޭ ހަމަ ޑޮކްޓަރަށް ދައްކަން. އަވަހަށް ނުދެއްކިއްޖެއްޔާ ތޮޅެން. ބޭރަށް ޗުއްޓީ ހަދާލަން އާސަންދަ ނުދީފިއްޔާ ތޮޅެން. މުއްސަނދިވާން ތޮޅެން. މީހުން މިކޮޅަށް ގެނައި ވަރަކަށް ތިކަންތައް ދާނީ މައްޗަށް.
ބުރޭ
14 August 2016
ރައްޔަތުންނަށްވުރެ ދައުލަތް އިސްކުރާބަޔަކަށް ކަމެއްހުށަހެޅުމުން ލިބިދާނެ ފައިދާއެއް އޮތްކަމަކަށްނުފެނޭ.
ކުރުން
14 August 2016
ކީއްވެގެންތޯ މިހެންވާންވީ އެއީ އުފެދޭ ސުވާލަކީ. ހެލްތް މިނިސްޓަރަށް މިކަންކަން ބެލެނީ ކިހާ ވަރަކަށް ތޯއެވެ. ރާއްޖޭގެ ސިއްޚީ ދާއިރާ އެބަޖެހޭ އަދި ވެސް ވަރަށް ރަނގަޅަށް ތަރައްގީވެ ފަރުވާ ކުޑަ ކަން ދޫކޮށްލަން ދަސްކުރަން.
ގޮއްޔެ
14 August 2016
ތީކީ އަބުރާ ބެހޭ ކަމެއްނޫން. މީހެއްގެ ފުރާނަ ދުއްވާލާ މީހެއްގެ މަރުގެ ދިޔަވެސް މި އުޅެނީ ގާތްގަނޑަކަށް އެއްލައްކައިގައި. ދެން ކިހިނެއް ތިވަރުގެ ކުޑަކުޑަ ކަމެއްގައި 7.1 މިލިއަން ރުފިޔާ ނަގާނީ؟؟ އެހެންނޫނަސް ތީކީ ބޮޑު އަބުރެއްވެސް އޮތް ކުއްޖަކަށްނުވާތީ މިޤައުމުގެ ކޯޓަކުން ތިޔަ ކަމެއް ނުކުރެވޭނެ.