ބަޖެޓު ދިރާސާ ކުރާ ކޮމިޓީގައި މުނައްވަރު މިއަދު ވާހަކަ ދައްކަވަނީ. --- ފޮޓޯ: ހުސެއިން ވަހީދު/ މިހާރު
14 ނޮވެމްބަރ 2018 - 20:08
5 comments
ސަރުކާރުގެ ބައެއް މަޝްރޫއުތައް ކުރިއަށް ގެންދަން ބޭނުންވާ ފައިސާ ހޯދަން، ބޭރުގެ ހިއްސާގެ ބާޒާރަށް 100 މިލިއަން ޑޮލަރުގެ ބޮންޑު ވިއްކުން މަޑުޖައްސާލައި، އާ ސަރުކާރަށް ދޫކޮށްލަން ނިންމާފައިވާ ކަމަށް ފިނޭންސް މިނިސްޓަރު އަހުމަދު މުނައްވަރު މިއަދު ވިދާޅުވެއްޖެ އެވެ.
އަންނަ އަހަރަށް ލަފާކޮށް، މަޖިލީހަށް ހުށަހެޅި 29.6 ބިލިއަން ރުފިޔާގެ ބަޖެޓު ދިރާސާކުރާ ކޮމިޓީގައި މުނައްވަރު ވިދާޅުވީ ފައިނޭންސިން ޕްލޭންގައިވާ ގޮތަށް ޓެކްސް ގޮތުގައި 700 މިލިއަން ރުފިޔާ ނުލިބުމުގެ ސަބަބުން ކޭޝް ފްލޯ މެނޭޖް ކުރުމަށް ދަތިތަކެއް ދިމާވާ ކަމަށެވެ.
ނަމަވެސް، ފައިނޭންސިން ޕްލޭނާ އެއްގޮތަށް 100 މިލިއަން ޑޮލަރުގެ ބޮންޑެއް ރެއިޒް ކުރުމުގެ ހުރިހާ ކަމެއް ނިމިފައިވާ ކަމަށް ވެސް މުނައްވަރު ވިދާޅުވި އެވެ. އެކަމަކު، އެ ބޮންޑު ވިއްކުމާ މެދު ގޮތެއް ނިންމާނީ އިންތިހާބީ ރައީސް އިބްރާހިމް މުހައްމަދު ސޯލިހް (އިބޫ)ގެ ސަރުކާރުން ކަމަށް އޭނާ ވިދާޅުވި އެވެ.
"އެއީ ދުބާއީ އެމިރޭޓްސް ބޭންކާއެކު މަސައްކަތްތަކެއް ކޮށްފައި ވަނީ. މީގެ ބޭނުމަކީ ކޭޝް ފްލޯ މެނޭޖް ކުރަން. ދަރަނި ނަގަން އެބަޖެހޭ،" މުނައްވަރު ވިދާޅުވި އެވެ.
މި ސަރުކާރުން މި އަހަރާއި މިދިޔަ އަހަރު އާ ރެވެނިއު ޕޮލިސީތަކެއް ތައާރަފް ކުރިއިރު، އާމްދަނީ ހޯދޭނެ ގޮތްތަކެއް އާ ސަރުކާރުން ހޯދަން ޖެހޭ ކަމަށް މުނައްވަރު ވިދާޅުވި އެވެ. އާމްދަނީ ދަށްވަމުން ދިޔަ ނަމަވެސް، އާ ސަރުކާރުން އިންކަމް ޓެކްސް ނަގަން ވައުދުވެފައިވާކަން މުނައްވަރު ފާހަގަކުރެއްވި އެވެ.
މުނައްވަރު ވިދާޅުވި ގޮތުގައި ހަރަދު އިތުރުވަމުން ދާއިރު، ޓެކްސް ނެގޭނެ ގޮތްތަކަކީ ކޮބައިތޯ ބަލަން ޖެހެ އެވެ. ދިރާސާ ނުކޮށް، ޓެކްސްތަކެއް ނުނެގުމަށް މުނައްވަރު އެދިވަޑައިގެންނެވި އެވެ.
މުނައްވަރު ވިދާޅުވީ 700 މިލިއަން ރުފިޔާގެ އާމްދަނީއެއް ލިބޭ ޓެކްސް ނަގަން ބެލި އިރު، އެކަމަށް އެކަށީގެންވާ ދިރާސާއެއްކޮށްފައި ނުވާ ކަން ފާހަގަ ކުރެވުނު ކަމަށެވެ. އެކަމަކު، މިދިޔަ 10 އަހަރަކީ ވަރަށް ގިނަ ޓެކްސްތަކެއް ގެނައި އަހަރެއް ކަން މުނައްވަރު ފާހަގަ ކުރެއްވި އެވެ.
ޓެކްސް އެންމެ ރަނގަޅަށް ކަލެކްޓް ކުރާ ގައުމުގެ ގޮތުގައި ރާއްޖެ ފާހަގަ ކުރެވިފައިވީ ނަމަވެސް، ޓެކްސް ނިޒާމުގައި މައްސަލަތަކެއް ހުރި ކަމަށް ވެސް މިނިސްޓަރު ވިދާޅުވި އެވެ. އަދި ޓެކްސް ޔުނިޓެއް މިނިސްޓްރީގައި ގާއިމް ކުރަން އައިއެމްއެފްގެ އެހީ ލިބިފައިވާ ކަމަށް އޭނާ ވިދާޅުވި އެވެ.
ސަރުކާރުން މި އަހަރަށް ފާސް ކުރި ބަޖެޓުގައި 200-300 މިލިއަން ޑޮލަރުގެ ބޮންޑު ވިއްކާނެ ކަމަށް ބުނެފައިވެ އެވެ. ބޮންޑް ވިއްކައިގެން ލިބޭ ފައިސާ ހޭދަ ކުރަނީ މަޝްރޫއުތަކަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަށުމީހާހާ
15 November 2018
500 ހަމަނުވާ ރައްރަށަންވެސް ޑޮކްޓަރުންލާ ބޮޑެތި ސިޓީތަކުން ލިބޭ ހިދުމަތްތަށް ދޭން އުޅެގެން ދުވަހަކުވެސް މިރާއްޖެ ދަރަނިން ސަލާމަތްނުވާނެ. ސިޔާސަތު ކަނޑައަޅަންވީ އަބާދީ އާއި އެކަށީގެންވާ ހިދުމަތްދިނުމަށް . ތަރައްގީ ބޭނުންވާމީހުން ބޮޑެތި އާބާދީތަކަށް ބަދަލްވުމުގެ ފުރުސަތު ފަހިކޮށްދޭންވީ.
ހޯރަފުށީ ޗާލުނަޔާ
15 November 2018
ފީފީއެމް މެންބަރުން ކެންފޭނުތެރޭގައި އިބޫ ރަށްރަށަަށް އަރާ ކަންތައް ކޮށްދޭންބުނީމަ އޭރު ކީ ތިމަންނަ ރަށަށް އިތުރަކަށް ކޮށްދޭންޖެހޭނެ ކަމެއް ނޯންނާނޭ ނިމިފަ ހުރި މަސްރޫއުތަކޭ ރައީސްޔާމީން ހުރިހާ ކަމެއް ކޮށްދީ ހަލާސް ކޮށްފިއޭ. އެކަމް މިއަދު ބަޖެޓް ބަހުސުގަ ފީފީއެމް މެންބަރުން މުޅިންވެސް ކީ އެބޭފުޅުން ދާއިރާއަށް ކަމެއް ނުވާވާހަކަ ބަދަރު ނެތްވާހަކަ ނަރުދަމާ ނެތްވާހަކަ. އަމިންލަޔަށް ފަލީހަތްވާއިރުވެސް ނޭގެ
ދާދޭ
15 November 2018
ބަލަ މުނައްވަރޫ. މޮޅު އިކޮނޮމިސްޓްގެ ވިސްނުންހުރީ އަދިވެސް ރައްޔިތުން ފެލާލައިގެން ބަޖެޓުގެ ދެކޮޅުނުޖެހުން ހަމަކުރަންދޯ؟ އުފެއްދުންތެރިކަމެއް ނެތް އިގްތިޞާދަކުން ގައުމު ބަނގުރޫޓުވުން ނޫން އެހެންކަމެއް ނުވާނެކަން ނޭގުނުދޯ؟ މަސްކުންފުނި ދިރުވާލައިފި. އައިލެންޑް އޭވިއެޝަނާއި އެޗްޑީސީ އެމްޕީއެލް ވެމްކޯ އެސްޓީއޯ ދޮވެލައިފި. ދެންސަލާން ޖެހުން އައު ސަރުކާރާދޯ ތިހަވާލުކުރީ.
ތިމާވެށި
14 November 2018
ބޮނަޑަކީ ކޮބާ ކަމެއް ނޭނގުނެވެ. އެއީ ހިލޭސާބަހައް ގައުމުތަކަށް ފައިސާ ދޫކުރާ ބައެއް ހެއްޔެވެ؟ ޖޭމްސް ބޮންޑް ދަންނަމެވެ.
ަައަލިފުޅު
14 November 2018
ބޮންޑު ވިއްކައިގެން ކޮންމެ ގެެއަކަށް އެއާޕޯޓެއް އަޅާ، އޭރުން އެ ތަރަށްްޤީވީ. ދިވެހި ވެރިންނާއި، ދަރިންނަށް ހެޔޮވިސްނުން ދެއްވާށި. އާމީން