އަފާ (ވ-2) މިދިޔަ އަހަރުގެ އިންޑިއަން އޯޝަން އައިލެންޑް ގޭމްސްގައި ދުވަނީ. --ފޮޓޯ: އިމޭޖަސް އެމްވީ/ މޯލްޑިވްސް އޮލިމްޕިކް ކޮމިޓީ
15 އޯގަސްޓް 2016 - 19:09
13 comments
ބްރެޒިލްގެ ރިއޯ ޑި ޖެނީރޯގައި މިހާރު ކުރިއަށްދާ އޮލިމްޕިކް ގޭމްސްގައި ދުވެ ރާއްޖޭގެ އަންހެނުންގެ 200 މީޓަރު ދުވުމުގެ ގައުމީ ރެކޯޑް ޒުވާން ދުވުންތެރިޔާ އަފާ އިސްމާއިލް މިރޭ އާކޮށްފި އެވެ.
މިދިޔަ އަހަރުގެ އިންޑިއަން އޯޝަން އައިލެންޑް ގޭމްސްގައި 25:43 ސިކުންތުން ދުވެ އަފާ ހެދި ރެކޯޑް އޭނާ މިއަދު މުގުރާލީ އޮލިމްޕިކްސްގެ 200 މީޓަރު ދުވުމުގެ ފުރަތަމަ ބުރުގައި 24:96 ސިކުންތުން ރޭސް ނިންމައިގެންނެވެ. ފުރަތަމަ ހީޓުގެ 8 ވަނައިގައި އޭނާ ރޭސް ނިންމިއިރު، ސެމީ ފައިނަލުން ފުރުސަތެއް ނުލިބެ އެވެ.
އެންމެ އަހަރެއްގެ ތެރޭގައި އަފާ މި ހޯދީ 0.47 ސިކުންތުގެ ކުރިއެރުމެކެވެ. މިއީ ސްޕްރިންޓް އިވެންޓަކާ ބަލާއިރު، ވަރަށް ބޮޑު ކުރިއެރުމެކެވެ. އަފާ އަކީ 200 މީޓަރުގެ އިތުރުން 100 މީޓަރު ދުވުމުގައި ވެސް ރާއްޖޭގައި އެންމެ ފާހަގަކޮށްލެވޭ ދުވުންތެރިޔާ އެވެ. އެގޮތުން އޭނާ ވަނީ 2012 ވަނަ އަހަރުގެ ލަންޑަން އޮލިމްޕިކްސްގައި 100 މީޓަރު އިވެންޓުގައި ދުވެފަ އެވެ.
މީގެ އިތުރުން އަފާ ވަނީ މި އަހަރުގެ ސައުތު އޭޝިއަން ގޭމްސްގައި ރާއްޖޭގެ ހަތަރެއް ގުނަ 100 މީޓަރު ރިލޭގެ ރެކޯޑް މުގުރާލި ޓީމުގައި ވެސް ހިމެނިފަ އެވެ. އުމުރުން 22 އަހަރުގެ މި ދުވުންތެރިޔާ، ޒުވާން އުމުރެއްގައި ބޮޑު ތަފާތަކާ އެކު، އާ ކުރި ގައުމީ ރެކޯޑާ އެކު އޭނާއާ މެދު ކުރެވޭ އުއްމީދުތައް ވަނީ މަތިވެފަ އެވެ.
މިއަދުގެ އިވެންޓާ އެކު މި ފަހަރުގެ އޮލިމްޕިކްސް ވަނީ ރާއްޖެ އަށް ނިމިފަ އެވެ. އެތުލެޓިކްސްގައި ދެން ވާދަކުރި ހަސަން ސާއިދު ވަނީ 100 މީޓަރު ދުވުމުގެ ޕްރިލިމިނަރީ ބުރުގެ އެއް ވަނަ ހޯދައި ފުރަތަމަ ބުރުން ޖާގަ ހޯދައިފަ އެވެ.
ސްވިމިން އަށް ބަލާއިރު އައިމިނަތު ސަޖަން ވަނީ 100 މީޓަރު ފްރީސްޓައިލް އިން ގައުމީ ރެކޯޑް ހަދައިފަ އެވެ. ސަޖަން ރެކޯޑް އާކުރީ 01:05.71 ސިކުންތުން އިވެންޓް ފުރިހަމަ ކޮށްގެންނެވެ. މި ރެކޯޑް ކުރިން ވެސް އޮތީ ސަަޖަން އަތުގަ އެވެ. އެއީ 2014 ވަނަ އަހަރު ސްކޮޓްލެންޑްގެ ގްލާސްގޯގައި ބޭއްވި 20 ވަނަ ކޮމަންވެލްތު ގޭމްސްގައި 100 މީޓަރު ފްރީސްޓައިލް އިވެންޓް 01:06.60 ސިކުންތުން ނިންމައިގެންނެވެ. ފިރިހެން ފެތުންތެރިޔާ ނިޝްވާން އިބްރާހިމް ވަނީ 50 މީޓަރު ފްރީސްޓައިލް ފެތުމުގެ އިވެންޓުގެ ތިިން ވަނަ ހީޓުގެ ތިން ވަނަ ހޯދައިފި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސެންޓޭ
16 August 2016
ސަރުކާރުން ބޮޑު ހަރަދޭ ކިޔާމީހުން ކައިރިން އަހާލަން އޮތީ އޮލިމްޕިކްސް އައް ކޮން ހަރަދެއްހޭކުރީ؟ ހުރިހާ ހަރަދެއް ކުރަނީ ބާއްވާ ގައުމުންނޭ. ފަޅޯ ނޭގޭ މީހިން ފަޅޮލުގެ އޮށޭ ނުކިއެން ބުއްދިވެރި.
މަރުޖާނު
16 August 2016
މިއީ ހަމަ ވަރަށް ބޮޑު ކާމިޔާބެއް. ޢޮލިމްޕިކް މެޑަލްއެއް ލިމުބަމީ ވަރަށް ދުރުގައި އޮތް ކަމެއް އަދި ރާއްޖެއަށް. ސްވިމިންގ ޕޫލެއް ނެތް. މޫދުގަ ފެތުމާ، ފެނުގާ ފެތުމަކީ މުޅިން ދެ ކަމެއް، 1000 ބައި ތަފާތު. ވެލީގަ ދުވުމާ ސިންތެޓިކް ޓރެކެއްގަ ދުވުމަކީ ވެސް ތަފާތު ދެކަމެއް. ވަސީލަތްތައް ނެތި، އެކުދިން އެކިގޮތްގޮތުން، ސަރުކާރާ އަމިއްލަ ފަރާތްތަކުގެ އެހީގައާއި އަދި އަމިއްލަ ޚަރަދުގައި ކުރާ މަސައްކަތް އެކަނިވެސް އެއީ އަހަރުމެން ފަޚުރުވެރިވާން ޖެހޭ ކަމެއް. ހަމަ ކޮންމެ ކަމަކަށް ހަޖޫ ޖަހާ، ދަށުދަރަޖައިގެ ބަސްތަށް ކިޔަނީ ވަރަށްވެސް ތަހުޒީބެއް ނެތް ބަޔެއް. ހުރިހާ އެތްލީޓުންނަށްވެސް މަރުޙަބާ. އަހަރުމެންގެ މަގްސަދަކަށް ވާން ޖެހޭނީ ތިޔަ ކުރާ ހިތްވަރަށް ސާބަސްދީ، އުންމީދު އާކޮށްދިނުން. ވަރަށްވެސް ހަމަ ގަދ ތިޔަ ކުދިން. ހިތްވަރާ ރީތި އަޚްލާގާ އެކީ މަސައްކަތް ކުރޭ ކާމިޔާބުވާނެ. އަދި ކުރިޔަށް އަންނަންތިބި އެތްލީޓުންނަށް މިސާލަކަށްވެސް ވާނެ.
އަލްޖިބްރާ
16 August 2016
އޮލިމްޕިކްސް ގައި، ޤައުމީ ރެކޯރޑް އާކޮށްފިއޭ ކުރިއެރުން ހޯދައިފިއޭ ކިޔައިގެން ޚަބަރުތައް ގެނެސްދެނީ ކޮން ކުރިއެރުމެއް ލިބިގެން ބާވައެވެ؟ ތިމާގެ ކިބައިގާ އޮތް އަމިއްލަ ރެކޯރޑެއް އާކުރެވުނީމާ އެއީ ކުރިއެރުމެއްކަމަށް ޤަބޫލުކުރަނީނަމަ ، ފުޓްބޯޅަ މުބާރާތެއް ކުޅެން ޤައުމުން ބޭރަށްގޮސް ބޭރުބައެއްގެ އަތުން 4ލަނޑު 0ލަނޑުން ބަލިވިއަސް އެއީވެސް ކުރިއެރުމެއްތާއެވެ ؟ އެއީ އަމިއްލަ ޤައުމުގައި އަމިއްލަ ޤައުމުގެ މީހުނާއި އެކު ކުޅެ މޮޅުވެފާވަނީ5ލަނޑު އިދިކޮޅު ގޯލަށް ޖަހާފާ ވާތީއެވެ.ދިވެހިން ކުޅިވަރުގައިވެސް އަދި އެހެން ކަންތައްތަކުގައިވެސް ކުރިއަށް ނުދާ ސަބަބަކީ މިއެވެ.ތިމާމެން ދެރަ ޤަބޫލެއް ނުކުރެއެވެ. އަބަދުވެސް ތިބެނީ މޮޅުވެފައެވެ.މިގޮތަށް ވިސްނުން ހުރިހާ ދުވަހަކު އެއްވެސް ކަމެއްގާ ޙަޤީޤީ ކުރިއެރުމެއް ނުލިބޭނެއެވެ
މުހަންމާ
16 August 2016
ޒާހިރު ސާރ މަތިން ހަދާންވަނީ އެއީ ޒަހިރު ސަރ ގެންދާނެ ވަކި ކެމެރާއެއް ދިވެހި އެތުލީތުންގެ ފޮޓޯނަގަން ސުޓާޓު ކުރާތަނުން ދިވެހި އެތުލީތުން ކެމެރާއަށް އަރާނެ ނިންމާއިރަކު ނާރާނެ އެކަމު ޒާހިރު ސަރ ގެ ކެމެރައަށް އަރާނެ ސުޓާޓިން އާ ފިނިސިންވެސް
ާްއަބުޅޯ
16 August 2016
ގައުމީ ރެކޯޑު އާކުރެވުނީމަ އެނިމުނީ .ފަހަތުން އެއްވަނަ ލިބުނަސް އެއޮތީ ރެކޯޑު ހެދިފަ. ނޫސްތަކުގައި މިކަހަލަ ވާހަކަ ލިޔުނީމަ، ކުޅުންތެރިން ކުރިޔަށްދާން އޮންނަ ފުރުސަތު ހައްތަހާ ވާނީ ހަނި.
ޝާނާ
15 August 2016
މެޑަލް ނުލިބުނޭ ކިޔައިން ވާހަކަ ދައްކާ މީހުން ޓްރެކަަށް ގޮސް 100 މީޓަރ ނޫނީ 200 މީޓަރަށް ދުވެލަބަލަ މިއީ ކިހާވަރެއްގެ ކަމެއްކަން ބަލަން. ރާއްޖޭގެ އެތްލީޓުންނަށްވުރެ އެތައް ގުނައެއް މޮޅު އެތްލީޓުންނާ ވާދަކުރަން ފުރުޞަތު ލިބޭނީވެސް ހާދަ ހިތްވަރެއް ހުރެގެނޭ! ރާއްޖޭގެ އެތްލީޓުން އެމީހުންގެ ފުލް ޕޮޓެންޝަލްގައި މަސައްކަތްކުރިކަމާމެދު އެއްވެސް ޝައްކެއް ނެތް! މިފަހަރު މެޑަލް ނުލިބުނަސް އަދި އިރާދަކުރެއްވިއްޔާ ކާމިޔާބުވާނެ!
ަސފ
15 August 2016
އަފާ އަށް މަރްހަބާ! 1930ގެ އަހަރުތަކުގެ ވޯރލްޑް ރިކޯޑާއި ކައިރި ސްޕީޑެއް..
މެންޓަލިސްޓް
15 August 2016
މިތަނުގައި ރާއްޖެއަށް މެޑަލްއެއްނުލިބިގެން ވާހަކަދައްކާ ހަޖޫޖަހާއިރު ،،، ދުނިޔޭގެ އެންމެބޮޑުއާބާދީ އަދި ވަސީލަތްތަކާއި ފައިސާއޮތް އިންޑީޔާއަށް މިފަހަރު އޮލިމްޕިކްސްގައި ކިތައްމެޑަލްބާ ލިބުނީ ،، އަދި އޮތީ ސުމެއްގައި ،، އެތައްބައިވަރު ކުޅިވަރެއްގައި ބައިވެރިވެގެން 4 ވަނަ އެންމެ މައްޗައްވެސް ލިބުނީ ،، ދެނޯ ؟؟ އެހެންވީމައި ރާއްޖެއަށް އަދި ފާޑުކިޔޭކަށްނެތް ،، ރާއްޖެއަދި އޮލިމްޕިކްސް އަށް ވަރަށް އާ،،،، ފަހުން ރަގަޅުވާނެ ،،، ވަރަށް ސަލާމް
ސަލީމް
15 August 2016
މެޑެލް ގަނޑެއް ދުވަހަކުވެސް ނުލިބޭ. ތިދެން ކޮންކަމެއް. ސަރުކާރުން ކުރާ ބޭކާރު ޚަރަދު. މާތާހިރުވާނެެެ އަތޮޅު ތެރޭ ހިކި ފަހުރި ބަނދަރުތައް ފުންކޮށްފަ މަރާމާތު ކޮށްދިނިއްޔާ.
އަހުމަދު
15 August 2016
ރާއްޖެ އަށް މެޑެއްޔެއް ބޭނުމެއް ނުވެއެވެ. ބޭނުންވަނީ ރިކޯޑެވެ. އޮލިމްޕިކްސް ގަ ގިނަ ރިކޯޑްތަކެއް ހަދާ ގައުމަކަށް ރާއްޖެ ވާނެއެވެ. މެޑެއްޔެއް ބޭނުންނަމަ ރާއްޖޭގެ މީހުންގިނަ ބޮޑެތި ރައްތަކުގަ މުބާރާތް ބާއްވައިގެން މީހުން ރާއްޖެއިން ބޭރައް ފޮނުވަން ވީއެވެ. ހަމަ އެކަނި މާލޭގަ ޓްރޭނިންގް ދީގެން މެޑެއްޔެއް ހޯދަން އުނދަގޫވާނެއެވެ.