އަންނަ އަހަރު ރާއްޖެގައި ނަން މަޝްހޫރު ތިން ރިސޯޓެއް ހުޅުވަނީ

އެނބޫދޫ ފަޅުގައި ތަރައްގީ ކުރާ ހާޑް ރޮކް ހޮޓެލް.

22 ނޮވެމްބަރ 2018 - 11:38

ރާއްޖޭގައި ތަރައްގީ ކުރާ ރިސޯޓުތަކުގެ ތެރެއިން ދުނިޔެ އަށް ނަން މަޝްހޫރު ތިން ރިސޯޓެއް އަންނަ އަހަރު ހުޅުވުމުގެ މަސައްކަތް ފަށައިފި އެވެ.

ކުރިޔަށް އޮތް އަހަރު ރާއްޖޭގައި ތިން ރިސޯޓު ހުޅުވުމަށް ތައްޔާރީތައް ވަމުން ދާއިރު، އޭގެ ތެރެއިން އެންމެ މަޝްހޫރު އެއް ރިސޯޓަކަށް ވެގެން ދާނީ ހާޑް ރޮކް ކެފޭ ހިންގާ ކުންފުނިން ތަރައްގީ ކުރާ ހާޑް ރޮކް ހޮޓެލް މޯލްޑިވްސް އެވެ.

އެނބޫދޫ ފަޅުގައި އަންނަ އަހަރު މާޗް މަހު ހުޅުވާ ހާޑް ރޮކް ހޮޓެލް އަކީ ރޮކް މިއުޒިކަށް ލޯބި ކުރާ ފަރާތްތަކަށް ހާއްސަ ކޮށްގެން ތަރައްގީ ކުރާ ރިސޯޓެކެވެ. އެގޮތުން ޓޫރިސްޓުންނަށް އެކުގައި މިއުޒިކް ކުޅެލެވޭނެ ފުރުސަތު ލިބިގެން ދާނެއެވެ. އަދި އެ ރިސޯޓުގައި ހުޅުވާ 'ރޮކް ސްޕާ' އަކީ މިއުޒިކްގެ ދުނިޔޭގައި ބޭނުން ކުރާ ސާމާނުން ފަރުމާ ކުރެވިފައިވާ ހާއްސަ ޓްރީޓްމަންޓްތަކެއް ދޭން ހަމަޖެހިފައިވާ ތަނެކެވެ.

އޭގެ އިތުރުން ދުނިޔޭގެ ތަފާތު އެކި ކާއެއްޗެހި ރަހަބަލާލުމަށް "ދަ އެލިފަންޓް"، "ދަ ބަޓަފްލައި" ނުވަތަ ހާޑް ރޮކް ކެފޭ އެ ރިސޯޓުގެ ޓޫރިސްޓުންނަށް ލިބޭނެ އެވެ.

އެނބޫދޫ ފަޅުގައި ތަރައްގީ ކުރާ ހާޑް ރޮކް ހޮޓެލް ރިސޯޓް ރެސްޓޯރަންގެ 3D ކުރެހުމެއް. -- ފޮޓޯ: ހާޑް ރޮކް ހޮޓެލް

އަންނަ އަހަރު އޭޕްރިލް މަހު ހަމަ އެނބޫދޫ ފަޅުގައި ހުޅުވަން ހަމަޖެހިފައިވާ ހިލްޓަންގެ ސައީ ލެގޫން މޯލްޑިވްސް އަކީ 200 ބީޗް ފްރަންޓް ވިލާ އާއި އޯވާ ވޯޓާ ވިލާތައް ހިމަނައިގެން ތަރައްގީ ކުރާ ރިސޯޓެކެވެ.

އެ ރިސޯޓުގައި ހުޅުވަން ހަމަޖެހިފައިވާ ރެސްޓޯރަންޓްތަކުގެ ތެރެއިން، "ބީން ކޯ ކެފޭ' އިން މަތީ ފެންވަރުގެ ކޮފީ، "ކެފޭ ޑެލް މާ" އިން ހެނދުނުގެ ނާސްތާ، "މިސްޓާ ތޮމްޔަމް" އިން ތައިލޭންޑްގެ މުއްސަނދި ކެއުން ތަކާއި "މިސް އޮލިވް އޮއިލް" އިން ސީފުޑްގެ ގިނަ ބާވަތްތައް ލިބޭނެ އެވެ.

ހަމަ އެގޮތުން އަންނަ އަހަރު މާޗު މަހު ދ. އަތޮޅުގައި ހުޅުވާ ބަގްލިއޯނީ ރިސޯޓަކީ އިޓާލީގެ ފަސް ތަރީގެ ފެންވަރު ހުރި ކުންފުންޏަކުން ތަރައްގީ ކުރާ ރިސޯޓެކެވެ. އެ ރިސޯޓުގައި ޖުމްލަ 96 ވިލާ ތަރައްގީކުރާއިރު، އޭގެ ތެރޭގައި ފެމިލީ ބީޗް ވިލާ، ޕްރެޒިޑެންޝަލް ވޯޓަ ވިލާ އަދި އޮވާ ވޯޓާ ވިލާ ހިމެނެ އެވެ.

އެނބޫދޫ ފަޅުގައި ތަރައްގީ ކުރާ ސައީ ލެގޫން މޯލްޑިވްސް ރިސޯޓްގެ 3D ކުރެހުމެއް. -- ފޮޓޯ: ހާޑް ރޮކް ހޮޓެލް

ބަަގްލިއޯނީ ރިސޯޓުގައި ކަނޑު އަޑީގެ ރީތި މަންޒަރުތައް ބަލާލުމަށް ފުރުސަތު ލިބޭ އިރު، އަޔުރްވަދިކް ގާޑަން ސްޕާގައި ތައި ތެރަޕީ ނެގުމުގެ ފުރުސަތު ލިބޭނެ އެވެ. އަދި އިޓަލީގެ މަޝްހޫރު ކެއުން ލިބޭ ރެސްޓޯރަންޓެއް ވެސް ހިމެނެ އެވެ.

ރާއްޖޭގައި ނަން މަޝްހޫރު ތިން ރިސޯޓް ހުޅުވަން ހަމަޖެހިފައިވާ އިރު، 2019 ވަނަ އަހަރު ރާއްޖޭގެ ޓޫރިޒަމް ސިނާއަތަށް ބޮޑެތި ކުރިއެރުންތަކެއް ލިބިގެންދާނެ އެވެ. މި އަހަރު ވެސް ރާއްޖޭގައި ގިނަ ރިސޯޓްތަކެއް ހުޅުވައި މިހާތަނަށް 100 އަށް ވުރެ ގިނަ ރިސޯޓް ދަނީ އޮޕަރޭޓް ކުރަމުންނެވެ.

ޓޫރިޒަމް ހިލްޓަން ހޮޓަލްސް

8 ކޮމެންޓް, 35 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މާރަނގާ - އައްޑޫ ސިޓީ

23 November 2018

ރައްޔިތުންގެގައިގަހިތްވަރެއްހުރިނަމަ “ގުޅިގެން ހައްޤުމިންވަރުހޯދުމަށްނިކުމެ ކުރިމަތިލާންތައްޔާރުނަމަ” ޤައުމުގެމުއްސަނދިކަމަކީ މާލެ ކިޔާރަށްގަނޑެއްގެވަށައިގެންއެބުރެންޖެހޭއެއްޗެއްނޫންކަންބުނެދިނުމަށް ތައްޔާރަށްތިއްބަވާ. * * ސޯލިޙްގެ ފުރަތަމައަހަރު ހަނިމާދޫ، ގޭން އެއަރޕޯޓް ޒަމާނިފެންވަރަށްގެނެސް އުތުރުން ހއ ހދ ށ ނ ދެކުނުން އައްޑޫ، މުލައް ހުވަދޫ ލާމާއި ތ ގައި ރިސޯޓްހަދަން ބައިނަލްއަޤުވާމީބިޑަށްހުޅުވާނުލައިފިނަމަ “އެހެންގޮތެއްހޯދުމަށް” ތައްޔާރުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަމިއްލަ މީހާ

22 November 2018

އަގުބޮޑު ހޮޓާތައް ހަދައިގެން ދިވެހިންނަށް މާކަ ބޮޑު ފައިދާތަކެއް ނުކުރޭ. އެތަންތަނުގެ މަތީ ވަޒީފާތަކުގަ ގިނައިން ތިބެނީ ބޭރުގެ މީހުން. ދިވެހިންނަށް ގިނައިން ލިބެނީ ދައްފަންތީގެ ވަޒީފާތައް. ދެން ސަރުކާރަށް އެލިބޭ އެއްޗެއްގެ ތަފްސީލް ހާމަކޮއްލީމަ އެއްޗެއް ބުނަން އެނގޭނި. ފާއިތުވި އަހަރުތަކުގަ ސަރުކާރުގެ ހަރަދުތަކާއި ލިބޭއެއްޗެއް މާކަ ބޮޑަކަށް ހާމައެއް ނުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހިމޭންދުނިޔޭ

22 November 2018

ވަހީދުލް އައްވަލު އަށް ތާއީދު. މި އަތޮޅުގަ އޮތް މި ރީތި ތަށް މިހާރު އޮތީ މުޅިން ހަލާކު ކޮށްލާފަ. ކުޅިވެސް ހިއްކާލައިފި ކަމުގެ ޚަބަރު ލިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދދދދދ

22 November 2018

ޔާމީންގެ އިގްތިސާދުގެ ހަރުދަނާކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދުލް އައްވަލު

22 November 2018

ފާދިއްޕޮޅު ގައި އޮންން ރާއްޛޭގެ ބޮޑު ބިޔަ ހުދުފުއްޓަށް ވަޒީފާ އަށް ދިއުމުގެ އިންތިޒާރުގައި ތިބި މީހުން މުސްކުޅިވެއްޖެ. ރިސޯޓު ހަދާތާ 30 އަހަރު. މިހާރުވެސް އެރަށުން ވިއްކަނީ ކާށްޓާއި ކުދި ރުއް. ގެއްލުމުގެ ހިސާބުޖަހާބަލަ. ނުވިތާކަށް މަސައްކަތެއް ކޮއްލަން އެއްބަސްވެ އަރާމީހާ ގެ ކަށިކޮޅުވެސް ނުފެނޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޭކިސްތާނުގެޑޮކްޓަރު

22 November 2018

އޭ މަވެސް ތި ހިތި ތަޖުރިބާ ކޮށްފިން. މިހާރުން މިހާރަށް ތި ހުދުފުށި ސަލާމަތް ކުރޭ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝޮކްތެރަޕީ

22 November 2018

މި ރާއްޖެގެ އެމްމެއަގުހުރި ފައިދާވާތަން އައިހެވަން. އިންޑިޔާއަ ދޭން އިބޫގެ ސަރުކާރުން މިއުޅެނީ. މި ރާއްޖޭގެ މިނިވަންކަމަ ސުވާލުއުފެދެން ފަށަފި މިހާރު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

22 November 2018

އަހަރެން އުފަލެއްނުވޭ. ތިޔަފަޅުތަކާއި ރައްތަށް ދީފައިވާގޮތުގެ އަޑިނޭންގޭތީއާއި ދިވެއްސަކަށް އެއްވެސް އެއްޗެއްނުލިބޭނެތީއާއި، ރާއްޖޭގެ ގުދުރަތީ ރީތިކަމުގެ ފައިދާ ދުނިޔޭގެ މުއްސަދިކުންފުނިތަކަށް އެކަނި ލިބޭތީ. އަދި ދިވެހިން ދިރިއުޅެން ބޮޑު ސިޓީއެއް ހަދަންޖެހޭ ތަން މަދު ބަޔަކު އަޑީގައިތިބެގެން ވިއްކާލާފައިވާތީ.