ސްޓެލްކޯ ކައިރީގައި ހުންނަ އެފްއެސްއެމްގެ ފިއުލް ޝެޑް 24 ގަޑިއިރަށް ބަދަލުކޮށްފި

ސްޓެލްކޯ ކައިރީގައި ހުންނަ އެފްއެސްއެމްގެ ފިއުލް ޝެޑް. -- ފޮޓޯ: މިހާރު

މުހައްމަދު ޔާމީން، މިހާރު

04 ޑިސެމްބަރ 2018 - 22:00

ސްޓެލްކޯ ކައިރީގައި ހުންނަ ފިއުލް ސަޕްލައިސް މޯލްޑިވްސް (އެފްއެސްއެމް) ގެ ޕެޓްރޯލް ޝެޑް މިރެއިން ފެށިގެން 24 ގަޑިއިރު ހުޅުވާފައި ބަހައްޓަން ނިންމައިފި އެވެ.

އެފްއެސްއެމް އިން ނެރުނު ބަޔާނެއްގައި ބުނީ ސްޓެލްކޯގެ ކައިރީގައި ހުރި ފިއުލް ޝެޑް 24 ގަޑިއިރު ހުޅުވާފައި ބަހައްޓަން ނިންމީ ރައްޔިތުންނަށް ފަސޭހަކަމާއެކު ތެޔޮ ލިބޭނެ އިންތިޒާމު ހަމަޖައްސަން ކަމަށެވެ. އަދި އެގޮތަށް ނިންމީ އެސްޓީއޯގެ އިރުޝާދުގެ ދަށުން ކަމަށް އެފްއެސްއެމް އިން ބުންޏެވެ.

މާލޭގެ ތިން ސަރަހައްދެއްގައި އެފްއެސްއެމުން ތިން ޝެޑެއް ހިންގަ އެވެ. އަދި ރާއްޖޭގެ ބައެއް ރަށްރަށުގައި ވެސް ޕެޓްރޯލާއި ޑީސަލް ވިއްކުމަށް ފިއުލް ޝެޑްތައް ވަނީ ހުޅުވައިފަ އެވެ. އެއީ ހުޅުމާލެ އާއި އައްޑު އާއި ފުވައްމުލަކުގެ އިތުރުން ގދ. ތިނަދޫގަ އެވެ.

ސްޓެލްކޯ ކައިރީގައި ހުންނަ ފިއުލް ޝެޑް 24 ގަޑިއިރަށް ހުޅުވާފައި ބަހައްޓަން ނިންމީ ޕެޓްރޯލާއި ޑީސަލް ވިއްކާ ތަންތަން 24 ގަޑިއިރު ހުޅުވާފައި ބެހެއްޓޭ ގޮތަށް އިކޮނޮމިކް މިނިސްޓްރީން ހަމަޖެއްސުމުންނެވެ.

އިމްޕޯޓް މުދަލުގެ ވިޔަފާރި ކުރުމުގެ ގަވައިދު ކުރިން އޮންނަ ގޮތުން ޕެޓްރޯލާއި ޑީސަލް ވިއްކާ ތަންތަން ހުޅުވާފައި ބެހެއްޓޭނީ ފަތިހު 5 އިން ފެށިގެން އެންމެ ލަސްވެގެން މެންދަމު 12 ޖަހަންދެނެވެ.

އެ ގަވާއިދަށް މިއަދު ގެނައި އިސްލާހުގައިވާ ގޮތުން މީހުން ދިރިއުޅޭ ރަށްރަށުގައި ހުންނަ ޕެޓްރޯލާއި ޑީސަލް ވިއްކާ ތަންތަން 24 ގަޑިއިރު ހުޅުވާފައި ބެހެއްޓިދާނެ އެވެ. އެކަމަކު އެއީ ކަމާބެހޭ ގާނޫނުތަކާއި ގަވާއިދުތަކުގެ ދަށުން ސަރުކާރުގެ ހުއްދަ ލިބިފައިވާ ތަންތަނަށް ވާންޖެހޭނެ ކަމަށް އެ އިސްލާހުގައިވެ އެވެ.

ޕެޓްރޯލާއި ޑީސަލް 24 ގަޑިއިރު ވިއްކޭ ގޮތަށް ގަވާއިދު އިސްލާހު ކުރިއިރު، ފިހާރަތަކާއި ކެފޭ އަދި ރެސްޓޯރެންޓްތައް ވެސް 24 ގަޑިއިރު ހުޅުވާފައި ބެހެއްޓުމަކީ ސަރުކާރު ވައުދުވެފައިވާ ކަމެކެވެ. އެކަމަކު އެފަދަ ތަންތަނަށް އެ ހުއްދަ އަދި ނުދެ އެވެ.

އެސްޓީއޯ ތެޔޮ އިކޮނޮމިކް މިނިސްޓްރީ ފިއުލް ސަޕްލައިސް މޯލްޑިވްސް ޕެޓްރޯލް ޑީސަލް ޕެޓްރޯލް ޝެޑްތައް

15 ކޮމެންޓް, 40 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކެންޑްރިކް

05 December 2018

ލޮލް. އެންމެންވެސް ވާނުވާ ނޭނގި މިތާ ހޭބަލިވަނީޔޯ؟ މިތަނުން މަ ރޭގަވެސް އެޅިން ޕެޓްރޯލް 11 ޖެހި އިރު. ސައިކަލަށް. ދަންވަރުވެސް އެޅޭ. ދުވާލު މިތަނުން ސައިކަލު ތަކަށް ޕެޓްރޯލް އެޅުމަކީ މާ މުހިންމު ކަމެއް ނޫން. އެހެން ހުރިހާ ޝެޑަކުން އެޅޭނެ ދުވާލު ގަޑީގަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބެއްޔާ

05 December 2018

ރޭގަނޑު 10ގެ ފަހުން ސައިކަލަށް އަޅާދޭކަމަށްވަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަޝްރަފް

05 December 2018

ތިތަނުން ސައިކަލަކަށް ޕެޓްރޯލެއް ނޭޅޭ. ކޮންމެ މީހަކީ ކާރެއް ގެންގުޅޭ މީހެއް ނޫން. ދެން ކީއްކުރަން 24 ގަޑިއިރު ހުޅުވާފަ ބަހައްޓާ ތަނެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސީދި

05 December 2018

ސައިކަލު ދުއްވާމީހުންނަށް ކުރި މަލާމާތެއްދޯމީ.... ކުރާކަމެއް އެންމެންނަށްވެސް ފަސޭހަވާގޮތަކަށް ވޭތޯބަޅާބަލަ، އަމާބުނީމަ ފަރަށް...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްލާ

05 December 2018

މައްސަލައެއްނެތް ސައުވިސް ގަޑިއިރު ހުޅުވާފަބެހެއްޓުން ނަމަވެސް ސަލާމަތީގޮތުންއަޅާފިޔަވަޅެއްގެގޮތުން ދަންވަރު ޕެޓްރޯލް އަދި ޑީސަލްއަޅަންދާމީހަކީ ލައިސަންސް އޮތްމީހެއްތޯ ބެއްލެވުން ރަނގަޅުވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފް

05 December 2018

ސައިކަލަށް ނޫނެކޭ ބުނާތަނެއް 24 ގަޑިއިރަށް ބެހެއްޓުމުގެ ބޭނުމެއް ނެތް.ތަމެން ދޭބަލަ ބޮލިހިލަން.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހްމަދު މާހިރު

04 December 2018

ނޫސް ވެރިން ވެސް ވަރަށް ގަމާރު ވާން ފަށައިފި... މިތަނުން މިހާރު ސައިކަލަށް ޕެޓްރޯލު އަޅާ ދޭތޯ؟؟؟ ނޫނީ ރޭގަނޑު ސައިކަލަށް އަޅާ ދޭތޯ؟؟؟ މީ ސައިކަލަށް ތެޔޮ ނާޅާދޭ ތަނެއްކަން ހަމަ އެންމެނަށް ވެސް އިނގޭނެ...