ފުރަތަމަ 100 ދުވަހުގެ ވައުދުތަކުގެ ތެރެއިން ފަސް ވައުދެއް އޭޖީ އޮފީހުން ފުރިހަމަ ކޮށްފި

އެޓާނީ ޖެނެރަލް ރިއްފަތު ރައީސްއާ އެކު: ފުރަތަމަ 100 ދުވަހުގެ ފަސް ވައުދެއް އޭޖީ އޮފީހުން ފުއްދާފައިވާ ކަމަށް އެ އޮފީހުން ބުނޭ -- މިހާރު ފޮޓޯ/ހުސައިން ވަހީދު

މުއިއްޒު އިބްރާހިމް، މިހާރު

20 ޑިސެމްބަރ 2018 - 14:57

10 comments

މި ސަރުކާރުގެ ފުރަތަމަ 100 ދުވަހުގެ ތެރޭގައި އެޓާނީ ޖެނެރަލް (އޭޖީ) އޮފީހުން ފުއްދަން ނިންމި ވައުދުތަކުގެ ތެރެއިން ފަސް ވައުދެއް މިހާރު ފުއްދާފައިވާ ކަމަށް އެ އޮފީހުން މިއަދު ބުނެފި އެވެ.

މި ސަރުކާރުގެ ފުރަތަމަ 100 ދުވަހުގެ ތެރޭގައި 12 ވައުދެއް ފުއްދަން އޭޖީ އޮފީހާ ހަވާލު ކޮށްފައި ވެ އެވެ.

ވައުދުތައް ފުއްދިފައިވާ މިންވަރާ ބެހޭގޮތުން އޭޖީ އޮފީހުން ނެރުނު ބަޔާނެއްގައި ވަނީ މިހާތަނަށް ފުއްދިފައިވާ ފަސް ވައުދަކީ ވަކި ބަޔަކަށް އަމާޒު ކޮށްގެން ހަދާފައިވާ ގާނޫނުތައް މުރާޖައާ ކުރަން ފެށުމާއި ދައުލަތަށް ގެއްލުންވާ ގޮތަށް ނަގާފައިވާ ލޯނުތަކާއި އެއްބަސްވުންތައް ރީ ނެގޯޝިއޭޓް ކުރަން ފެށުމާއި ރިޝްވަތު ހިފާ މީހާއާ އެއްވަރަށް ރިޝްވަތު ދޭ މީހާ ވެސް ކުށްވެރިވާ ގޮތަށް ގާނޫނުލް އުގޫބާތަށް އިސްލާހު ގެންނަން ހުށަހެޅުން ކަމަށެވެ.

މީގެ އިތުރުން، ކޮރަޕްޝަން ފަޅާ އަރުވައިލާ މީހުންނަށް ހިމާޔަތް ދިނުމާ ބެހޭ ބިލެއް ރައްޔިތުންގެ މަޖިލީހަށް ހުށަހެޅުމުގެ އިތުރުން ނުހައްގު މުއްސަނދިކަން ހުއްޓުވުމާ ބެހޭ ބިލެއް މަޖިލީހަށް ހުށަހެޅުމުގެ ވައުދު ވެސް ފުރިހަމަ ކޮށްފައިވާ ކަމަށް އެ ބަޔާނުގައިވެ އެވެ.

ބަންޑާރަ ނައިނުގެ އޮފީހުން ބުނީ، އެ ވައުދުތަކާ ގުޅިގެން އަލަށް ހަދަންޖެހޭ ގާނޫނުތަކާއި އިސްލާހު ކުރަންޖެހޭ ގާނޫނުތައް ފާހަގަކޮށް، އެކަންކަމާ ބެހޭ ބިލް މަޖިލީހަށް ހުށަހެޅުމުގެ މަސައްކަތުގެ ބޮޑު ބައެއް ވެސް މިހާރު ވަނީ ނިމިފައި ކަމަށެވެ. އެގޮތުން، އިސްލާހު ކުރަންޖެހޭ 11 ގާނޫނެއްގެ ތެރެއިން 10 ގާނޫނެއް އިސްލާހު ކުރުމުގެ ބިލް ޑްރާފްޓްކޮށް ނިމި، ބައެއް ބިލްތައް މަޖިލީހަށް ހުށަހަޅާފައިވާ ކަމަށް އެ ބަޔާނުގައިވެ އެވެ. އަލަށް އެކުލަވައިލާ ފަސް ގާނޫނެއްގެ ބިލުގެ ތެރެއިން އެއް ބިލެއް މަޖިލީހަށް ފޮނުވާފައިވާ ކަމަށް ވެސް އެ ބަޔާނުގައިވެ އެވެ. އަދި އިތުރު އަލަށް ހަދާ ދެ ބިލެއް އެކުލަވައިލުމުގެ މަސައްކަތް ވެސް މިހާރު އަންނަނީ ކުރަމުންނެވެ.

ނުހައްގު މުއްސަނދިކަން ހުއްޓުވުމާ ބެހޭ ބިލެއް މަޖިލީހަށް ހުށަހެޅި ކަމަށް އޭޖީ އޮފީހުން ބުނިއިރު، އެ ބިލް ހުށަހެޅި ކަމަށް ސަރުކާރުން ކުރިން ބުނެފައެއް ނުވެ އެވެ. އަދި ބިލުގެ ފުރަތަމަ ކިޔުން މަޖިލީހުގައި ވެސް އިއްވައިފައެއް ނުވެ އެވެ. ރައްޔިތުންގެ މަޖިލިސް މިހާރު އޮތީ ޗުއްޓީގަ އެވެ.

އެޓާނީ ޖެނެރަލް އެޓާނީ ޖެނެރަލްގެ އޮފީސް އިބްރާހިމް ރިފްއަތު، އެޓާނީ ޖެނެރަލް ސަރުކާރުގެ ފުރަތަމަ 100 ދުވަސް

10 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގަހާޖި

23 December 2018

ގައުމު ދަރަނަވެރިކޮށްފަ ވައުދު ހުސް އަނގަ ތެޅުން ނޫން ކަމެއް ނުވޭ. ރައީސް ޔާމީން ވެރިކަމުގަ ނިމެންވެފަ ނޫނީ ނިމިފަހުރި ތަންތަން ހުޅުވާލަ ދީފަ ތިބޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބާރޫތު

22 December 2018

އާކިލޭޝް މިޝްރާ އެކަނި ތިފުދޭ ވައުދުތަކާ އުފަލުން ހުރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަނީފް

20 December 2018

ނަމުން ވައުދު ފުއްދިދާނެ، ކަމުން ވައުދު ފުއްދުމުގެ އެއްވެސް ޝައުގުވެރިކަމެއް ނެއް. މިސާލަކަށް ޓެކްސްގެ ނިޒާމެއް ރާއްޖެއަށް ގެނައިފަހުން އެ ނިޒާމުގައި ހުރި މައްސަލަތައް އިސްލާހު ކުރުމަށް މީރާއިން ކުރި ހުރިހާ މަސައްކަތރެއް ފެއިލްކޮށްލި ކަމަށްވަނީ ތިއަ އޮފީހުގައި ތިބި ދެ އަންހެނަކު އެމީހުންގެ މަސްލަހަތައް. މުޅި ގައުމު ހަލާކުވެ ދިއަސް އޯކޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑް

20 December 2018

ރަށްރަށުގެ ކައުންސިލަށް އަންނަން މީހުން ކުރާކަހަލަ ވަޢުދު ވެފަ ފުއްދައިފީމޯ! ތަނެއްގައި އެހެން ރައީސްއަކު ހަދާފަ ހުރި ޕާކިންގޒޯނެއް ހުޅުވާދިނުން. ކުރިން ބޭނުން ކުރަމުން އައި މަގެއް އަލުން ހުޅުވާލުން، ސަލްޓަންޕާކުގެ ނަން ބަދަލުކޮށްލުން....އެކަމަކު، 1.4 ބިލިޔަން ޑޮލަރުގެ ދަރަނި...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަޓުން

20 December 2018

ހާދަ ގަދައޭ ދެން ތިއޮތީ ގާތްގަޑަކައްނިމިފަ އެއްނު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހެނބަދޫ މީހާ

20 December 2018

ވައުދު ފުއްދުނީމަ އެ ނިމުނީތަ؟ މިއުޅެނީ އަނގަޔާ އަތާ ދިމާނުވެގެން. މަހުޖަނެއްގެ ވަކިތަކުން ގައުމު ސަލާމަތް ނުވެވިގެން. މިކަންތައް ކޮއްބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުލްމީތް

20 December 2018

މަ ހަަމަ ކޮސްވެފަ މިހުރީ..100ދުވަސްތެރޭ ފުއްދާ ވައުދު ފުއްދިއަސް ނުފުއްދިއަސް ރައްޔިތަކަށް އެނގުމެއްނުވޭ..އެމިނިސްޓްރީއަކުން ނޫނީ ވުޒާރާއަކުން ފުއްދައިފީމޭ ބުނުން އޮތީ..ވަރުގަދަ ވައުދުތަކެއް..100ދުވަސް ހަމަވާ އިރަށް ބުނާނެ ހުރިހާ ވައުދެއް ފުއްދިއްޖޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާސްޓަރ

20 December 2018

ނަން ބަދަލު ކުރުމާއި، މިހާރުވެސް ހުރިތަންތަން ވަކި ތަންތަނުގެ ގޮތުގައި ހަމަޖެއްސުމާއި، ރުއްގަސް އިންދުމާއި، ކަންކަން ކުރުމަށް އެއްވެސް އެހީއެއް ނުދީ ކައުންސިލް ތަކުގައި ތާކުންތާކު ނުޖެހޭ ކަންކަން ކުރުމަށް އެންގުންތައް ފޮނުވުމުން ތިޔަ ފުދޭ ވަޢުދެއްފުދި ތިވަޢުދު ތަކުގެ ފޮނިމީރުކަން އެބަލިބެއެވެ.