އައްޑޫގައި ހިންގާ ގެސްޓް ހައުސްއެއްގެ އަތިރިމަތި.
25 ޑިސެމްބަރ 2018 - 18:05
27 comments
އައްޑޫގައި ޓޫރިޒަމް ކުރިއަރުވަން ކައުންސިލުން އެކުލަވައިލާ ޕްލޭނުގެ ދަށުން ޓޫރިޒަމަށް ހާއްސަ ދޮންވެލި ތުނޑިއެއް ހަދަން ނިންމައިފި އެވެ.
ކައުންސިލުން އެކުލަވައިލާ އައްޑޫގެ ޓޫރިޒަމް ޕްލޭނަށް ރައްޔިތުންގެ ހިޔާލު ހޯދަން ބޭއްވި ދެ ބައްދަލުވުމަށް ފަހު ކައުންސިލުން މިއަދު ނެރުނު ބަޔާނެއްގައި ބުނީ އައްޑޫގައި ޓޫރިޒަމް ތަރައްގީކޮށް ކުރިއަރުވަން ބޭނުން ނަމަ ރީތި ދޮންވެލި ތުނޑިއެއްގެ މުހިއްމުކަން ބޮޑު ކަމަށެވެ.
ކައުންސިލުން ބުނި ގޮތުގައި "ރާއްޖެ އަށް ޓޫރިސްޓުން ޗުއްޓީ ހޭދަކޮށްލަން އަންނަ އެންމެ ބޮޑު ސަބަބަކީ ރާއްޖޭގެ އަޖައިބު ކުރުވަނިވި ރީތި ހުދު ދޮންވެލި ތުނޑިތަކުގެ ހިތްގައިމުކަން ދެކިލުމުމެ" ވެ. ނަމަވެސް އައްޑުއަކީ ބިމުގެ ގޮތުން ބޮޑު އަތޮޅަކަށް ވިޔަސް، ރާއްޖޭ އެހެން އަތޮޅުތަކާ ހިލާފަށް އައްޑޫގެ ރަށްތަކަކީ ރީތި ދޮންވެލި ތުނޑިތަކެއް ހުރި ތަނެއް ނޫން ކަމަށާއި އައްޑު އަށް އެފަދަ ދޮންވެލި ތުނޑިއެއް ބޭނުންވާ ކަމަށް ކައުންސިލުން ބުންޏެވެ.
އެހެންވެ ތުނޑިއެއް ހެދުމަށް ކައުންސިލުން ވަނީ މިދިޔަ ހަފުތާގެ ބައްދަލުވުމެއްގައި ވެސް ނިންމައިފަ އެވެ.
"ކައުންސިލްގެ ނިންމުމުގައި އައްޑޫގައި ފަތުރުވެރިކަމަށް އަމާޒު ކުރެވިގެން ތުނޑިއެއް ހެދުމަށްޓަކައި ހާއްސަ ކުރެވޭ ސަރަހައްދުތައް ކަނޑައަޅައި އެސަރަހައްދުތައް ޑިޒައިންކޮށް، ތަނުގެ އީއައިއޭ ހަދައި ޓެކްނިކަލް ސާވޭ ހެދުމުގެ މަސައްކަތް ކުރިއަށް ގެންދިއުމަށް ވަނީ ނިންމައިފަ އެވެ،" ކައުންސިލުން ބުންޏެވެ. "އަދި މި ޕްރޮޖެކްޓަށް ބޭނުންވާ ފައިސާ ކައުންސިލްގެ ދަށުގައި އިންނަ ޓްރަސްޓް ފަންޑްގައި ޓޫރިޒަމް ތަރައްގީކޮށް ކުރިއެރުވުމަށް މަސައްކަތް ކުރުމަށް ކަނޑައެޅިފައިވާ ބަޖެޓް ކޯޑުން ފައިސާ ހަރަދު ކުރުމަށް ވަނީ ނިންމައިފަ އެވެ."
ކައުންސިލުން ބުނި ގޮތުގައި ޓޫރިޒަމް ތަރައްގީ ކުރަން އެކުލަވައިލާ ޕްލޭނަށް ހިޔާލު ހޯދަން ހުޅުމީދު އާއި ހިތަދޫގައި ބޭއްވި ބައްދަލުވުންތަކުގައި ބައިވެރިވި ގިނަ ބަޔަކު ވެސް ރީތި ދޮންވެލި ތުނޑިއެއް އައްޑޫގައި ހަދަން ތާއިދުކޮށް ހިޔާލު ފާޅުކޮށްފަ އެވެ.
ޓޫރިޒަމް ޕްލޭނަށް ހިޔާލު ހޯދަން ހިތަދޫގައި ރޭ ބޭއްވި ބައްދަލުވުމުގެ ތެރެއިން.
ޕްލޭނަށް ހިޔާލު ހުށަހެޅުމުގެ ފުރުސަތު ކައުންސިލުން ވަނީ މި ހަފުތާގެ ނިޔަލަށް ހުޅުވާލައިފަ އެވެ. އެގޮތުން ސޯޝަލް މީޑިއާ މެދުވެރިކޮށް ނުވަތަ އީމެއިލުން ހިޔާލު ހުށަހެޅޭނެ ކަމަށް ކައުންސިލުން ބުންޏެވެ.
އައްޑޫގައި މިހާރު ދެ ރިސޯޓާއި ސިޓީ ހޮޓަލެއް ހިންގަމުން އަންނަ އިރު، ތިން ވަނަ ރިސޯޓެއް ތަރައްގީ ކުރުމުގެ މަސައްކަތް އަންނަނީ ކުރަމުންނެވެ. އަދި އައްޑުއަކީ ގެސްޓް ހައުސް ވިޔަފާރި ވެސް ފުޅާވަމުން އަންނަ ތަނެކެވެ.
އައްޑޫގައި މި ވަގުތު ހިންގާ ދެ ރިސޯޓަކީ ކެނަރީފް (ހެރެތަރަ) ރިސޯޓާއި ޝަންގްރިއްލާ ވިލިގިލި ރިސޯޓް އެންޑް ސްޕާ އެވެ. އަދި ގަމުގައި އީކްއޭޓާ ވިލެޖްގެ ނަމުގައި ސިޓީ ހޮޓަލެއް ހިންގަމުން އަންނަ އިރު، އިސްމާލެހެރަ ރިސޯޓެއްގެ ގޮތުގައި އަންނަނީ ތަރައްގީ ކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބިރިހިންބެއްޔާ
26 December 2018
މިއީ އައްޑުގެ މައްސަލަޔަކީ. ޓޫރިޒަމް މާސްޓަރޕްލޭނު ކައުންސިލުން ހަދަނީޔޯ. ނޭގޭ މިހާރު ކައުންސިލުގައި ޓޫރިޒަމްދާއިރާ ދަންނަ ކުއ
ހުޝާމު
26 December 2018
އައްޑޫ ތަރައްޤީ ކުރުމުގެ ބޭނުމެއް އެބައޮތްތަ ؟ އާބާދީގެ ދެބައިކޮޅައް އެއްބައި މާލޭގައި .
މެސީ
26 December 2018
މޮޅެރި ކޮމެންޓް ނުކޮށް ރަށްކުރިއރުވާ ކޮމެޓީއަށް ފޯމް ހުޝައަޅަންވީއެއްނޫން
ސިރާޖު
26 December 2018
ތިޔައީ އަސްލަމް މެން މަޖިލިސް އިންތިހާބަށް ޖައްސާ ސްޓަންޓެއް. އަސްލަމް ތިޔަގޮނޑި ފަޅުފިލުވާތާ 15 އަހަރުވެއްޖެ. ކޮބާ އަތޮޅަށް ކޮށްދެވުނުކަމަކީ ނުވަތަ މިނިސްޓްރީ ތައް މެދުވެރިކޮށް ކަމެއްވޭތޯވެސ ނުބަލާ. ލަންކާގަ އުޅުނީ. މިފަހަރު އަސްލަމް ބްރިގޭޑިޔާ އިބްރާހީމް ދީދީ ބަދަލުކުރަންޖެހޭ. އެމްޑީޕީގެ ޕްއަރައިމަރީން މި ދެމީހުން ފެއިލް ކުރަންޖެހޭ.
މާލޭމީހާ
26 December 2018
ތި އައްޑޫ މީހުނަށް އެއްވެސް ކަމެއްކޮށް ދޭނެކަމެއްނެތް.
ސަމާ
26 December 2018
އެޔޯ
ވަލީއަހުދު
26 December 2018
ފިތުނަ އުފައްދަން އުޅުނަސް އެކަން ކުރަން ދަސްކޮށްގެން އުޅެން ރަނގަޅު. ނަމުގަ މާލޭމީހާ ޖަހައިގެން ތިކަހަލަ ވާހަކަ ދެއްކީމަ ވަރަށް ފޭކު. ލޮލް.
ޙަސަން އަޙްމަދު
26 December 2018
އައްޑުއަށް ވެސް ފަތުރުވެރިން އަންނާނެ އާދެވޭނެ ގޮތަކާ އާދެވޭނެ ސަބަބެއް ދެއްކީމަ. ނެތް އެއްޗެހި މަސްނޫއީކޮށް ހަދާކަށް ނުޖެހޭ. ހުރި އެއްޗެހި ރީތި ކޮށްފަ ތާހިރު ކުރީމަ ތިޔަ ތަން ކިޔައްމެހާ ވެސް ކުރިއެރުވިދާނެ
ބެއްޔާ އައްޑޫ
26 December 2018
އަހަރުންގެ މައްސަލައަކީ ތިފަދަ ކަންކަން އަމާ ބުނީތީ ފަރަށްދާ އުސޫލުއިން ކުރާތީ. ފުރަތަމަ ތިޔަ ތަން ބަލަހަެްޓާނެ ގޮތަކާއި ތިޔަ ތަނުގެ ބޭނުން ހިފާނެ ގޮތަކާއި ތަނުގެ އަމާންކަމާއި ރަެްކާތެރިކަން ޔަގީން ކުރެވޭނެ ގޮތެއް ވިސްނާފާ ދެން ތިޔަކަމާ އުޅެބަލަ. ޚކައުންސިލަށް އިނގޭތަ ސޯބެ ހެދޮ ސިޑި ބޭނުންކޮށްގެން ފުއްޓަރުން ވެލިނެގުން މިހާރު މާފަސޭހަކަން؟ ގައިމު ވެލިނަގާމީހުންގެ ޝުކުރު ސޯބެއަށްލިބޭނެ. ރަށްގިރުން ހުއްޓުވޭތޯ އުޅެބަލަ ފުރަތަމަ
މަރޭމިތުރާ
26 December 2018
[[ޓޫރިޒަމުގެ ފައިދާއެއް އާއްމުންނަށް ނުކުރޭ! ޓޫރިޒަމުގެ ފައިދާތައް ސަރުކާރަށް ކުރަނީ!]]............. ރާއްޖެއްށް މިއަންނަ ގެސްޓުންނާއި ބަލާފަ އާއްމުންނަށް މިކަމުންވާ ފައިދާއެއްނެތް. ގިނަފަހަރަށް ވަޒީފާގަނޑެއްވެސް ދިވެއްސަކަށް ނުލިބޭ!ކައުންސިލުތަކަށް ބާރުތައްދީފި. އެއަތޮޅެއްގެ ރައްތަކުން ލިބޭ ފައިސާ އެއަތޮޅުގެ ރައްޔިތުންނަށް ކަންކަން ކޮށްނުދެންޏާ ޓޫރިސްޓުން އިތުރުކުރުމުގެ ބޭނުމެއްނެތް!ދޮންވެލީގެ ދޮންކަމުގެ ފައިދާނެތް.
ހަސަންއަލީ
26 December 2018
އައްޑޫގެ ބައެއްމީހުންނަކީ އެހާ މެހެމާނުންނަށް ކަމެއްހިތާބައެއް ނޫން. ޚާއްސަކޮށް އެހެންރަށްރަށުގެ މީހުންނަށް.
ރަދީފް
26 December 2018
ސިމްޕްލީ ނޮޓް ޓްރޫ.
ޢަލިޒާ
26 December 2018
އެހެންވީމަދޯ ރާއްޖޭގެ ރިސޯޓްތަކުގައި ޓޫރިސްޓުންނަށް ޚިދުމަތްފޯރުކޮށްދޭން އައްޑޫމީހުން ގިނައީ.
ފެހި
25 December 2018
ޓުއަރިޒަމްގެ އަސަރު މީހުން ދިރިއުޅޭ ހިސާބުތަކަށް ގެންނާކަށް ނުފެނޭ! މިހާތަނަށް ފެނުނު މަންޒަރަށް ބަލާއިރު ކުދި ރަށްށުގައި ވެސް އެމީހުންގެ ހެދުން އެޅުމުގެ މިންގަނޑު އެހާ ބެލެވިފަކާއެއް ނެތް ! އެހެންވިއިރު އައްޑޫ ފަދަ އާބާދީ ބޮޑުތަނެއްގައި އެފަދަ ކަންކަން ނުބެލި ދިޔުމަކީ މާ ގާތް ކަމެއް! އެމީހުން ޓޫ ޕީސްގައި ނޫނީ ނިވާކަން ކުޑަ ހެދުމުގައި އުޅޭ މަންޒަރު އަހަރުމެންގެ ދަރިންނަށް ދައްކާކަށް އަހަރެމެން ބޭނުމެއްް ނޫން!
ޢަލި
26 December 2018
މާލެ، ހުޅުމާލެ އާއި ވިލިމާލޭގައި ގެސްޓްހައުސް ފުރިފަ ގެސްޓުން ތިބުނާ ޕީސްތައްލައިގެން އުޅެނީ.