ރައީސް އިބްރާހިމް މުހައްމަދު ސޯލިހް، ހަފުތާ ރެސް އަށް މިރޭ ޒިޔާރަތް ކުރައްވައި ބައެއް މީހުންނާ ސަލާމް ކުރައްވަނީ.---ފޮޓޯ: އަހުމަދު ނިޝާތު/މިހާރު
28 ޑިސެމްބަރ 2018 - 23:53
12 comments
ކޮންމެ ހަފްތާއެއްގެ ހުކުރު ދުވަހު ސަރުކާރުން ބޭއްވުމަށް ހަމަޖެހިފައިވާ މުނިފޫހިފިލުވުން އަދި މާކެޓް 'ހަފްތާ ރެސް" މިރޭ އިފްތިތާހު ކުރުމުން އެތަން ބައްލަވައިލެއްވުމަށް ރައީސް އިބްރާހިމް މުހައްމަދު ސޯލިހް ވަޑައިގެންފި އެވެ.
ކޮންމެ ހަފްތާއެއްގެ ނިމުން ފާހަގަ ކުރުމުގެ ގޮތުން ވީކެންޑް މާކެޓާއި މުނިފޫހިފިލުވުމުގެ ޕްރޮގްރާމްތައް ގެނެސްދިނުމަކީ މި ސަރުކާރުގެ ފުރަތަމަ 30 ދުވަހުގެ ތެރޭގައި ކުރުމަށް ކަނޑައަޅާފައިވާ ރިޔާސީ ވައުދެކެވެ.
ހަފްތާ ރެސްގައި މިރޭ އަލިފާނުގެ ކުޅިވަރުތައް ދައްކައިލަނީ.---ފޮޓޯ: އަހުމަދު ނިޝާތު/މިހާރު
ރަސްފަންނު ސަރަހައްދުގައި ކުރިއަށް ގެންދާ ހަފްތާ ރެސް އަށް ރައީސް ޒިޔާރަތް ކުރައްވާ އެތަނުގައި ހިންގާ އެކިއެކި ސްޓޯލްތައް ވަނީ ބައްލަވައިލައްވައިފަ އެވެ.
ހަފްތާ ރެސް މިރޭ އިފްތިތާހު ކޮށްފައި ވަނީ އަލިފާނުގެ ކުޅިވަރަކުންނެވެ. އަދި އަލަށް ނުކުންނަ ފަންނާނުންނަށް އިސްކަމެއް ދީގެން ކުރިއަށް ގެންދާ މިއުޒިކް ޝޯއެއް ވެސް ކުރިއަށްދެ އެވެ.
ހަފްތާ ރެސްގައި ބަހައްޓާ 60 ސްޓޯލްގައި ވިއްކާނީ ކާބޯތަކެއްޗާއި މުދަލެވެ. ޔޫތު މިނިސްޓްރީން ކުރިން ބުނެފައި ވަނީ ހަފްތާ ރެސްގައި ޒުވާނުން ބައިވެރިވުމުގެ ފުރުސަތު ދެއްވާނެ ކަމަށެވެ. އަދި ސްޓޯލްތައް ދޫކުރުމުގައި ނުކުޅަދުންތެރިކަން ހުންނަ ވިޔަފާރިވެރިންނާއި އަންހެނުންނަށް އިސްކަން ދޭނެ ކަމަށް ވެސް މިނިސްޓްރީން ބުނެފައިވެ އެވެ.
ހަފްތާ ރެސްގައި ބަހައްޓާފައިވާ ވިޔަފާރި ސްޓޯލެއްގައި މިއަދު ހަވީރު ބަޔަކު ހަރަކާތްތެރިވަނީ.---ފޮޓޯ: އަހުމަދު ނިޝާތު/މިހާރު
ހަފްތާ ރެސްގައި ބައިވެރިވުމަށް މިހާރު ފޯމެއް ހުށަހަޅަންޖެހެ އެވެ. ނަމަވެސް ވަރަށް އަވަހަށް ފޯން އެޕްލިކޭޝަނެއް މެދުވެރިކޮށް ހަފްތާ ރެސްގައި ބައިވެރިވެވޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބީސީ
30 December 2018
ދޭސީ އެއީ މަހޭކިޔަންއުޅުނު ނަންފާސްނުވެގެން ކީ ނަމެއް މަހޭ ކިޔަން އުޅުނީ ވީކެންޑު ރެނދު.....
އެޑަމް
29 December 2018
ތިޔަހަފުތާރެސް މިނިސްޓަރ ވިދާޅުވިގޮތައްކޮންމެހަފުތާޔަކު ފޯމްފުރައިގެން އާބަޔަކައްލިބޭގޮތައް ކިތައް ހަފުތާވަންދެން އޮންނާނެބާހީވަނީ ލޯކަލްމާރުކޭޓެކޭ އެއްގޮތައް ޢިއްޒަތްތެރިމެމްބަރުން ނަންގަވައިގެން އަބަދުވެސްއެއްބަޔަކުހެންތިބޭނީ މަހުލޫފުވެސް އިޚުލާސްތެރިވެއްޖެނަމަރަގަޅު
ދޭސީ
29 December 2018
ކޮބާތަ ހަފްތާ ރެސް ގެ މާނަ އަކީ؟ އެނގޭ މީހެެއްހުރިއްޔާ ބުނެލަދީބަލަ.
މެމޯ
29 December 2018
މީހަމަ މަގުމަތީ ބާޒާރު. މަހުލޫފު ބުނި އަގުހެޔޮ ވާނެޔޭ. މަލޭގަ 35 ހުންނަ ބަބުލް ފުޅި ހުރީ 50 ރުފިޔާއައް. ކުޑަ ކުދިންގެ ހަވީރުގެ އިންތިޒާމްތަ ވަރަށް ކަޑަ. ސޯސަލް ސެންޓަރު ގޯތިތެރޭ އޮއި ކަމަކަ ނުވާ ކަހަލަ ކަމްތަތަކެ. ބަންގާޅިން ބޭރުކޮއްފަ. ކުޑަ ކުދިންގެ ހަވީރު ރަގަޅު ކުރަން އުޅޭ.
ދަތްނެތްކުއްޖާ
29 December 2018
މާލޭގައި ބޮޑު އަގުގައި ފިހާރަތައް ކުއްޔަށް ހިފައިގެން ގާރމަންޓް ވިޔަފާރި ކުރާ މީހުނަށް ކުރިމަތިވާނެ ވަރަށް ބޮޑު ގެއްލުމުކަށް މިކަންވާނެ ކަމާއި މެދު އެއްވެސް ޝައްކެތް ނުކުރަނމު. މިހުންނަނީ ސަރުކާރުން ވިސްނަން ޖެހޭނެ ކަންކަން. ކާބޯ ތަކެތި ވިއްކިއަސް އޯކޭ. ހިތާމަ އަކީ ހެދުން ވިޔަފާރި ކުރުމުގެ ހުއްދަ އެ ބަޔަކަށް ތިބުނާތާ ދޭތީ. މިކަމާއި މެދު ސަރުކާރުން ވިސްނާނެ ކަމަށް އުއްމީދު ކުރަނމު.
ޗިއްލޫ
30 December 2018
ހާދަ އަމިއްލަ އެދުންބޮޑު ގޮލައެއްމީ އަނެއްކާ! ކާބޯ ތަކެތި ވިއްކާމީހުންނަށް ގެއްލުންވިޔަސް އޯކެޔޯ، މަހީހީ ހަލާކް!
ސިމާނު
29 December 2018
މާލޭގައި ގަވާޢިދާ ޚިލަފަށް ވިޔަފާރި ކުރަމުންދާ ބަންގާޅު މީހުން ގައުމުން ބޭރުކޮށް ދިވެހި ޒުވާނުންނަށް ފުރުސަރު ހޯދަދިނުން ވަރަށް މުހިއްމު. ރާއްޖޭގައިއުޅޭ ގައުމީ ބޮޑު މައްސަލަތަކުގެ ތެެރެއިން މާލޭގެ ކުލީގެ މައްސަލަ އަށްފަހު އެންމެބޮޑު މައްސަލައަކީ ގަވާޢިދާ ޚިލާފަށް ވިޔަފާރި ކުރަމުންދާ ބަންގާޅު މީހުންގެ މައްސަލަ. ގަވާޢިދާ ޚިލާފަށް އުޅެމުންދާ ބަންގާޅު މީހުން ގައުމުންބޭރުކޮށް ދިވެހި ޒުވާނުންނަށް ފުރުސަތު ހޯދަދިނުމަށް ސަރުކާރަށް ގޮވާލަން.
ބައިތިލް
29 December 2018
މިހާރު ރަނގަޅު ކަމެއް އަދި މިސަރުކާރަކުން ނުކުރޭ، ބާޒާރު މަތީގައިތިބި އަދި ކުރުނބާ ގާޑިއާގައިތިބި ހުރިހައި ބިދޭސީން ފޮނުވާލައި، ދިވެހިންނަށް މަގު ހުޅުވަންޖެހޭ،
އިބުރާ
29 December 2018
ކޮބާތަ އަދާލަތު ޕާޓީ!
މަންސޫރު
29 December 2018
އެއީވެސް ޕޮލިޓިކަލް ޕާޓީއެއް. އޮފީހެއް ހުރޭ. ދޭބަލަ ޕާޓީ ހޯދަން!
ރަދީފް
29 December 2018
ހޫ ކެއާސް؟؟!! ވީ ޑޯންޓް ކެއާ.
ރާއްޖެ
29 December 2018
މިސަރުކާރުގެ ވަރަށް ބޮޑު މެގަ ޕްރޮޖެކްޓެއް.