ވިޔަފާރި / ބީއެމްއެލް އިސްލާމިކް ބޭންކިން

ބީއެމްއެލް އިސްލާމިކުން އަލަށް ތިން ވައްތަރެއްގެ އެކައުންޓް ތައާރަފްކޮށްފި

ބީއެމްއެލް އިސްލާމިކް ބޭންކިންގެ ހިދުމަތް ލިބޭ އިމާރާތް

ފާތިމަތު ޝަނާ މުހައްމަދު، މިހާރު

13 ޖެނުއަރީ 2019 - 12:45

އަމިއްލަ ފަރުދުންނާއި ވިޔަފާރިތަކަށް އަމާޒުކޮށް ދެ ވައްތަރެއްގެ ސޭވިން އެކައުންޓަކާއި އިންވެސްޓްމަންޓް އެކައުންޓެއް ބީއެމްއެލް އިސްލާމިކުން ތައާރަފްކޮށްފިއެވެ.

ބީއެމްއެލް އިން ބުނީ މިއާ އެކު ޝަރީއާއާ އެއްގޮތްވާގޮތުގެ މަތިން ބީއެމްއެލް އިސްލާމިކުން ދޭ ހިދުމަތްތައް އިތުރަށް ފުރިހަމަވެގެންދާނެ ކަމަށެވެ.

އަލަށް ތައާރަފްކުރި ބީއެމްއެލް އިސްލާމިކްގެ ސޭވިން އެކައުންޓަކީ ފަހަށް ފައިސާ ރައްކާކޮށް އަދި އެ ފައިސާއިން ފައިދާ ހޯދައިދިނުމުގެ ގޮތުން އަމިއްލަ ފަރުދުންނަށް ތައާރަފުކުރި ހިދުމަތެކެވެ.

އެ ބޭންކުން ބުނީ މިއީ އިސްލާމިކް ބޭންކިންގެ އުސޫލެއް ކަމަށްވާ ވަކާލާ އުސޫލުގެ މައްޗަށް އެކުލަވާލެވިފައިވާ އެކައުންޓްތަކެއް ކަމަށެވެ. މިގޮތުން ކަސްޓަމަރު އެކައުންޓުގައި ބަހައްޓާ ފައިސާ ޝަރީއާ ހުއްދަކުރާ ކަންކަމަށް އިންވެސްޓްކުރުމަށް ފަހު އެއިން ފައިދާ ލިބުމުގެ ފުރުސަތު ކަސްޓަމަރަށް އޮންނާނެ އެވެ.

ކުޑަކުދިންނަށް ހާއްސަކޮށް ތައާރަފްކުރި، ބީއެމްއެލް އިސްލާމިކް ކިޑްސް ސޭވަ އެކައުންޓަކީ 18 އަހަރުން ދަށުގެ ކުދިންނަށް އިސްލާމިކް ބޭންކިންގެ ހިދުމަތް ހޯދޭނެ ގޮތް ފަހިކޮށްދިނުމަށް ފެށި ހިދުމަތެއް ކަމަށް ބީއެމްއެލް އިން ބުންޏެވެ.

މީގެ އިތުރުން އަލަށް ތައާރަފްކޮށްފައިވާ ބީއެމްއެލް އިސްލާމިކް ޖެނެރަލް އިންވެސްޓްމަންޓް އެކައުންޓަކީ ޝަރީއާ ހުއްދަކުރާ އުސޫލުތަކާ އެއްގޮތްވާ ގޮތުގެމަތިން ވަކި މުއްދަތަކަށްް ފައިސާ ރައްކާކުރުމަށްޓަކައި އަމިއްލަ ފަރުދުންނާއި ވިޔަފާރި ކުންފުނިތަކަށް ހާއްސަ އިންވެސްޓްމަންޓް އެކައުންޓެކެވެ.

ބީއެމްއެލް އިސްލާމިކް ހިދުމަތްތައް ފަރުމާކޮށްފައިވަނީ އިސްލާމިކް ބޭންކިންއާ ގުޅޭ ބައިނަލްއަގުވާމީ އެންމެ ރަނގަޅު އުސޫލުތަކަށް ބިނާކޮށް، ޝަރުއީ ހަމަތަކަށް ފުރިހަމައަށް ފެތޭ ގޮތަށް ކަމަށް އެ ބޭނުން ބުނެ އެވެ.

ބީއެމްއެލް ބީއެމްއެލް އިސްލާމިކް ބޭންކިން ބޭންކިން

5 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަސްތާ

13 January 2019

އަސްތާ އެހެންތޯ؟ ދެން ވާނީ ކިހިނެތްބާ؟ މިހާރުވެސް މިއުޅެނީ ބަންދުދުވަހަކާ ދިމާވާގޮތަށް ޖަމާކުރާ ލާރިކޮޅަށް ވާނުވާ ނޭގިގެން. 72 ގަޑިއިރުވީއިރުވެސް ވާނުވާ ނޭނގިގެން. އާންމުކޮށް މިކަން މިހެން އެބަވޭ. ޖަމާވިކަމެއް ނުވާނެ ކަމެއްވެސް އެނގެނީއެއް ނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

2011

13 January 2019

މުޅި ބީ އެމް އެލް އިސްލާމިކް ވާންވެއްޖެ. އެއްބައި އިސްލާމިކް އަނެއްބައި ކާފަރިކް ވެގެން އިސްލާމީ ގައުމެއްގެ ގައުމީ ބޭންކް ރަގަޅެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

2019

13 January 2019

2011 ގެ ކޮމެންޓަށް ވަރަށް ބޮޑަށް ތާއީދު. ބީ އެމް އެލް ކާފަރިކް އުވާލާ. ބީ އެމް އެލް އިސްލާމިކް ވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓިންޓޮން

13 January 2019

މައްސަލައަކީ ބީއެމްއެލް އިސްލާމިކުން ތަފާތު ކަންކަން ތަޢާރަފް ކުރަމުންދާއިރު، މިހާރުވެސް ބީއެމްއެލް އިސްލާމިކް މެދުވެރިކޮށް މުދާނެގޭ ތަންތަން މަދުކަން. އެމްއެފްއެލްސީއާއި މޯލްޑިވްސް އިސްލާމިކް ބޭންކް މެދުވެރިކޮށް މުދާނެގޭ ތަންތަނުގެ ޢަދަދު އިތުރުކަން. އެތަންތަނާ އެއްވަރަށް އަދިވެސް ބޭންކް އޮފް މޯލްޑިވްސްގެ ޚިދުމަތްތައް ނުދާކަން. އަދި ޚާއްޞަކޮށް ބީއެމްއެލް އިސްލާމިކް މެދުވެރިކޮށް މުދަލެއް ނަގާނަމަ ވަރަށް ގިނަދުވަސް ވަމުންދާކަން.