15 ޖެނުއަރީ 2019 - 14:42
8 comments
ޓީސީ ސްޕޯޓްސް ކްލަބުގެ ކޮންޓްރެކްޓް އާކުރުމުގެ ވާހަކަތަކަށް ކުރިއެރުމެއް ނުލިބުމުން، އެ ކްލަބުގައި އަންނަ ސީޒަނުގައި މަޑުނުކުރާ ގޮތަށް، މިދިޔަ އަހަރުގެ އެއް ވަނަ ކޯޗު ކޯޗު މުހައްމަދު ނިޒާމް (ނިޒާމްބެ) ނިންމައިފި އެވެ.
އޭނާ ވަނީ ޓީސީގެ ހަޔާތުގައި އެ ޓީމަށް ފުރަތަމަ ފަހަރަށް ދިވެހި ޕްރިމިއާ ލީގުގެ ޗެމްޕިއަން މިދިޔަ އަހަރު ހޯދައިދީފަ އެވެ. އަދި އޭގެ ކުރީ އަހަރު އެ ޓީމަށް ބަންގްލަދޭޝްގައި ބޭއްވި ބަންގުބަންދު ގޯލްޑް ކަޕް ވެސް ކާމިޔާބުކޮށްދިނެވެ.
"އަހަންނާއި ޓީސީއާ ދެމެދު ކުރިއަށް ދިޔަ ވާހަކަތައް އެއްބަސްވުމަކަށް ނާދެވި ނިމިއްޖެ. އެހެންވެ މިހިސާބުން މި އިއުލާންކުރަނީ، ވަރަށް ކާމިޔާބު ފަސް އަހަރަށް ފަހު ޓީސީ ސްޕޯޓްސް ކްލަބުން އަހަރެން ވަކިވާކަން،" ނިޒާމްބެ ފޭސްބުކުގައި އިއުލާންކުރި އެވެ.
ޓީސީން 2015 ވަނަ އަހަރު ފުރަތަމަ ޑިވިޝަނުގައި ވާދަކުރަން ފެށި ފަހުން މުޅިން ވެސް ކޯޗުކޮށްދިނީ އޭނާ އެވެ. އެގޮތުން އެ ޓީމު ރާއްޖޭގެ ވަރުގަދަ ބާރަކަށް ހަދައިދިނެވެ. ރާއްޖޭގެ ތިން މުބާރާތެއް ފިޔަވައި ހުރިހާ މުބާރާތެއް ނިންމާލީ ދެ ވަނައިގައި އޮވެ އެވެ. އަދި އެ ޓީމުގެ ތެރެއިން ޒުވާން ވަރަށް ގިނަ ކުޅުންތެރިންނަށް ފުރުސަތުދީ ތަރިންނަށް ހެދި އެވެ. ރާއްޖޭން މިދިޔަ އަހަރު ސާފް ސުޒުކީ ކަޕް ކާމިޔާބުކުރިއިރު މުހިއްމު ދައުރެއް އަދާކުރި ނާއިޒް ހަސަން (ދާދު) އާއި އިބްރާހިމް މަހުދީ ހުސެއިން (ފޭދޫ އިއްބެ) އޭގެ ތެރޭގައި ފާހަގަކުރެވެ އެވެ.
"ކްލަބުގެ އުއްމީދުތަކާ އެއްވަރަށް އަހަންނަށް މަސައްކަތްކުރެވި މެނޭޖްމަންޓާއި ސަޕޯޓަރުން އުފާކުރެވުނު ކަމަށް އުއްމީދުކުރަން. ކްލަބާއި ކުޅުންތެރިންނާއި އޮފިޝަލުން އަދި މެނޭޖްމަންޓާއި ސަޕޯޓަރުންނަށް ކާމިޔާބު ކުރިމަގަކަށް އެދެން،" ނިޒާމްބެ ބުންޏެވެ.
ކްލަބް ވެލެންސިއާ އާއި އައިއެފްސީގެ ކުރީގެ ކުޅުންތެރިޔާ ނިޒާމްބެ ވަނީ މީގެ ކުރިން ވިޔަންސާ އާއި ކަޅައިދޫ އަށް ފުރަތަމަ ޑިވިޝަނުގައި ކޯޗުކޮށްދީފަ އެވެ. އޭނާ 2015 ވަނަ އަހަރު ޓީސީއާ ހަވާލުވީ ކޯޗިން މަސައްކަތުގައި ކޮންމެވެސް ވަރެއްގެ މެދުކެނޑުމަކަށް ފަހު އެވެ. އެ ދުވަސްވަރު އޭނާ ވަނީ ނެޓްބޯޅަ އެސޯސިއޭޝަނުގެ ރައީސްކަން ވެސް ކޮށްފަ އެވެ. މިހާރު ވެސް އޭނާ އަކީ ކުޅިވަރުގެ ގައުމީ މަޖިލީހުގެ މެމްބަރެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެސްޕަސްކީސް
16 January 2019
ހިތުން ގާޑިއޯލާ ޔޯ؟
ރޯނުއެދުރޭ
16 January 2019
ވައްތަރު ގޮތެއް އެބަހުރި!
ސެލްފީ އަހައްމައިދީ
16 January 2019
އެބުނާހެން ވައްތަރު ގޮތެއް އެބަހުރި ފަހަތުން ފެންނަނީ މެންޗެސްޓާރ ސިޓީ ދަނޑުތަ!
ާއޭނާ
15 January 2019
ނިޒާމު އަދި ސުޒޭނު ވަރެއްނުވޭ އެންމެ ލީގެއް ލިބޭ އިރަށް ލިބެންޖެހޭ އިނާޔަތާ މުސާރައާ އެހެން ބެނެފިޓްސްތައް ޑިކްޓޭޓް ކުރާކަށް. މީ ލަލީގާއެއް ނުން، އިންގްލިޝް ޕްރެމިއާލީގެނުން. މީ މެޗަކަށް 100 މީހުންވެސް ހަމަނުވާ ބައެއްޓީމުތަކަށް މުސާރަ ނުދެވިގެން މެޗަށް ހާޒިރުނުވާ އެންމެ ސްޓޭޑިއަމެއްގަ މެޗުތައް ކުޅޭ ކުޑަކުޑަ ލީގެއް އޮންނަތަނެއް. ތިވަރުވާކަށް ނުވާނެ.
ސެލްފީ އަހައްމައިދީ
15 January 2019
ރާއްޖޭގެ ފިލްމީ ފަންނާނުންނަށް ވާގޮތަކަށް ކުޅިވަރުގަ އުޅޭމީހުންނަށްވެސް ވަނީ. ފިލްމުގެ ސިނެމޮޓްގްރަފީ މާރީތިވިޔަސް އުޅޭނީ ދެންކުޅޭ ފިލްމު އަގުބޮޑުކޮށް ކުޅެން.
ދާއޫދް އިބްރާހިމް
15 January 2019
މޯހަން ގެޓް ރެޑީ.. 100% ކޮންފާރމްޑް.
ރަދީފް
15 January 2019
ރަނގަޅު ނިންމުމެއް.ޕްރޮފެޝަނަލް މީހުން ނިންމާނީ މިހެން.
ބާބާ
15 January 2019
ނިޒާމުބެއަށް ނިޒާމުބެ ފެނުނީދޯ. ބައެއް ކޯޗުންނަށް ހީވާކަހަލަ ތައްޓަކާ ފަޅިއެއްލިބުނީމާ ތިމަންނަމެންނަށް ކޯޗިންގެ ދުނިޔެ ފަތަހަ ކުރެނީކަމަށް. ނިޒާމުނުން އެހެން ކޯޗަކު ހުއްޓަސް ޓީސީގެ ތިބިކުޅުންތެރިންނަށް ބަލާފަ ޓީސީއަށް ތަށިލިބުނީސް. ޚާއްސަކޮށް ދަނގަޑޭގެ ތަޖުރިބާއި އޭނަގެ ގޯލު ވަރަށް ބޮޑު ރޯލެއް ކުޅެދިން.