އެސްޓީއޯގެ ހެޑް އޮފީސް: އެސްޓީއޯގެ ސިންގަޕޫރު ކުންފުނިން ދަނީ ޝެލްއާ ގުޅިގެން ރާއްޖޭގައި ގޭސް ޓްރާންޝިޕްކުރަމުން.
30 ޖެނުއަރީ 2019 - 19:23
9 comments
މިދިޔަ އަހަރުގެ ހަތަރު ވަނަ ކުއާޓާގައި އެސްޓީއޯގެ އާމްދަނީ 2.6 ބިލިއަން ރުފިޔާއަށް އަރައި ކުރީ ކުއާޓާއާ އަޅާބަލާއިރު ފައިދާ ވެސް އިތުރުވެފައިވާ ކަމަށް ހިސާބުތަކުން ދައްކައިފި އެވެ.
އެސްޓީއޯ އިން އާންމުކޮށްފައިވާ ތަފާސް ހިސާބުތަކުން ދައްކާ ގޮތުން މިދިޔަ އަހަރުގެ ފަހު ކުއާޓާގެ އާމްދަނީ ވަނީ ތިން ވަނަ ކުއާޓައާ އަޅާބަލާއިރު 168 މިލިއަން ރުފިޔާ އިތުރުވެފަ އެވެ. އެހެންވެ އެއީ ގާތްގަނޑަކަށް ހަތް ޕަސެންޓުގެ އިތުރުވުމެކެވެ.
އާމްދަނީ އިތުރުވުމުގެ މައިގަނޑު ސަބަބަކީ ތެޔޮ ވިއްކި އަދަދު އިތުރުވުމެވެ. މީގެ އިތުރުން އެސްޓީއޯގެ އެހެން ވިޔަފާރިތަކުން ލިބުނު އާމްދަނީ ވެސް ވަނީ އިތުރުވެފަ އެވެ. ތެލުގެ ވިޔަފާރީގެ އާމްދަނީން ހަ ޕަސެންޓް އިތުރުވެ، އެހެން ވިޔަފާރިތަކުން ލިބުނު އާމްދަނީ ހަތް ފަސެންޓް އިތުރުވި ކަމަށް އެސްޓީއޯ އިން ބުންޏެވެ.
މި އާމްދަނީއާ އެކު، ތިން ވަނަ ކުއާޓާއާ އަޅާބަލާއިރު ފައިދާ ވެސް 49 މިލިއަން ރުފިޔާ ވަނީ އިތުރުވެފަ އެވެ. މިއީ ތިން ވަނަ ކުއާޓާއާ އަޅާބަލާއިރު 17 ޕަސެންޓްގެ އިތުރުވުމެކެވެ.
އެސްޓީއޯ އިން ބުނީ މިދިޔަ އަހަރުގެ ފަހު ކުއާޓާގައި ވެސް އެ ކުންފުނިން އެންމެ ބޮޑަށް މަސައްކަތްކުރީ ތެލުގެ އަގު އެއް ހަމައެއްގައި ހިފަހައްޓައި، ތެލުގެ އަގަށް އަންނަ ބަދަލާ ގުޅިގެން އިގްތިސާދަށް ކުރާ އަސަރު ކުޑަކުރަން ކަމަށެވެ.
މިދިޔަ އަހަރުގެ ފަހު ކުއާޓާގެ ފައިދާ ޓެކްސްއަށް ނުކަނޑާ 88 މިލިއަން ރުފިޔާއަށް އަރަ އެވެ. މިއީ އޭގެ ކުރީ ކުއާޓާއާ އަޅާ ބަލާ އިރު 57 ޕަސެންޓްގެ ކުރިއެރުމެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެސޮރު 2019
31 January 2019
އެހެންތަ؟ އެކަމު ކުންފުނީގެ މުވައްޒަފުންނަށްދޭ ސޭލް ކޮމިޝަންވެސް އެންގުމެއްނެތި ވަނީ ހުއްޓާލާފަ ފައިދާ ނުވާތީ. މިވަނީ ކިހިނެއް؟
ކައުންސެލަރު
31 January 2019
ރައްޔިތުންގެ ކުންފުންޏަށް މިލިއަނުން، ބިލިއަނުން ފައިދާމިވީ ރައީސް ޔާމީންގެ މިންނަތާ ހިކުމަތުން. އަނެކަކު އައިސް މިބުނީ އެސްޓީއޯ ބަންދުކުރާވާހަކަ. ރައްޔިތަށް ހެޔޮއެދެނީ ކާކު؟ އާނ އެހެންނު ވާނީދޯ، މީ ލެޕްޓޮޕަކާ ދެރިސޯޓުން ގައުމު ހިންގާ ބާގައިގެ މީހުން ވިއްޔަ!
ޔާމީން މުހައްމަދު
31 January 2019
ރައީސް ޔާމީން ނެންގެވީ 800،000،000 ޑޮލަރު އަދިވެސް އެސްޓީއޯއަށް ރައްދުނުކުރައްވާ އެ އުޅުއްވަނީ!!!!
ޢެޑްމުންޑޯ
31 January 2019
ޢެސްޓީއޯ ހިންގަނީ ގެއްލުމުގައި ކިޔާ ކޮންވާހަކައެއް މިދައްކަނީ
މާރަނގާ - އައްޑޫ ސިޓީ
31 January 2019
ސުރުޙީއާއި ލިއުމުގައި ހުރިއެއްޗަކާއި އުޑާއި ބިމާހުރި ފަދަ ތަފާތު އެބަހުރި. * * ކުންފުންޏަށް ފައިދާވުނާއި އެއްކްއާރޓާއިން އަނެއްކްއަރޓާއަށް ވިޔަފާރިމައްޗަށް ޖެހި ފެންނާންހުންނަ ހިސާބުއަދަދުތަކަށް އަންނަ ބަދަލަކީ އެއްވެސް ހާލެއްގައި “ކުންފުނީގެ ފައިދާ މައްޗަށްޖެހުން” ކަމަށް ނުވާސަބަބަކީ ރާއްޖޭގައި ހިސާބުބެލެހެއްޓުމުގައި މިފަދަ 3 ކްއާޓަރ އޮވެފައި ބާކީހުރި ކްއަރޓާރ ތަކަށް ވީގޮތާއި ކުރީއަހަރުތަކުގެއެއްވެސް ތަފާތުހިސާބަކާއި ހަވާލާދެއްވާފައިނެތްނެތުން.
ޕޮކަންޑިވުން
30 January 2019
އިބޫ ނުބުނޭ ކުންފުނި ހިންގަނީ ގެއްލުމުގައެކޭ އެއް. އެސް.ޓީ.އޯ ގެ ސަބްސިޑަރީ ކުންފުންޏެއް އެއީ އެފް.އެސް.އެމް ވެސް، އެލައިޑުވެސް، އެމް.އެސް.ޕީ ޓިނުވެސް، އަދި މިނޫނަސް އެތައް ބައިވަރު ތަންތަނެއް. އިބޫ ބުނީ އިލެކްޓްރޯނިކްސް ފިހާރަޔާ ސުޕަރމާޓް ގެއްލުމުގަ ހިންގާ ވާހަކަ.. އެ ދެތަން ބަންދު ކުރީމަ އަދި އެޔަށްވުރެ ފައިދާ ބޮޑު ވާނެކަން އެބަ އެނގޭ ގެއްލުމުގަ ހިންގުމަށްވުރެ. ކޮސް ގޮވާ މީހުން ދެން ކޮސް ގޮވާ.
މަފުން
30 January 2019
ބައިވަރު ވިޔަފާރި ކުރާ ކުންފުނީހެ ހުރިހާ ވިޔަފާރިއަކުން ފައިދާ ވާކަށް ކޮންމެހެން ލާޒިމެއްނޫން. ބައެއް ވިޔަފާރި ތަކަކީ އާންމު ރައްޔިތުންނަން ދޭ ހިދުމަތެއް އަނެއްބާ ވިޔަފާރިއަކީ ބޮޑަތި މަންފާ އިތުރުވާ ވިޔަފާރި. ބޭސް ވިއްކަގެން ފައިދާ ނުވެދާނެ އެކަމަކު ގެއްލުމެއްވެސް ނުވެ ވިޔަފާރި ކުރެވިދާނެ ހަމަ. މީ ވަރަށް ސިމްޕަލް ކަމެއް ހިދުމަތާ ފިޔަފާރި ވަކި ނުވަންޔާ އިސްތިއުފާ ދީފަ ދިއުން ބުއްދިވެރި.
މައިނަސް ތެޔޮ
31 January 2019
އެފްއެސްއެމް އިން ތެޔޮ ވިއްކައިގެން ލިބޭ ފައިދާ ކަނޑާލަބަލަ ނިކަން. އެސްޓީއޯ ހިންގަނީ ގެއްލުމުގައިކަން އިނގޭނެ.
ޔާނު
30 January 2019
ކުންފުނީ އުވާލަން ނުފެނޭތަ