ކުރީގެ ރައީސް އަބްދުﷲ ޔާމީން: އެމަނިކުފާނުގެ އެކައުންޓް ފްރީޒްކުރި މައްސަލާގެ އިސްތިއުނާފް އަޑުއެހުންތައް މިއަދު ވަނީ ނިންމާލާފައި --- ފޮޓޯ/މިހާރު
14 ފެބުރުއަރީ 2019 - 16:42
12 comments
ކުރީގެ ރައީސް އަބްދުﷲ ޔާމީންގެ ބޭންކް އެކައުންޓް ފްރީޒްކުރި މައްސަލައިގެ އަޑުއެހުންތައް ހައި ކޯޓުން މިއަދު ނިންމާލައިފި އެވެ.
ޔާމީންގެ ބޭންކް އެކައުންޓް މިދިޔަ ޑިސެމްބަރު މަހު ކޯޓު އަމުރެއްގެ ދަށުން ފްރީޒްކުރީ ފުލުހުން އެދިގެންނެވެ. ޔާމީންގެ މައްޗަށް ފުލުހުން ކުރާ ތުހުމަތާ ގުޅިގެން އެމަނިކުފާނު ކުރިން ފުލުހަށް ވެސް ހާޒިރުކުރި އެވެ.
އެކައުންޓް ފްރީޒްކުރި މައްސަލަ ޔާމީންގެ ފަރާތްޕުޅުން އިސްތިއުނާފް ކުރުމުން ހައި ކޯޓުން މިއަދު ވަނީ އެ މައްސަލައިގެ ޝަރީއަތް ފަށައި، އަޑުއެހުންތައް ނިންމާލައިފަ އެވެ. އެހެންވެ، އިތުރު ކަމެއް ސާފުކުރަން ނުޖެހޭ ނަމަ، ދެން އޮންނާނީ އެ މައްސަލާގެ ހުކުމް އިއްވުން ކަމަށް ބެލެވެ އެވެ.
މިއަދުގެ އަޑުއެހުން ކުރިއަށް ގެންދިޔައީ އާންމުކޮށް ހުޅުވައި ނުލައި، ސިއްރުކޮށްގެން ކަމަށްވާތީ އިތުރު ތަފްސީލެއް ނުލިބެ އެވެ. އެނގިފައިވާ ގޮތުގައި އެ އަޑުއެހުމަށް ޔާމީން ވެސް ހާޒިރުވެ ވަޑައިގަތެވެ.
އެކައުންޓް ފްރީޒްކުރި މައްސަލައިގެ އަޑުއެހުންތައް ހައި ކޯޓުން މިއަދު ނިންމާލިއިރު، އެމަނިކުފާނުގެ މައްޗަށް ދައުލަތުން އިއްޔެ ވަނީ މަނީ ލޯންޑްރިންގެ ދައުވާކުރަން ކްރިމިނަލް ކޯޓަށް ފޮނުވައިފަ އެވެ.
ފުލުހުން ކުރިން ބުނެފައިވާ ގޮތުގައި ފްރީޒްކުރި އެކައުންޓްގައި 100 މިލިއަނަށް ވުރެ ގިނަ ރުފިޔާ ހުއްޓެވެ. އެކަމަކު ޔާމީންގެ ވަކީލުންގެ ޓީމުން ކުރިން ބުނެފައިވަނީ އެކައުންޓް ފްރީޒްކުރީ ސިޔާސީ ބޭނުމެއްގައި ކަމަށާއި އެކަމުގައި ގާނޫނީ މައްސަލަތަކެއް އެބަހުރި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒުހައިރު/ގައްދޫ
15 February 2019
ޝަރުޢީ ކޯޓަކުން މިއަދާއި ހަމައަށް އާއިރުވެސް ނިއްމާފައެއްނެތް ޔާމީން އެކައުންޓްގަ ހުރި ފައިސާއަކީ ދަޢުލަތުގެ ފައިސާއެއް ކަމަށް އެހެންވީމަ އެފައިސާ ނުހިފެހެއްޓޭނެ.
ކެކެ
15 February 2019
ރައްޔިތުންގެފައސާ އާ ގުޅުންހުރިކަމެއް ވީމަ ހާމަކަން ބޮޑުކޮއް ސަރީއަތް އޮންނަން ޖެހޭނީ.. ސިއްރު ތިކުރަނީ ރައްޔިތުންނައް އޮޅުވާލާ ހިތުހުރި ގޮތަކައްހުކުމް ކުރަން.ހަދާްން ކުރާތި..ދަވަހެއް އޮތްކަން... އެދުވަހުންހަމަ އަނދައަނދާ އޮންނަ އަލިފާން ކާނެ
އަމީލް
15 February 2019
ހީ އިޒް އިނަސެންޓް!
އުދުހޭ
14 February 2019
ފައިސާގެ މައްސަލައެއްގެ ޝަރީއަތް ސިއްރުކުރަންޖެހުނީ ކީއްވެބާ؟ ސިއްރުކުރުމަކީ އަޅުގަނޑަށް ވިސްނޭގޮތުގައި ވަރަށް ކަޑަ ކަމެއް. ރައްޔިތުންގެ އިތުބާރު ހޯދުމަށް ކަންކަން ހާމަކޮށް ގެންދިއުން މުހިންމު.
ހަނާން
14 February 2019
ވިޔަފާރި ނުކުރާ މުސާރައިން ދަރިންގެ އެޕާޓްމަންޓް ކުލިދައްކަން ޖެހުނު ބޭފުޅެއްގެ އެކައުންޓުގަ 100 މިލިއަން. އަޅުގަނޑުމެން މުޅި އަހަރު ސޭވްކުރިޔަސް ލައްކައެއްހާ ހިސާބުވެސް ނުވެ. މީ ކިހިނެއްވާ ކަމެއްކަން އެނގޭމިހަކު އެބަހުރިބާ. ކެމްޕޭނަށް މޯލްޑިވިއަން ދައްކަންޖެހޭ 3 ނުދެއްކެނީ ޕާޓީ ފައިސާ ނުލިބޭތީއޯ!! މި ކެމްޕޭނު ފައިސާއެއް ނޫންތާ ޔަޤީނުންވެސް އެހެންވިމަ.
އަލީރާޖާ
14 February 2019
އިންސާފަކީ ގަނެވިއްކާ އެއްޗެއް ކަމުގައި އޮތް އޮތުން ބަދަލު ކުރަންޖެހޭ. ޔާމީނު ގެންގޮސްގެން ޝަރީއަތުގެ މަޖިލިސް ސިއްރުކޮށްގެން މިކުޅެނީ ކޮން ކުޅިވަރެއްތޯ؟
ސިރިސޭނާ
14 February 2019
ބަލާބަލަ ހުރިހާ ނުބައެއްގެ ދާދާ
ޢާއިޝަތު ނަހުލާ
14 February 2019
ތިޔަ 100 މިލިއަނެއްތުރެން ގިނަ ރުފިޔާ ޔާމިނު އަށް ލިބިފައިވަނީ ކޮން އުސޫލަކުން. އެއްމެ ފުރަތަމަ ކޯޓުން ތިޔަ ޝަރިއަށް ސިއްރުކޮށްގެން ވަގުތުންވަފުތަށް މައްސަލަ ނިންމިޔަސް ތިޔައީ ދޫކޮށްލަންޖެހޭނެ ފައިސާއެއްނޫން.. މާތަޖުވީދު ގޮތަށް ތިޔަކޯޓުތަކަށް ފުރުސަތު ލިބުމަކީ ރަނގަޅުކަމެއްނޫން..
މަރޭމިތުރު
14 February 2019
މިއީ އަހަރެން މިބުނާ ވަގުތަކީ! ލާހިކަ ކުޅަދާނައެއްނޫން މިހާރު ރާއްޖޭގެ ކަންކަން މިއޮތް ގޮތުން ވެރިމީހާ ހުދުމުހުތާރު ނުވެ ކަމެއްގެ ހައްލެއް ގެނުވާކަށް! އިންސާފެއް މިތަނަށް ހޯދާކަށް. މިއީ ައހަރެން މިބުނާ ވަގުތަކީ. ވެރިމީހާ ހުދުމުހުތާރު ވެލައްވައި އިންސާފު ގެންނަވަންވީ!
ޢަލިދީދީއައްޑޫސިޓީ
14 February 2019
ކޯޓުތައް ރަނގަޅުވީމަތޯ، ޝަރީޢަތް ސިއްރުކަރަނީ. މިއީ ޤައުމީ ސަލާމަތަށް ނުރައްކާވާ ވަރުގެ މައްސަލައެއްތޯ ސިއްރުކުރަން. ޝަރީޢަތް ހިންގަންވާނީ އާއްމުކޮށް ހުޅުވާލައިގެންނޭ ޤާނޫނުގައި ބުނަނީ ވެސް ކޮންމެވެސް ސަބަބަކަށްޓަކައި.