ޕޯޓީގެ އެލެކްސް ޓެލެސް (ކ) އާއި މޫސާ މަރޭގާ ލަނޑު ޖެހުމަށް ފަހު އުފާފާޅުކުރަނީ. --ފޮޓޮ: އޭއެފްޕީ
07 މާޗް 2019 - 09:59
5 comments
ޕޯޓޯ (މާޗް 7) – ދެ ޓީމު އެގްރިގޭޓުން އެއްވަރުވެ ނަތީޖާ ނެރެން ކުޅުނު އިތުރު ވަގުތުގެ ތެރޭގައި ޖެހި ލަނޑާ އެކު އިޓަލީގެ އޭއެސް ރޯމާ 3-1 އިން ބަލިކޮށް ޕޯޗުގަލްގެ ޕޯޓޯ އިން ޗެމްޕިއަންސް ލީގުގެ ކުއާޓާ ފައިނަލުން ފުރުސަތު ހޯދައިފަ އެވެ.
މި ދެ ޓީމު ރޯމްގައި ކުޅުނު ފުރަތަމަ ލެގުން 2-1 އިން މޮޅުވީ ރޯމާ އެވެ. ދެ ލެގުގެ އެގްރިގޭޓުން ޕޯޓޯ ކުރި ހޯދީ 4-3 އިންނެވެ.
ޕޯޓޯގެ އެސްޓޭޑިއޯ ޑޮ ޑްރަގައޯގައި ކުޅުނު މެޗުގެ 26 ވަނަ މިނެޓުގައި ފްރެންސިސްކޯ ސޯރެސް ވަނީ ޕޯޓޯ އަށް ކުރި ހޯދައިދީފަ އެވެ. ރޯމާ އަށް 37 ވަނަ މިނެޓުގައި އެއްވަރުކޮށްދިނީ ޕެނަލްޓީއަކުން ކެޕްޓަން ޑެނިއަލް ޑި ރޮސީ އެވެ.
އެކަމަކު ދެ ވަނަ ހާފުގައި، 52 ވަނަ މިނެޓުގައި ޕޯޓޯގެ މޫސާ މަރޭގާ ޖެހި ލަނޑާ އެކު މެޗުގެ ލީޑު ޕޯޓޯ އަށް ލިބި އެގްރިގޭޓުން ހަމަހަމަވި އެވެ. އެގޮތުގައި އޮވެ މެޗު ނިމުމުން ނަތީޖާ ނެރެން ކުޅުނު އިތުރު ވަގުތު ހަމަވާން ކައިރިވެފައި އޮއްވާ ޕޯޓޯ އަށް ކުރި ހޯދައިދިނީ ޕެނަލްޓީއަކުން އެލެކްސް ޓެލޭސް އެވެ.
މިދިޔަ ސީޒަނުގެ ކުއާޓާ ފައިނަލުން ބާސެލޯނާ ކަޓުވާލައި ސެމީ ފައިނަލުގައި ވާދަކުރި ރޯމާ މި ފަހަރު ދެ ވަނަ ބުރުން ކެޓުމުން ކޯޗު ޔުސޭބިއޯ ޑި ފްރެންސެސްކޯގެ ވަޒީފާ ގެއްލުމުގެ ފުރުސަތު އެބައޮތެވެ. އިޓާލިއަން ލީގުގެ ފަސް ވަނައިގައި އޮވެ އަންނަ ސީޒަނުގެ ޗެމްޕިއަންސް ލީގުން ފުރުސަތު ނުލިބުމުގެ ބިރު ވެސް އޮތުމާ އެކު، ޔުސޭބިއޯ މިއަދު މަގާމުން އިސްތިއުފާ ދީފާނެ ކަމަށް ވެސް ރިޕޯޓްތައް ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފް
07 March 2019
މަރުހަބާ ޕޯޓޯ.އިޓަލީގެ ކްލަބްތަކުގެ ވިދުން ޔޫސީއެލްގަ ފަނޑުވަމުން ދަނީއޭ ނުބުނަން މަމެން ނެތީމޭ.
ހިސޭ
07 March 2019
ލޮލް. ސްޕެއިންގެ ޓީމަކަށް މިދިޔަ އަހަރު ވިދީ ރެއާލް. ބާރސާގެ ވިދުން މިދިޔަ އަހަރު ކަނޑުވާލީ އިޓަލީގެ ރޯމާ އިން. ބާރސެލޯނާއަށްވުރެ މިދިޔަ 3އަހަރުވެސް އިޓަލީގެ ޓީމުތައް ކާމިޔާބޭ ބުނަން މަމެން ނެތީމުދޯ؟ ރެއާލްގެ ކާމިޔާބީ އަމިއްލަކުރަން ބާރސާ ސަޕޯޓަރުން އުޅުނީމަ ހިނި އާދޭ. ބައެއް ފަހަރު ކިޔާނެ ރެފްރީއޭ، އަނެއްބައި ފަހަރު ވިދުމޭ. ބޯ ހުންނަނީ ހަމަ އެކަނި ފުނާ އަޅަން ތޯއްޗެއް!
ހިސޭގެ ދޮންބައްޕަ
07 March 2019
ކީއްވެތަ ތިޔަ މޮޅު ރިއަލް މެޑްރަޑަށް ލީގު ނުހޯދެންވީ. ތިހާ މޮޅު ބަޔަކަށް އެކަން ނުވާންވީ ސަބަބެއްނެތް. ފުޓްބޯޅައިގައި ބައެއް ފަހަރު ނަސީބު އެހީ ނުވެދާނެ.
ހިސޭ
08 March 2019
ހާދަ އަވަހަކަށް ޓޮޕިކް ބަދަލުކޮށްލީ؟ ކީއްވެ ބާރސާއަށް ޔޫރަޕުގައި ކުއާރޓަރ ފައިނަލަށްވުރެ ދުރަށް ނުދެވެނީ؟ ރެއާލަށްވުރެ ގާތްގަނޑަކަށް 2ގުނަ އަގުބޮޑު ސްކޮޑެއް ބާރސާގަ އޮތީވެސް. ލީގުގައި ކުޅޭ ޓީމުތަކުގެ އެވްރެޖަށްވުރެ 3ގުނައަށްވުރެވެސް އަގުބޮޑު ސްކޮޑެއް. އިޓަލީގެ 4ވަނަ ޓީމާ ޖެހުނަސް ބާރސާ ކަޓަނީ ކީއްވެބާ؟
ހިސޭ
08 March 2019
ޓޮޕިކުން ބޭރު ނުވެބަލަ. ދޮން ބައްޕަގެ ނަމުގައި ރަދީފް ކޮމެންޓްކުރާއިރު، އަޅުގަނޑުގެ މަންމަ ވަނީ އަޅުގަނޑު ކުޑައިރު ނިޔާވެފަ. ނޯ ޝޭމް؟ އެހެން ނޫނަސް މިތާ ދެއްކީ ޔޫސީއެލްގައި ޓީމުތަކުގެ ވިދުމުގެ ވާހަކަ. ރެއާލުން 3އަހަރު ތަށި ހޯދިއިރު، ބާރސާ ކުއާރޓަރ އިން ކެޓީ. މިތަނަށް ލީގު ވައްދަންޖެހޭ ސަބަބެއް ނުވިސްނުނު.. އަނެއްކާވެސް ބުނެވޭނީ ބޮލަކީ ހަމައެކަނި ފުނާއަޅަން ހުންނަ އެއްޗަކަށް ނަހަދަމާތޯއޭ