ދިރާގު ފައިބާ ބްރޯޑްބޭންޑް ޚިދުމަތް ރާއްޖޭގެ 75 ފަސެންޓް ސަރަހައްދަށް ދިނުން ފާހަގަކުރުމަށް ބޭއްވި ރަސްމިއްޔާތުގައި ދިރާގުގެ ސީއީއޯ އިސްމާއިލް ރަޝީދު (ވ). ފޮޓޯ:ރައީސް އޮފީސް
14 އެޕްރީލް 2019 - 23:22
24 comments
ސަރުކާރުގެ ސިޔާސަތާ އެއްގޮތަށް އިންޓަނެޓްގެ އަގުހެޔޮ ކުރުމަށްޓަކައި މަސައްކަތް ކުރަމުން އަންނަ ކަމަށް ދިރާގުގެ ސީއީއޯ އިސްމާއިލް ރަޝީދު މިރޭ ވިދާޅުވެއްޖެ އެވެ.
ދިރާގު ފައިބާ ބްރޯޑުބޭންޑުގެ ހިދުމަތް ރާއްޖޭގެ 75 ޕަސެންޓް ސަރަހައްދަށް ދިނުން ފާހަގަކުރުމަށް ބޭއްވި ރަސްމިއްޔާތުގައި އިސްމާއިލް ވިދާޅުވީ، މުވާސަލާތީ ހިދުމަތްތަކުގެ އަގު އެއް ދުވަހުން އަނެއް ދުވަހަށް ހެޔޮވަމުން އަންނަ ކަމަށެވެ. ރާއްޖޭގެ އިންޓަނެޓްގެ އަގު ވެސް އެކަށީގެންވާ އަގަކަށް ބަދަލު ކުރެވޭނެ ކަމަށް އޭނާ ވިދާޅުވި އެވެ.
އިސްމާއިލް ވިދާޅުވީ، ރާއްޖޭގައި މުވާސަލާތީ ހިދުމަތް ފުޅާކޮށް ޑިޖިޓަލް ކުރުމުގައި ދިރާގުގެ ހިއްސާ ބޮޑު ކަމަށެވެ. އެގޮތުން 2000 ވަނަ އަހަރުގެ ކުރީކޮޅު 1،253 ކިލޯ މީޓަރުގެ ސަބްމެރިން ކޭބަލެއް ރާއްޖޭގެ އެއްކޮޅުން އަނެއް ކޮޅަށް އަޅާފައިވާ އިރު ހުރިހާ ރަށަކަށް 3ޖީ ގެ ޚިދުމަތް ވެސް ދިރާގުން ފޯރުކޮށްދީފައިވާ ކަމަށް ވިދާޅުވި އެވެ.
"އަޅުގަނޑުގެ އަމާޒަކީ އެއް ސްޕީޑެއްގައި ދިރާގުގެ ހިދުމަތް ދިނުން. ރާއްޖޭގެ 75 ޕަސެންޓް ގޭބީސީ އަށް މިހާރު ފައިބާ ބްރޯޑްބޭންޑުގެ ޚިދުމަތް ލިބޭނެ،" އޭނާ ވިދާޅުވި އެވެ.
އިސްމާއިލް ވިދާޅުވި ގޮތުގައި، ޚިދުމަތްތައް ޑިޖިޓަލް ކުރުމަކީ އެހެން ޚިދުމަތްތައް ފަސޭހަ ކަމާ އެކު ހޯދުމަށް މަގުފަހިވާ ކަމެކެވެ. އެގޮތުން، ރާއްޖޭގެ އެންމެ ބޮޑު ސިނާއަތް ކަމުގައިވާ ޓޫރިޒަމް ސެކްޓަރު މާލެ އަތޮޅު ފިޔައި އެހެން އަތޮޅުތަކަށް ފުޅާވީ ވެސް މުވާސަލާތީ ޚިދުމަތަށް އައި ކުރިއެރުމާ ގުޅިގެން ކަމަށް އޭނާ ވިދާޅުވި އެވެ.
ފައިބާ ބްރޯޑްބޭންޑް ޚިދުމަތް ފުޅާ ކުރުމުގައި އުނދަގޫތަކާ ކުރިމަތިވި ނަމަވެސް ދިރާގުން މިހާރު ރާއްޖޭގެ 58 ރަށެއްގައި ފައިބާ ކޭބަލް ވަނީ ވަޅުލައިފަ އެވެ. މި ޕްރޮޖެކްޓް ފެށުމުގެ ކުރިން ފައިބާ ޚިދުމަތް ދިނީ އެންމެ 13 ރަށަށެވެ. ފައިބާ ކޭބަލް ވަޅުމުގައި ދެ އަހަރު ހޭދަވި އެވެ.
އިސްމާއިލް ވިދާޅުވީ، ކުރިމަގުގައި ވެސް ދިރާގު ފައިބާ ޚިދުމަތް މުޅި ރާއްޖެ އަށް ފުޅާކޮށް އަވަސް ސްޕީޑުގައި އިންޓަނެޓްގެ ހިދުމަތް ދިނުމުގައި ދެމި ތިބޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޭބަލިމިތުރު
15 April 2019
ކަލޯގެޔާ ، ދިރާގުނެޓު ހެޔޮނުވާނެ އަގުހެޔޮނުކުރާތި. މިހާރުވެސް ބޭނުމެއްކުރެވެނީކީނޫން. މޮބައިލް ޑާޓާ ސްލޯކަމުން ބޭނުން ނުކުރެވޭ. ހާއްސަކޮއް ޕޯސްޓްޕެއިޑް 500 އައްވުރެ ދަށުގެ މޮބައިލްޕެކޭޖުތައް. ފޯނެއްނުނަގާނެ، އެޕައް ޖަވާބެއްނުދޭނެ.
މަރީނާދީ
15 April 2019
އިންޓަނެޓް އަގުހެޔޮކުރުން އިހައް މަޑުކޮށްފަ މިހާރު ލާރިކަމުން ތިދާ ޕްކެޖްތަކުން އިންޓަނެޓައް ވަދެވޭވަރު އިސްޕީޓއެއްދެވޭތޯ ބަލާބަލަ މިއައްވުރެ ލަދުހަޔާކުޑަ ކުންފުންޏެއްރާއްޖެއަކު ނޯންނާނެ !!!!
ފުންއަސަރު
15 April 2019
ތިޔަހުރިހާ ކަމެއް ބޮޑުތަނުން ކުޑަކުރުމީ މިސަރުކާރުގެ ވައުދެއް. ވައުދުފުއްދާ ނިމުނީމަ ޖީބަށް އެނގޭވަރު ވާނޭކަމަށް މި ބަލަނީ. ކޮންމެގޮތެއްވިޔަސް ބަޔަކަށް ކަމެއް ކޮށްދެވޭނީވެސް ހަމަނޭވާ ލެވިގެން. އެހެންވެ ވަރަށް އުފަލާއެކު އުންމީދުގާ މިހުރީ.
ތުއި މަރީ
15 April 2019
ފައިބަރ އޮޕްޓިކް އިން 100 ޕެޓަރބައިޓް ޕާ ސެކަންޑް ގަ ޑޭޓާރ ޓްރާންސްފާރ ކުރެވޭނެ.. ދިރާގުން ގަންނާނީ ޓަޔަރ 1 ނެޓްވޯކަކުން ބޭންޑް ވިޑުތު... ގަނެފަ ވިއްކަން ބަލާއިރު އިންވެސްޓް މެންޓް ކަވާރ ކުރެވޭ ވަރަށް ކަސްޓަމާރސް ނެތީއާ ކީއް ކުރާނީ..
ޙަމް
15 April 2019
ވާހަކަ ނުދައްކާ ކުޑަ ކޮށްބަ.
ޗޯރޭ
15 April 2019
ދިރާގުގެ ހިއްސާ އަންނި ސަރުކާޜުން ވިއްކާލުމަކީ އެންމެ ގެއްލުން ދެނިވި ކަންތައްކަން މިއަދު ސާބިތު ވެއްޖެ. އަވައްޓެރި ގައުމުތަކުގައި ޑޭޓާ ފެންހާ ފްރީ. ރަޢްޖޭގައި ޖަވާހިރުހާ އަގުބޮޑު. އެއާ ޚިލާފަށް ފެނާ ކަރަންޓް ސަރުކާރު އަތުގައި އޮތީމާ އަގު ހެޔޮ ކުރެއްވިއްޖެ. ވީމާ ދިރާގުގެ ހިއްސާ ސަރުކާޜުން އަލުން ހޯދާ އަންނިއާ ރާޒީއަށް ހެއްލިގެން އެކަހަލަ ޅަ އެއްޗެހި ދެން ނާޅާ!
މާކެޔޮޅު
15 April 2019
ދުނިޔޭގައި ތިބޭނެ ތަންދޮރު ނުދަންނަ އިހްލާސްތެރިންނޭ ކިޔާބައެއް. މިމީހުންގެ ސަބަބުން ދުޝަމަނަކު ކިބައިން ނުވާވަރަށް ގެއްލުންވާނެ. ރައީސްގެ އެންމެ އަރިސް ކޮމިޝަނަށް ލާފައި ތިބި ނަސީދުގެ މީހުން އަލުން މުރާޖައާކޮށް އާކޮށްލާ. ނަސީދު ކަމު ނުގޮސްގެން އިބްރާހިމް ގެނައީ އިބުރާހިމާ! އެކަން އަދިވެސް ގެޓު ނުވަނީތަ؟
ކާރާ
15 April 2019
ދިރާގުން ރޯދައައް ވަނދު ކަރައެއް ފަޅާޅަާފިއެއްނުން...
ދޮންމަނިކެ
15 April 2019
ތިޔަ ހުރިހާ ޒާތެއްގެ ކަމެއްކުރިއަސް އިންޓަނެޓް ސުޕީޑް އަދި އަގަކަށް އެއްވެސް ބަދަލެއް ނާދޭ
ޖުލައި
15 April 2019
ތިހެންކިޔައިގެން އަގުހެޔޮވަންޏާ މިހާރުވެފަ އޮންނާނީ. ދެން ތިހެން ނުކިޔާ ފެއަރ ޔޫސޭގެް ޕޮލިސީ އުވާލަބަލަ. އެއަކާހެދި ގުޑާނުލާ. އެވަރުން ވެސް ފުދިދާނެ ތޯއްޗެ.
Juhaa
15 April 2019
އަބަދުވެސް މަސައްކަތް ކުރަނީ. އެއްކަމެއްވެސް ނުވެސް ވާނެ. ސުނާމީ އެރީމާވެސް ބުނި، ތިމަންނާމެންގެ ވެރިކަމެއް ނަމަ، އެއް އަހަރު ދުވަހުގެ ތެރޭގައި ހުރިހާ އެންމެންނަށް ދާއިމީ ހިޔާވަހިކަން ހޯދައިދިނީމުހޭ. އެކަމަކު ވެރިކަމުގައި 3 އަހަރަށްވުރެ ގިނަ ދުވަސް ވީއިރު އެންމެ ގާގަނޑެއްވެސް ނުބޭއްވުނު. ވެރިކަން ނިމުނުއިރުވެސް ހުރީ މައުމޫން ވެރިކަމުން ފޭބިއިރު ހުރިވަރަށް. ޔާމީން ވެރިކަމަށް އައިސް އެ ހުރިހާ މަސައްކަތެއް ނިންމީ.
އަހްމެޓް
15 April 2019
ދޮގެއް-- ތިކަހަލަމީހުން ލާ ވޯޓު ގުނަން ނުޖެހޭ ގޮތެއް އޮންނަނަމަ މަޖިލިސްވެސް ތާހިރުވާނެ.
އަލނާރީ
15 April 2019
ކަލޯ އައިޑީކާޑް ދިނީމަ ބޭސްކުރެވޭގޮތް ހެދީ މައުމޫނުތަ ނޫނީ ޔާމީނުތަ؟ ސްކޫލުކުދިންގެ ފޮތްފަންސުރާ ޔުނިފޯމް ހިލޭކުރީ ކޮންބަޔަކު މަޖިލީހުގަ ވަކާލަތުކޮށްގެން؟ 65 މީހުންނަށް ލިބޭ އުޖޫރަޔަކީ ކާކުފެށި އެއްޗެއް؟ މައުމޫނާ ޔާމީނަށް ތަސައްވަރުވެސް ނުކުރެވޭނެ މިކަންކަމުންރާއްޖޭގެ އާއްމު ހާއްލަތު ރަނގަޅު މިންވަރުވިވަރެއް. Juhaaމެން ރުޅިއަންނާނެކަންއެނގޭ، ޖީބަލާނެ ވަގުފައިސާ ނުލިބޭތީ