ރައީސް އިބްރާހިމް މުހައްމަދު ސޯލިހު (މ) އަދި ހޯމް މިނިސްޓަރު އިމްރާން (ވ) އާއި ޕޮލިސް ކޮމިޝަނަރު ހަމީދު: ރިލްވާނާއި ޔާމީންގެ މައްސަލައިގައި ދުލެއްނުކުރާނެ ކަމަށް ރައީސް ވިދާޅުވި.-- ފޮޓޯ: ރައީސް އޮފީސް
23 އެޕްރީލް 2019 - 15:13
20 comments
ވަގަށް ނަގާފައިވާ ނޫސްވެރިޔާ އަހުމަދު ރިލްވާނާއި މަރާލާފައިވާ ބްލޮގަރު ޔާމީން ރަޝީދުގެ މައްސަލައިގައި "ދުލެއްނުކުރާނަން" ކަމަށް ވިދާޅުވެ ރައީސް އިބްރާހިމް މުހައްމަދު ސޯލިހު މިއަދު ޓްވީޓް ކުރައްވައިފި އެވެ.
ޔާމީން މަރާލިތާ ދެ އަހަރުވުމާ ގުޅިގެން އެމަނިކުފާނު ކުރެއްވި ޓްވީޓުގައި، ޔާމީން އެންމެ ފަހުން ކުރި ޓްވީޓުގައި ބޭނުންކޮށްފައިވާ ރަތް ކުލައިގެ ފުއްޕާހަމުގެ އިމޯޖީއާ އެކު ބޭނުންކުރައްވާފައި ވަނީ ރިލްވާނާއި ޔާމީންގެ ހަނދާނުގައި ބޭނުންކުރާ ހޭޝްޓެޑް "ދުލެއްނުކުރާނަން" އެވެ.
— Ibrahim Mohamed Solih (@ibusolih) April 23, 2019
ރައީސް ކުރެއްވި ޓްވީޓް
"ދުލެއްނުކުރާނަން" އަކީ ރިލްވާނާއި ޔާމީންގެ މައްސަލައިގައި އިންސާފު ހޯދުމަށް ބޭނުންކުރަމުން އަންނަ ޝިއާރެވެ.
ރައީސްގެ އެ ޓްވީޓާއެކު ގިނަ ބަޔަކު ވަނީ އެމަނިކުފާނަށް ޝުކުރުއަދާކުރައްވައިފަ އެވެ. އެއް ބަޔަކު ބުނިގޮތުގައި މި ސަރުކާރަށް ވޯޓުދިނީ އަނިޔާވެރިކޮށް މަރާލާފައިވާ މީހުންގެ މައްސަލަތައް ބެލުމަށް ކަމަށެވެ.
ނޫސްވެރިޔާ ރިލްވާން އޮގަސްޓް، 2014 ގައި ގެއްލުނު ފަހުން އޭނާ އަށް ވީގޮތެެއް މިއަދާ ހަމައަށް ވެސް ނުހޯދެ އެވެ. އޭނާ ގަދަކަމުން ފޮރުވި ކަމަށް ބުނެ ދެ މީހެއްގެ މައްޗަށް ދައުލަތުން ދައުވާ ކުރިޔަސް، އެ ދެ މީހުންގެ މައްޗަށް ކުށް ސާބިތުނުވާ ކަމަށް ވަނީ ހުކުމްކޮށްފަ އެވެ. ޔާމީން، އަނިޔާވެރި ގޮތަކަށް މަރައިލީ އޭޕްރީލް، 23، 2017 ދުވަހުގެ ރޭ ދަންވަރު އެވެ. އެ މައްސަލައިގައި ހަތް މީހެއްގެ މައްޗަށް ދައުވާކޮށް، ޝަރީއަތް ދަނީ ހިނގަމުންނެވެ.
Thank you Mr President🎈
— najah ali (@najaa594) April 23, 2019
ރިލްވާނަށް ވީގޮތް ހޯދައި ޔާމީންގެ މަރަށް އިންސާފު ހޯދައިދިނުމަކީ ރައީސް އިބްރާހިމް މުހައްމަދު ސޯލިހުގެ ރިޔާސީ ވައުދެކެވެ. މަގާމުގެ ހުވާކުރެއްވުމަށް ފަހު އެމަނިކުފާނު އުފެއްދެވި ފުރަތަމަ ކޮމިޝަނުން އެ ދެ މައްސަލަ ބަލަމުން އަންނައިރު އެކަމުގެ ފަހަތުގައި ތިބި މީހުން މިހާރު ހޯދިފައިވާ ކަމަށް، ރިޔާސީ ކޮމިޝަންގެ ރައީސް ހުސްނުއްސުއޫދު ވަނީ ރޭ ވިދާޅުވެފަ އެވެ.
Today we march.
— aimanrasheed (@aimanrasheed) April 23, 2019
We march not just for Yameen, Rilwan and Afrasheem, but for tolerance and justice.#InsaafuEmmenah #Dhookureveykahneiy #JusticeForYaamyn #JusticeForRilwan #JusticeForAfrasheem #DhulehNukuraanan pic.twitter.com/92LCBZGjFs
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލިރޭމަން
24 April 2019
އެކަން ބަލަންވީނު؟ ކާކުތަ މަނާކުރީ. ޕޮލިހުންގެ ބޮޑު މާސިންގާ މުއައްސަސާއަކާ ދައުލަތަށް ނުކަތާވަރުގެ ފޮރެއްނސިކް ޔުނިޓަކާއި، ދުނިޔޭގެ އެންމެކުރިއަރާފައިވާ ގައުމުތަކުން ތަމްރީންލިބިފައިވާ ޕްރޮފެޝަނަލުން އެތިބީ ޕޮލިހުގަ އެތަންހިންގަނީ، ޅިޔަނު. ދެން ކޮން ކޮމިޓީއެއް ނަގައިގެންތަ ތިއުޅެނީ. ފުލުހުންނަށް އެމައްސަލަބަލަން ހަވާލުނުކުރަނީ، އެމައްސަލަ ބެލުމުގައިވެސް ރައީސް މީހާގެ އިޙްލާޞްތެރިކަން ނެތްކަން.
ހުފަ
24 April 2019
ވެރިކަމަށްއަރާ 1 ދުވަހުން ހޯދައިފީމެއްނުން. ހުސްނުއްސުއޫދުއަށް ހުރިހާ ހަގީގަތެއް ހޯދިއްޖެ. އެކަމު ސޯލިހު އިބޫ މަގުމައްޗަށް ޑްރާމާއެއްތަ
އައްމި
23 April 2019
ތީ ފުޓުބޯޅަ މެޗެއްތޯ
ބުއްޅަބޭ
23 April 2019
ރިޔާސީކޮމިޝަން އިން ބުނަނީ މިހާރު ބޮޑު ތިން މަރުގެ ފަހަތުގައި ތިބިމީހުން ސާފުވެ ހޯދިއްޖެކަމަށް. ދެން ރސޯލިހު މިކަމާ މުޒާހަރާއަށް ނުކުތުމަކީ ޖޯކެއްނޫންތަ؟
ފާތުމައިދިޔެ
24 April 2019
އޮޅުވާލާ މަކަރު. އެއްވެސް ކަމެއްގައި އިޙްލާސްތެރިނޫންކަން އެނގޭ. މިމީޙުން އަތުގައި ހުރިހާ ވަޞީލަތެއް ހުރިއިރު، 5 މީހުން އެއީވެސް ދުވަހަކު ތަހްޤީޤު ކުރިބައެްވެސްނޫން. މިކަމުގެ ތެރެއަށްލައިގެން، ޅިޔަން ކުއްޖާއުޅޭ މުއައްސަސާއާ ހަވާލު ނުކޮށް ސަކަރާތްޖަހާ، މަގުމަތީގައި ހިނގަނީ އެއީ ރައްޔިތުންނަށް ކުރާ މަލާމާތެއް، ފުރައްސާރައެއް.
އުފާ
23 April 2019
ސާބަހޭ. ތިޔަގޮތަށް ކޮރިޕްޝަން ނައްތާލާތި. މުސާރަތަކުގެ ހަމަހަމަ ކަން ގާއިމްކޮށްދޭތި. ބީދޭސީންގެ މައްސަލަ ހައްލުކޮށްދޭތި. އަދި މިހުރީ އުއްމީދުގަ
888888
24 April 2019
ހުރިހާ ކަމެއް ހަމަ ތިޔަހެން އޮއޮތީ ހަދާ ނިމިފަ ނޫންތޯ؟ ކޮރަޕްޝަން ނުހިމެނޭ ގޮތަށް، އެއްވެސް މަސައްކަތެއްނުކޮށް ދައުލަތުން ދިން ގެއްލުމެއްނެތި، ދީބާޖާއަށް، 348 މިލިއަން، ބިގް ކޮމްޕެނީއަށް، 9 ލައްކަގެ ބަދަލުގައި،78 މިލިއަން. އެއްވެސް ކޮރަޕްޝަނެއް ނޯންނާނެ. މުސާރަތައް ހަމަހަމަނުވާކަމަށް ފާހަގަވެސް ނުވާނެ، ހުރިހާ ޚިދްމަތެއް ހިލޭ ލިބޭނު. އެހެންނޫންތޯ؟ ހަމައިގަބާ މިދިވެހިން މިތިބެނީ؟ ޤާފިލްބައެއް. ހުވަފެނުގައި ނުހޭލާ ތިބެވޭތޯ ބަލާ
އަންްނި
23 April 2019
ރައީސް ތިޔަހެން ބުންޏަސް އިތުބާރެއް ނުކުރެވޭ. ވެރިކަމަށް އަންނަތާ ހަފްތާއެއްގެ ތެރޭ ގާތިލުން ހޯދާނެކަމަށްވެސް ބުނި
ޝޮކްތެރަޕީ
23 April 2019
ނުވެމްބަރު ތިނެއްގެ ގާތިލުން އެތިބެނީ ހެވިދިލިފަ.
ރާއްޖެ
23 April 2019
ދިވެހިންނަކީ ވަރަށް އަވަހަށް ހަނދާން ނެތޭ ބައެއް.
ބޮންދު
23 April 2019
ކާކުބުނީ އެމައްސަލަ ދޫކޮއްލީއޭ. މަޖްލިސް ހުވާކުރަނދެން މަޑުކޮއްބަލަ.
މަރީއ
23 April 2019
މިފަހަރު އެމްއެންސްޓީއިން ވިޔަސް އ.ދ އެންގިޔަސް މަރުގެހުކުމް ތަންފީޒުކުރަންވާނެ!
ޙަބީބު
23 April 2019
ތިކަމައްހަރަދުކުރިމީހުން ޝަރީއަތައް ހާޒިރުކޮއް އެންމެހަރުކަށި އަދަބުދިނުން ވަރައްމުހިންމު އަނެކާޔާދިމާލައް ލާދީނީ މީހެކޭގޮވާ ދީނީ ހަރުކަށިމީހުންނައް ތިމާގެ އަހާޔަކީ ކާފަރެއްކަމައްސިފަކޮއްދީގެން ހުރުމަތްތެރިކޮއް ހިތަންއަމުރު ކުރައްވާފަވާ ނަފްސެއް ގަތުލުކުރުމައް ހިތްވަރުދޭ މީހުން އެކުރަނީ ބޮޑުފާފައެއް ކުށެއް އަދަބު ކަނޑައަޅަންޖެހޭ ކުށެއް
އޮރިޖިނަލް މޮހަނު
23 April 2019
ހަމައެއާއެކި ދީނަށް ފުރައްސާރަކުރާ މީހުންގެ ރައްކާތެރިކޮށް، ފުރައްސާރަކުރަން ޕްލެޓްފޯމްދީ މި މުޖުތަމަޢު ފަސާދަ ކުރަން ހިތްވަރުދޭމީހުން އެކުރަނީ ވަރަށް ސަވާބުލިބޭ މޮޅުކަންކަން ދެއްތޮ؟؟؟! ދީނުގަ ދެ ހައްދުވޭ. އޭގެ އަނެއް ހައްދު ފަހަނައަޅާ މީހުންގެ ވާހަކަ އެއްވެސް ވަރަކަށް ނުދައްކަނީ ކީއްވެގެންބާ؟ ހުޅަނގު ލިބަރަލްސް ނުރުހޭތީވެ.