ނޫސްވެރިކަމަށް 75 އަހަރު ފުރުން ފާހަގަކުރަން މިދިޔަ ޑިސެމްބަރު މަހު ބޭއްވި ރަސްމިއްޔާތުގައި ރައީސް އިބްރާހިމް މުހައްމަދު ސޯލިހު (މ) އަދި ހޯމް މިނިސްޓަރު އިމްރާން (ވ-2) ބައިވެރިވެވަޑައިގަންނަވަނީ.-- ފޮޓޯ:އަހުމަދު ނިޝާތު/ މިހާރު
03 މެއި 2019 - 15:19
7 comments
ދައުލަތުގެ ކަންކަމަށް ނޫސްވެރިން ފާރަވެރިވެ، އެ ކަންތައްތައް ރައްޔިތުންގެ ސަމާލުކަމަށް ގެނައުމަކީ ވަރަށް މުހިންމު ކަމެއް ކަމަށް ހޯމް މިނިސްޓަރު އިމްރާން އަބްދުﷲ މިއަދު ވިދާޅުވެއްޖެ އެވެ.
މިއަދު ފާހަގަކުރަމުން އަންނަ ނޫސްވެރިކަމުގެ މިނިވަންކަމުގެ ދުވަހާ ގުޅުވައިގެން ނެރުއްވި ކުރު މެސެޖެއްގައި މިނިސްޓަރު ވިދާޅުވީ، ސަރުކާރުގެ ސިޔާސަތުތަކާ މެދު ރައްޔިތުންގެ ވިންދާއި ރޫހު ފެންނާނެ ގޮތަށް ރީތިކޮށް ލިޔެ، އަޑު އިއްވައި ދިނުމަކީ ސަރުކާރުން އެދޭ ގޮތް ކަމަށެވެ.
އޭނާ ވިދާޅުވި ގޮތުގައި، ސަރުކާރުގެ އަމާޒަކީ ނޫސްވެރިކަން ކުރިއަރުވައި ގައުމުގެ ތަރައްގީ އާއި ދައުލަތް ހިންގުމުގެ ނިޒާމުގެ ތެރޭގައި ނޫސްވެރިންނަށް މިނިވަންކަމާ އެކު އެމީހުންގެ ދައުރު އަދާކުރެވޭނެ މާހައުލެއް ގާއިމް ކޮށްދިނުމެވެ.
"މިނިވަން ޑިމޮކްރެޓިކް ދައުލަތެއްގެ އެންމެ މުހިންމު އެއް މުއައްސަސާ އަކީ މިނިވަން މީޑިއާ. ރައްޔިތުންގެ ހައްގުތައް ފުރިހަމަ އަށް ކަށަވަރުވެފައި އޮންނަ، ހެޔޮވެރިކަމެއްގައި އެންމެ އަސާސީ ސިފަ އަކީ ނޫސްވެރިކަމުގެ މިނިވަންކަން ކަށަވަރުވެފައި އޮތުން،" މިނިސްޓަރު އިމްރާންގެ އިތުރުން ހޯމް މިނިސްޓްރީން ނެރުނު މެސެޖުގައި ވެ އެވެ.
ރައީސް އިބްރާހިމް މުހައްމަދު ސޯލިހު ވަނީ ނޫސްވެރިކަމުގެ މިނިވަންކަމަށް ހުރަސްއެޅުމުން ކޮރަޕްޝަނާއި ފަސާދަ އާއންމުވެ ދައުލަތް ބޮއްސުންލީ ކަމަށް ވިދާޅުވެފަ އެވެ. އެމަނިކުފާނު ވަނީ ނޫސްވެރިކަމަށް ހުރަސް އެޅޭ ގޮތަށް ކުރީގެ ރައީސް އަބްދުﷲ ޔާމީންގެ ސަރުކާރުން ފާސްކުރި އަބުރުގެ ގާނޫނު ވެސް އުވާލައްވައިފަ އެވެ.
މި ސަރުކާރުން ނޫސްވެރިންގެ މިނިވަންކަން ހަނި ނުކުރާނެ ކަމުގެ ޔަގީންކަން ދެއްވަމުން ނޫސްވެރިންނަށް ދަތިކުރަން ގާނޫނުތަކެއް ނުހަދާނެ ކަމަށް ރައީސްގެ ހިތޯބުގައި މިއަދު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަތީއްބެ
04 May 2019
ދެ ޚަބަރު ޖަހާލާއިރަށް ކަމަކު ނުދާނެ، ނިކަން ބަލާ މިހާރުވެސް ވަގުތު ނޫހާދެކޮޅަށް ސަރުކާރު ހިންގާ ޕާޓީން ކުރަމުންދާ ކެންޕެއިން، އެނުން ބޮއިކޮޓްކުރަން ގޮވާލާ ސަރުކާރުގެ މިނިސްޓްރުން އެދަނީ ޓްވީޓްކުރަމުން، ދެން ކޮބާ މިނިވަން ނޫސްވެރިކަމެއް ކޮށްގެން ސަރުކާރު ހިތުގައި ނުޖެހި، ސަރުކާރުގެ ދެފުށްނުފެންނަ ކަންތައްތަކުގެ ވާހަކަ ދައްކާމީހުނާއި ނޫސްތައް ސަރުކާރަށް ކަމަކުނުދާނެ، ކޮންމެ ސަރުކާރެއް އޮތަސް މިކަން އޮންނާނީ މިހެން، ވަކިސަރުކާރެއްވީމަކާނޫންމިބުނީ.
ފިކުރު
04 May 2019
މާޒީގައި ފެނުނީ ނޫސްވެރިންގެ ހަރަކާތްތައް ޕޮލިހުން ހުއްޓުވާ އެމީހުނަށް އަނިޔާދީ ކެމެރާތަކާއިފޯނުތައް އަތުލާ ހަލާކުކޮށްލި މަންޒަރުތައް އެއިރުވެސް ނޫސްވެރިކަމުގެ މިނިވަންކަމޯއޮތީ ޚައިރާނެއް ނުވޭތޯ؟ ގާނޫނާއި ޚީލާފަށް ނޫސްވެރިންނަށް ދިން ގެއްލުންތަކުގެ ބަދަލެއްވެސްނުލިބުނުތާ ގާނޫނާއި ޚިލާފަށް ޢަމަލުކުރި ބަޔަކާމެދު އެޅުނު ފިޔަވަޅެއްވެސް ނެތެއްނޫންތޯ؟ ދެން ކިހިނެއްތޯ ނޫސްވެރިންނަށް މިނިވަންކަން ދެއްވޭނީ ރާއްޖެޓީވީން މިކަމުގެ ހެކިލިބޭނެ.
ޒުލޭހާ
03 May 2019
ކޮބާހޭ ފުލެޓު ކޮމިޓީ... ފުލެޓު ކޮމިޓީގެ މަސައްކަތް ދިގުދަންމަނީ މުސާރަ ގިނައިން ނަގަން ކަމަށް ބެލެވޭ... 6 މަސްވަނީ މުސާރައެގޮތަށް ނަގާތާ... ވީކަމެއް ނެތް... ކުޑަމިނުން ލިބޭ މުސާރަ ރައްޔިތުންނަށް އެނގެން ޖެހޭ...
ކްއެންޗް
03 May 2019
ދައުލަތުގެ ކަންކަމަށް ނޫސްވެރިން ފާރަވެރިވެ، ރައްޔިތުންގެ ސަމާލުކަމަށް ގެނައުން މުހިންމު ކަމަށް ހޯމް މިނިސްޓަރު ވިދާޅުވާނަމަ މިރާއްޖޭގައި ގަވާއިދާއި ޚިލާފަށް އުޅޭ ބިދޭސީން އެމެންގެ ގައުމަށް ފޮނުވުމަށް ޓަކައި އެމެން ހޯދާ އެމެން ބަންގާޅަށް ފޮނުވާލުމުގެ މަސައްކަތް ޕޮލިހުންނާއި އިމިގްރޭޝަން އިން ހަވާލު ނުކޮށްގެން އުޅެނީ އެއީ ކިއެއްވެތޭ ދެން ސަރުކާރުގެ ކޮންޓްރެކްޓްސް ތަކުގައި މަަސައްކަތް ކުރުމުން ފައިސާ ނުދެނީ އެއީ ކިއެއްވެތޭ ދިސް އިޒް ދަ ފީލިންގް...
ޕޮއްޕަޓު ލާލު
03 May 2019
ނޫސްވެރިން މިހާރު ދެ އަތް އުރާލާއިގެން ތިބެނީ
މާދުރު ތަރި
03 May 2019
މޮޅު ވާހަކައެއް ދެއްކިދާނެ! ބަހާއި އަމަލު ދިމާވާން ޖެހޭ!
ޒުވާނާ.
03 May 2019
މަރުހަބާ އިބޫގެ ސަރުކާރު އަޅުގަނޑަކީ ޔާމީނައް ވަރައްތާއީދު ކުރިމީހެއް ނަމަވެސް މިހާރު ވިސްނިއްޖެ ހަރުކަށިކަމާ ގޮތްދޫނުކުރުމުގެ ސިފަޔަކީ ރައްޔިތުން ބަލައިނުގަންނަ ސިފައެއްކަން އޭރުހުރެވުނީ އަވާމެންދުރެއްގަ ދުވާޔަކީ އަބަދުވެސް މިގޮތައް ހަމަވިސްނުމުގަ ލެއްވުން