ޓްރެފިކް ފުލުހުން ސައިކަލުތަކެއްގައި ސްޓިކާ ޖަހަނީ: މިދިޔަ ހަފުތާގައި އެކަނި ވެސް 700 އަށް ވުރެ ގިނަ ސްޓިކާ ޖެހި -- ފޮޓޯ/މިހާރު
12 މެއި 2019 - 12:19
24 comments
ގަވައިދާ ހިލާފަށް ޕާކް ކުރި ވެހިކަލްތަކުގައި މިދިޔަ ހަފުތާގައި 700 އަށް ވުރެ ގިނަ ސްޓިކާ ޖަހާފައިވާ ކަމަށް ފުލުހުންގެ ތަފާސް ހިސާބުތަކުން ދައްކައިފި އެވެ.
ފުލުހުން އާންމުކުރި މިދިޔަ ހަފުުތާގެ ތަފާސް ހިސާބުތައް ދައްކާ ގޮތުން މި މަހުގެ ހަތަރު ވަނަ ދުވަހުން ފެށިގެން މިދިޔަ ހުކުރު ދުވަހާ ހަމަ އަށް، ގަވާއިދާ ޚިލާފަށް ޕާކްކޮށްގެން 776 ސްޓިކާ ޖަހާފައިވެ އެވެ. އަދި 23 ސައިކަލާއި، ހަތަރު ފުރޮޅުލީ 13 ވެހިކަލެއް ވެސް އެ މުއްދަތުގައި ޓޯކޮށްފައިވެ އެވެ.
އެ ހިސާބުތައް ދައްކާ ގޮތުން އެ މުއްދަތުގައި 56 އެކްސިޑެންޓެއް ހިނގިއިރު، އޭގެ ތެރެއިން 11 އެކްސިޑެންޓެއްގައި މީހުންނަށް އެކިވަރުގެ އަނިޔާތައް ވެފައިވެ އެވެ. އެ މުއްދަތުގައި ހިނގި އެކްސިޑެންޓްތަކާ ގުޅިގެން 16 މީހެއްގެ ލައިސަންސް ހިފެހެއްޓި ކަމަށް ވެސް އެ ހިސާބުތަކުން ދައްކަ އެވެ.
އެ ހިސާބުތައް ދައްކާ ގޮތުން މިދިޔަ ހަފުތާގައި 417 އުޅަނދެއް ބަލައި ފާސް ކުރިއިރު، އެންމެ ގިނައިން ފާހަގަވީ ލައިސަންސް ނެތި ދުއްވުމުގެ މައްސަލަތަކެވެ. ލައިސަންސް ނެތި ދުއްވުމުގެ 99 މައްސަލައެއް ފާހަގަވިއިރު، ލައިސަންސް ކާޑު އަތުގައި ނެތި ދުއްވުމުގެ 57 މައްސަލައެއް ފާހަގަވެފައިވެ އެވެ.
މީގެ އިތުރުން އަހަރީ ފީ ނުދައްކާ އުޅަނދު ދުއްވުމުގެ 34 މައްސަލައަކާއި، ރޯޑް ވާދިނަސް ނަހަދާ ދުއްވުމުގެ 33 މައްސަލައެއް އަދި އިންޝުއަރެންސް ނެތި ދުއްވުމުގެ 28 މައްސަލައެއް ވެސް ފާހަގަވި ކަމަށް އެ ހިސާބުތަކުން ދައްކަ އެވެ.
މި ކަންކަމުގެ އިތުރުން، ހެލްމެޓް ނާޅާ ދުއްވުމާއި ފޯނު ނުވަތަ ހެޑް ސެޓް ޖަހައިގެން ދުއްވުމާއި ގަވާއިދަ ޚިލާފަށް އުޅަނދުތަކުގައި މުދާ އުފުލުމުގެ މައްސަލަތަކާއި ދުންފަތުގެ އިސްތިއުމާލު ކުރަމުން ދުއްވުމުގެ ބައެއް މައްސަލަތައް ވެސް މިދިޔަ ހަފުތާގައި އެބަހުއްޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުޙައްމަދު ހާން
13 May 2019
ރައީސް ކޮބައިތޯ ޕާރކް ކުރާނެ ތަން ނުދައްކާ ސްޓިކާ ޖަހަނީ ކަމަށް މިޔޮށް ގޮވަނީ
ރަންދެލި
12 May 2019
ތިއޮތީ ބައި މިލިއަން ލިބިފަ... އަދިވެސް ސްޓިކަރ ޖެހުން ބާރަށް ކުރިއަށް ގެންދޭ. ރައްޔިތު މީހާ އަށް ހަމަ ނޭވާ އެއް ލެވިގެން ނުވާނެ. ރައްޔިތު މީހާ އިންނަން ވާނި ބޮލުގަ އަތް އަޅައިގެން ނޯށުން ރޯން....
ސެލްފީމަހައްތިޔާ
12 May 2019
މަހަކު 2.8 މިލިޔަން ރުފިޔާ ހަމައެކަނި ސައިކަލުން އިސްޓިކާޖަހައިގެން ސަރުކާރަށް ލިބުމަކީ މިސަރުކާރުގެ އިގުތިސޯދީ ހަރުދުވެލި ރަމްޒުކޮށްދޭ ކަމެއް. ސާބަހުން ސާބަހޭ އިބޫ ސޯލިހުއަށް ސާބަހޭ. ޕާކިން ޒޯނަށް ސާބަހޭ. ވައުދު ފުއްދުމަށް ސާބަހޭ.
އަލިފުބާ
12 May 2019
582000 ރުފިޔާ ދޯ
މަރޭމިތުރު
12 May 2019
ޖޫރީމާނާ ކުރާމީހުން ޕޮލިހައް ގެންދިއުމުގެ ބަދަލުގައި ވަގުތުން ޖޫރީމާނާ ދެއްކޭގޮތެއް ޒަމާނީ ވަސީލަތެއް ނެތުނީމާ ވަރަށްދެރަ! ކީއްތޯވާނީ ލައިސެންސް ކޮލިޓީކޮށް މިނީ ހޭންޑް ދިވައިސް ޓްރެފިކު ފުލުހުން ގެންގުޅުން. ޒަމާނީ ވަސީލަތައް ވިސްނާލައްވާ!
މަރޭމިތުރު
12 May 2019
ހައިވޭގައި ކާރުރައް ދުއްވާއިރު ސީޓުބެލްޓް އަޅަންޖެހޭ ދުނިޔޭގެ ހުރިހާ ގައުމުތަކުގައި. ޓްރާންސްޕޯރޓުގެ ކަންކަން ބަލަހައްޓާމީހުންވަނީ މިކަން ހަނދާން ނައްތާލާފައި.
ކޭހޮޅު
12 May 2019
ޔާމީނު އިރުގަ ހައްދުން ނައްޓާފަ އިސްޓިކަރު ޖެހި ލިބުނު އެއްޗެހިވެސްވީ ޢޭނަ ބަނޑުގަ
ރާއްޖެ
12 May 2019
ބަނޑު ފަޅާފަ ހޯދަބަލަ. ޢެކަން ކުރަން ވައުދުވެގެން އަރާ ތިތިބީ.
ރާވެރިބެ
13 May 2019
ޔާމިނު ވެރިކަން ނިމުނީ އޭރުގެ ޖޫރުމަނާތައް މާފުކުރުމާއެކު
ރައީސް ޔާންޓެ
12 May 2019
ކިހާ ދެރަކަމެއް، މަގޭ ސައިކަލުގަ ނުޖަހާ، މަށަށް ވެސް ވަކި ޕާކު ކުރާނެ ތަނެއް އިބޫ ސޯލިހު ދެއްކީ އެއް ނޫން، އެކަމު ޕާކު ކުރަން ކަނޑައެޅިފައިވާ ތަނެއްގަ ޕާކު ކޮށްފަ އަބަދުވެސް ދަނީ، ވަންނަންޖެހޭ ކޮންމެ ފިހާރައެއް ކުރިމަތީގަ ޕާކު ކުރާ އުސޫލެއް އޮންނާކަށް ނުޖެހޭ، ސްޓިކާ ޖަހައިގެން ނޫނީ މި މީހުން މައިތިރިއެއް ނުވާނެ، އޯގާތެރި ސަރުކާރެއްގެ މާނައަކީ ކޮންމެ ވައްތަރަކަށް އުޅެން ހުއްދަ ދިނުމެއް ނޫން
ހުސޭނުު
12 May 2019
އެންމެ؟
ހިޓްލަރު
12 May 2019
ރަނގަޅު...... ޖަހާފަ ބަހައްޓާ! ތިޔަ ސައިކަލްތަކާއި ހެދި ނޭވާ ނުލެވޭ މިހާރު!