މުވައްޒަފުން މަދުކޮށް ޕީއެސްއެމް ހަރުދަނާކުރުމުގެ މަސައްކަތް ފަށައިފި

ޕީއެސްއެމްގެ ޓީވީއެމް ހިންގާ އިމާރާތް: ---ފޮޓޯ: ހުސެއިން ވަހީދު/މިހާރު

އާސިމާ ނިޒާރު، މިހާރު

23 މެއި 2019 - 15:41

ޕަބްލިކް ސާވިސް މީޑިއާ (ޕީއެސްއެމް) އިން މުވައްޒަފުން މަދުކޮށް އެ ކުންފުނި އިތުރަށް ހަރުދަނާކުރުމުގެ މަސައްކަތް ފަށައިފި އެވެ.

އެ ކުންފުނީގެ މެނޭޖިން ޑިރެކްޓަރު އަލީ ހާލިދު "މިހާރު" އަށް މިއަދު ވިދާޅުވީ ޕީއެސްއެމް ހަރުދަނާކުރަން ބަލާއިރު ބޭކާރު މަގާމުތަކާ ހެދި ދަތިތަކާ ދިމާވާ ކަމަށެވެ. އެހެންވެ އެންމެ ފުރަތަމަ ކޮންޓްރެކްޓް އުސޫލުން ތިބި މީހުން އެންމެ ފުރަތަމަ ވަކިކުރަން ނިންމާފައިވާ ކަމަށް ވިދާޅުވި އެވެ. ނަމަވެސް ކޮންޓްރެކްޓުގައި ތިބީ ކިހާ މުވައްޒަފުން ކަމެއް ސާފެއް ނުވެ އެވެ.

ބޯޑުގެ ހުއްދަ ލިބުމާއެކު އެ މަސައްކަތް ފަށާނެ ކަމަށް ވިދާޅުވި އެވެ.

އޭނާ ވިދާޅުވިގޮތުގައި މިދިޔަ ޖޫން ހިސާބުގައި ވެސް 100 އަށްވުރެ ގިނަ މުވައްޒަފުން ޕީއެސްއެމަށް ފުލްޓައިމްކޮށް ވެއްދި އެވެ. އެ މުވައްޒަފުންނާއެކު ޕީއެސްއެމްގެ ދަށުން ހިންގާ ޓީވީއެމާއި ދިވެހިރާއްޖޭގެ އަޑުގައި މިވަގުތު 480 އެއްހާ މުވައްޒަފުން މަސައްކަތްކުރެ އެވެ.

"އެންމެ ފުރަތަމަ ކޮންޓްރެކްޓް އުސޫލުން މަސައްކަތް ކުރަމުން އަންނަ މީހުން ވަކިކުރަން ނިންމާފައިވަނީ. އެއަށްފަހު އުސޫލު ބަދަލުކޮށްފައި ދާއިމީ މަގާމުތަކުގައި ތިބި މީހުން ވަކިކުރާނީ. ވަކިކުރާއިރު ވަކި ހާއްސަ މަގާމެއް ނެތް، ބޭކާރު ނުވަތަ ކުންފުންޏަށް ބޭނުން ނުހިފޭ މަގާމުތަކުން މީހުން ވަކިކުރާނެ،" އޭނާ ވިދާޅުވި އެވެ.

އެކަމަކު ޓީވީއެމާއި އަޑުގެ ޕްރޮޑަކްޝަނާއި ހަބަރުގެ ބައިގައި މަސައްކަތްކުރާ މީހުން ވަކި ނުކުރާނެ ކަމަށް ވިދާޅުވި އެވެ.

އަލީ ވިދާޅުވި ގޮތުގައި ޕީއެސްއެމްގެ އަސްލު ކެޕޭސިޓީއަކީ 350-400އާ ދެމެދެވެ. ރީ-ސްޓްރަކްޗާ ކުރުމުގެ މަސައްކަތް އެއްކޮށް އަދި ނުނިމޭތީ، ވަކިކުރަން ނިންމާފައިވާ މުވައްޒަފުންގެ އަދަދެއް ސާފެއް ނުވެ އެވެ.

ޕީއެސްއެމް އަށް ދައުލަތުގެ ބަޖެޓުން 80 މިލިއަން ރުފިޔާ ކަނޑައަޅާފައިވާއިރު އެ ކުންފުނީގެ މުވައްޒަފުންގެ މުސާރައަށް އެކަނި ވެސް މަހަކު ހަތް މިލިއަން ރުފިޔާ ހަރަދުވާ ކަމަށް ވިދާޅުވި އެވެ. އެހެންވެ އެފަދަ ހަރަދުތައް ކުޑަކޮށް ޕީއެސްއެމަށް މިއަހަރު ބަދަލުތައް އަންނާނެކަން އަލީ ހާލިދު ފާހަގަކުރެއްވި އެވެ.

"އަމާޒަކީ އެތަން ރަނގަޅަށް ހިނގާކަން ކަށަވަރުކުރުން. ޕީއެސްއެމް ހުންނަންވީ ގޮތުގައި މި އަހަރު ފެންނާނެ، ބަދަލުތައް ފެންނާނެ،" އަލީ ވިދާޅުވި އެވެ.

ޓީވީ މޯލްޑިވްސް ދިވެހި ރާއްޖޭގެ އަޑު ޕީއެސްއެމް އަލީ ޚާލިދު، މެނޭޖިން ޑިރެކްޓަރު (ޕީއެސްއެމް)

17 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިނިވަން ހިޔާލް

24 May 2019

މަދުކުރަންވީ ތިތާ ކަމެއްނެތި ތިއުޅޭ ފަރުވާކުޑަ، ކާޑު ޖަހާފަ ގޭގަ ތިބޭ ގުރޫޕު، މިކަން ކަންކަން މިހިސާބަށް ދިޔައީ ސެކްޝަތަކުގެ ވެރިންގެ ނުކުޅެދުންތެރި ކަމުން. ތިތަނުގެ އައިޓީ ސެކްޝަން މީ އެއް މިސާލު. އެއްބަޔަކު ގޭނެނީ އަނެއްބަޔަކު ކާޑު ޖަހާފަ ގޭގަ. 10އަހަރު ވީއިރުވެސް ކުރަން އިނގޭ މަސައްކަތެއްނެތް، ހަމަ ބަލުދު އަރާތީވެ ބައިތިއްބަން ޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފެންނުވަރަންފިލިކުއްޖާ

24 May 2019

އެކަކުހަރުދަނާ ކުރާއިރައް އަނެކަކުއައިސް ހަރާބު ކޮއްލާނެ ނިމިދިޔަ ފަސްއަހަރު އެމްޑީޕީ ގެއެއްވެސް ހަރަކާތެއް ގާނޫނުއަސާސީން ލިބިދޭ ފުރުސަތުވެސް އޮތީ ބަންދުކޮއްފަ ނަތީޖާޔަކީ ގާނޫނުއަރާ ހަމަކުރުން ވިސްނާބަޔަކައް އިބުރަތުން ފުރިގެންވާ ފިލާވަޅެއް އިބޫ މިހެންނުހަދާނެކަންޔަގީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންވެލި

24 May 2019

ބޮޑެތި ކޮރަޕްޝަން ހިންގި ތިޔައޮފީހުގެ މީހުން މައްސަލަ ވީ ހިސާބެއް ބަލާލަން ބޭނުމެވެ. ޜާއްޖެއިން ބޭރަށް ފައިސާ ކޮޅު ހިފައިގެން ދިޔައީ ބާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްޖަ

24 May 2019

ޕީއެސްއެމްގައި މިހާރު އެންމެ ބާރުގަދައީ އެންމެ ބޮޑަށް ދޮގުހަދާ މީހާ. ނިއުސްރޫމް ހިންގަނީ ޓެލެވިޜަން ޕްރޮޑަކްޝަން ނުވެސް ދަންނަ ބަޔަކު. ނިއުސްރޫމްގައި ބައެއް ވެރިން ހިނދުކޮޅުގައި. އިންތިހާއަށް މިކަން މައްޗައް ގޮއްސި. ލަދުން ބޯހަލާކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮން

23 May 2019

މިދިޔަ ޖޫން ހިސާބުގައި ވެސް 100 އަށްވުރެ ގިނަ މުވައްޒަފުން ޕީއެސްއެމަށް ފުލްޓައިމްކޮށް ވެއްދި އެވެ. މި މީހުންގެ ދަފްތަރެއް އެކުލަވާލަން ވެއްޖެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލަދުގަނެއްޖެ

23 May 2019

"ދީމާއަށް ރާއްޖެ އައުމުން(ޚޫނު މަރުޚަބާ)އެއް ކިޔުން"މިއީ ޕީއެސްއެމްގެ މިރޭގެ ޕްރައިމްނިޔުސް (މައި ޚަބަރުގައި)ކެޕްޝަންލިޔެ ޓީވީއަށް އަރުވާފައި އޮތްގޮތް. އެތައްދުވހަކު ތިޓީވީ ސްޓޭޝަނުގެ ޚަބަރުގެ ބައިގައި އުޅުނު މީހަކަށްވާތީ ވަރަށް ދެރަވި ޕީއެސްއެމް މިފެންވަރަށް ދިޔައިމާ. ތިކިޖަހައިގެން ލިޔަން ނޭގޭންޏާ ތިކި ނުޖަހައި ލިޔަންވީނުން. އޭރުންވެސް ހިތަށް މާ ފަސޭހަވާނެ. ނޫނީ ކޮންމެވެސް މީހަކު ހޯދައިގެން ކުށްފިލުވަންވީނުން. ހިލޭސާބަހަށް މަވެސް ކޮށްދީފާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

23 May 2019

ތިތަން ހިންގަންވީ ލިބޭ އެއްޗަކުންނެވެ. ސަރުކާރުން 80 މިލިއަން ދިނީމަ މިނިވަނެއް ނުވާނެއެވެ. މުޅިން ސަރުކާރު ޕާޓީ ހަބަރެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

SASA

23 May 2019

ކޮބާ ހިޔާލުތަފާތު މުއައްޒަފުންގެ ރައީސް؟؟؟ ހަމަ އެއްތާކު މިޖެހެނީ. ތިގޮތަށް ބަޔަކު ވަކި ކުރީމަ ދެންވެސް ތިކަން ދެމި އޮންނާނީ ތިޔަހެން ހަމަ. ހައްގުގެ ވާހަކަ ބާރަށް ދައްކާމީހުން ގެ ފެންވަރުތީ.