ކުޑަހުވަދޫ ގުރުއާން މުބާރާތުން 1 ވަނަ މައިޝާ އަށް

"ކުޑަހުވަދޫގެ އެންމެ އަލި ގަދަ ތަރި" ގުރްއާން މުބާރަތުން އެއް ވަނަ އަށް ދިޔަ 15 އަހަރުގެ އާއިޝަތު މާއިޝާ -- ފޮޓޯ: ކުޑަހުވަދޫ ކައުންސިލް

ލަމްޔާ އަބްދުﷲ، މިހާރު

02 ޖޫން 2019 - 15:37

2 comments

ދ. ކުޑަހުވަދޫގައި މި ރޯދަ މަހު ކުރިއަށް ގެންދިޔަ "ކުޑަހުވަދޫގެ އެންމެ އަލިގަދަ ތަރި" ގުރުއާން މުބާރާތުން އެއް ވަނަ އެ ރަށު، މާހިޔާ، އާއިޝަތު މާއިޝާ ހޯދައިފި އެވެ.

އެ ރަށު ތައުލީމީ މަރުކަޒުގެ ގްރޭޑް ނުވައެއްގައި ކިޔަވަމުން އަންނަ މާއިޝާ މި މުބާރާތް ކާމިޔާބު ކުރުމުން 20،000 ރ. ގެ އިނާމެއް ލިބުނެވެ. ހެޔޮއެދޭ ފަރާތްތަކުން ހުށަހަޅާފައިވާ އެހެން އިނާމުތައް ވެސް 15 އަހަރުގެ މާއިޝާއަށް ލިބޭނެ ކަމަށް އެ ރަށު ކައުންސިލަރު އަލީ ސުއޫދު ވިދާޅުވި އެވެ.

އެ ރަށު ސްކޫލްުގައި ބުރާސްފަތު ދުވަހު ބޭއްވި ގުރުއާން މުބާރާތުގެ އިނާމު ދިނުމުގެ ރަސްމިއްޔާތު ޝަރަފްވެރިކޮށްދެއްވީ ހޯމް މިނިސްޓަރު އިމްރާން އަބްދުﷲ އެވެ.

މުބާރާތުގެ ފަހު ބުރުގައި ވާދަކުރި ބައިވެރިންނާއި އެކު ހޯމް މިނިސްޓަރު އިމްރާން (ވ.6) އަދި ރަށުގެ ބައެއް ކައުންސިލަރުންނާއި މުބާރާތުގެ ފަނޑިޔާރުން -- ފޮޓޯ: ކުޑަހުވަދޫ ކައުންސިލް

ކުޑަހުވަދޫ ކައުންސިލާއި މަންތާ އެއާ އިން ކުރިއަށް ގެންދިޔަ މި މުބާރާތުގެ ފަހު ބުރުގައި ވާދަ ކުރާ ބައިވެރިން ހޮވީ ދެ އޮޑިޝަނަކުންނެވެ. އެ ރަށުުގައި އުޅޭ 12 އަހަރުން މަތީ މީހުންނަށް ހުޅުވާލައިގެން ކުރިއަށް ގެންދިޔަ މި މުބާރާތުގެ އޮޑިޝަންގައި 30 މީހަކު ބައިވެރިވި އެވެ.

Kudahuvadhooge quran mubaaraathugai vaadhakuraane baiverin iulaankoffi

The most trusted news source in the Maldives

Mihaaru

މި މުބާރާތް ކާމިޔާބު ކަމާ އެކީ ކުރިއަށް ގެންދިއުމަށް ވަރަށް ގިނަ ފަރާތްތަކުގެ އެއްބާރުލުން ލިބުނު ކަން ފާހަގަކުރައްވައި އެ ފަރާތްތަކަށް ކައުންސިލަރު ސުއޫދު ޝުކުރު އަދާކުރެއްވި އެވެ.

ގުރުއާން މުބާރާތް ދ. ކުޑަހުވަދޫ އިމްރާން އަބްދުﷲ، ހޯމް މިނިސްޓަރު ދ. ކުޑަހުވަދޫ ކައުންސިލް މަންތާ އެއާ

2 ކޮމެންޓް, 38 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަތާ

04 June 2019

ކުޑަހުވަދޫ ކައުންސިލްއިން އިންތިޒާމް ކޮށްގެން ކުރިއަށް ގެންދިޔަ މި މުބާރާތަކީ ކައުންސިލް އިން ހިންގަމުން ގެންދާ ކާމިޔާބު ޕްރޮގްރާމް ތަކުގެ ތެރެއިން ފާހަގަ ކޮށްލެވޭ ވަރަށް ޚާއްޞަ މުބާރާތެކެވެ. ކުޑަހުވަދޫ ކައުންސިލްއިން އިޤްތިޞާދީ، އިޖްތިމާޢީ، ތަޢުލީމީ، އަދި ދީނީ މި ފަދަ ކާމިޔާބު ގިނަ ޕްރޮގްރާމް ތަށްދަނީ ހިންގަމުންނެވެ. ރައީސް ބަރޭ، ނައިބު ސަޢުދު، ކުޑޭ، ޖަމީލް، އަދި ޝާއިންއަށް ވަރަށް ބޮޑަށް ޝުކުރިއްޔާ.