ލަނޑު ޖެހުމަށް ފަހު ސްޕެއިން ކުޅުންތެރިން އުފާފާޅުކުރަނީ.-- ފޮޓޯ: އޭއެފްޕީ
06 ސެޕްޓެމްބަރ 2016 - 09:16
8 comments
މެޑްރިޑް (ސެޕްޓެމްބަރު 6) - އަމިއްލަ ދަނޑުގައި ރޭ ލިޗަސްޓައިން އަތުން 8-0 އިން ހޯދި ތަފާތު ބޮޑު މޮޅާ އެކު ސްޕެއިން ވޯލްޑް ކަޕް ކޮލިފައިން ކާމިޔާބުކަމާ އެކު ފަށައިފި އެވެ.
އާ ކޯޗު ޖޫލެން ލޮޕެޓެގީގެ ކޯޗުކަމުގައި ކުޅުނު ވާދަވެރި ފުރަތަމަ މެޗުގައި ސްޕެއިންގެ ފަރާތުން ވަނީ މޮޅު ކުޅުމެއް ފެނިފަ އެވެ. މި މެޗުގައި ސްޕެއިންގެ ޑިއޭގޯ ކޮސްޓާ އާއި ޑޭވިޑް ސިލްވާ އަދި އަލްވާރޯ މޮރާޓާ ކޮންމެ ކުޅުންތެރިއަކު ވަނީ ދެ ލަނޑު ޖަހައިފަ އެވެ. އަނެއް ދެ ލަނޑު ޖެހީ ވިޓޯލޯ އާއި ސާޖީ ރޮބާޓޯ އެވެ. މިއީ މި ދެ ކުޅުންތެރިން ސީނިއާ ގައުމީ ޓީމަށް ކާމިޔާބުކުރި ފުރަތަމަ ލަނޑެވެ.
"މިއީ އަހަރެމެން ޓީމެއްގެ ގޮތުގައި ކުރާ ބުރަ މަސައްކަތް. އަހަރެން ބޭނުމެއް ނޫން ކުޅުންތެރިން ކުރާ މަސައްކަތުގެ ކްރެޑިޓް ނަގަން. މެޗު ފަސޭހަވީ ފުރަތަމަ މިނިޓުން ފެށިގެން އަހަރެމެން މެޗުގެ ކޮންޓްރޯލް ހޯދުމުން،" ލޮޕެޓެގީ ބުންޏެވެ.
އިޓަލީ ވެސް ވަނީ އާ ކޯޗު ޖިއަމްޕިއެރޯ ވެންޗޫރާގެ ކޯޗުކަމުގައި ކުޅުނު ވާދަވެރި ފުރަތަމަ މެޗުން މޮޅުވެ ފެށުން ރަނގަޅުކޮށްފަ އެވެ. ރަށުން ބޭރުގައި އިޒްރޭލް އަތުން އިޓަލީ މޮޅުވީ 3-1 އިންނެވެ. ގްރަޒިއާނޯ ޕެލާ އާއި އެންޓޯނިއޯ ކަންޑްރޭވާގެ ލަނޑުތަކުން އިޓަލީ ދެ ލަނޑުގެ ލީޑެއް ނަގާފައިވަނިކޮށް ފުރަތަމަ ހާފް ނިމުމުގެ ކުރިން ތާލް ބެންހައީމް ވަނީ ލަނޑެއް ޖަހައި އިޒްރޭލަށް މެޗުގެ އުއްމީދުއާ ކޮށްދީފަ އެވެ.
ދެ ވަނަ ހާފް ފެށިގެން އިޓަލީ އަށް އެންމެ ބޮޑު އުނދަގޫތަކެއް ކުރިމަތިވީ 55 ވަނަ މިނިޓްގައި ދެ ވަނަ ރީނދޫ ކާޑާއެކު ޖިއޮޖިއޯ ކިއެލީނީ އަށް ރަތް ކާޑު ދެއްކުމުންނެވެ. އެއް ކުޅުންތެރިއަކު މަދުކޮށް ކުޅެން ޖެހުނު ނަމަވެސް އިޓަލީން ވަނީ އިތުރު ލަނޑެއް ޖަހައި މި މެޗުން މޮޅުވެފަ އެވެ. އިޓަލީގެ ތިން ވަނަ ލަނޑު މެޗު ނިމެން ހަތް މިނެޓަށް ވެފައިވަނިކޮށް ކާމިޔާބުކުރީ ޗީރޯ އިމޯބިލޭ އެވެ.
ރޭ ވޭލްސް ކުޅުނު މެޗުން އެ ޓީމު ވަނީ ގަރެތު ބޭލްގެ ދެ ލަނޑާ އެކު 4-0 އިން މޮލްޑޯވާ ބަލިކޮށްފަ އެވެ. އެ ޓީމުގެ އަނެއް ދެ ލަނޑު ކާމިޔާބުކުރީ ޖޯ އެލަން އާއި ސޭމް ވޯކްސް އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެސް.އެޗް.އެން
06 September 2016
ޒުވާން އާ ކުޅުންތެރިންނާއެކު ކާމިޔާބަށް ވާސިލްވެވޭނެ..
ކަލޯ
06 September 2016
ލިޔެފަ އޮތް އެއްޗަކާ ސްޕޭނުން ޖެހި ލަނޑަކާ ދިމައެއް ނުވޭ، ލިއުމުގައި ބުނާ ގޮތުން ނަމަ 11 ލަނޑުވޭ، ބޯޑޫން ފެންނަނީ 8... ކޮސްޓާ އާޢި، މޮރާޓާ އަދި ސިލްވާ ޖެހީ މިީހަކު 2 ލަނޑު....
އެސް.އެޗް.އެން
06 September 2016
ކޮސްޓާ، މޮރާޓާ، ސިލްވާ، ކޮންމެ މީހަކު 2 ގޯލް = ޖުމްލަ 6 + ވިޓޯލޯ، ސާޖީ ރޮބާޓޯ ޖެހި 2 ގޯލު.. 8 ވަނީ... ލިޔުމުގައިވެސް އޮތީ އެހެން.. ކިހިނެއް 11 ވާ ވާހަކަތަ ތި ކިޔަނީ؟؟؟
އީއެސްޕީއެން
06 September 2016
އޭނައަށް ހީވީ ކަންނޭނގެ، ވިޓޯލޯ އާއި ސާޖީ ރޮބާޓޯ ކޮންމެ މީހަކު ދެލަނޑުޖެހީއޭ! އެހެންނެއްނޫން ލިޔުމުގައި އެއޮތީކީ، ވިޓޯލޯ އާއި ރޮބާޓޯ ކޮންމެ މީހަކު އެއްލަނޑު ވީމަ ޖުމްލަ ދެގޯލު ވީ ވާހަކަ އެއީ! 6 ލަނޑު ޖަހާފައި އޮތްވާ އިތުރު ދެލަނޑު އައިމަ ވާނީ 8 އެއްނު!
ކަލޯ
06 September 2016
ހީވި ގޮތެއް ނޫން ކުރިން ލިއުމުގަ އޮތް ގޮތް އެއީ ފަހުން އިސްލާހްކޮށްފަ އެއިނީ
ހުސައިން ރިޔާޒް
06 September 2016
ލިޔުން ފަހުން އެ އޮތީ އިސްލާޙް ކޮށްފައި. ފުރަތަމަ ޕޯސްޓް ކޮށްފައި އޮތް ގޮތުން ޖުމްލަ 11 ގޯލް ޖެހި. އެސް އެޗް އެން އަށް މި ލިޔުން ތި ކިޔުނީ ލިޔުން އިސްލާހް ކުރިފަހުން.
ހުސައިން ރިޔާޒް
06 September 2016
މި މެޗުގައި ސްޕެއިންގެ ޑިއޭގޯ ކޮސްޓާ އާއި ޑޭވިޑް ސިލްވާ އަދި އަލްވާރޯ މޮރާޓާ ކޮންމެ ކުޅުންތެރިއަކު ވަނީ ތިން ލަނޑު ޖަހައިފަ އެވެ. އަނެއް ދެ ލަނޑު ޖެހީ ވިޓޯލޯ އާއި ސާޖީ ރޮބާޓޯ އެވެ. ޑިއޭގޯ ކޮސްޓާ 3 އަލްވާރޯ މޮރާޓާ 3 ޑޭވިޑް ސިލްވާ 3 ވިޓޯލޯ 1 ސާޖީ ރޮބާޓޯ 1 ޖުމްލަ 11
ވައްބެ
06 September 2016
މި މެޗުގައި ސްޕެއިންގެ ޑިއޭގޯ ކޮސްޓާ އާއި ޑޭވިޑް ސިލްވާ އަދި އަލްވާރޯ މޮރާޓާ ކޮންމެ ކުޅުންތެރިއަކު ވަނީ ތިން ލަނޑު ޖަހައިފަ އެވެ. އަނެއް ދެ ލަނޑު ޖެހީ ވިޓޯލޯ އާއި ސާޖީ ރޮބާޓޯ އެވެ. 3 * 3 = 9 9 + 2 = 11 ކޮންކަހަލަ ހިސާބެއް ހަދަން މި ޖެހެނީ ޖަވާބަށް 8 ގެންނަން؟