ރޮނާލްޑޯ (ކ) ލަނޑު ޖެހުމަށް ފަހު އުފާފާޅުކުރަނީ. --ފޮޓޯ: އޭއެފްޕީ
06 ޖޫން 2019 - 09:09
15 comments
ޕޯޓޯ (ޖޫން 6) – ކްރިސްޓިއާނޯ ރޮނާލްޑޯގެ ހެޓްރިކާ އެކު ސްވިޒަލެންޑް 3-1 އިން ބަލިކޮށް ޔުއެފާ ނޭޝަންސް ލީގުގެ ފައިނަލަށް ޕޯޗުގަލް ރޭ ދަތުރުކޮށްފި އެވެ.
އަންނަ ހޮނިހިރު ދުވަހުގެރޭ ޕޯޓޯގައި ކުޅޭ ފައިނަލުގައި ޕޯޗުގަލް ބައްދަލުކުރާނީ ސެމީ ފައިނަލުގެ ދެ ވަނަ މެޗުގައި މިރޭ އިންގްލެންޑާއި ނެދަލެންޑްސް ކުޅެ މޮޅުވާ ޓީމަކާ އެވެ.
އަމިއްލަ ސަބަބުތަކާ ހެދި މި މުބާރާތުގެ ގްރޫޕް ސްޓޭޖުގައި ކުޅެފައިނުވާ ރޮނާލްޑޯ ރޭގެ މެޗުގައި ޕޯޗުގަލަށް ކުރި ހޯދައިދިނީ 34 ވަނަ މިނެޓުގައި ހިލޭ ޖެހުމަކުންނެވެ.
ސްވިޒަލެންޑުން އެއްވަރުކުރީ 57 ވަނަ މިނެޓުގައި ޕެނަލްޓީއަކުން ރިކާޑޯ ރޮޑްރިގޭޒް ޖެހި ލަނޑުންނެވެ. މި ޕެނަލްޓީ އަށް ސްވިޒަލެންޑުން ފުރަތަމަ އެޕީލްކުރުމުން ޖަރުމަން ރެފްރީ އަޅާނުލި އެވެ. އެ ބޯޅައިގައި ގޮސް ޕޯޗުގަލުން އުފެއްދި ހަމަލާގައި އެ ޓީމަށް ޕެނަލްޓީއެއް ރެފްރީ ދިނީ އެވެ. އެކަމަކު ވީއޭއާރް އިން ބެލުމަށް ފަހު ރެފްރީ ނިންމީ ސްވިޒަލެންޑުން އެޕީލްކުރި ޕެނަލްޓީ ދޭން ޖެހޭ ކަމަށެވެ. އެހިސާބުން ޕޯޗުގަލްގެ ޕެނަލްޓީ ނިންމުން އަނބުރާ ގެނައީ އެވެ.
ސްވިޒަލެންޑުން އެއްވަރުކޮށް، އެ ނަތީޖާގައި މެޗު ނިމެން ދިއުމުން ބެލެވުނީ އިތުރު ވަގުތު ކުޅެން ޖެހޭނެ ކަމަށެވެ. އެކަމަކު ރޮނާލްޑޯ ވަނީ ބެނާޑޯ ސިލްވާގެ ހުރަހަކުން 88 ވަނަ މިނެޓުގައި ގޯލް ޖަހައި ޕޯޗުގަލަށް އަލުން ކުރި ހޯދައިދީފަ އެވެ. އަދި އޭގެ މިނެޓެއް ފަހުން ހެޓްރިކް ފުރިހަމަކޮށް ޕޯޗުގަލަށް ފައިނަލުގެ ޖާގަ ކަށަވަރުކޮށްދިނެވެ.
ރޮނާލްޑޯ ކެރިއަރުގެ 53 ވަނަ ހެޓްރިކް ހަދައި ޕޯޗުގަލް ފައިނަލަށް ގެންދިއުމާ އެކު އޭނާ އަށް މިވަނީ އެ ޓީމަށް ބައިނަލްއަގްވާމީ ދެ ވަނަ ތަށްޓެއް ހޯދައިދޭން ފުރުސަތު ލިބިފަ އެވެ. އަމިއްލަ ގައުމުގައި 2004 ގައި ބޭއްވި ޔޫރޯގެ ފައިނަލުން ބަލިވެފައިވަނިކޮށް، އޭނާ ފުރަތަމަ ފަހަރަށް ޕޯޗުގަލަށް ކާމިޔާބުކޮށްދިން މުބާރާތަކީ 2016 ވަނަ އަހަރުގެ ޔޫރޯ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޝަމްްް
06 June 2019
މެސީ ހެޓްރިކް ހަދައިގެން ކޮން ފައިނަލެއްގަތަ ކުޅުނީ؟ ނިކަން ކިޔައިދީބަލަ ބާރސާ ފޭން ބޯއީސް؟
އަމިނާ
06 June 2019
ރޮނާޑޯ ލޯގްޖަހާތި ކަމުނުދަނި މެސީ އެކަނި ގޯލްޖަހަންވީވެސް ހުރިހާކާމިޔާބެއް ލިބެއްވީވެސް އެކަމަކު އެންމެފަހުން ކުޅުނު މެޗުން ވެސް އާޖެންޓީނާ ވީ ބަލި ހެ ހެ
ފޫހި
06 June 2019
އާޅެ ސެމީން ބަލިވިނަމަ ފައިނަލްގަ ކުޅެވޭނެތަ?
ބޮޑާލްޑޯ
06 June 2019
އެހެން މީހުންގެ މަސައްކަތުގެ ފޮނިކޮޅު ބޯލަން ވައްޓާލާ ގޮލައެއް.. ޕީޗުގީޒުން ސެމީއަށް ދިޔައީ މީނާގެ އެއްވެސް އެހީ އެއްނެތި.. މިހާރުދެން ތައްޓެއް ލިބިދާނެހެން ހީވީމަ ބޯކޮއްޕާލީ..
އަސޭލާ
06 June 2019
ދުނިޔޭގެ ބަލި 30 ޓީމް ހިމަނައިގެން މެސީއަށް ގައުމީޓީމް ގޮވައިގެން ކާމިޔާބު ކުރެވޭކަހަލަ އިންޓަނޭސަނަލް މުބާރާތެއް ބާވައިގެން މެސީއަށް ގައުމީ ޓީމާއެކު ތަށްޓެއް އުފުލާލަން ފުރުސަތު ދޭންވީ އެހެންނޫ މެސީއަކަށް އެކަމެއް ނުވާނެ
ކެކެކެ
06 June 2019
ރޮނާލްޑޯ ފުރަތަމަ ގޯލް ޖެހީ 34 ވަނަ މިނެޓްގައެއް ނޫން. ތަންކޮޅެއް ރަނގަޅަށް ދިރާސާ ކޮށްފަ ނޫހުގައި ލިޔެބަލަ. ފުރަތަމަ ގޯލް ޖަހާފަ އިންނާނީ 25 ވަނަ މިނެޓްގަ.
ރަދީފް
06 June 2019
ތިބުނީ ރަނގަޅަށް.
ޕޮގުބާ
06 June 2019
ހެޓްރިކު ރޮނާޑޯ އެއީ ރޮނާޑޯ މޮޅު ކަމަކީ ރޮނާޑޯ ދަނޑްމަތީގަ ހޭބަލިވެގެން ނޫޅޭނެ އެހެންހުރެގެން ލަނޑު ޖަހާނީ އެއީ ރޮނާޑޯ އަށް އެހާ އުދަގޫކަމެއް ނޫން ރޮނާޑޯ ދަނޑް މައްޗަށް އަރާނުކުޅި ހުއްޓަސް އިދިކޮޅޓީމުން ޖެހިލުންވާނެ ހުރިހާއެންމެންނަށްވެސް އެނގޭ ރޮނާޑޯ މޮޅުކަން ހަޖަމް ނުވަނީ
ލކއވ
06 June 2019
ބައެއްގެ ބުރަމަސައްކަތުން ސެމީފައިނަލާ ހަމައަށް ޕޯޗްގަލް ގެނެސްދިނީމަ އޭގެ ފޮނި މީރުކަން ލިބިގަނެ، ކްރެޑިޓް ނަގަން ޓީމާގުޅުނު ސޮރަކާ ވައްތަރީ.
ލކއވ މޮޔަ
06 June 2019
ރޮނާލްޑޯ ޔުވެންޓަސް އާ ގުޅުނުތާ މަހެއް ނުވަނީސް ނޭށަންސްލީގް ފެށުނީމަ އޭނަ ބޭނުންވީ އިޓަލީގަ މަޑުކޮށްފަ ޔުވޭ އާއެކު ސީޒަން ކުޅެފަ ގައުމީޓީމަށް އެންމެ ރަނގަޅު ފޯމުގަ އަންނަން. އެހެންވީމަ ނޭށަނަލް ބްރޭކެއް ނަގައިގެން ހުރެފަ ސީޒަން ނިމުނީމަ ގުޅުނީ. ގައުމީ ޓީމަށް ތަށި ކާމިޔާބު ކޮށްދޭން. ކޮން ކްރެޑިޓޭއް؟ އޭނަ ގެ ގައުމު. މޮޅުވީމަ މުޅީ ޓީމަށް ވެސް ފައިދާ ކުރާން
ރަށްދު
06 June 2019
ރޮނާޑޯ ނޫންންތަ؟ރޭގަގޯލްޖެހީ މެސީތަ؟ ގޯލްޖަހާ ޕޯޗްގަލްއަށް ހެޓްރިކު ފުރިހަމަ ކޮއްދިނީ
ލކއވ
06 June 2019
ކީވެގެންތޭ ގްރޫޕް ސްޓޭޖްގެ އެއްވެސް މެޗަކު މިސޮރު ގޯލްޖަހަންވެގެން ނުކުޅުނީ. ކަޓާފާނެހެން ހީވާތީ ބިރުން އަމިއްލައަށް ޓީމާވަކިވީދޯ.
ސަމަންދަރު
06 June 2019
"އަމިއްލަ ގައުމުގައި 2004 ގައި ބޭއްވި ޔޫރޯގެ ފައިނަލުން ބަލިވެފައިވަނިކޮށް، އޭނާ ފުރަތަމަ ފަހަރަށް ޕޯޗުގަލަށް ކާމިޔާބުކޮށްދިން މުބާރާތަކީ 2016 ވަނަ އަހަރުގެ ޔޫރޯ އެވެ." ލިއުންތެރިޔާ މިހެން ލިއެ ރޮނާލްޑޯއަށް އާދަޔާ ޚިލާފު ޝަރަފެއް ދިން އިރު އޭނާ ހުރީ ދަނޑުބޭރުގައެވެ. ބެންޗުގައެވެ. ތާރީޚު އޮޅުވައިނުލާށެވެ!
ޙަސަން ނނނނ
06 June 2019
ފައިނަލަށް ދިޔައީ ރޮނާލްޑޯގެ އެހީއެއް ނެތިތަ