ލަނޑު ޖެހުމަށް ފަހު ނެދަލެންޑްސްގެ ޕްރޯމެސް އުފާފާޅުކުރަނީ.-- ފޮޓޯ: އޭއެފްޕީ
07 ޖޫން 2019 - 10:01
37 comments
ލިޒްބަން (ޖޫން 7) - ޔުއެފާ ނޭޝަންސް ލީގުގެ ދެ ވަނަ ސެމީ ފައިނަލުގައި ރޭ އިންގްލެންޑް އަތުން 3-1 އިން މޮޅުވެ ނެދަލެންޑްސް މުބާރާތުގެ ފައިނަލުގެ ފަހު ޖާގަ ހޯދައިފި އެވެ.
އަންނަ އާދިއްތަ ދުވަހު ކުޅޭ ފައިނަލް މެޗުގައި ނެދަލެންޑްސް ނުކުންނާނީ މުބާރާތް ބާއްވާ ގައުމު ކަމަށްވާ ޕޯޗުގަލްއާ ދެކޮޅަށެވެ. ޕޯޗުގަލް ފައިނަލުން ފުރުސަތު ހޯދީ ސެމީގައި ސްވިޒަލެންޑްގެ މައްޗަށް ކުރިހޯދުމަށް ފަހު އެވެ. ޔުއެފާ އިން މިދިޔަ އަހަރު މުޅިން އަލަށް ފެށި ނޭޝަންސް ލީގުގެ ފައިނަލުން ނެދަލެންޑްސް ފުރުސަތު ހޯދިއިރު، މިއީ 2010 ވަނަ އަހަރު ދެކުނު އެފްރިކާގައި އޮތް ވޯލްޑް ކަޕަށް ފަހު ނެދަލެންޑްސް ބައިނަލްއަގްވާމީ ފައިނަލެއްގައި ކުޅޭނެ ފުރަތަމަ ފަހަރެވެ.
މިރޭގެ މެޗު ފަށައިގެން އިންގްލެންޑްގެ ކެޕްޓަން ބޭންޑް އަޅައިގެން ކުޅުނު ރަހީމް ސްޓާލިން އަށް ރަނގަޅު ފުރުސަތެއް ލިބި ވަނީ ބޭކާރުވެފަ އެވެ. މެޗުގެ 32 ވަނަ މިނިޓްގައި އިންގްލެންޑަށް ލިބުނު ޕެނަލްޓީ އަކުން ލީޑުނަގައިދިނީ މާކަސް ރެޝްފޯޑް އެވެ. މިއީ ނެދަލެންޑްސްގެ ޒުވާން ޑިފެންޑަރު މަތައިސް ޑި ލީޓް އޭރިއާތެރެއިން ރެޝްފޯޑަށް ކުރި ފައުލަކަށް ރެފްރީ ދިން ޕެނަލްޓީ އެކެވެ.
ދެ ވަނަ ހާފްގައި އިންގްލެންޑަށް ލީޑުފުޅާކޮށްދޭން ޖޭޑަން ސަންޗޯ އަށް ލިބުނު ފުރުސަތުގެ ބޭނުން އޭނާ އަށް ނުހިފުނެވެ. ނެދަލެންޑްސް އަށް މެޗުގެ ނަތީޖާ އެއްވަރުކޮށްދިނީ މެޗުގެ 73 ވަނަ މިނިޓްގައި ޑި ލީޓް އެވެ. ލިބުނު ކޯނަރަކުން އޭރިއާ ތެރެއަށް ހުރަސްވި ބޯޅަ ޑި ލީޓް ވަނީ ބޮލުން ގޯލުގެ ތެރެއަށް ފޮނުވާލައިފަ އެވެ.
ބަދަލު ކުޅުންތެރިޔެއްގެ ގޮތުގައި ކުޅެން އެރި އިންގްލެންޑްގެ ޖެސޭ ލިންގާޑް ވަނީ އެ ޓީމަށް އަލުން ލީޑުނަގައިދީފަ އެވެ. އެކަމަކު ވީޑިއޯ އެސިސްޓަންޓް ރެފްރީ (ވީއޭއާރް)ގެ އެހީ ހޯދުމަށް ފަހު މެޗުގެ ރެފްރީ ނިންމީ އެ ލަނޑު ގަބޫލެއް ނުކުރި އެވެ.
މެޗުގެ ފުރިހަމަ ވަގުތު ހަމަވިއިރު ދެ ޓީމު އެއްވަރުވެފައި އޮތުމުން ނަތީޖާ ނެރުމަށް ކުޅުނު އިތުރު ވަގުތުގެ ދެ ހާފުގެ ތެރެއިން ފުރަތަމަ ހާފުގައި ނެދަލެންޑްސް އިން ވަނީ މެޗުގައި ފުރަތަމަ ފަހަރަށް ލީޑުނަގައިފަ އެވެ. އިންގްލެންޑްގެ ޑިފެންޑަރު ޖޯން ސްޓޯންސް ފަހަތުން ހެދި ބޮޑު ގޯހެއްގެ ފައިދާނަގައި ނެދަލެންޑްސްގެ މެމްފިސް ޑިޕާއި ޖެހި ބޯޅަ އިންގްލެންޑްގެ ކީޕަރު ޖޯޑަން ޕިކްފޯޑް އަތުގައި ޖެހިފައި ނުކުތް ވަގުތު ނެދަލެންޑްސްގެ ކުއިންސީ ޕްރޯމެސް ޖެހުމުން އެ ބޯޅަ ގޯލަށް ވަނީ އިންގްލެންޑްގެ ޑިފެންޑަރު ކައިލް ވޯކާ ފައިގައި ޖެހިފަ އެވެ.
އިންގްލެންޑްގެ ކޭން (ވ) ފޮނުވާލާ ބޯޅަ ނެދަލެންޑްސްގެ ޑި ލީޓް ބްލޮކްކުރަނީ. -- ފޮޓޯ: އޭއެފްޕީ
ބަދަލުތައް ގެނެސް އިންގްލެންޑުން ނަތީޖާ ހަމަހަމަކުރަން އިތުރު ވަގުތުގެ ދެ ވަނަ ހާފްގައި ކުރިއަށް ޖެހިގެން ކުޅެމުންދިޔަ ވަގުތު ނެދަލެންޑްސް އިން ތިން ވަނަ ލަނޑު ޖެހީ ވެސް އިންގްލެންޑް ކުޅުންތެރިންނަށް ފަހަތުން ހެދުނު ގޯހެއްގެ ސަބަބުންނެވެ. އިންްގްލެންޑުގެ ރޮސް ބާކްލީ ފަހަތަށް ޖައްސާލި ބޯޅަ އޭރިއާ ތެރެއިން ލިބުނީ ޑިޕާއި އަށެވެ. ޑިޕާއި އެ ބޯޅަ ހުސްކޮށްހުރި ޕްރޯމެސް އަށް ޖައްސާލުމުން އޭނާ ވަނީ ފަސޭހަކަމާ އެކު ގޯލުގެ ތެރެއަށް ބޯޅަ ފޮނުވާލައިފަ އެވެ.
މިދިޔަ އަހަރު ރަޝިއާގައި އޮތް ވޯލްޑް ކަޕްގެ ސެމީ ފައިނަލުން ވެސް އިންގްލެންޑް ކެޓީ އިތުރުވަގުތުގެ ދެ ހާފްގައި ކުޅެ ކްރޮއޭޝިއާ އަތުން ބަލިވެގެންނެވެ. އިންގްލެންޑްގެ ތަރި ސްޓާލިން ބުނީ މެޗުން ބަލިވީ އަމިއްލަ އަށް ހެދުނު ގިނަ ގޯސްތަކެއްގެ ސަބަބުން ކަމަށާއި މިއީ މޮޅުވެވޭނެ މެޗެއް ކަމަށެވެ.
ދުނިޔޭގެ ފުޓްބޯޅައިގެ ގަދަބާރެއްގެ ގޮތުގައި އޮތް ނެދަލެންޑްސް އެންމެ ފަހުން އޮތް ބައިނަލްއަގްވާމީ ދެ މުބާރާތް ކަމަށްވާ ވޯލްޑް ކަޕާއި ޔޫރޯ އަށް ކޮލިފައިނުވެ އެވެ. އަލުން ޓީމު އާރާސްތުކުރުމުގެ އުއްމީދުގައި ރޮނާލްޑް ކޫމަން ނެދަލެންޑްސްއާ ހަވާލުވީ މިދިޔަ އަހަރު ފެބްރުއަރީ މަހުގަ އެވެ. ކޫމަންގެ ކޯޗުކަމުގައި ނެދަލެންޑްސް އިން ނޭޝަންސް ލީގުގެ ސެމީ ފައިނަލުން ފުރުސަތު ހޯދީ އެންމެ ފަހުން ކުޅުނު ދެ ވޯލްޑް ކަޕްގެ ޗެމްޕިއަން ފްރާންސާއި ޖަރުމަނުގެ މައްޗަށް ކުރިހޯދުމަށް ފަހު އެވެ.
ނެދަލެންޑްސްގެ ކެޕްޓަން ވާޖިލް ވެން ޑައިކް ބުނީ މިހާރު އޮތް ނެދަލެންޑްސް ޓީމުގެ އޮތީ ވަރަށް އެއްބައިވަންތަ ރޫހެއް ކަަމަށާއި ކާމިޔާބު ލިބުމުގެ ސިއްރަކީ ޓީމެއްގެ ގޮތުގައި ކުރާ މަސައްކަތްކަމަށެވެ. އަދި ފައިނަލަށް ނުކުންނާނީ ވެސް އެ ވިސްނުމުގައި ކަމަށް ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފް
08 June 2019
މިތާނގަ މޮޔަ ގޮވަމުންދާ @ޝަމް އަށް ބުނަން.އާޖެންޓީނާ ބައިނަލްއަގްވާމީ ދަނޑުގަ ފުޓްބޯޅައިން ހޯދި ކާމިޔާބީތަކާއި އެއްލެވެލްއަށް އަންނަން އަދި އިންގްލެންޑް ބޭނުންވާނެ ކިތަންމެ ގަރުނެއް.02 ގައުމު ހޯދާފަ ހުރި ކާމިޔާބީތަކަށް ބަލާލީމަ މިކަން ވަރަށް ރަނގަޅަށް ދޭހަވާނެ.ކިޔާނެއެއްޗެއް ނެތީމަ މެސީގެ މާމައޭ ނުވަތަ ބާސާއޭ ކޮމާންޑޭ ތިކިޔަނީ ކޮން ބޭނުމެއްގަތަ.ވވ.ވެދުން
ޝަމްްް
08 June 2019
ކިތަންމެ ރުޅިއަޔަސް މިދިޔަ އަހަރު ވޯރލްޑްކަޕްގަ އާރޖެންޓީނާ ރައުންޑް އޮފް 16އިން ނުކަޓާ ކަމަކަށް ނުވާނެދޯ؟
ޑޮލަރޭ
08 June 2019
ރަދީފްމެން ދުނިޔެއަށް އައުމުގެ ކުރިން ހޯދި ތަށިތަކުގެ ވާހަކަތޯ؟
ރަދީފް
08 June 2019
ޑޮަލަރޭ. 1966 ގެ ފަހުން އަދި އިންގްލެންޑަށް ފުޓްބޯޅަ ދަނޑުގަ އެއްވެސް ކާމިޔާބީއެއް ނުލިބޭ.53 އަހަރު މިވީ އެއްވެސް ކާމިޔާބީއެއް ނުލިބި.ބައިގަރުނު.ރާއްޖެއަށް މިނިވަންކަން ލިބުނުތާވެސް 54 އަހަރު.އިންގްލެންޑަށް ބޮޑު މުބާރާތެއްގެ ފައިނަލަށް ނުދެވޭ އަދި ކިތަންމެވަރަކަށް @ޝަމް ރުޅިއަޔަސް.ޔޫރޯ2020 ގެ ކޮލިފައިންގަވެސް ނަސީބަކުން އޮތީ ޔޫރަޕްގެ އެންމެ އާދައިގެ ޓީމްތަކާއި އެއް ގްރޫޕެއްގަ.ވ.ވ.ެދުން
ލކއވ
08 June 2019
ޑޮލަރޭމެންގެ އިންގްލޭންޑަށް ބައިނަލްއަގުވާމީ ތަށިގަޑެއް ލިބުނީ ޑޮލަރޭގެ މުނިކާފަ އުފަންވުމުގެވެސް ކުރިން. އެހެންވީމަ އާޖެންޓީނާއަށް މަލާމާތް ކުރާކަށް ނުވޭތާދޯ.
ޝަމްްް
08 June 2019
އިނގިރޭސި ޓީމަކީ މިވަގުތު އާރޖެންޓީނާ ޓީމަށް ވާދަކުރެވޭ ފެންވަރުގެ ޓީމެއް ނޫން. އާރޖެންޓީނާ ވޯރލްޑް ކަޕްގައި އެންމެ އާދައިގެ ގްރޫޕްގައި ހިމެނިގެން ނެރުނު ނަތީޖާތައް އެކަމަށް ހެކިދޭ، އެހެންނު؟ ދެންވެސް މުސްކުޅި ކުޅުންތެރިން ބާކީ ކޮށްގެން ނޫން ގޮތަކަށް މިކަން ވާކަށް ނެތް. ނެދަރލޭންޑްސް ޓީމުން މިސާލު ނަގަމާ؟
ޙުސަންބޭ
07 June 2019
އެންމެފަހުން ވޯލްޑް ކަޕްގެ ސެމީ ފައިނަލުން ބަލިވީވެސް ހަމަ މިގޮތަށެވެ. މިފަހަރުވެސް ހަމަ ތަފާތެއް ނެތެވެ. މިއިން އެނގޭކަމަކީ ކޯޗްގެ ރޭވުންތެރިކަމުގެ ހުރި ދޯހޮޅިކަމެވެ. ކިތަންމެ ގަދަ ސްކޮޑެއް އޮތަސް ޓީމެއް ލައްވައި ރަނގަޅަށް ކުޅުވުމަކީ ކޯޗްގެ ޒިންމާއެކެވެ.
ރަދީފް
07 June 2019
ރަދީފްގެ ނަމުގަ ފޭކް ކޮމެންޓް ނުކުރެއްވުން އެދެން.ރަދީފް އެއީ އިންގްލެންޑްގެ ސަޕޯޓަރެއް ނޫން.ވ.ވެދުން
ހަސަން ނުވަވަނަ
07 June 2019
ކަންމަތީމުބާރާތް ދޯ.
ލކއވ
07 June 2019
އިންގްލޭންޑަށް ތަށި ލިބޭނެ ހަމައެކަނި ފޯމިއުލާއަކީ ސެމީފައިނަލްގަ އިންގްލޭންޑްގެ 4 އުމުރުފުރާގެ ގައުމީޓީމް ކުޅުން. މިނޫން ގޮތަކަށް ޔޫރަޕްގެ ޓްރޮފީއެއް ކީކުރަން ފައިނަލަށްވެސް ނުދާނެހެން ހީވަނީ. އކަމަކު ފުޓްބޯޅައިގެ ބަފާވީޔާދޯ. އިންގްލޭންޑް ގައުމީޓީމަށް ވަރަށްސަލާމް.
ރަދީފް
07 June 2019
ދުނިޔޭގެ 4 ވަނަ އަށް 16 ވަނަ ބަލިނުކުރެވުނު.ވ.ވެދުން
ޝަމްްް
07 June 2019
ކަލޭގެ މެސީއަށް އައިސްލޭންޑް ބަލިކުރެވުނުތަ؟ ލީގު ވަރުގަދަވެގެން އުތުރި އަރާ ސްޕެއިން ކަޓުވާލާފަ 4ވަނަ އަށް އަރާ އެއޮތީ. ސްޕެއިނުން މިއިން ޒަމާނަކު ސެމީއެއް ކުޅުނު ހަނދާން އެބަހުރިތަ؟ އާރޖެންޓީނާއަށް މިއިން ޒަމާނަކު ތަށްޓެއް ލިބުނު ހަނދާން އެބަހުރި؟ ނެދަރލޭންޑްސްގައި މިވަގުތު ދުނިޔޭގެ އެންމެ މޮޅު ކުޅުންތެރިޔާ ހުރީ. ޓީމަކީ މޮޅު، ތަފާތު ޓީމެއް. 1ވަނައަށް އަރަން މާކަ ގިނަ ދުވަހެއް ނެތް
ރަދީފް
07 June 2019
@ޝަމް. އަހަރެންގެ މެސީއެއް ނުހުންނާނެ. ކަލޭގެ އިންގްލެންޑަށް ލިބުނުތަ ތައްޓެއް?? ލަދު ކޮބާ??? ވ.ވެދުން
ޝިމްލާާ
07 June 2019
އާނ، އެބުނާހެން. ޝަމް އަކަށް ނޭނގޭދޯ ރަދީފް މިހާރު އެންޓި-މެސީ ކަން. ސްޓޭޑިއަމުންނާ ސްޓޭޑިއަމް ބޭރުން ފުރައްސާރަކޮށް، އެއަރޕޯރޓުން ދިމާކޮށް ހަދާ ގްރޫޕް ކުއްޖެއް ރަދީފް އެއީ. އަމިއްލަ ޓީމުގެ ބަލިކަމުގެ ޒިއްމާ އަޅުވަނީ މެސީ ބޮލުގަ. ޓީމެއް ކަން ރަދީފް ހަނދާން ނުހުންނަ ކަހަލަ
ހަގީގަތް
07 June 2019
ޝަމްއަށް. ކާކުތަ މިވަގުތު ދުނިޔޭގެ އެންމެ މޮޅު ކުޅުންތެރިޔަކީ. މެސީޔާ ކައިރި ކުރެވޭ މީހަކު މިސީޒަނަކު ނެތް. މިބުނީ އިންޑިވިޖުއަލީ ބަލާލާނަމަ. ސްޕެއިންއަކީ ޔޫރޯ ދެ ފަހަރު އަދި ވާރލްޑް ކަޕް ހޯދައިފައިއޮތް ޓީމެއް. އިނގިރޭސީން އެތަށި ހޯދި ޒަމާނެއް ހަނދާނެއްނެތް.
ޝަމްްް
08 June 2019
މީގެ 10އަހަރު ކުރީގެ ވާހަކަ އެހެންނު؟ އޭގެ ފަހުން 2 ވޯރލްޑް ކަޕް ކުޅެފި. 2014ގައި އެންމެ މެޗަކުން މޮޅުވެ ގްރޫޕް ސްޓޭޖުން ކެޓިއިރު، 2018ގައި އެންމެ މެޗަކުން މޮޅުވެގެން ދެވުނީ ރައުންޑް އޮފް 16 އާ ހަމައަށް. އިނގިރޭސީން ސެމީ ފައިނަލް ކުޅުނު. ދެން މިމުބާރާތުގައި ސެމީ ފައިނަލް އެކުޅުނީ ސްޕެއިން ކަޓުވާލާފަ. އެއްވެސް މީހެއް ނުދައްކާ މީގެ 10އަހަރުކުރިން ސްޕެއިނުން ވޯރލްޑް ކަޕް ކާމިޔާބު ނުކުރެއެކޭ. އެކަމަކު މިހާރު ފެންވަރަކީ ގްރޫޕް ސްޓޭޖް.
ޝަމްްް
08 June 2019
މިވަގުތު އެންމެ ތަފާތުކަމަށް ފެންނަނީ ވެން ޑައިކް. ވަން ހޯސް ރޭހެއްގައި މެސީ ތަފާތު ދެއްކިއިރު ހޯދި ޕޮއިންޓަށްވުރެ ލިވަރޕޫލުން ލީގުގެ ދެވަނައަށް ދިޔައިރުވެސް ޕޮއިންޓް ހޯދި. ޔޫރަޕުގައިވެސް ލިވަރޕޫލާއެކު ތަފާތު ދައްކައިފި. ދަނޑުމަތީ ދެކޮޅަށް ހިނގުން ނޫން އެހެން ކަމެއް މެސީއަކަށް އެދުވަހު ނުކުރެވުނު. ދެން ގައުމީ ޓީމާ އެކުވެސް ވެން ޑައިކް އެދަނީ ތަފާތުދައްކަމުން.
ރަދީފް
08 June 2019
@ޝިމްލާ ތިޔަ އުޅެނީ ހިޔާލީ ދުނިޔެއެއްގަ.ނިދިން ހޭލުމަށް ގޮވާލަން.ވ.ވެދުން.
ލކއވ
07 June 2019
އިނގިރޭސި ލީގުގެ ކައްޕަޅިކަން މިފެނުނީ. ޔަހުޔާ ކާޅުހިފާ ބީދައިން އިނގިރޭސި 4 ކުލަބް ޔޫރަޕްގެ ފައުނަލްގަ ކުޅުނަސް އަސްލަކީ ލީގުގެ ފެންވަރު ދަށޭ. ޔަހޫދީން ކޮންޓްރޯލްކުރާ މީޑިއާތަކުން ލީގު މަސްހޫރުކޮށްފަ، އަރަބި މަހުޖަނުން ކުލަބްތަކަށް ހަރަދު ކުރިޔަސް ސްޕެނިޝް ލީގާ ވާދަކުރެވޭނެ ފެންވަރެއް އަދިނެތޭ. ގައުމީޓީމް އަބަދު އެދަނީ ޗޮކުން. ހަޔާތުގަ ދުވަހަކުވެސް ޔޫރަޕްގެ ޓްރޮފީއެއް ނުލިބޭ. ގްރީސްއަށް ވީވަރުވެސް ނުވެއޭ ބުނަން ނެތީމް.
ޕްރޫފް
07 June 2019
ކަލޯގެ ސުޕެއިން ސެމީ ފައިނަލާ ހިސާބަށްވެސް ދިޔަތަ ؟ އާޖެންޓީނާއިން މެސީ އުރުގުއާއިން ދަތްއަޅާ ސުވަރޭޒް ގެނެސްގެން ވަކިމޮޅުތަކެއްވިތަ ؟؟ ސުޕެއިންގެ މޮޅު ކުލަބަކަށް ޔޫރަޕްގެ އެއްވެސް ފައިނަލަކަށް އާދެވުނުތަ ؟ ހަހަ ޖަވާބަކީ ނޫނޭ.. އިނގެރޭސި ކުލަބުތަށް ފައިނަލުގަ ހުސް ކުޅުނީ! މޮޅުނަމަ އެއޮށް މޮޅު ބާސެލޯނާ 4-0 ން ލިވަޕޫލްއަތަކުން ބަލިނުވާނެ! ރިޔާލްއަށް އެހިސާބަށްވެސް ނުދެވުނު! ޕްރީމިއާލީގަކީ އެއްވަނަ! ހަމަ އެއްވަނަ! އެއޮތީ ޕްރޫވްކޮށްފަ !
ބާބާ
07 June 2019
ސުޕެއިން ދެން ފައިނަލްގާ ދޯ
ހަގީގަތް
07 June 2019
އިނގިރޭސި ލީގު ވަރުގަދަވެގެން އެއުޅެނީ ގާރޑިއޯލާ އަދި ކްލޮޕްގެ ސަބަބުން. މި ދެމީހުން އެހެން ލީގެއްގެ ޓީމަކަށް ބަދަލުވާއިރަށް ކުރީގެ ހާލަތަށް ވެއްޓޭނެ. ނެދަލޭންޑްސް އެއީ މިހާރު އިނގިރޭސިންގެ ލެވަލެއްނޫން. އެމީހުން މިހާރު އެއުޅެނީ މާ ކުރީގައި. ރޭގަވެސް އިނގިރޭސިން ހީވީ ހިރުވައިގަނެގެން އުޅޭ ހެން. މުޅި މެޗު ޑޮމިނޭޓްކުރީ ހޮލެންޑުން. އިނގިރޭސިންގެ ނަސީބު އެމީހުންނަށް ގިނަ ގޯލްތައް ނުޖެހުނުކަން.
ކަލް
07 June 2019
ސްޕެއިން ފައިނަލުގައި ކުޅޭތީބާ، ސްޕެނިޝް ލީގުގެ ވާހަކަ މިދައްކަނީ.
އޮބާމާ
07 June 2019
ތާއީދު. އިނގިރޭސިންނަކީ މީޑިއާ ތެރޭގަ މޮޅުބައެއް. ރާއްޖޭގަ މިއުޅޭ މީހުންނަށް ދައްކާނީ ކައްޕަޅި އިނގިރޭސި ލީގު. ބަލަ މުޅި ދުނިޔޭގެ މީޑިއާ ބޭނުންކޮށްގެން މޮޅުކަމަށް ދެއްކިޔަސް އިނގިރޭސިންނަކީ މޮޅު ބައެއްނޫން. މިދިޔަ 53 އަހަރުތެރޭ ނެތޭ ލިބުނު ކާމިޔާބީއެއް. އެންމެ ކުޑަމިނުން ވޯލްޑްކަޕް ފަދަ އޮލިމްޕިކްސް ފަދަ މުބާރާތެއްގެ ފައިނަލާ ހަމަޔަށްވެސް އާދެވިފައެއް ނެތް.
ރަދީފްް
07 June 2019
ސްޕެއިން އެންމެ ފަހުން 2 ވޯރލްޑް ކަޕް ފައިނަލް ކުޅުނު ދޯ ލީގު ވަރުގަދަވެގެން. މިފަހަރުވެސް ފައިނަލުގަ ކުޅެނީ ސްޕެއިންގެ ގައުމީ ޓީމު ދެބަޔަކަށް ބަހާލައިގެން. ލީގު ވަރުގަދަކަމުން. ބަލަ މިތާ ކޮމެންޓްކުރާ ކުދިންނަށް ނޭނގެނީތަ އިނގިރޭސީން ސެމީއަށް ދިޔައީ ސްޕެއިން ކަޓުުވާލާފައިކަން؟
ހަގީގަތް
07 June 2019
މިތާގަ އިނގިރޭސި ލީގުގެ މޮޅުވާހަކަ ދައްކާ މީހުންނަށް. ފާއިތުވެދިޔަ 10 ސީޒަނުގައި ޔޫރަޕުގައި ސްޕެނިޝް ޓީމްތަކާއި އިނގިރޭސި ޓީމްތައް ހޯދައިފައިހުރި ކާމިޔާބީތައް އަޅާ ކިޔާލަބަލަ. އިނގިރޭސިންނަށް ކައިރިވެސް ސްޕެއިންގެ ޓީމްތަކާ ނުކުރެވޭނެ. އެހެން ލީގު ތަކުގެ ޓީމްތަކަށް އިނގިރޭސި ޓީމްތައް ގޮތަށް ގިނަ ރުފިޔާ ލިބޭނަމަ އިނގިރޭސިން ޖެހޭނީ ފަރަށްދާން. ކަމެއް ވީމަދޯ ދުނިޔޭގެ މޮޅެތި ކުޅުންތެރިން ސްޕެއިންއަށްދަނީ.
ރަދީފްް
07 June 2019
ސްޕެއިންގެ 2 ހޯސް ރޭސް؟ އިނގިރޭސި ޓީމްތައް މިފާއިތުވި 2އަހަރު އޮތީ މާބޮޑަށްވެސް ސްޕެއިން ޓީމުތައް ގިއްގަޅުވާލާފަ. މިދިޔަ އަހަރު ޔޫސީއެލްގައި އިނގިރޭސި 5 ޓީމު ކުޅުނުއިރު 4ޓީމުން ގްރޫޕްގެ އެއްވަނަ. ގްރޫޕްގެ 2ވަނަ ހޯދި ހަމައެކަނި ޗެލްސީ އެވަނަ ހޯދީ އެތްލެޓިކޯ ކަޓުވާލާފަ. މިދިޔަ އަހަރު ޗެލްސީއަށް އިނގިރޭސި ލީގުގެ 5ވަނަ ލިބުނުއިރު އެތްލެޓިކޯއަކީ ލަލީގާގެ 2ވަނަ. މިއީ ތަފާތު. މިއަހަރުވެސް ފެނުނީ އެތަން. ބާރސާ ލަދުގަންނަވާލީ އިނގިރޭސި 2ވަނަ. 4-0 ސައިޒް
ނިއުމާާ
07 June 2019
ހަގީގަތަށް. ދެން ކީއްވެގެންތަ އާދައިގެ ރޯމާއިން ބޮޑު ޚަރަދުކުރާ ބާރސާ ލަދުގަންނަވާލީ؟ ގައިމު ބާރސާއަކީ ދުނިޔޭގެ އެންމެ އަގުބޮޑު އެއް ސްކޮޑް. ރޯމާގެ ސްކޮޑް ވެލިއު ބާރސާގެ 3ބައިކުޅަ އެއްބައި ވަރު. ރެއާލަކީ އަޔަކްސްއަށްވުރެ ބޮޑު ޚަރަދުކުރާ ކްލަބެއް. އެކަމަކު ޗޮކުން. ލީގު ވަރުގަދަ ކަމުން؟ ރެފްރީން ނުގަނެ، ފޭވަރ ނުކޮށް މިއިން ޒަމާނަކުވެސް ސްޕެނިޝް ޓީމަކަށް ޔޫސީއެލް ލިބިފައެއް ނެތް. މިވާހަކަ އެންމެ ހަރުއަޑުން ދައްކަނީވެސް ބާރސާ/ރެއާލް ފޭނުން
ހަގީގަތް
07 June 2019
ނިއުމާޔަށް. ބާސާއިން ޗެމްޕިއަންސް ލީގުން މުޅިންވެސް ބަލިވެފަހުރީ ކައްޕަޅި ޓެކްޓިކްސްގެ ސަބަބުން. ބާސާގައި ކްލޮޕް ނުވަތަ ގާރޑިއޯލާފަދަ ކޯޗެއް ހުންނަނަމަ އަތުނުވީސްކަން ޔަޤީން. ވަލްވާރޑޭ ލައިގެން ބާސާޔަކަށް ކާމިޔާބެއް ނުލިބޭނެ. އިނގިރޭސި ލީގުގައި މޮޅީ އެންމެ ދެ ކްލަބު. އެއީ ލިވަޕޫލް އަދި ސިޓީ. ދެންނެތް މޮޅު ކްލަބެެއް. އަންނަ ސީޒަނުގައި ފެންނާނެ ސްޕެއިންގެ ފެންވަރު. ޚާއްޞަކޮށް ރިއަލް މެޑްރިޑްގެ.
ނިއުމާާ
08 June 2019
ސްޕެއިންގެ 1 ޓީމް ވަރުގަދަވުމަކީ ލީގު ވަރުގަދަވުން؟ ސިޓީ އާ ލިވަރޕޫލް އެކަނި މޮޅީ؟ އެކަމަކު މިއަހަރު ކުއާރޓަރގަވެސް ކުޅުނު އިނގިރޭސި 4 ޓީމް. ސްޕެއިން 1؟ ފައިނަލުގަ ޓޮޓެންހަމް ކުޅުނު. މިދިޔަ އަހަރު ގްރޫޕްގެ އެއްވަނަ ޓޮޓެންހަމް ހޯދިއިރު ޗެމްޕިއަން ރެއާލް ދިޔައީ ގްރޫޕްގެ 2ވަނައަށް. އެތްލެޓިކޯގެ މައްޗަށް ޗެލްސީ ކުރިހޯދި. ދެން؟ އެއް ކޮމެންޓްގަ މިކިޔަނީ ލީގު 1ވަނަ ބާރސާ ބަލިވަނީ ޓެކްޓިކްސް ނޭނގޭތީއޭ، އަނެއް ކޮމެންޓްގަ ޓެކްނިކަލީ އެންމެ ވަރުގަދަ ލީގޭ؟
ހުސް ގޯސް
07 June 2019
ސައުތުގޭޓް ރުޅި މަޑެވެ.މަ ނަމަ ޑިފެންޑަރ އިމުރަށް ސަޝްޕެންޑް ކުރާނަމެވެ. ކިތަށް ގޯސް ހެދި..
ެއިބޫ
07 June 2019
ސައުތުގޭޓް ބަންދުކޮށްގެން ހުއްޓާ ނޯތުގޭޓުން 3 ވަދެގެންދިޔައީދޯ.
މަހަށްދޭދޭބަލަ
07 June 2019
އިންގްލެންޑް ކަޓުވާލުމަށް ފަހު ނެދަލެންޑްސް ފައިނަލަށް ހިނގައްޖެނަމަ އެއީ މަމެން އުފާ ކުރާ ކަމެކޭ މިހާރު އެބަޖެހޭ އިންގްލެންޑަށް އަންގާ ދޭން އެމެންނަކީ ދެން ފުޓް ބޯޅައިގައި ބަޔެއް ނޫން ކަން އިންގްލެންޑް ދެން މަހަށް ދޭބަލަ މަހަށް މަހަށް މަހަށް މަހަށް ދޭބަލަ...
ގަމަރިއްޔާ
07 June 2019
އިންގްލޭންޑް ސެމީއަށް ދިޔައީ ތަމެން އެވަރެއް ނެތިގެން އުޅޭ ސްޕެއިން، އަދި އެންމެ ފަހުގެ ވޯރލްޑް ކަޕްގެ ރަނަރއަޕް ކްރޮއޭޝިއާ ކަޓުވާލުމަށްފަހު.
ލކއވ
07 June 2019
އެމީހުނަށް އިގޭނީ ޔަހޫދީން ބޭނުންކޮށްގެން މީޑިއާގަ މޮޅެތި ސުޓަންޓް ޖައްސާ އަރަބި ލާރިގަނޑު ކައްޕަޅި ލީގަށް ތަޅާބުރުވާލަން އެކަނި
ނިއުމާާ
07 June 2019
ސާބަހޭ ނެދަރލޭންޑްސް. ރޮނާގެ ސަޕޯރޓަރަކަސް މިފަހަރު ބޭނުމީ ތަށި ނެދަރލޭންޑްސް އިން ހޯދަން. މިކަން ވާނެ އިރާދަކުރެއްވިއްޔާ
ސީޒަން
07 June 2019
ނިއުމާ ދޭބަލަ ފިލްމުކުޅެން