ރިސޯޓުން އުކާލަން ގެންގޮސްފައި ހުރި ކުނި ކެޔޮދޫ ގޮނޑުދޮށުގައި
08 ޖޫން 2019 - 10:31
30 comments
ބ. ކެންދޫ ކައިރީގައި އޮންނަ ފަޅުރަށަކަށް ދިގުފަރު އައިލެންޑް ރިސޯޓުން އަޅާ ކުނި ސާފުނުކޮށް، ރަށް ގޮނޑުކުރަމުންދާ މައްސަލަ ފެންމަތިވެފައިވާ އިރު، އެއީ މޫސުން ގޯސްވުމުގެ ސަބަބުން އުކާނުލެވި ހުރި ކުނިތަކެއް ކަމަށް އެ ރިސޯޓުން ބުނެފި އެވެ.
ސޯޝަލް މީޑިއާގައި ދައުރުވި ފޮޓޯތަކަކުން ފެންނަ ގޮތުގައި، ރީތި ގޮނޑުދޮށެއް އޮންނަ ކެޔޮދޫގެ ގޮނޑުދޮށް ވަނީ ރިސޯޓުގެ ކުނިން ފުރާލައިފަ އެވެ. ބޮޑެތި ކަޅު ކޮތަޅުތަކުގައި ހުއްޓަސް ބައެއް ކޮތަޅުތައް ފެޅުމުން ބޭރަށް ވެސް އެޅިފައިވެ އެވެ.
ރިސޯޓެއްގެ ކުނިން ރަށެއްގެ ރީތިގޮނޑުދޮށް އެގޮތަށް ގޮނޑަކަށް ވުމުން ސޯޝަލް މީޑިއާގައި އާންމުން ކަންބޮޑުވުން ފާޅުކުރަން ފެށުމުން ދިގުފަރު ރިސޯޓުން އިއްޔެ ބުނީ އެއީ ރިސޯޓުގެ ދަށުގައި އޮންނަ ފަޅުރަށެއް ކަމަށެވެ. އަދި އެ ރަށަށް ގެންދާ ކުނި ކޮންމެ ދެ ހަފުތާއަކުން، ވެމްކޯ މެދުވެރިކޮށް އުކާލާ ކަމަށް ވެސް ބުނެފައިވެ އެވެ.
ދައުރުވިި ފޮޓޯތަކުން ފެންނަނީ ވެމްކޯއިން އުކާލަން ބަހައްޓާފައި ހުރި ކުނި ކަމަށާއި އެކަމަކު މޫސުން ގޯސްވުމުގެ ސަބަބުން ކުނި އުކާނުލެވި ލަސްވީ ކަމަށް ދިގުފަރު ރިސޯޓުން ބުންޏެވެ.
"ކުނި އަޅާ ތަނެއްގެ ގޮތުގައި އެ ރަށެއް ބޭނުމެއް ނުކުރަމެވެ. އަދި އެ ރަށް ވެސް ސާފުކޮށް ބޭއްވުމަށް މަސައްކަތް ކުރަމެވެ،" ރިސޯޓުން ކުރި ފޭސްބުކް ޕޯސްޓެއްގައި ވެ އެވެ.
އެ ޕޯސްޓާ އެކު، ކުނިތައް ނަގައި ސާފުކޮށްފައިވާ ފޮޓޯތައް ވެސް ހިމަނާފައިވެ އެވެ.
އެންވަރަޔަމެންޓް މިނިސްޓްރީން ކުރި ޓްވީޓެއްގައި ބުނީ އެ މައްސަލަ ހައްލުކުރަން، އެ މިނިސްޓްރީ އާއި އީޕީއޭ އާއި ފުލުހުންގެ އިތުރުން ޓޫރިޒަމް މިނިސްޓްރީން ވަގުތުން ފިޔަވަޅު އަޅާފައިވާ ކަމަށެވެ.
ދިގުފަރު ރިސޯޓްގެ ކުނި ވަގުތީ ގޮތުން ޖަމާކުރާ ތަނަކަށް ކެޔޮދޫ ވީ ކީއްވެގެން ކަމެއް ނޭނގެ އެވެ. އެކަމަކު ފޭސްބުކް ޕޯސްޓްގައި އެ ރިސޯޓުން ބުނީ ކުނި ބަހައްޓާ ތަނެއްގެ ގޮތުގައި އެތަން ބޭނުންނުކުރާނެ ކަމަށެވެ.
ރިސޯޓްތަކުން އުކާލާ ކުނި ކަނޑަށް އަޅާ މައްސަލަ އަކީ ވެސް ގިނަ ބައެއްގެ ކަންބޮޑުވުމެކެވެ. އެ ކުނިތައް ރަށްރަށަށް ލައްގަ އެވެ. އަދި އަޑިއަށް ގޮސް ފަރުތަކަށް ވެސް ބޮޑެތި ގެއްލުންތަކެއް ފޯރުވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދޮށީކޮއި ޢަލީގެ މުޙައްމަދު
09 June 2019
އަދިކިރިޔާ ކުނިނައްތާލާނެގޮތްް ކިޔައިދޭނެ ސަރުކާރެއް މިލިބުނީ މިގެކުރިން ކުނި ކިޔާ އަޑުވެސް ނާހަން
ހަންޑިމޭން
09 June 2019
ކުނިތަަައް ތިންހަތަރު ފަސްތަނަށް އުފުލައިތަ؟ ނައްތާލުމަށް ތައްޔާރުވުމުގެ ގޮތުން. ތީ އަދި އަލަށް އަޑު އެހި ވާހަކައެއް. ގައުމީ މައްސަލައަކަށް ތި ކަންތައް ތިލަވި ހިސާބުން ޗާލުނަޔާ ހެދެން ވެގެން އަޕްލޯޑުކޮށްލި ފޮޓޯކޮޅެއް ތިޔާ. ތިވަރު ގަމާރެއް ނޫނޭ ދިވެހި ރާއްޖެތެރޭ ރަށްފުށު މީހާ ވެސް.
ޖައްލާ
09 June 2019
ކާކު މިރިސޯރޓައް އެފަޅުރަށައް ކުނި ޑިޕޮސިޓުކުރުމުގެ ހުއްދަ ދިނީ؟
ނެޑް
09 June 2019
ކޮންތާކުން ކާކު ދިން ހުއްދައެއްގެ ދަށުން ފަޅުރަށަކަށް ކުނި އަޅަނީ؟ މިކަހަލަ ރިސޯޓުތަކުގެ ހުއްދަ ބާތިލް ކުރަންވީ. ޑޮލަރު ފަހާ ދުވެވޭނީ ވަކިވަރަކަށް. މިދެން ބޮޑުވަރު.
ދިވެއްސެއް...
09 June 2019
ފިލާވަޅެއް ލިބޭ ވަރުގެ ޖޫރިމަނާއެއް ނޫން ގޮތަކަށް މިމައްސަލަ ނިމިގެން ނުވާނެ. އެނޫންގޮތަކަށް ނިމިއްޖެއްޔާ އެއިން އެގެނީ ގާނޫނުތައް ތަންފީޒުކުރުމަށް ސަރުކާރު ނުކުޅެވިފައިވާކަން.
ކަޅުބެ
08 June 2019
ކުނިނައްތާލާ ރަނގަޅު ނިޒާމެއް ނެތި ހުއްދަ ދެނީތަ
ކޮރަލްފަޅު
08 June 2019
ފަޅު ރަށްތައް އެއީ ގުދަން ތަކެއް ނޫނެވެ.
ނޫސްކިޔާމީހާ
08 June 2019
ކަލޯގެޔާވޭ . މިތިބަ ދިވެހި ވެރިން ގަމާރު ކުރުވިޔަސް ޢަހަރެމުން 5 ކުޅަނދު މަދު ރާއްޖެތެރޭ މީހުން ދަންނަމު އުކާނުލެވިހުރި ކުނިތަކެއް އެހެން ރަށަކަަށް އެރުވުމަކީ އެރަށް ގޮޑަކަށް ހަދައިގެން ބޭނުންކުރަން އުޅެނީކަން. ދެން ތިޔަ ދައްކާ އަޗާ ވާހަކަޔަކަޔަކީ ޖޫރިމާނާ އަކުން ސަލާމަތް ވާންވެގެން ހަދާލީ ޑިލެއްގެ އެއް ކޮޅުކަންވެސް.
ފޮނިޓައްޕު ހަސަނު
08 June 2019
ދިގުފަރު ރިސޯޓު ކުނި ހުނަންޖެހޭނީ ދިގުފަރުގައި. ތި ރިސޯޓުން ތިހަދާ އުކުޅަކީ އެތަނުގެ ކުނި 2 ހަފްތާވަންދެން އެހެންރަށަކަށް ޖަމާކޮށްފައި ބަހައްޓާފައި އަންދާލަނީ. ވައްސާރަވީމައި އެކަންތައް ނުކުރެވި އުޅެނިކޮށް ބަޔަކު ފޮޓޯނެގީ. އެންވައަރު މިނިސްޓްރީއަށް ގޮވާލަން ރިސޯޓްތަކުގެ ކުނިނައްތާލުމުގައި ހަރުކަށި ގަވާއިދު ހަދައި ކުނިއުކާލުމުގެ ލޮގް ފޮތްހަދައި އަދި ކޮންމެ 6 މަހަކުން ކުނީގެ ސޭޓްފިކޭޓް އައުކުރުމަށް.
ސަމޭދާން ބުނި ގަތޫރާ
08 June 2019
ދެން ސްކޫލުކުދިން އެއްކޮށްފާ ވެލާދައްކާ. އެހިސާބުން އެކަން އެނިމުނީ. މިހާ ސިންޕަލް ކަމެއް މީ.