ހއ. ދިއްދޫ
13 ޖޫން 2019 - 00:11
24 comments
ހއ. ދިއްދޫ ކައުންސިލުން ބާއްވާ ފުޓްބޯޅަ މުބާރާތުގެ މެޗެއް ހޫނުވެ ހިނގި ތަޅާފޮޅުމަށް ފަހު އެކަމުގައި ބައިވެރިވި ދެ ޓީމު ޑިސްކޮލިފައި ކުރަން އެދި އެ ރަށު ކައުންސިލް އިދާރާ ކައިރީ މިރޭ މުޒާހަރާ ކޮށްފި އެވެ. އެކަމަކު، ފުލުހުން ވަނީ ވަކި ހިސާބަކުން އެ އެއްވުން ރޫޅާލައި އެ އެންމެން އެ ސަރަހައްދުން ފޮނުވާލައިފަ އެވެ.
ދިއްދޫ މުބާރާތުގައި ކުޅޭ ކުޅުންތެރިއަކު "މިހާރު" އަށް މިރޭ ބުނީ ޓީމްތައް ކައުންސިލަށް ދިޔައީ މުބާރާތް އިތުރަށް ކުރިއަށް ގެންދިއުުމާ މެދު މަޝްވަރާ ކުރަން ކަމަށާއި މައްސަލަ ހޫނުވީ ތަޅާފޮޅި ދެ ޓީމް ޑިސްކޮލިފައި ނުކުރަން ކައުންސިލުން ނިންމުމުން ކަމަށެވެ.
އެކަމާ ހިތްހަމަނުޖެހުން ފާޅުކުރަން 200 އަށް ވުރެ ގިނަ މީހުން ކައުންސިލްގެ އިދާރާ ކައިރިއަށް އެއްވި އެވެ. އެ މީހުން އެއްވެ ތިއްބައި ހޫނުވި މެޗުގައި ކުޅުނު ޓީމެއްގެ ކުޅުންތެރިންނާއި ސަޕޯޓަރުން ކައުންސިލް އިދާރާގެ ތެރެއަށް ވަދެގަތް ކަމަށާއި އެކަން ހައްލު ކުރީ ފުލުހުން ކަމަށް ވެސް އޭނާ ބުންޏެވެ.
"ފުލުހުން މިހާރު ވަނީ ކައުންސިލް އިދާރާ ތެރެއަށް ވަދެގަތް މީހުން ދުރަށް ލާފައި. އެކަމަކު ކައުންސިލް އިދާރާގެ ކައިރީ އަދިވެސް 200 އަަށް ވުރެ ގިނަ މީހުން އެބަތިބި،" އޭނާ ބުންޏެވެ.
ކުޅުންތެރިޔާ ބުނިގޮތުގައި މުބާރާތުގެ ގަވައިދު ވެސް ތަންދޭތީ ރެފްރީންގެ ކޮމިޓީން ކުރިން ނިންމާފައި އޮތީ ތަޅާފޮޅި ދެ ޓީމާ ނުލާ މުބާރާތް ކުރިއަށް ގެންދަން ކަމަށާއި އެހެން ނަމަވެސް ކައުންސިލުން އެގޮތް ބޭނުން ނުވީ ކަމަށެވެ.
"ކައުންސިލުން ފަހުން ނިންމި ނިންމުމުގައި ރެފްރީންގެ ބަހެއް ވެސް ނެތް. މީހުން ބޮޑަށް ހިތްހަމަ ނުޖެހުނީ އެކަމާ،" މައުލޫމާތު ދިން މީހާ ބުންްޏެވެ.
މިކަމާ ބެހޭ ގޮތުން ދިއްދޫ ކައުންސިލްގެ ބަހެއް އަދި ނުލިބެ އެވެ.
ފުޓްބޯޅަ މެޗު ހޫނުވެ، ދިއްދޫގައި މިދިޔަ ހޯމަ ދުވަހު ހިނގި އެ ހަމަނުޖެހުންތަކުގައި ދެ ޓީމުގެ ކުޅުންތެރިންގެ ދެމެދުގައި މާރާމާރީ ހިންގުމުގެ އިތުރުން މެޗް ކުޅުނު ދަނޑުގެ ޓާފު ވެސް ވަނީ ހަލާކުކޮށްލައިފަ އެވެ. އަދި މެޗު އޮފިޝަލުން ތިބޭ ބެންޗަށް ވެސް ގެއްލުން ދިނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢެޑްމުންޑޯ
13 June 2019
ދިއްދޫ މީހުންނަކީ ހާދަ ނުލަފާ ބައެކޭދޯ ، އިއްޔެވަނީ ފޫޓްބޯލް ދަނޑުވެސް ހަލާކުކޮއްލާފައި ، އަދި ކައުންސިލް އިދާރާއަށް މަސްވެސް އެޅީ މިރަށުމީހުންނޭކިޔާ
ސައްޔާހު
13 June 2019
މަށަށް ފެންނަނީ ކައުންސިލް މެމްބަރުންނާ ތިޔަ މުބާރާތް ކުރިއަށް ގެންދަން ހަވާލުކޮށް މުބާރާތުގެ އޮފިޝަލުން އިސްތިއުފާ ދޭން. އެއީ އޮފިޝަލުން ނިންމާ ނިންމުން ގަބޫލްނުކޮށް ސިޔާސީބަޔަކު ނިންމާ ގޮތަށް ތި މުބާރާތް ގެންދިއުމަކީ ހަރުދަނާ ނިންމުމަކަށްނުވާތީ. މުބާރާތް ކުޅެނީ ތަޅާފޮޅާ ތަންތަނާއި ތަކެއްޗަށް ގެއްލުން ދޭކަށްނޫން. އެހެންވެ އޮފިޝަލުން ތިބުމުގެ ބޭނުމެއްނެތް އަދި އެމީހުންގެ ނިންމުންވެސް ގަބޫލެއްނުކުރޭ. ވަރަށް ސަލާން
ހޯލި
13 June 2019
ބަލަ ހާށިމާ މަގުމައްޗަށް ވެއްޓި އޮތްފާރު އޮންނަތާ 2 ހަފްތާވީ ހިނގާ ބިޮނގާވާ މީހުންނަށާ ދުއްވާ އެއްޗިުއްސަށް ކިހާ ބޮޑު ނުރައްކަލެއްތަ މީ ނުފެނޭބާ؟ އިންޞާފު ކޮބާ
ރާއީ
13 June 2019
ތިރަށު މީހުންނަކީ އަތޮޅު އޮފީހަށް މަސްކިރި މީހުން. ތިރަށު ކޮންމެ މީހަކުވެސް ކަންކުރާނީ އެމީހަކަށް ފެންނަ ގޮތަކަށް. ޚިޔާލު ތަފާތު ވާއިރަށް ރައްޔިތުންގެ މުދާ ހަލާކުކޮށް ސުންނާފަތި ކުރާބައެއް. ވަރަށް ނާތަހުޒީބު ބައެއް އުޅޭރަށެއް.
ސަކީނާގެ އަމާ
13 June 2019
ރޯ މަހެއް ނާޅާ ބާ؟؟؟؟
ސަކީނާގެ ބަފާ
13 June 2019
ނޫނޭ މިފަހަރު އޮތީ މެޓް ވީދުން..
އަލީ މާއިދު
13 June 2019
ހާދަ ޑީ ގުރޭޑް ބައެކޭ
ބޮސްގެ ބޮސް
13 June 2019
މޑޕ ޕްރޯ ރަށުގެ ހާލަތު!
މުރީދު
13 June 2019
މި ރަށަކީ ދިވެހިރާއްޖޭގަ އޮތް އެންމެ ނާތަހުޒީބު މީހުން ދިރިއުޅޭރަށް.
އާދަމް ހުސައިން
13 June 2019
މިއީ ކޮންމެ ބަޔަކު ކުރިކަމުގައި ވިޔަސް ވަރަށް ދަށުދަރަޖައިގެ އަމަލެއް. ޓާރފް ދަނޑު ހަލާކުކޮށްލީމާ ގެއްލުންވާނީ ކޮންބަޔަކަށްތޯ؟ މިފަދަ ނާތަހުޒީބު ކަންތައްކުރާ ބަޔަކަށް ކުޅިވަރުގައި ދެމިނުތިބެވޭ. މީ ކުޅިވަރުކުޅެން ހެޔޮވާވަރު ބައެއް ނޫން. ހަނގުރާމައަކަށްކުފު ހަމަވެދާނެ. އެކަމަކު ހަނގުރާމައިގައިވެސް ނަސްރު ނުލިބޭފަހަރު އާދޭ. ދެރަވަރު.
ކަންނެތްމޫސަ
13 June 2019
ކައުންސިލަކީ ބޮޑު ވަރިހަމާގެ ބަޔަކު ތިބި ތަނެއްް ރަށުގެ ތަރައްގީ ދޫކޮށްލާފަ އަލީލާން ބަލީލާ ކުޅުމުގައި އަވަދި ނެތި