ބަންޑާރަ ނައިބު ރިފްއަތު: ސަރުކާރުގެ ލެޖިސްލޭޓިވް އެޖެންޑާގައި 200 އަށް ވުރެ ގިނަ ބިލް ވަނީ ހިމަނާފައި -- މިހާރު ފޮޓޯ/ހުސައިން ވަހީދު
25 ޖޫން 2019 - 18:17
14 comments
ސަރުކާރުގެ ލެޖިސްލޭޓިވް އެޖެންޑާގެ ދަށުން ގާނޫނުއަސާސީ އަށް ގެންނަ ހަތަރު އިސްލާހަކާ އެކު 200 އަށް ވުރެ ބިލް ރައްޔިތުންގެ މަޖިލީހަށް ހުށަހަޅަން ނިންމައިފި އެވެ.
ބަންޑާރަ ނައިބުގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ބަންޑާރަ ނައިބު އިބްރާހިމް ރިފްއަތު ވިދާޅުވީ ސަރުކާރުގެ ސިޔާސަތުގެ ތެރެއިން އަލަށް ތައާރަފް ކުރަންޖެހޭ ގާނޫނުތަކާއި މިހާރު ހުރި ގާނޫނުތަކުގެ ތެރެއިން ޒަމާނާ ނުގުޅޭތީ އިސްލާހު ގެންނަން ޖެހޭ ގާނޫނުތަކާއި އުވާލަންޖެހޭ ގިނަ ގާނޫނުތަކެއް އެބަހުރި ކަމަށެވެ. އަދި ގާނޫނުއަސާސީ އަށް ވެސް ބައެއް އިސްލާހުތައް ހިމެނޭ ގޮތުން ޖުމްލަ 201 ބިލެއް ސަރުކާރުން މަޖިލީހަށް ހުށަހަޅާނެ ކަމަށާއި އޭގެ ތެރެއިން 47 ބިލަކީ ޚާއްސަ އިސްކަމެއް ދީގެން މިއަހަރު މަޖިލީހަށް ހުށަހަޅާނެ ބިލްތަކެއް ކަމަށް ރިފްއަތު ވިދާޅުވި އެވެ.
"ދިވެހިރާއްޖޭގެ އިދާރީ ދާއިރާތައް ލާ މަރުކަޒީ އުސޫލުން ހިންގުމުގެ ގާނޫނަށް އިސްލާހު ގެނައުމުގެ ބިލް އެއީ އަޅުގަނޑުމެން ވަރަށް މުހިންމު އަހަމިއްޔަތެއް ދޭ ބިލެއް. އެއާ އެކީގައި ޓެރަރިޒަމް މަނާ ކުރުމުގެ ގާނޫނަށް އިސްލާހު ގެނައުމުގެ ބިލެއް ވެސް އަޅުގަނޑުމެން ހުށަހަޅާނަން. އަދި އިންކަމް ޓެކްސްގެ ބިލާއި ޓެކްސް ނެގުމާ ބެހޭ އިދާރީ ގާނޫނަށް އިސްލާހު ގެނައުމުގެ ބިލް ވެސް އެބަ ހިމެނޭ." ރިފްއަތު ވިދާޅުވި އެވެ.
އޭނާ ވިދާޅުވި ގޮތުގައި ޚާއްސަ އިސްކަމެއް ދީގެން ސަރުކާރުން ހުށަހަޅާ ބައެއް ބިލްތައް މަޖިލީހުން މިހާރު ވަނީ ފާސްވެފައިވާއިރު، ބައެއް ބިލްތައް މިހާރު ވަނީ މަޖިލީހަށް ހުށަހެޅިފަ އެވެ. އެގޮތުން ރިޔާސީ ކޮމިޝަންގެ ބިލާއި ވަކީލުންގެ ބިލް މިހާރު ފާސްކޮށްފައިވާ ކަން އޭނާ ފާހަގަ ކުރެއްވި އެވެ. އަދި ފަސް އަހަރަށް ލެޖިސްލޭޓިވް އެޖެންޑާ އިއުލާން ކުރިޔަސް، އެއިރެއްގެ ހާލަތަށް ބަލައި ބިލްތައް އިތުރަށް ރިވިއު ކުރާނެ ކަމަށް ރިފްއަތު ވިދާޅުވި އެވެ.
"އާންމު އުސޫލަކީ އަހަރަކު އެއް ފަހަރު މުޅި ލިސްޓު އެކީގައި މުރާޖާކޮށް، ގެންނަންޖެހޭ ބަދަލުތައް ގެނައުން." ރިފްއަތު ވިދާޅުވި އެވެ.
ގާނޫނުއަސާސީ އަށް ގެންނަ އިސްލާހުގެ ތެރޭގައި ހިމަނާފައި ވަނީ އަދުލު އިންސާފު ދާއިރާއާ ގުޅޭ ބިލަކާއި ލާ މަރުކަޒީ އުސޫލާ ބެހޭ އިސްލާހު ގެނައުމުގެ ބިލަކާއި އެންޓި ޑިފެކްޝަން ތައާރަފް ކުރުމުގެ ބިލެއްގެ އިތުރުން މިނިވަން މުއައްސަސާތައް އިސްލާހު ކުރަން ގެންނަ ބިލެކެވެ.
މީގެ އިތުރުން 19 ދާއިރާއަކާ ގުޅޭގޮތުން އަލަށް ތައާރަފްކުރާ ގާނޫނުތަކާއި ގާނޫނަށް ގެންނަ އިސްލާހުތަކުގެ ގޮތުގައި 160 އަށް ވުރެ ގިނަ ބިލް އެ އެޖެންޑާގައި ހިމަނާފައިވެ އެވެ. އަދި ޒަމާނާ ނުގުޅޭތީ އުވާލަންޖެހޭ އަދި ގާނޫނަށް އިސްލާހު ގެނައުމުގެ 36 ބިލެއް ވެސް އެ އެޖެންޑާގައި ހިމަނާފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިސްލާހު
26 June 2019
މަޖްލިސް މެމްބަރުން އަމިއްލައަށް މުސާރައާ އިނާޔަތް ބޮޑު ކޮށްފައި ރައްޔިތު މީހާއަށް ލިބޭ އިތިކޮޅު ކުޑަވާ ގޮތަށް އޮންނަ އޮތުން ބަދަލު ކޮށްލާ ގާނޫނެއް ނެތެއްނު. އަދި ރެއާ ދުވާލު ހޭބޯ ނުލަވާ ކުރާ މަސައްކަތުން ހަމަ އެކަނި ގޭގެ ކުލި ދައްކާލާފައި އެހެން ކަމެއް ކޮށްލާނެ ފައިސާކޮޅެއް ރައްޔިތުމީހާ އަތުގައި ނެއްދުވަސް މާޒީ ކަމުގައި ވާނެ ބިލެއް ކޮބާ؟ މީ އެންމެ މުހިންމު ކަންތައްތައް.
ނެގުނުކަތީބު
26 June 2019
ރިފްއަތޭވޭ! ރޮންކުރު ނުކިއްސަރު ކުއްލި ރުޅީގައި ތިއަޚްލާގާއި ސްލޫކު ބަދަލު ކުރާކަށް ނުވޭހޭ؟
ަޗަކޮއެ
26 June 2019
އެންޓިޑިފެކްޝަން ތައާރަފްކުރުމޭ.... ކީހާޅެން ފަރިއްސަވެނިމުނީ. ރާކަނިމަސް ގާޑިޔާތަކުން ހިލޭ.
އަހުމަދު ހަންދަމާ
25 June 2019
މިބިލްތަކުގައި މާލޭމީހުން ނަގާ ޑިޕޮސިޓް ފައިސާ އަނބުރާ ދޭން އިންސާފުވެރި އުސޫލެއް ނެތްތަ ؟
ކަމެއްދޯ
25 June 2019
މާލޭ މީހަކު ނޫނީ ޑިޕޮސިޓް ފައިސާއެއް ނުނަގާތަ؟
މުނާ
25 June 2019
އަދިވެސް ޔަޒީދު ބޭރު ކުރާކަށް ނުވޭތަ
ބޮޑުމީހާ
25 June 2019
200 ބިލްގެ ތެރޭގައި ބޯހިޔާވެހިކަމުގެ ބިލް ހިމެނޭތަ. މިދުނިޔޭގައި ބޮލަކަށްޖެހޭ ފައިސާގެ އަދަދު އެންމެ ގިނަ، އެންމެ ހާލުގަ ރައްޔިތުން އުޅޭ ގައުމުމީ. 24 ގަޑިއިރުގެ ތެރެއިން އެވްރެޖްކޮށް ކޮންމެ މީހަކުވެސް 18 ވަރަކަށް ގަޑިއިރު މަސައްކަތުގެ ހޭދަކުރޭ، ކުލި ހަމަކުރަން. ނިދުމާއި އާއިލާއަށް ދެވެނީ 6 ގަޑިއިރު.
ޓެކް
25 June 2019
މި ފަހަރު މީ ރައްޔިތުންގެ ފަހަރު. ބަދަލު އަންނާނެ. ހެޔޮ ބަދަލަށް ހެދޭތޯ އެންމެން ހެޔޮ ދުޢާ ކޮށްދޭންވީ. ހަމަ ގައިމު ވެސް މަޖިލީހުގެ ރިޔާސަތުގައި އެހުންނެވީ ވަރުބަލި ކަމެއް ފޫހިވުމެއް ނެތި މަސައްކަތް ކުރާ ފަރާތެއް.
ބޯވާ
25 June 2019
ޤާނޫނީ ފަލްސަފާއާއި ޝައިޠާނީ ފަލްސަފާއާއި މިއީ މުޅިން ދެ ފަލްސަފާއެކެވެ. އެހެނީ، ޤާނޫނީ ފަލްސަފާއެއްގައި އޮންނާނީ ނިޔާއެވެ. ނަމަވެސް ޝައިޠާނީ ފަލްސަފާއެއްގައި އޮންނާނީ އަނިޔާއެވެ. ޖަލުގޭގައި ހިނގަމުންދާ އަނިޔާވެރި ޢަމަލުތައް ހުއްޓުވުމަށްޓަކައި ޤާނޫނުހެދުމުގެ ވާހަކައާއި ޢިމާރާތަށް ބަދަލުގެނައުމުގެ ވާހަކަދައްކާއިރު، އަނިޔާ ލިބެމުންދާ މީހުންގެ ސަލާމަތާއި ދޭތެރޭގައި އެއްގޮތަކަށްވެސް ބަންޑާރަ ނާއިބު ބަލައިނުލައެވެ.
ފޫހި
25 June 2019
މިޑޭނެވަރަކަށް މިފަހަރު މޮޑެލާތި. ތިޔައޮތީ ބާރުލިބިފަ. ތިޔަ ގާނޫނުތަކުގެތެރޭގައި ރައްޔިތުންނަށް ރައްކާތެރިކަން ލިބޭނެ ބިލެއްނެތް. ބިދޭސީން މަދުކުރާނެ ބިލެއްނެތް ކުދިވިޔަފާރިތަކަށް ހިމާޔަތެއްނެތް.
ވާންބެ
25 June 2019
ބްރަދާރ.... ވާވަރުގެ ކަންކަން ކިޔަންވީނޫންތޯ ފުރަތަމަ. ނިކަން ކެރެންޏާ ގާނޫނީ ހުރިހާ ކަންކަން ފުރިހަމަ ކުރުމާއެކު ބިދޭސީންގެ ކަންކަން ދެތިންމަސްތެރޭގައި ހައްލުކޮއްލަންވީ ނޫންތޯ... ގައިމު ރައްޔިތުންނަށް ބޮޑުލުއިކަމެއް މިކަމުން ލިބޭނެ.... މުޅި އިމިގްރޭޝަން ބޮއްސުންލާފަ... އިކޮނޮމިކް މިނިސްޓްރީ ވާނުވާގަ... ހެދިފައިހުރި ޤާނޫނުތައް ރަނގަޅައް ތަންފީޒުކޮށްފަ އެހެން ކަމަކާ އުޅޭ... މިއުޅެނީ ގާނޫނުތައް މަދުވެގެންނެއް ނޫން.... ތަންފީޒު ނުކުރެވިގެން.....