ކުޑަކުދިންގެ ހިޔާގެ ބޭރުން ނަގާފައިވާ ފޮޓޯއެއް: ކުޑަ ކުއްޖާއަށް އަނިޔާ ކުރި މައްސަލަ ޖެންޑާ މިނިސްޓްރީ އިން ވެސް އަންނަނީ ބަލަމުން -- ފޮޓޯ / ކުޑަކުދިންގެ ހިޔާ
02 ޖުލައި 2019 - 11:16
16 comments
ކުޑަކުދިންގެ ހިޔާގައި ހުއްޓާ ގެއްލުނު ޝައިމް އަބްދުﷲ ފޮރުވައިގެން ގެންގުޅުނު ނަމަ އެ ބަޔަކާ ދެކޮޅަށް ފިޔަވަޅު އަޅާނެ ކަމަށް ފުލުހުން މިއަދު ބުނެފި އެވެ.
ފުލުހުންގެ މީޑިއާގެ އޮފިޝަލަކު ވިދާޅުވީ ޝައިމް ފިލައިގެން އުޅުނު މައްސަލަ ތަހުގީގުކުރަމުން އަންނަ ކަމަށެވެ. އެކަން ތަހުގީގު ކުރާއިރު ބަޔަކު އޭނާ ފޮރުވައިގެން ގެންގުޅުނުކަން ފާހަގަކުރެވިއްޖެ ނަމަ އެ މައްސަލަ ބަލައި ފިޔަވަޅު އަޅާނެ ކަމަށް ބުންޏެވެ.
ދައުލަތުގެ ބެލުމުގެ ދަށުގައި ހުއްޓާ ޝައިމް، 14، ގެއްލިގެން ފުލުހުންނަށް ރިޕޯޓުކޮށްފައި ވަނީ މިދިޔަ މަހުގެ 18 ވަނަ ދުވަހެވެ. އަދި އެ ކުއްޖާ ހޯދަން ފުލުހުން އާންމުކޮށް އިއުލާންކުރީ މިދިޔަ މަހުގެ 20 ގަ އެވެ. އެ އަށް ފަހުން ތިން ގެއެއް ބަލާ ފާސްކޮށްފައި ވެ އެވެ.
ކޯޓު އަމުރެއްގެ ދަށުން ގަދަބާރުން ވަދެގެން ފުލުހުން އިއްޔެ މެންދުރު ދޭއް ޖަހާކަން ހާއިރު ޝައިމް ހޯދީ މާލޭގެ ގެއަކުންނެވެ. ކުއްޖާގެ ރައްކާތެރިކަން ކަށަވަރުކުރުމަށްޓަކައި ކުރަންޖެހޭ އެންމެހާ ކަންކަން ކަމާބެހޭ މުއައްސަސާތަކާ ގުޅިގެން ކުރަމުން އަންނާތީ ވަގުތީ ގޮތުން އޭނާ ހުރީ ފުލުހުންގެ ރައްކާތެރިކަމުގެ ދަށުގަ އެވެ.
އެ ކުއްޖާ ގެއްލުނު މައްސަލައާ ގުޅިގެން ޖެންޑާ މިނިސްޓަރު ޝިދާތާ ޝަރީފް ވިދާޅުވެފައި ވަނީ ޝައިމް ގެއްލުނީ ބަލަންވާ ވަރަށް ނުބެލުމުންކަން ގަބޫލުކުރައްވާ ކަމަށެވެ. ކުށުގެ ވެށީގައި އުޅެނިކޮށް އެ ކުއްޖާ މިދިޔަަ މަހުގެ ކުރީކޮޅު ދައުލަތުގެ ބެލުމުގެ ދަށަށް ނެގީ ހަވާލުވާނެ ބަޔަކު ނެތުމުން ކަމަށެވެ. އާއިލާ އިން ވެސް ޝައިމްއާ ހަވާލުވާން ދެކޮޅު ހެދިއިރު، ބެލެނިވެރިން ވެސް އޭނާ ގޭގައި ބަހައްޓަން އެއްބަސް ނުވި ކަމަށް މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިންސާނާ
03 July 2019
ޝައިމް ފިލަން ބެޑްށީޓް ބޭނުންކޮށްފަވާނަމަ ބެޑްށީޓް ރާއްޖެ އެތެރެކޮށް ވިއްކިފަރާތަކާމެދު ފިއަވަޅު އަޅުއްވާނަންތޯ
ކުޅުދުއްފުށީ ހަރު މީހެއް
02 July 2019
މި ކުއްޖާ ފެނުނު ގޭ މީހުން މި ކުއްޖާ ފުލުހުންނާ ހަވާލު ނުކޮއް ގޭގައި ބެހެއްޓީމައި އަދިވެސް ފޮރުވައިގެން އުޅުން ކަމެއް ފުލުހުންނަކަށް ފާހަގައެއް ނުވޭ ، ގަމާރުވިޔަސް ތިވަރު ފުކެއް ބޮޑު.
ޗާބެ
02 July 2019
އޭނަ ފެނުނީ އެގެއަށް ވަގަށް ވަދެ އޮއްވާތަ؟
ކޮންސިއްރު
02 July 2019
އެމީހުންނާމެދު ފިޔަވަޅު އަޅާނެނަމަ ފެނުނުތަނެއް އެކުއްޖާ ގެންދިއަ ބައެއް ހާމަ ނުކުރެވެނީ ކޮން ކަހަލަ ސަބަބަކާ ލައިގެންތޯ؟
ޓާޒަން / ބ.ހިތާދޫ
02 July 2019
މިކުއްޖާ ފޮރުވި ބަޔަކަށްށާއި ލުތުފީ ފޮރުވިބަޔަކަށް ފިޔަވަޅުއަޅަންޖެހޭ. މިހެން ބުނާއިރުވެސް އިނގޭ ނޭޅޭނެކަން.
ވާލުސޮރު
02 July 2019
ޕާޓޭންގެ ކަންތައް ރާއްޖޭގައި މިއޮތީ ކޮންޓްރޯލުން ނެއްޓިފަ. އެމީހުން މަސްތުވާތަކެތި ވިއްކުމާއި އަގުބޮޑު ކެފޭތަކާއި ކާރާއި އަދި ފުޓުބޯޅަ ކުލަބުތައް ހިންގަނީ ބުރަ މަސައްކަތްކުރާ މީހުންނަށް މަލާމަތް ރައްދުވާ ލެވެލްގަ. ތި ސޮރު ބަހައްޓަންވީ ޖަލުގަ
ނޯލާފް
02 July 2019
އެމީހުން އެހެން އުޅުމަކުން އެއީ ބުރަ މަސައްކަތްކުރާ މީހުންނަށް ރައްދުވާ މަލާމާތެއްނޫން. އެމީހުން ނުގޮތުގައި ހޯދާ ފައިސާއިން ކިތަންމެ ތަނަވަސްކަމެއް ހޯދިއަސް ހަލާލު ފައިސާ ހޯދާ މީހުން އެކަމާ ކަހަރުވަކެކޭވެސް ހީވެގެންނުވާނެ. ހަލާލު ގޮތުގައި ބުރަ މަސައްކަތުން ފައިސާ ހޯދަނީ އެންމެ ފަރާތެއްގެ އެންގެވުމާ އެއްގޮތަށް އުޅެންވެގެން. އެކަމުން ތިމާ މީހާ އާސްމާނަށް އަރާވަރަށް މުއްސަނދިނުވިއަސް އެއީ ލިބޭ ދެރައެއް ނޫން އަދި ލަދުގަންނަންވީ ކަމެއްވެސް ނޫން.
ރަދީފު ބިންތު ކުމާރު ބިންތު މަރޭ
02 July 2019
ފޮނިއަނގަނުތަޅާ. ޑރ. އަފްރާޝީމު ގަތުލުކޮށްލެވުނީމަވެސް ބުނި ނުފުރޮޅާ އެންމެ ގާކޮޅެއްވެސް ނުބާއްވާނަމޭ. ގާފުރޮޅިލެއް ގިނަކަމުން އެކަން ނިމުނީ ހުމާމާހަމައިން. އަދިވެސް މިއުޅެނީ ފައިނޭންސްކުރިބަޔަކު ދެނަނުގަނެވިގެން.
ބޮޑުމީހާ
02 July 2019
މިގައުމުގަ އޮންނަނީ ތަހުގީގުކުރުމާއި ފިޔަވަޅު އަޅާ ވާހަކަދެއްކުން. ކޮންއިރަކުތަ ފިޔަވަޅު އަޅަނީ
ވާލުސޮރު
02 July 2019
ފިޔަވަޅު އަޅަނީ ކޯޓުން، އެހިސާބުން އޮންނަނީ މައްސަލަ ދިގުދެމިފަ ނޫނީ ދޫކޮށްލާފަ
ޢަހްމަ
02 July 2019
ކޮބާހޭ ތި ކުއްޖާ؟ ހީވަނީ އަދިވެސް ނުފެނޭހެން ޑްރާމާއެއްކުޅުއްވާހެން ވައްތަރީ، އެންމެފަހުން ތީތިވެސް އަތަށް ގޮވާނެ. ހާމަކުރަންވީއެއްނު، ހުރިތަނަކާ ހޯދިގޮތެއް. އެއްވެސް މީހަކަށް ތިބުނާފަދަ އޮޕަރޭޝަނެއް ހިންގިތަނެއް ނުފެނޭ. ފެނުނު ނޫސްވެރިޔަކުނެތް ފޮޓޯއެއްނެތް.
ފާފުން ފިޔަވަޅު
02 July 2019
ގެއްލުވާލި ބަޔަކަށް ފިޔަވަޅު ނާޅަންތޯ؟